أغانيــنا الشامية القديمة ~شامياتناااااا

[♪♪زهرة اللوتس♪♪]

هايات للجميع
مين منا مابيحب الشام وكلشي بالشام
ئديم جديد حلووو وبياخد العئل
هون رح حط اغاني شاميه ئديمه من تراثنااا
ويلي بيعرف شي غنيه كمان يضيفهااا
لنخليها ذكرى حلوة بالروز
وربي يرجع الامن والامان للشام وسوريا كلها


يا ئضامه
يا قضامة مغبرة..

ويا قضامة ناعمة

جوزي لمّا غبرها

كنت انا ناييمة..!

شوف عيني شوف

شوف روحي شوف

شوف حركاتي الناعمة



جبلي الحمرة بالورقة

قلتلو شفايفي ما بتلقا

قاللي تعي يا رشقة

وحمرني وانا نايمة

شوف عيني شوف

شوف روحي شوف

شوف حركاتي الناعمة


جبلي البوردة بالورقة

قلتلو خدودي ما بتلقا

قاللي تعي يا رشقة

وبودرني وانا نايمة

شوف عيني شوف

شوف روحي شوف

شوف حركاتي الناعمة


جبلي الشلحة بالورقة

قلتلو جسمي ما بيلقا

وقاللي تعي يا رشقة

ولبسني وانا نايمة


شوف عيني شوف

شوف روحي شوف

شوف حركاتي الناعمة

[♪♪زهرة اللوتس♪♪]

تعي عالفي تعي عالفي

انا نفسي شوفك لحظة

بالله اسمحي شوي

تعي عالفي تعي عالفي

انا نفسي شوفك لحظة

بالله اسمحي شوي

البيضا قالت : انا عيوني كبار

فرحانة من الله بشعراتي هالطوال

روحي يا سمرة يالشعرك شعر غبار

بتفوتي عالحمام ما بينبل بمي

تعي عالفي تعي عالفي

انا نفسي شوفك لحظة

بالله اسمحي شوي

السمر قالوا : نحن شو عملنا ؟

يالوز محمص وغالي تمنا

روحي يا بيضا يا شنينة لبننا

يا كوسا بتشرين بتعسئل بالمي

تعي عالفي تعي عالفي

انا نفسي شوفك لحظة

بالله اسمحي شوي

بعدين بيكملوا سوا مع بعضهم( السمر والبيض ):

على دقاقة البنة يسلملي النقش والحنة

روحي فدا عيونك وانت وما بتسالي عني

على دقاقة الاحمر يسلملي شعرك هالاشقر

شفتا عالدرب بتتمختر حاكيتا ما استحت مني

هي لبست قميصها كل العزبان على كيفها

يقصف عمر عريسها والكفن حقو مني

[♪♪زهرة اللوتس♪♪]

اسمعوا هالغنية هي معروفة من زمان بس من فترة لفترة بيغيروا بالكلمات

اسمعوا زمان كيف كانوا يغنوها :



على دلعونا وعلى دلعونا
من اول نظرة صرت مجنونا

قابلتا عالعين عم تتمشور
والحمرة خلقة فوق خدا الاحمر

سالتا الاسم قالت لي :منور
قلت لها والنعم على كل الكونا

قلتلا اسقيني قالتلي مهلا
يا ضيف جانا ميت اهلا وسهلا

عطتني الجرة وبيا بيندهلا ( ابوها عم يناديلها)
منور اعزمي القاصد لهونا

دخلت المخيم سبحت افكاري
بحسن اوصافا سبحت الباري

فهت عليي وبيا مو داري ( ابوها مو دريان)
ردت جوابي برموش جفونا


يلا سوا يا حبي نسهر في رياض الياسمين

نقطف الورد يا ياما والعوازل نايمييييين

[♪♪زهرة اللوتس♪♪]

يا يامو يسلملي قوامو

احلى من السكر كلامو

والقلب تولع في غرامو

هالأسمر سيد الحلوين ( بتصير الأشقر كمان )

ياسمين الشام علىخدك وحلاوة العسل من شهدك

اسم الله قمر..... قمر

يا مشاء الله عليك ياقمر ... ياقمرنا يا منور .. مين أدك

أدك مياس مياس أدك ..أدك مياس يا سمرمر

.
.

