تويت
فتاة جميلة شقراء تطلب عريس ~شو منشان؟؟؟
صباح الخير والورد والياسمين
على كل الروز
رح ادخل عا الموضوع عا السريععلى كل الروز
من غير مدخل جانبي .
..هاد ياساده ياكرام
طلع بوجهي هذا الاعلان
فتاة جميلة بيضاء عمرها 23 سنه ...
تطلب عريس اخلاقة عالية يقدر الحياة الزوجيه وووو
أثار فضولي الوضع فتحت ئام طلع ئدامي موقع
افضل موقع للزواج عن طريق النت
هاد ئال الواحد او الوحده بيحطوا صورتهن ومواصفاتهن وبيكتبو المواصفات يلي بدهن ياها
بالشريك ويلي بيعجبوا بينئي .
...لك شوووووو هاد يا عالم لهون وصلنا
حبيت اطرح ها الئصه هون
سؤالي للشب شو رأيك بالزواج بها الطريئه ومعئول انك تشترك بهيك موقع لتلائي بنت الحلال
طيب اذا تزوجت بها الطريئه بتتوقع يكون زواج ناجح وشو حاتكون نظرتك الها بالمستئبل ؟؟
ورح تصدق كل ماذكر في هذا الاعلان الفخم؟؟؟
وانتي يا صبيه شو رأيك بهيك زواج
هل ممكن انو توصلي لهيك مرحلة انو تحطي صورتك بهيك موقع ومواصفاتك وتطلبي وتدللي
كمان؟؟؟
يعني بصراحه انسم بدني من هيك شوفه العما لهون وصلنا
صارت البنت متل الكتالوك بتبعت مواصفاتها على الملئ والشباب بيختارووو
كم واحد بدو يشوف صورتك ويتئملك ويا بتعجبيه يا هئ؟؟
لاء وخطرلي سؤوال يا ترا في كمان مدة الضمان (غارنتي يعني )سنه ولا كم؟؟
وممكن يجرب اول ؟؟؟حتى ياخد شي مضمون مسلن يعني؟؟؟
وياترا مافي تاريخ انتهاء صلاحية ؟؟؟واذا ماعجبتوا بعد التجربة بيئدر يرجعها عا الوكالة يعني لعند اهلهااااا ؟؟؟
معئول تئبلي تصيري سلعه وتتزوجي بهيك طريئة؟؟؟؟
وحياة ربي مسخرة يلي عم بيصير وين الحيا ووين الاخلاء ووين ...
انتووووو شو رأيكن بها الموضوع يارعاكم الله؟؟؟؟
حصري وبقلمي بعد هزه البدن
زهرة
وما بعرف اذا فعلاً بيتزوجو بهالطرئ..
تعليق