إعـــــــلان

تقليص
لا يوجد إعلان حتى الآن.

: مسلسل عمر بن الخطّاب لن يتوقّف

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • : مسلسل عمر بن الخطّاب لن يتوقّف




    نفى المتحدث الرسمي باسم مجموعة "أم. بي. سي" مازن حايك نيّة القناة إيقاف عرض المسلسل التاريخي "عمر بن الخطّاب" المقرّر في رمضان. ويأتي ذلك بعدما انتشرت أخبار أمس تفيد عن نية المحطة إيقاف عرض العمل وإخضاعها هذا الأمرللتصويت على موقع المجموعة الالكتروني. لكنّ حايك قال لـ"أنا زهرة" إنّ هذه الأنباء شائعة لا تمت للحقيقة بصلة.

    وكان المسلسل قد أثار جدلاً كبيراً بعدما عرضت القناة "برموشن" العمل، ما أسهم في بدء الحملات الإلكترونية الهادفة إلى منع عرض المسلسل، إذ يجسد هذا الإنتاج سيرة الخليفة عمر بن الخطاب إبان الدولة الإسلامية. ويتطرق إلى ما يحمله "الفاروق"من قيم وصفات تحلّى بها مثل العدل والحُكم الصالح والحكمة والتسامح والروح القيادية والبطولة وغيرها. كما يسلط الضوء على الصفات الشخصية للخليفة والبيئة الاجتماعية التي كانت سائدة وقتها من حيث القيم والمفاهيم والبيئة الجغرافية الطبيعية أيضاً.

    ويعد نفي المجموعة الأول عبر "أنا زهرة" بعد صمت دام طويلاً. وكانت قد أعلنت أنّها منحت حقوق عرض المسلسل لشبكات تلفزة متعددة حول العالم، منها شبكة ATV التلفزيونية التركية الرائدة التي ستعرضه مدبلجاً باللغة التركية.









  • #2
    من قلة المواضيع يعني ما جات الا انك تمثل دور صحابي
    شوف وضعك الان حاول تمثل بادول تحل المشكلات اللي عندنا الان
    حاول تمثل دور توعوي ثقافي اجتماعي فكاهي
    يعني لازم عمر بن الخطاب يا عديم الذوق
    يارب يمتنع او يضرب مسلسهم هذا بشكل قااااااااطع
    عآرفَه يعنِى أيه بَحبك :") ؟؟

    يعنِى وقتْ مآ النُور يقطَع بَس

    يحلآلِى آلكَلآم عَن العفَاريت والجنَيات

    عشَان تِقربى منِى أكَتر ^^

    تعليق


    • #3
      أنا مع عرض المسلسل وبقوة ,,, وبيطلعلك عندي فنجان قهوة على هالخبرية الحلوة زهورتنا

      لأننا بحاجة لعدل الفاروق عمر بيننا الآن ولنعرف سيرة سيدنا عمر بن الخطاب ياللي فيه للاسف البعض عم يحاولوا يشوهوا الصورة

      بستغرب من كتير عالم بتعترض على المسلسل في حين انها ما اعترضت وما ابدت انزعاجها من سيل المسلسلات التركية والمكسيكية الخليعة

      بعدين ليش محدا اعترض على تجسيد شخصية سيدنا خالد بن الوليد بالرسالة ولا ماكان من الصحابة مثلا وحتى سيدنا حمزة عم الرسول ( ص ) وسيد الشهداء

      تعليق


      • #4
        انا مع عررض المسلسل لأنو التجسيد ما رح يسيء للصحابي الفارووق عمر بن الخطاب رضي الله عنه .. وانما بقرب شخصيتو للناس ... ثم إنو لانو المسلسل سوري صار الكل ضدوو .. لو كان خليجي كان عادي التجسيد لأنن عندن صلاحيات .. مثلاً ..
        أنــا ســــوري دم و إحســــاس رافـــع راســـي بين الــنـــاس