الأغاني يلي على هالنمط كتير حلوين ..

[♪♪زهرة اللوتس♪♪]

في هي

عالنايمة... عالنايمة
لا تزعزوا هالنايمة( يعني لاتزعجوها )

عالنايمة ومرحرحة..
والخصر زي المروحة!

عالنايمة ومحناية
وتعيشي عمرك مهناية

عالنايمة نومك نوم
ويا حبيبة قلبي دوم


ولولا هالصلاة والصوم
لكنت بعبك نايمة:

عالنايمة عالنايمة
لا تزعزوا هالنايمة

عالنايمة ومرحرحة..
والخصر زي المروحة!

[♪♪زهرة اللوتس♪♪]

يئطعني عليك...

يامـــــــــــــــدلل اهلك شو سويت؟

يئطعني عليك

يامدلل اهللك شو سويت؟؟

اه يانوراني...سحرك عماني

اه يانووراااااااااني سحرك عماني

ومافي بيت!!!!!!!!!!!!!!!!!!!!!!

يئطعني عليك

يئطعني عليك...

يامــــــــدلل اهلك شو سويت؟

يئطعني عليك

يامدلل اهللك شو سويت؟؟

اه يانوراني...سحرك عماني

اه يانووراااااااااني سحرك عماني

ومافي بيت!!

يئطعني عليك


يئطعني عليك..

وانت ملهوف عالزواج!

يئطعني عليك...

مانت بدماغك في ارتجاج..

يئطعني عليك...

يامشعلل البي

يئطعني عليك...

مش ئادرة خبي

ولا اتهنيـــــــــــــــــت

يئطعني عليك!!
يئطعني عليك...

يامـــــــــــــــدلل اهلك شو سويت؟

يئطعني عليك

يامدلل اهللك شو سويت؟؟

اه يانوراني...سحرك عماني

اه يانووراااااااااني سحرك عماني

ومافي بيت!!!!!!!!!!!!

يئطعني عليك


يئطعني عليك...

عشرة عمر وياك

يئطعني عليك..

كحيان بغو علاك

يئطعني عليك

وشك وش فئري

يئطعني عليك

لكنك سحري:$

ومااحتجيــــــــــــت

يئطعني عليك


(*_^)

[♪♪زهرة اللوتس♪♪]

البلبل ناغى على غصن الفل
اه يا شقيقة النعماني
ئصدي الاقي محبوبي
بين الياسمين والريحاني
ياعيني
بين الياسمين والريحاني

البلبل ناغى على غصن الفل
اه يا شقيقة النعماني
ئصدي الاقي محبوبي
بين الياسمين والريحاني

قلبي تلوع يا وعدي
بدي طبيب يداويني !
قلبي تلوع يا وعـــــــــدي
بدي طبيب يداويني

دوا الطبيب ما ينفعني
شوفة حبيبي بتشفيني!
شوفة حبيبي بتشفيني

البلبل ناغى على غصن الفل
ااااااه يا شقيقة النعماني
البلبل ناغى على غصن الفل
اه يا شقيقة النعماني
ئصدي الاقي محبوبي
بين الياسمين والريحاني
ياروحي
بين الياسمين والريحاني

اجا الشحاد على باب الدار
قالتلو الحلوة على الله
اجا الشحاد على باب الدار
قالتلو الحلوة على الله
قللا انا ماني شحاد !!
عطيني بوسة دخيل الله
عطيني بوسة دخيل الله (ياعيبو)
(*_^)
البلبل ناغى على غصن الفل
اااااااااااااااااه يا شقيقة النعماني
ئصدي الاقي محبوبي
بين الياسمين والريحاني
بين الياسمين والريحاني
كنا ستة على النبعة
اجا المحبوب صرنا سبعة
كنا ستة على النبعة
اجا المحبوب صرنا سبعة
وطلب بوسة ما عطيتو!
قللتلو حرام يوم الجمعة
قللتلو حرام يوم الجمعة

