إعـــــــلان

تقليص
لا يوجد إعلان حتى الآن.

بحبكْ ❤ ~ بس بعيد عن اللغة و القوآعد ツ ~

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بحبكْ ❤ ~ بس بعيد عن اللغة و القوآعد ツ ~






    هـــــآي ~~

    فكرة موضوعي بسيطة كتير و حلوة أكتر ..
    هو عبآرة عن مسآحة صغيرة لنكتب فيهآ خربشآتنا
    لنقول فيهآ كلمة
    بحبك و رسآلة حب نبعتها بالسرئة ~


    بس ما رح تكون مكتوبة بقصيدة موزونة ع بحور الشعر ..!
    و لآ فيهآ أي تكلف و صور فنية و تشآبيه مستعآرة
    مَ رح ندقق ع
    الفتحة والضمة و الشدة


    بإختصآر الموضوع رح يكون باللغة المحكية ( العآمية ) ~
    رح نعبر فيه عن مشآعرنآ بصدق
    بدون أي تكلف بدون أي تصنع و استعارات



    بتمنى تكون الفكرة وصلتكن ..
    و تحبوها و تلائي عندكن القبول
    و هلأ اتحفوني بخرآبيشكن
    _______________
    ~~ تسنيم ~~

  • #2
    ولك يؤبرني رب صبآحك أيـــــه !!
    طيب بمين بلش ؟ فيك و لآ بنسكافيتي ؟
    يالله لو فيي بوس الشمس ألف مرة لأنو اجت على وشك
    على عيونك على شفافك ..
    خليني حبك أكتر بهالصبح ,, خليني اعشقك أكتر بهالصبح
    بلكي بصير أحلى |~
    بلكي بيرجع فيي الوقت لوراا ,,
    و عيش طفولتي ومراهقتي و شبابي كلو معك ..
    دبدوبي .. صباحك حبيبي

    تعليق


    • #3
      مآ كنت زلمة عآدي .. كنت وطن ..
      بعمري ما حسيت بغربة معك .. على طول عايش جواتي ..
      محاوطني وين ما رحت ..
      كل شجرة ياسمين كانت تزكرني بريحتك
      كل شمس بتطلع بتزكرني بحضنك
      كل غنية لفيروز حسها بصوتك .. صوتك يلي بعشقو ..
      طيب كيف بدي اشفى منك ؟ كيف بدي طلعك مني ؟؟
      كيف بدي اتقبل فكرة انك بعيد .. و انك مو الي ..
      و كل شي حواليي برجعني الك ..
      بتعرف شو ,
      ما في إلا حبك .. الا اعشقك .. ما عندي خيآر تآلت
      و ما بدي غيرك , و مابدي اشفى منك ,,
      بحبك ~

      تعليق


      • #4
        ...

        يسلملي دبدوبك ههههههههه


        سوما نحنا بشهر شعبان شهر فضيل
        خلينا نكتر مواضيع تليق فيه ، هوي الحب ما بينشبع منه بس الحب الحلال و بخاف بهالموضوع ما ينشطح الفكر

        و نكون عما نملي وقتنا باشيا غير مفيدة تحضيراً لرمضان

        هي مجرد وجهة نظر
        التعديل الأخير تم بواسطة ; 06-16-2013, 11:53 AM.

        تعليق


        • #5
          ...

          المشاركة الأصلية بواسطة Rainbow مشاهدة المشاركة
          يسلملي دبدوبك ههههههههه
          هههه لآ تحكي ع دبدوبي يسلملي الي لحالي
          نورتي الموضوع قوس قزح



          المشاركة الأصلية بواسطة Rainbow
          سوما نحنا بشهر شعبان شهر فضيل

          خلينا نكتر مواضيع تليق فيه ، هوي الحب ما بينشبع منه بس الحب الحلال و بخاف بهالموضوع ما ينشطح الفكر

          و نكون عما نملي وقتنا باشيا غير مفيدة تحضيراً لرمضان

          هي مجرد وجهة نظر
          بحترم وجهة نظرك
          و كل شخص على دينو الله يعينو
          التعديل الأخير تم بواسطة ; 06-16-2013, 11:33 AM.

          تعليق


          • #6
            من يوم الي عرفتك صرت حرة ..
            سكنت السما و أنا على الأرض
            من يوم الي عرفتك ..
            صآرت الروآيآت غير ..
            و الأفلآم غير ..
            و الأغاني غير ..
            صآر لكل شي مع حبك طعم تآني ..!
            من يوم الي عرفتك ..
            حبيت حآلي أكتر .. و حليت أكتر ~
            و تأكدت أنو مآ في حدآ بيستآهل أنوثتي غيرك ..
            بس .. كل شي بحبك عم بعاندني
            كيف بدي ارشيه للبحر حتى يجيبك لعندي !؟
            كيف بدي ارشيه للوقت و انطرك أكتر !؟
            كيف بدي ارشيه لقلبي ليصبر أكتر !؟
            من يوم الي عرفتك .. و أنآ بحبك و كل يوم أكتر
            هآد بس يلي فهمتو !! ..