        تعليق


        • #5
          المشاركة الأصلية بواسطة حمزة القرعاني مشاهدة المشاركة
          من قلة المواضيع يعني ما جات الا انك تمثل دور صحابي
          شوف وضعك الان حاول تمثل بادول تحل المشكلات اللي عندنا الان
          حاول تمثل دور توعوي ثقافي اجتماعي فكاهي
          يعني لازم عمر بن الخطاب يا عديم الذوق
          يارب يمتنع او يضرب مسلسهم هذا بشكل قااااااااطع
          والله في ناس بتقول هيك وفي بتقول العكس اخي
          يعني اهم شي انو يكون النص تاريخي وحقيقي ومافيه تأليف وتبديل
          صح لانو الخلفاء الراشدين رضي الله عنهن شخصياتهن ما المفروض تتجسد
          بس يمكن تكون منافعوا اكتر بحيث نتعرف على ثاني الخلفاء الراشدين وعدله وحكمه عن قرب
          وخصوصي انو اكتر اجيالنا الجديده ما بتعرف شي عن تاريخنا وما مستعده تقرأ ممكن هيك نستفيد
          بس ان شالله يكون كلو صحيح وموثق
          شكرا لك اخي






          تعليق


          • #6
            المشاركة الأصلية بواسطة امير الشام مشاهدة المشاركة
            أنا مع عرض المسلسل وبقوة ,,, وبيطلعلك عندي فنجان قهوة على هالخبرية الحلوة زهورتنا

            لأننا بحاجة لعدل الفاروق عمر بيننا الآن ولنعرف سيرة سيدنا عمر بن الخطاب ياللي فيه للاسف البعض عم يحاولوا يشوهوا الصورة

            بستغرب من كتير عالم بتعترض على المسلسل في حين انها ما اعترضت وما ابدت انزعاجها من سيل المسلسلات التركية والمكسيكية الخليعة

            بعدين ليش محدا اعترض على تجسيد شخصية سيدنا خالد بن الوليد بالرسالة ولا ماكان من الصحابة مثلا وحتى سيدنا حمزة عم الرسول ( ص ) وسيد الشهداء
            وانا رأيي نفس رايك اخي امير خلي الاجيال تتوعى شوي
            وتعرف ماضينا وحضارتنا الاسلاميه
            شكرااا لمرورك ولفنجان القهوة يلي عزمتني عليه
            منور امير





            تعليق


            • #7
              المشاركة الأصلية بواسطة $حمادة$ مشاهدة المشاركة
              انا مع عررض المسلسل لأنو التجسيد ما رح يسيء للصحابي الفارووق عمر بن الخطاب رضي الله عنه .. وانما بقرب شخصيتو للناس ... ثم إنو لانو المسلسل سوري صار الكل ضدوو .. لو كان خليجي كان عادي التجسيد لأنن عندن صلاحيات .. مثلاً ..
              حمادة محدا جاب سيره انو سوري ولا خليجي
              الاعتراض كان على حرمانيه تمثيل وتجسيد شخصيات الخلفاء الراشدين
              وبعدين مشي الحال ورح يتم عرضوا ان الله راد
              بس برجع بقول يارب تكون المراجع فيو صحيحة وبس
              منور خيووو وروء علينا بليز




              تعليق


              • #8
                انا ما شايف اشكال بتجسيد شخصيتو , هو مجرد دور تمثيلي
                كل واحد مفصل اسلام ع كيفو وماشي وكأني نزلت بالقرآن انو حرام تتجسد ادوار الصحابة

                تعليق


                • #9
                  انا مع عرض المسلسل
                  وبعدين شو فيها أذا شخص جسد دور الصحابة ؟ مو الصحابة بشر متلنا متلن والله خلئن وخلئنا .؟
                  بعدين اكيد كلو ضمن التاريخ والنص أتطلعو عليه علماء ومؤرخين
                  يعني ما في اي مشكلة في عرضو
                  وليش قصة سيدنا يوسف ماحدا أعترض عليها ؟
                  بس ما بعرف يعني شو سبب انو في ناس رافضة عرض المسلسل

                  مشكورة أختي لوتس ^^

                  تعليق


                  • #10
                    يعني سيدنا عمر بن الخطاب غني عن التعريف وكتب السيرة النبوية بتشمل كتير من ئصصو
                    كتير رح بئرف لما شوف ممثل كان يمثل ادوار سخيفة وبايخة وجاية يمثل هيك دور مهم
                    يعني و كأنو الئصة ما منعرفها
                    انا ضدد ينعرض تماماً لأنو عمر بن الخطاب اتربينا على السيرة تبعو من صغرنا
                    مافي حاجة ليعملوها مسلسل بس لكسب الأرباح
                    يارب ينعرض لأنو واثقة أغلب يلي مثلوه أو شاركو بانتجاو ما بيعرفو مين هو عمر بئى يرتاحو ,,

                    تعليق

                    يعمل...
                    X