إعـــــــلان

تقليص
لا يوجد إعلان حتى الآن.

/// سهرة رمضان الأولى ~ الــزبــــــال

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • /// سهرة رمضان الأولى ~ الــزبــــــال

    سعيدة



    اول شي كل عام وانتو بألف خير بأول أيام رمضان المبارك

    سهرتنا الأولى بهالشهر الفضيل بتحكي عن سؤال صغير ~ ألا وهو :

    " ياترا عمرك حلمت تطلع زبال !!؟ "

    انا شخصياً تمنيت بزماني بهالشي , يعني كنت مفكر الئصة بسيطة .. مجرد يكون عندك ورئة تثبت انك بتعرف تسوء حمار او عربية ..
    كان عندي اعجاب بالزبالين اللي بسوئو حمير بكونو مزينين هالحمار زينة غير شكل ..
    ياعمي هالزبال غير لما بكون متربع على عرش عربيتو (ملك زمانو )

    بس وئت ما صرت اسمع جمل مش منيحة عنو صرت افكر يا ترا هالزلمة فيو شي غلط !!

    بابا بئلي : دروس احسن ما بكرا تطلع زبال ..
    ماما بتئلي : لا تمشي مع فلان لانو شكلو متل الزبال ..
    رفيئي لما بعصب مني بئلي : يا زلمة انت شووووووو زبااااااااااال ..

    يا جماعة بعمري ما سمعت كلمة عن الزبال بتبشر بالخير او تشجعني اني اطلع متلو
    يعني ما كنت اعرف هي وظيفة ولا مسبة !!
    طيب اذا كانت مسبة متل يا كلب يا صايع يا حيوان ... معناها الزبال شو بيشتغل ؟؟؟

    طيب بطلت اسأل اذا كانت وظيفة ولا مسبة ... غيرت السؤال وصار (( الزبال منيح ولا مش منيح ))

    كل الاجابات اللي حصلت عليها كمان مش مقنعة ..
    واحد بئلي , هو مش منيح لانو طول النهار بئعد بالشارع ...... "طيب يعني وين لازم يئعد !! بأرابيكا مثلاً ؟ "
    التاني بئلي , هو مش منيح لانو بسبسب كتير ...... "ويعني مين اللي فينا مابسب !! ولا يعني المسبة بتختلف من ناس لناس ؟ ناس اذا سبو بكون دمهم خفيف وناس اذا سبو بكونو ئليلين ادب "

    ئلت يا ولد تركك من كل هاللعي الفاضي واسأل صاحب الشأن .. سألت زبال .. انت شو بتشتغل ؟؟
    ئلي انا طالب أدب عربي بس حالياً بشتغل زبال

    نعم نعم ............ شو هالحكي !!!!


    اي حبيبي في خريجين حقوق وتجارة وأدب وبيشتغلو زبالين , هي شغلة مش محتاجة اكتر من عربية او حمار ...


    هون دخل عندي السخن ع البارد ...
    طيب ليش اهلي لما انا وصغير كنت احكيلون بدي اطلع زبال كانو يعصبو !!
    شو البشع فيو ؟؟
    شو اللي بدايئ بالزبال ؟؟

    يا ناس حدا يرد علي ............... ليش ما حدا كان بدو ياني اطلع زبااااااااااااال ..
    معئول هو الزبال اللي ما بدو يطلع زيي ...



    آرائكم ونقاشاتكم
    ودمتم




  • #2
    زكرتني ببرنامج خواطر باليابان ,, عندهن بسمو الزبال مهندس صحة
    هلأ هو في خطأ بالتسميات .. نحنا الزباليين و هو عامل النضافة بس
    أنا ليش الكزب ولا مرة خطرلي اطلع زبالة يعني
    بس من انا وصغيرة بابا علمني كل ما مر من جنبهم سلم عليهن و ائلهن يعطيكن العافية
    المشكلة بتفكير مجتمعنا الأعوج بس نحنا عنا كل اساليب التفرقة المجتمعية الحمدلله ( طائفية , طبقية , عنصرية , وظيفية كمان )
    يعطيك العافية أبو الميد و انشالله بتلاقي وظيفة بأحسن شوارع البلد و بشوفك عم تنضف ساحة سعد الله الجابري هههههههه

