توديعة من الروز

[ساحر الليل]

صباح الخير ولو انو مالي شايف فيه خير


انا حابب ودعكن ...بكل صراحة ما عاد فيني كمل ب روز بيحكو عنو اسمو (ترفيهي ) ولا فيني كون بمنتدى (ترفيهي ) بوقت كل يوم بيموت بسوريا مية وميتين وتلاتمية ...ما انكتب اسمي بين الابطال اللي استشهدو ولا بين الناس اللي عم تطلع مظاهرات ..ما رح ارضى ينكتب اسمي بمنتدى (ترفيهي )

منلتقي باذن الله بس تتحرر سوريا من الكلب ابن الكلب اللي حاكمها ..بعرف انو هالجملة رح تنحذف ويمكن الموضوع كلو بس بدي قول للي بدو يحزف ..وطي راسك وانت عم تحذف عالاقل من
خجلك من كلمة الحق .....


سلامي للكل

[$حمادة$]

كل واحد بعبر عن أخلاقو , و شو متربي ببيتو و بظن هادا غدر بأدمن الروز اللي هو رفيقك على ما اظن لانو لو كان فيك ذرة اخلاص لأدمن الروز كنت حكيت هالحكي بوجودو , بس للأسف إنو يطلع منك انت هالحكي , الله يحمي سوريا وترجع متل ما كانت واحسن بكتير , أما العرب فبتمنى يلتهو بأمورن لانو كل بلد عربي عندو مصايب ليوم المصايب فكل واحد يلتهي ببلدو أحسن وما حدا يتدخل بالبلد التاني ,

والله معك وبتمنالك التوفيق .

[$حمادة$]

وصحيح , بالنسبة إنك ما فيك تكون بمنتدى ترفيهي , " والناس بسوريا عم تموت " , بظن انك عايش حياتك بكل حرية وعم تتسلى وتنبسط وتلعب وانت مو بسوريا , فبلا ما حدا يبيض على حدا , واذا متحمس للشهادة ففلسطين موجودة بتمنى تروح انت وابناء الشعب الفلسطيني الحبيب وترجعو أرضكن اللي صرلها 63 سنين وما حدا حاسس فيها .

[لولو]

انا معك ساحر وياريت تسد بوزك حماده منيح منه فلسطيني واكل هم ااهل سوريا مو احسن من سوري في قلب سوريا وعم يصف حكي صف يا حيف على الدنيا كلها من الشرق للغرب الله ينجينا من كل ظاغوت

[د.Raya]

من قال هالحكي اياد ..!!
الله يحن عليك مابدنا نسمع بمصطلح توديعة
قلبنا مات..
اذا كنا بالروز عم نقرأ شي موضوع اونقتبس ونرد
فهالشي مويعني عم نرفه حالنا او بمنتدى ترفيهي
فيك تقول لنعيش معن ونلاحق اخبارن و لنواسي بعض وندعيلن
فنحنا بعاد لو الله يقدرنا لنعمل اكتر من هيك..
ولاتنسى النت والتصفح صار شي اساسي بحياتنا
فيك تقول عنه متل التلفزيون
سواء فتنا ع منتدى او فيس رغبتنا لنعرف اي خبر عن اهلنا
واللي بالروز تحديدا مو كل الاعضاء متل بعضا عم تترفه
لحتى نطلق عليه منتدى ترفيهي ..!
لذلك الله يرضا عليك
لاتزعل حالك وتزعلنا منك
خليك معنا تعودنا عليك

[$حمادة$]

انا معك ساحر وياريت تسد بوزك حماده منيح منه فلسطيني واكل هم ااهل سوريا مو احسن من سوري في قلب سوريا وعم يصف حكي صف يا حيف على الدنيا كلها من الشرق للغرب الله ينجينا من كل ظاغوت

هههههههههههه اكيد اكيد ما رح انزل لمستواكي ورد عليكي , وطبعاً انا مو تبع هالحكي ابداً , وساحر الليل اخي , وبتمنى من الاعضاء اللي عم يعملو عضويات جديدة منشان هالشغلات يذوقو ,

[ساحر الليل]

اول شي حمادة لا تحاول تدخل عالخط بيني وبين ميدو ...تاني شي رايا ..ان عون من زمان ولو انو هون بيقدر الواحد يحكي من فير ما ينحذف موضوعو كنت بقيت بس هون بدك تفوت تكتب اشعار وتضحك وبس ...عالعموم انا بدي زكرك يا حمادة بشغلة صغيرة لاني بتامل فيك الخير للبلد ...