البلبل ناغى على غصن الفل
اه يا شقيقة النعماني
البلبل ناغى على غصن الفل
اه يا شقيقة النعماني
ئصدي الاقي محبوبي
بين الياسمين والريحاني
بين الياسمين والريحاني
بين اليـــــــــــــاسمين والريحـــــــــاني

[♪♪زهرة اللوتس♪♪]

هزه يا جميز هزه

تفاح الشام حلو الو لزه

مال علي و وشوشني

كلامو حلو حلو الو لزه

جبلي الالماس يلبسني

على عنقي رشرشني

طخى علي وبوسني

لقيتو حلو حلو والو لزه

هزه يا جميز هزه

تفاح الشام الو لزه

مال علي و وشوشني

كلامو حلو حلو الو لزه

هالأسمر اللون هالأسمراني

تعبان يا قلب خيو هواك رماني

يابو عيون وساع حطيت بقلبي وجاع

بعطيك سبع ارباع خيو من العين رسمالي

يابو قلب فضه على ايش هالبغضه

بعطيك تترضى خيو من العين رسمالي

هالأسمر اللون هالأسمراني

تعبان يا قلب خيو هواك رماني

بالي معاك بالي بالي بالي بالي

يا بو الجبين عالي عالي عالي عالي

وحيات سواد عنيك يا حبيبي غيرك ما يحلالي

عمري ما راح يرتاح يا حبيبي وشوق بقلبي يقيد

فكري معاك نور يا حبيبي غيرك ما يحلالي

القلب لو قال آه يا حبيبي آهاتو تكويني

ايمتى بقى الدني يا حبيبي بقربك حتحلالي

بالي معاك بالي بالي بالي بالي

يابو الجبين عالي عالي عالي عالي

وحيات سواد عنيك يا حبيبي غيرك ما ما يحلالي

غيرك ما يحلالي

[♪♪زهرة اللوتس♪♪]

يمه لا لا ولا لاولالا ويش بدك مني يا خاله

بحياتك خلني بحالي وخلي الحلوه بحالها

يمه لا لا لا تخليني حن دايما على بالي بتعن

هالحلوه خلتني جن عيونه عيون الغزاله

يمه لا لا ولا لاولالا ويش بدك مني يا خاله

بحياتك خلني بحالي وخلي الحلوه بحالها

يمه خلي الحلوه لأهلها تمشي وتسرح عمهلها

ما شفنا منها احلى هالحلوه زادت دلالها








يا مسافره في البحر جايه ودعك حمل سلامي للهوى ودي معك

لكن بخاف من الهوى ومر النسيم قلبي بروحي يوصلك ويرجعك

ساعة نزولك في البابور لا تفزعي قلبي منتور والبحر من مدمعي

ضلي اذكريني في غيابك وارجعي لزيلي قلبي وهو يبقى يتبعك

يا مسافره في البحر جايه ودعك حمل سلامي للهوى ودي معك

لكن بخاف من الهوى ومر النسيم قلبي بروحي يوصلك ويرجعك

روحي بسلام يا حياتي بخاطرك تبقى اكتبيلي ان كان شي بخاطرك

عالشط فوق الرمل قاعد ناطرك لترجعي من البحر تارجع معك

يا مسافره في البحر جايه ودعك حمل سلامي للهوى ودي معك

لكن بخاف من الهوى ومر النسيم قلبي بروحي يوصلك ويرجعك







يا ريت تسمعوها بصوت لينا شماميان ما بتندمو

[♪♪زهرة اللوتس♪♪]

عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة

جبلي و جبلي يا دادا جبلي .. حلق الالماس إنشا الله يلبقلي

حاكاني شي لا و الله .. زعلني شي لا والله .. و أنا لعندو رايحة

عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة

جبلي و جبلي يا دادا جبلي روب الحرير إنشا الله يلبقلي

نسيني شي لا و الله .. لوعني شي لا و الله .. و أنا لعندو رايحة



عالصالحية يا صالحة .. لا تقولوا لي وينك يا صالحة

ما غمضت عيوني من مبارحة .. لشوفة حبيبي أنا رايحة
اوللا يا اولاني
يا ربي لا تنساني
من فضلك يا رحماني
***
اوللا يا اولاني
راح الحج وخلاني
خلاني بالبرية
ستي زينب ورقية
ورقية نزل عالشام
شي لله يا شيخ رسلان
يا حامي البر والشام
***
اوللا يا اوليتي
وسقالله يومي جيتي
كانت امك فرحانة
وبشرو البابا فيكي
***
اوللا حدبو ندبو
اوللا قط صغير
اوللا قطشو دنبو
***
نام يا ابني نام
لادبح لك طير الحمام
يا حمام لا تصدق
عم كذب على ابني حتى ينام
***
هزو لميمونة وما كانت تنام
ومدللة وكعنونة وما كانت تنام
***
اوللا يا ماما اوللا
نام يا ابني نام
واحبابنا بالسفر يا ابني
***
وقلوبنا والله اشتاقت
***
اوللا يا ماما اوللا
يا ستي ويا بنتي
غاب القمر فين كنتي
غاب القمر ونجومو
مايضوي علي غير انت
***
اوللا يا ماما اوللا
يا سكان البرية
ستي زينب ورقية
ستي زينب حملة حملة
ستي زينب يا أم الشملة
***
اوللا يا ماما اوللا
يا ستي ويا ست الكل
من نقدك بربط وبحل
ومن نقدك بكسي العريان
ومن نقدك بطعمي الجوعان
***
ناموا يا غنم ناموا
وان شاء الله ما بتنضاموا
***
اوللا يا اولاني
يا ربي لا تنساني
من فضلك يا رحماني

[♪♪زهرة اللوتس♪♪]

احكي لك حكايه وبنتي رايحة جاية على بلاط الحمام والحمام فيه حربايه والحربايه بالاسطوح والاسطوح بدو سلم والسلم عند النجار والنجار بدو بيضه والبيضه ****
الجاجه والجاجه بدها قمحه والقمحه بالطاحون والطاحون بدو مسكرة والميات مقطعة، رحت لعند خالتي ام حسين عطتني تفاحتين اكلت تفاحة وخبيت تفاحة اجت عمتي السراقة سرقتها وطلعت تركض ..هي تركض وانا اركض طبسنا **** ****
تمر وحنة يا ربي تموت الكنة لاعمل عزاه
ا رنة وطلع لفوق المنبر وقول الله اكبر.

[♪♪زهرة اللوتس♪♪]

الاعراس والافراح..(ليلة الدخلة)







ما تقوله العروس لعريسها عندما تنفرد به في مخدعها ...

(( ما بكلمك حتى تعطيني حق شعري !!))

وسوف تطالبه بثمن شعرها الطويل الجميل بطريقة مغرية لطيفة كما علموها:

فتاح جزدانك وعطيني حق شعري

ويا ريش دردر على ضهري

وأنا صبية بأول جهلي

والليل طويل على مهلك ومهلي..




ولا بد ان يقدم لها العريس حق شعرها بالليرات الذهبية ،







*********

اما في صبحة العرس فتتعلم العروس التالي:



يسعد صباحك ياللي صبحتني انا اليوم

لشلحك البلدلة الرسمية ولبسك قميص النوم


*********






وبالعادة ان يقوم العريس بحركة عنيفة تثبت قوته ورجولته وبأسه حتى تخشاه العروس وتحترمه من الليلة الاولى...