    تعليق


    • #3
      المشاركة الأصلية بواسطة SoOoMa مشاهدة المشاركة
      زكرتني ببرنامج خواطر باليابان ,, عندهن بسمو الزبال مهندس صحة
      هلأ هو في خطأ بالتسميات .. نحنا الزباليين و هو عامل النضافة بس
      أنا ليش الكزب ولا مرة خطرلي اطلع زبالة يعني
      بس من انا وصغيرة بابا علمني كل ما مر من جنبهم سلم عليهن و ائلهن يعطيكن العافية
      المشكلة بتفكير مجتمعنا الأعوج بس نحنا عنا كل اساليب التفرقة المجتمعية الحمدلله ( طائفية , طبقية , عنصرية , وظيفية كمان )
      يعطيك العافية أبو الميد و انشالله بتلاقي وظيفة بأحسن شوارع البلد و بشوفك عم تنضف ساحة سعد الله الجابري هههههههه
      منرجع للقاعدة الأولى .. الشعب العربي شعب متخلف
      وطول عمرنا منتغنى بحضارات لا تمت النا بصلة
      مع الاسف حتى كتب التاريخ اللي بدرسونا ياها حافلة بتاريخ مزور بيضحكو فيو على عئولنا

      بالنسبة لموضوعنا ... نحنا عنا نغمة الأنا .... انا شهادتي اعلى من شهادتك , انا مدرستي احسن من مدرستك , انا خريج جامعي , انا مثقف .....
      بالنهاية كلو بصب بنفق التخلف

      بالنسبة الي كنت ومازلت بحترم هالمهنة وبحترم اي مهنة صاحبا محتاج الها ومخلص الها

      تعليق


      • #4
        المشاركة الأصلية بواسطة r-mido مشاهدة المشاركة
        منرجع للقاعدة الأولى .. الشعب العربي شعب متخلف
        وطول عمرنا منتغنى بحضارات لا تمت النا بصلة
        مع الاسف حتى كتب التاريخ اللي بدرسونا ياها حافلة بتاريخ مزور بيضحكو فيو على عئولنا

        بالنسبة لموضوعنا ... نحنا عنا نغمة الأنا .... انا شهادتي اعلى من شهادتك , انا مدرستي احسن من مدرستك , انا خريج جامعي , انا مثقف .....
        بالنهاية كلو بصب بنفق التخلف

        بالنسبة الي كنت ومازلت بحترم هالمهنة وبحترم اي مهنة صاحبا محتاج الها ومخلص الها
        كمان نحنا جزء من المجتمع يعني
        لو غيرنا تفكيرنا شوي وما انجرفنا معو وسئنا مع السوء بنعمل شوية تغيير
        ولو علمنا ولادنا يحترمو هدول الناس أكيد رح ينتشر فكرنا هاد

        مرة من المرات كنا طالعين من البيت وعم ننطر تكسي
        اجا صبي ع البسكليت ( واكيد الكل بيعرف هالمنظر ) وغاص بالحاوية وصار يدور فيها على اي شي بيتكرر تصنيعو
        قام أخي الصغير صرخ : يعععع شوفو الزبال نزل بالحاوية
        هون الولد راح طالع ركيد راكب ع بسكليتو عم يبكي وراح
        يمكن لهلأ الكف يلي اكلو أخي صداه عم يرن بالحارة

        تعليق


        • #5
          المشاركة الأصلية بواسطة SoOoMa مشاهدة المشاركة
          كمان نحنا جزء من المجتمع يعني
          لو غيرنا تفكيرنا شوي وما انجرفنا معو وسئنا مع السوء بنعمل شوية تغيير
          ولو علمنا ولادنا يحترمو هدول الناس أكيد رح ينتشر فكرنا هاد

          مرة من المرات كنا طالعين من البيت وعم ننطر تكسي
          اجا صبي ع البسكليت ( واكيد الكل بيعرف هالمنظر ) وغاص بالحاوية وصار يدور فيها على اي شي بيتكرر تصنيعو
          قام أخي الصغير صرخ : يعععع شوفو الزبال نزل بالحاوية
          هون الولد راح طالع ركيد راكب ع بسكليتو عم يبكي وراح
          يمكن لهلأ الكف يلي اكلو أخي صداه عم يرن بالحارة
          نحنا علينا ننوه لاي خطأ منشوفو , بس ما حدا فيو يجبر حدا يعمل شي مش مقتنع فيو
          وكل شخص عليه بنفسو
          العيب اكيد مش بالمهنة , العيب بالاشخاص
          بزمانو وئفني شخص بالشارع وطلب مني حئ سندويشة فلافل مع العلم هو اطول مني واعرض مني
          ئلتلو هاد رئم موبايلي في عندي شغل اذا بتحب
          سألني شو هو الشغل ؟؟ ئلتلو حارس ورشة ...... جوابو كان الرفض
          ع اساس انا بدي وظفو دكتور

          فطالما هي النزعة موجودة عنا بعمرنا مارح نصير خلئ

          تعليق


          • #6
            المشاركة الأصلية بواسطة r-mido مشاهدة المشاركة
            نحنا علينا ننوه لاي خطأ منشوفو , بس ما حدا فيو يجبر حدا يعمل شي مش مقتنع فيو
            وكل شخص عليه بنفسو
            العيب اكيد مش بالمهنة , العيب بالاشخاص
            بزمانو وئفني شخص بالشارع وطلب مني حئ سندويشة فلافل مع العلم هو اطول مني واعرض مني
            ئلتلو هاد رئم موبايلي في عندي شغل اذا بتحب
            سألني شو هو الشغل ؟؟ ئلتلو حارس ورشة ...... جوابو كان الرفض
            ع اساس انا بدي وظفو دكتور