يوم كانت الحرب الاسرائيلية على لبنان ما فيني انسى مجزرة قانا التانية وما فيني انسى مذيع قناة الجزيرة عباس ناصر اللي ما قدر يتمالك نفسو وصلر يبكي امام مناظر الجثث والقتلى

واليوم منشوف بمجزرة داريا مذيعة قناة الدنيا الساقطة وهي عم تفتل بين الجثث وتعمل لقاء مع امرأة مصابة على الارض ومع اطفال في شاحنة امام امهم الشهيدة ..من دون اي مشاعر انسانية ولا احترام لمشاعر هالاطفال ..منذ متى كانت اللقاءات مع المصابين تتم قبل اسعافهم ... المذيعة العاهرة ما نسبت قبل ما تخرج من بيتها تحط منيكير ع اضافيرها وكانها رايحة ع حفلة ...هدول مش اعلاميين وهاد مش نظام ..هدول حرقهم قليييل ..اناس طائفيين يتلذذون بصور الجثث

[لولو]

هههههههههههه اكيد اكيد ما رح انزل لمستواكي ورد عليكي , وطبعاً انا مو تبع هالحكي ابداً , وساحر الليل اخي , وبتمنى من الاعضاء اللي عم يعملو عضويات جديدة منشان هالشغلات يذوقو ,

مين الك انو انا عضوه جديده وتنزل كمان لمستواي ؟ بس الي مين انت انا لوير65 والكل بيعرفني هون اختك كبيره للكل اكيد مو بمستواي لا العلمي ولا العمري الله يرضى عليك يا ابني نحنا قلبنا محروق وما بدنا حدا يزيدها بس احكيلي مين انت لك اخ ما تشوف يلي عم نشوفه ولمعلوماتك انا جددت عضويتي مشان بس اطمن على كل الشباب هون انهم بخير وبس لانهم اكتر من اخواتي

[$حمادة$]

ليك حبيبي , انت من أكتر الناس اللي بالروز اللي بحبن و اللي بتمنالك كل الخير , بس انا بحب شخص واللي بيهن هالشخص بزعل منو وما برضى منو اي حدا يهينو , و عندي رد على كلامك بس قوانين المنتدى ما بتسمح احكي بالسياسة منشان هيك ما رح رد , وبالنسبة لــ "اول شي حمادة لا تحاول تدخل عالخط بيني وبين ميدو" فأنا أبداً مو هيك والله يخليك ميدو بس انا حكيت الحق , وما بتصور انك متصرف صح وانت بتعرف ان هالشي بيزعج ميدو اللي هو اعز من اخوك حسب ما بعرف , وشكراً .

[$حمادة$]

مين الك انو انا عضوه جديده وتنزل كمان لمستواي ؟ بس الي مين انت انا لوير65 والكل بيعرفني هون اختك كبيره للكل اكيد مو بمستواي لا العلمي ولا العمري الله يرضى عليك يا ابني نحنا قلبنا محروق وما بدنا حدا يزيدها بس احكيلي مين انت لك اخ ما تشوف يلي عم نشوفه ولمعلوماتك انا جددت عضويتي مشان بس اطمن على كل الشباب هون انهم بخير وبس لانهم اكتر من اخواتي

كمان نو كومنت .

[لولو]

كمان نو كومنت .

ماشي لاتعلق دخيل ربك احسن تسكوت لانو ما عندك شي تحكي
بعدين ما فيك تكتب باللغه يلي عم تحكيها دخيل الانكليزي على الاقل اكتبها باللغه الانكليزيه

[$حمادة$]

هههههههههههههههه لاحول ولا قوة الا بالله العلي العظيم .
ونو كومنت

[$حمادة$]

بس هيك ملاحظة للجميع , أنتو كلكن أهنتوني و انا ساكت بس مو لأني ئليل حيلة مثلاً او مو بايدي أرد , بس إحتراماً للشخص اللي اسموميدو و بس .

[Rose eyes]

مطلوب من الجميع ضبط النفس وعدم التفوه باي الفاظ خارجه

ومش تنسو ابدا قوانين زهرة سوريا

الموضوع مغلق

[نور روز]

لا حولة ولا قوة الا بالله الله يفرجها يارب