إعـــــــلان

تقليص
لا يوجد إعلان حتى الآن.

تعال تعرف عالمجانين :)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تعال تعرف عالمجانين :)

    الى اولئك المجانين , الغير اسوياء , الثائرون ,
    صانعوا المتاعب , الاوتاد المدورة في الحفر المربعة,
    الى اولائك الذين يرون الاشياء بشكل مختلف
    انهم غير مغرمون بالقوانين
    ولايستطيعون احترام الوضع الراهن
    بامكانك ان تقتبس منهم
    تختلف معهم
    بامكانك ان تمجدهم او ان تحط من قدرهم
    ولكن هناك شيء وحيد لا تستطيع فعله وهو ان تتجاهلهم
    لانهم يغيرون الاشياء
    يدفعون الجنس البشري الى الامام
    وعندما يراهم البعض مجانين
    نحن نراهم عباقرة
    لان الاشخاص الذين لديهم الجنون الكافي لتغيير العالم... هم من يغيرونه بالفعل

    هدول كلمات اعلان (دعاية) انعرضت لاول مرة بالعالم عالتي في سنة 1997
    والدعاية كانت لـ



    واسم الحملة الاعلانية Think different
    فكر باختلاف


    وكان في خلاف على قواعد الكلمة
    باختلاف بس ستيف جوبز (العظيم) اصر انو تضل هيك لتمثل روح الاختلاف


    كانت هي الكلمات جوهر تبلور رؤية ستيف للشركة

    وكان هاد الاعلان هو ولادته من جديد بعد مارجع لشركته بنفس السنة ... بعد ما اخدوها منو 11 سنة


    كانت ابل عم تموت وعم تفلس وئت رجعلا
    ورجعت بعدا الروح للشركة واستمرت لحد هلئ حتى بعد ماراح


    وجهة نظره انو لازم نهتم بالحدى يلي بيفكر بطريئة مختلفة اد ماكان مجنون


    ولحتى يثبت هاد الشي عمل هاد الاعلان مصور


    سمته الميديا بوئتا اعلان الستون ثانية مدتو بس 60 ثانية


    بس بعد مايخلص يمكن بتضلك تقرأ وتدور اشهر لحتى تعرف حالك شو شفت




    وبعد ماشفتو الفيديو هي اسماء الشخصيات متل ما طلعو بالتسلسل ... وانتو اكتشفو كل واحد شو كان انجازه بالحياة
    1- البرت اينشتاين
    2- بوب ديلان
    3- مارتن لوثر كينغ
    4- ريتشارد برونسن
    5- جون لينون مع زوجته يوكو اونو
    6- بوكمينستر فولر
    7- توماس اديسون
    8- محمد علي كلاي
    9- تيد تيرنر
    10- ماريا كالاس
    11- ماهاتما غاندي
    12- اميليا ايرهارت
    13- آلفريد هيتشكوك
    14- مارثا غراهام
    15- جيم هينسون (مع كيرميت ) الضفدع كامل
    16- فرانك لويد رايت
    17- بابلو بيكاسو


    وباخير الفيديو منشوف طفلة فتحت عيونا ... متل كانها كانت عم تتمنى امنية وخلصت

    فيك تعيش حياتك متل ما حكولك عليها يلي حوليك ومتل ما ورجوك ياها ومتل ما شرحولك .. وحتعيشا بنفس الاسلوب وكلامهم صحيح
    بس فيك تجرب تعيشا بطريئتك وتساوي اشياء بتخصك وباسمك واسلوبك وطريئتك
    حتى لو كانت بابسط الادوات يلي ممكن تستعملها بحياتك اليومية


    المهم انك عملت تغيير ولو بشي بسيط عن الشي التقليدي الئديم

    وئت شفت الفيديو كان بسنة الـ 99 وماكان في ويكيبيديا ولا في غوغل لحتى دور ماحزرت الـ 17 كلهن عرفت منهن 8 بس وكل سنة كنت اكتشف حدى جديد
    عرفتن كلهن بسنة الـ 2008 وكانت تجربة ممتعة
    بس هلئ بتصور صارت اسهل عالكل انو يعرفو مين هدول الناس وشو عملو وكيف كل الدنية كانت تشوفهن مجانين او معاتيه او غير منطقيين

    بس لولاهن حياتنا هلئ ماكانت هيك

    وطبعا من بيناتهن اخر واحد غادرنا وهو رقم 18 ستيف جوبز


    الي امنية من اي حدى بيئرا هاد الموضوع .. اذا كنت انت من بين هدول المجانين او كنت بتعرف حدى منهن .. استمر ولا توئف


    ولو كلشي كان ضدك استمر وشجع انو هالشي يستمر



    وحاجة لهون ... ماضل عندي شي اكتر من هيك لحتى اعطيه

  • #2
    وهي بمشاركة لحالا
    يلي بحب يعرف اكتر والنص بالانكليزي الاساسي


    الترجمة مو كتير عظيمة وعبقرية ... متل العادة ترجمتي تمشاية حال

    واذا حدى بيئدر يترجما احسن بيكون افضل بس يحاول يحافظ عالروح تبع النص

    تعليق


    • #3
      صباح الخير
      اي والله عن جد يعني لما بيئولو مجانين عنهن بيكونو هنن المجانين
      لماالواحد يا خد فرصتو ويعبر ويلي حولو يفسحولوو المجال للتطور
      من غير تكسير مئاديف اكيد رح يطلع معو اشيا كتير بس للاسف عنا
      مافي هيك نوع من التعاون
      عندي موضوع هون
      ستيف جوبز: قصة رجلٍ ألهم العالم ورحل وهو في قمة نجاحه!

      يمكن بيفيد
      وهاد كمان

      أشهر 10 عُظماء ” مجانين ” في التاريخ !


      الف شكر الك على الطرح يلي عن جد رااائع




      تعليق


      • #4
        لو كان الجنان كده !! يبقى اتجنن
        ههههه
        ياريت كل المجانين هيك والله

        تعليق


        • #5

          تعليق


          • #6
            المشاركة الأصلية بواسطة Chris مشاهدة المشاركة


            وحاجة لهون ... ماضل عندي شي اكتر من هيك لحتى اعطيه
            غريبة آخر جملة بالموضوع
            شكلك تركتنا كريس ..
            ع كل شكراً ع كل المعلومات يلي ئدمتها إلنا وقت كنت موجود
            و يعطيك العافية ع المجهود

            تعليق


            • #7
              فعلا كتار من هالسبطعش اتهموهم بالجنون او حاربوهم بأي طريئة تانية
              ع ئول ترف اذا كان الجنون هيك فيا مرحبا

              تعليق


              • #8
                الله يهديون يارب
                sigpic

                تعليق

                يعمل...
                X