يــــــا ريتني ولد ...عمرك حكيتيها شي؟؟؟

[♪♪زهرة اللوتس♪♪]

صباحو لكل حبيباتي الروزيات الكرام

بندخل بالموضوع عا طول

هلئ هاد الكلام شفتو عا الفيس بوك:


عندما يُسمح للولد بالسّفر
مع اصدقائه والرّجوع مُتأخرًا
وتُمنع الفتاة من زيارة صديقاتها ؟
تسمع كلمة / ياليتني ولد
-
عندما يغلط الفتى مع الفتاه
يُقال عنه " طيش شباب "
ويُقال عنها " فاجِرة " ؟
تسمع كلمة / ياليتني ولد
-
عندما يُعاكس الفتى في مكانٍ عام
يُصبح ؛ ضحيّة ومفتون ؟
ويُصبحن مُتبرّجات !
تسمع كلمة / يا ليتني ولد
-
عندما يكون الّرجل عازب
والمرأة عانس !
تسمع كلمة / ياليتني ولد
عندما يُرحّبُ بالمطلّق
وتُنبَذُ المُطلّقة ؟
تسمع كلمة / ياليتني ولد
-
فماذا استفدنا من هذهِ النّظريّة ؟
ماذا بعد تقدير الرّجل ؟
اصبحت النّساء يتنكّرن كرجال ؟
والّرجال يبحثون عن رجالٍ مثلهم
لانّ الرّجل لم يعد رَجُلاً
والمرأة لم تعد ؛ تعتزّ بكونها .. امرأة !

فهي كما يقولُ المُجتمع :
عوره في جميع حالاتها !
شُكرًا مجتمعي الراقي



هلئ بنجي لحكي انا
هلّا أنا مني وعلي ما عمري قلت يا ريتني ولد




بس ربّنا الله ، بنقهر مرات لاني بنت وبنقهر من كلمة " إنتي بنت وهو شب "

وانتي عند بيت اهلك و بس تنخطبي و بس تتجوزي بتعملي يلي بدك ياه ,,

وازا لا سمح الله صار في حالة طلاق ، كتير بيسمعوها ، انو انتي مرأة وهو رجل

شو رأيكن بالحكي صبايا ؟

شباب صراحة ، بتحسوا حالكم بتنحسدوا لأنكن"ذكور" ؟



مع اني ما بطييء اتخيل اني شب لسا بدّي اقعد كوم حالي 7 سنين مشان اتجوز و دوّر ع عروس و يييييييي الله يعينكن

هاتو لشوف حكولنا شو بتقولوااا

[r_mido]

بهالاوضاع اللي عايشينا هلأ يروح الواحد يتحول لبنت اشرفلو ههههههههههه

[نور عاشقة الاسد]

له له له له له
بدك تصير بنت يا ميدو

[Rabya]

بحياتي ما فكرت ولا رح فكر ابدا مشان الشب يضلو شايل همنا ههههههههههههههههههههههه

[♪♪زهرة اللوتس♪♪]

بهالاوضاع اللي عايشينا هلأ يروح الواحد يتحول لبنت اشرفلو ههههههههههه

ايه تحولواا عادي صارت الشغله سهله ها الايام ههههههه
منور حجي

[♪♪زهرة اللوتس♪♪]

له له له له له
بدك تصير بنت يا ميدو

طيب وانتي شو رأيك بالموضوع يا حلوة ؟؟؟؟؟

[♪♪زهرة اللوتس♪♪]

بحياتي ما فكرت ولا رح فكر ابدا مشان الشب يضلو شايل همنا ههههههههههههههههههههههه

ايه وانا هيك عم ئول
هلا ربوع

[شوووق]

أيييييي بس مابكون صادقه فيها يعني بحكي لصحباتي لو كنا شباب كنا
قدرنا نسافر لوين ما بدنا ولحالنا _ بتعرفي أنا بحب شي اسمو سفر وتغير جوو

بس وقت ما تفكري عن جد بتقولي ألف الحمدلله أني مو شب

يسلمهم

[Rose eyes]

الحمدالله انا بنت وبحب اكون بنت

بابا الله يرحمه كان يئلي الواحد بيحمد ربه على اللي الله اعطاه وخلقه عليه

وكمان ليش دايما بنحسد الشباب ماهم كمان الله يعينهم عندهم شغلات كتيره شايلين همها

يسلمو زهره على الموضوع

[أنثى السعادة]

كنت قولها لما كنت مراهقه ههههه بس هلا ابدا ما بقول هيك شي... مجتمعنا كتير بيظلم بس بدي طلع هالظلم بعيون كل متخلف بقلي انتي بنت وهو شب و كأنو معلومه جديده بعرف اني بنت وهو شب بس كمان بعرف انو انا كمان انسانه متلو... وانشالله رح يجي وقت نخلص فيه من هالافكار السخيفه لما كل واحد يبلش من حالو ... و صراحه في صبايا بجيلنا بفكرو هيك وهاد الي بيجلطني اكتر..من انو لاقي شب هيك تفكيرو ....تقبلي مروري