            تعليق


            • #7
              معتر يَ قلبي معتر ..
              مسكين شو انظلمت ..
              درويش .. متل أهل الشآم ..
              بسيط .. متل قلب أم نآطرة ابنها من الغربة ..
              بريء .. متل بنت بأول طلعتها ما داقت من الحب مروو ..
              مكسور .. متل بلور بيت جدي ناطر مين يصلحو ..
              بردآن .. عم ترجف متل عصفور مضروب برصاصة ..
              مشتآق .. لكلمة منو ..
              لعطرو ..
              لصوتو ..
              يا قلبي لآ تتعب قلبك ..
              ما حدا هون ..
              سكر ه الشباك و تعى نغفى شوي
              بلكي بننسى ~

              تعليق


              • #8
                من يوم يومي مابدي حب حدا
                ولا مفكر بالموضوع أساساً


                شلون فتلتيلي عئلي !!






                طالما الموضوع بعيد عن الفصحى بياخد مني عشرة ونص من عشرة
                يسلمووو تسنيم ع الموضوع الخارق للعادات والتقاليد
                أتحفتينا


                التعديل الأخير تم بواسطة ; 06-16-2013, 12:07 PM.

                تعليق


                • #9
                  المشاركة الأصلية بواسطة r-mido مشاهدة المشاركة
                  من يوم يومي مابدي حب حدا
                  ولا مفكر بالموضوع أساساً


                  شلون فتلتيلي عئلي !!






                  طالما الموضوع بعيد عن الفصحى بياخد مني عشرة ونص من عشرة
                  يسلمووو تسنيم ع الموضوع الخارق للعادات والتقاليد
                  أتحفتينا


                  هههههه تقييمك بهمني كتير أبو الميد
                  و ادعيلي ينزل علي الوحي وكترلكن مواضيع ههههههه
                  نورت الموضوع بوجودك و خليني ع طول شوووفك هون أيوا ..

                  تعليق


                  • #10
                    لو تعرف أديه متدآيقة منك .. بس مآ رح حاكيك شي و رح ابتسملك ..
                    لأنو الموت كترآن بهالبلد يآ حبيبي ..
                    ما بعرف ايمتى رح يغدرني القدر ويسرقك مني ..
                    رح سآمحك و سآمحك و سآمحك .. و أهم شي .. رح حبّك أكتر و أكتر ..

                    تعليق


                    • #11
                      بس إزا سألوك عنا .. : "ليش مالكن سوا ؟ "
                      لآ تقول نصيبنا .. و لآ تقول قدرنا ..
                      هاد مانو قدرنا ..
                      قدري إني كون معك ..
                      قول إنك رحت بكل بسآطة ..
                      إنك خلقت قدر بشع من عندك ..
                      قول الحقيقة ..

                      تعليق


                      • #12
                        _ ليش بتضلي بتقولي أنو كل الشبآب متل بعضهن ؟!
                        _ لأنو الشبآب كلُن متل بعضُ
                        و بالعلآمة بقدر قلك ايمتى رح تتركني , و كيف رح تحآول ترجعلي
                        و ايمتى رح تنسآني , و ايمتى رح يغدرك الحنين ..

                        تعليق


                        • #13
                          _ هلق ليش بتحبي تكزبي كتير ؟!
                          _ بدك الصرآحة ؟
                          _ أي ؟
                          _ لأني من لما ارتبطت فيك , إتعلمت حبّ الإشيآ يلي بتحبها ,
                          و صآر يلي صآر ..

                          تعليق


                          • #14
                            مآ بكفيني إنك تشوف وتزعل على يلي عم بكتبو ..
                            بدّي يآك تحسْ بكِل حَرف مآ كتبّتو ..!!
                            بدي تحسّ فيني .!

                            تعليق


                            • #15
                              تخيل نرجع صغآر ..
                              و نحب بعض متل الاطفآل ..
                              حب برآئة , مى حدآ دريآن فينا
                              نحب بعض و لآ أنا أقدر إتركك و لآ إنتا تقدر تتركني
                              الأطفآل ما بيتركو بعض ..
                              هيك نحب بعض و نضل مع بعض
                              مآ نكبر ولآ بدنا نكبر أصلا !!
                              بدي ضل حبّك كطفلة ,, و تحبني كطفل
                              و هيك

                              تعليق

                              يعمل...
                              X