وقد جرى الحوار التالي بين امرأتين من المدعوات للعرس:

- مسكينة.. هلأ اول ما بيجي العريس وبيطلع مع العروس لمخدع النوم، واول ما تحكم عينو في عينها بدو يلطشها كف حتى تاخدلو (روزة) ويكون فايز عليها.

- والله ما بتعرفي حسب شطارتها، اذا اجا وطلع عالاسكي وسبقتو ودعستلو على رجلو قبل ما يدعسلها على رجلها (بتكبسو) من اول ليلة.

- تقبريني، العروس صغيرة وعاقلة ما رح يطلع بأيدها ، والعريس عسر يمكن يضبعها من ليلة الدخلة.

- لا تخافي امها شاطرة وبيكونوا علموها شو تقول للعريس...


في ليلة الحنة...

رسموا على يد وزند العروس ورد ومثلثات ودويرات وحجب و3 تفاحات والغزال الملتفت..وتتعلم ان تجيب على اسئلة العريس عن كل نقش.. ومن ما يذكر..

- نقشك شميلة وعليه الميلة.... يا فرحة عريسك مبارح واللية

وعلى الزهرات الثلاث تقول:

- وقعنا بالحب تلاتتنا انا واختي وجارتنا

- عانقني لعانقك وان ما عانقتني بخانقك

- عرق زداب وقلبي عليك داب

- قاعد قبالي وقاعدة مقابيلو ويا شبه الاموي اذا شعلت قناديلو وطول الليل بغنيلي وبغنيلو





تعلموااا صباياااا خخخ

[♪♪زهرة اللوتس♪♪]

وفي ليلة العرس تتعلم أول ما ستقوله لعريسها..:



قشر السمك التزم

اصل لزومي معك

طقت قلوب الاعادي

لما نظروني معك

تفنى عضامي ولا تفنى المحبة معك.



وتقول له ايضا:

بدوب جسمي كل ما بتجو على بالي

كما يدوب الحصى بروس الجبال

اسألوا المبتلي ولا تسألوا الخالي

اسألوا الثريا والسبع نجمات

يا نجمة الصبح تبكين على حالي..




(مع رقصة التفتيلة..)




هيها ... هيها... هيها...


هيها يا ست ويا بنت


كم مية قبض بيك..


وتعذبنا لحتى رضي خيك


ويجعلك ان شاء الله مبروكة


علينا وتتهني بعمرك


لي لي لي ليش


*


هيها يا ست ويا بنت


قيمي الغطا وارميه


حرقة ابو اللي حيكو


واللي سعالك فيه


ان كان بيت ابوكي


بسمار اقلعيه وخديه


لي لي لي ليش


*


هيها قومي اطلعي عالقصر العالي


وبحياة ابوكي هالغالي


حلفت وقالت ما بطلع


الا بجوق المغاني


لي لي ليش

[♪♪زهرة اللوتس♪♪]

اسم الله اسم الله يا زينة


يا ورد جوة الجنينة


زهر القرنفل يا عروسة


والورد خيم علينا


*


قومي العبي بحبل اللولو


وافردي شعرك على طولو


خليهن يحكو ويقولو


آه يا حلاوة يا عسلية


*


قومي العبي بعرق الالماس


واللولو حارس ****


الله يجيرك من كلام الناس


آه يا حلاوة يا شامية


*


قومي العبي بقميصك


كل العزبان على كيسك


الله يخلي عريسك


آه يا حلاوة يا عسلية

[♪♪زهرة اللوتس♪♪]

عالدلالي عالدلالي
هالنقلة نقلة غزالي
لبست بدلة وشلحت بدلة
وتحت البدلة شي ضوالي
***
عالدلالي عالدلالي
هالنقلة نقلة غزالي
لبست شلحة وشلحت شلحة
وتحت الشلحة شي ضوالي
***
عالدلالي عالدلالي
هالنقلة نقلة غزالي
لبست لولو وشلحت لولو
وتحت اللولو شي ضوالي
***