            فطالما هي النزعة موجودة عنا بعمرنا مارح نصير خلئ
            الفكرة مو بس هون
            الفكرة كمان أنو في جزء كبير من الحئ على الدولة و كيف بتصور لهالمهنة
            يعني لما بلبسو الزبال تياب كان يلبسوها اسلافو من الزبالين وبيعطوه ادوات ومعدات هفتانة و مكسرة ووسخة
            لما شوف تياب شغلو مخزئة من ألف مكان و لما شوفو بالشتا لابس كيس نايلون لحتى ما يتبلبل
            يعني باختصار كمان البلديات المسؤولة ما عم تحطي هالوظيفة حقها بنووب و غير عن أنو راتب الزبال يمكن لو راح اشتغل بكابريه حارس اشرفلو

            تعليق


            • #7
              بدك الصدق انا بحسد الزبال وبزعل عليه
              بحسدوه على طولت بالوه وبزعل عليه انو عم يشم روائح واخذة وعفنة وغيرها من الروائح النتنة
              وليش ماحدا بدو ياك تطلع زبال لأننا دائما بنحب ولادنا يكونو أطباء او مهندسين اومحامين مشان البروظة يعني
              مع انو كان عندي في الشغل آذن مخلص معهد رياضي وماكان متضايق من شغلته وهي القصة حقيقية لأن كان عندي
              بقى الشغل موعيب شو ماكان حتى لو كان معو الواحد شهادة عالية ليش حدا عم يلاقي شغل

              تعليق


              • #8
                مسا النور
                اممم هههه لا والله ولا بعمري فكرت اطلع زباااالة

                لانو ما بعرف بتحس انو الزبال ببلدنا شغلة مو منيحة
                مع انو متل ما قالت سوما
                باليابان اسمو مهندس نظافة
                حتى كان اخي الصغير حلمو يطلع زبال هههه
                كنا نقول ليش وما بعرف
                كان يقول انو احسن واحد وبيساعد الناس
                ونضيف ومدري شو
                بس مااا بعمري فكرت اطلع زبالة هههه او عاملة نظافة
                لا نليقُ بالحُب
                فـ أنت مُكابر وأنا لا أنحَني ʚϊɞ

                تعليق


                • #9
                  سلام ..
                  هلئ المفروض انو كل انسان يحكي عن المحيط يلي عايش فيه
                  وهون بالبرازيل يعني ليتمكن اي شخص انو يتوظف بالبلدية ويصير عامل تنظيفات لازم يكون عندو مؤهلات :
                  علمية : لازم يكون الموظف مخلّص المرحلة الثانوية ولا يمكن قبوله دون الشهادة الثانوية .
                  صحية: بدو يكون عندو مؤهلات صحية جيدة ولياقة بدنية بتمكنو انو يمشي مسافات معيّنة
                  بشكل يومي و يركض ليواكب السيارة يلي بتنقل الاوساخ



                  واكراماً لهالعمال واعترافاً بدورهم المهم والفعّال بالمجتمع خصّص يوم 16 ايار : dia do gari كيوم لعمال التنظيف .
                  زبال = GARI
                  .
                  .
                  بئا يا عزيزي لا تستخف بهالوظيفة او تزعل اذا قالولك زبال
                  لانو مش مين ما كان كمان قدران انو يحصل عليها
                  فعشان هيك بنصحك تفكر بشي تاني لانو يمكن زبال ما يصحلك تعمل .

                  تعليق


                  • #10
                    أد ما حكيتا وأبدينا تسامحنا مع الشغلة رح نضل ما منتخيل إنو حدا من عيلتنا ممتهن هالمهنة.

                    لك شعب لسى ما بيتخيل ولادو يدرسو موسيقا بدك يئبلو يعمل زبال؟؟؟؟؟؟


                    أطعت أشواط بهالحكي إسأل بالأول إزا ولادن جابو مجموع للطب و بنفس الوئت عندن رغبة يدرسو موسيقا شو بيكون الرد .


                    شكراً للتنويع ميدو.

                    تعليق


                    • #11
                      المشاركة الأصلية بواسطة SoOoMa مشاهدة المشاركة
                      الفكرة مو بس هون
                      الفكرة كمان أنو في جزء كبير من الحئ على الدولة و كيف بتصور لهالمهنة
                      يعني لما بلبسو الزبال تياب كان يلبسوها اسلافو من الزبالين وبيعطوه ادوات ومعدات هفتانة و مكسرة ووسخة
                      لما شوف تياب شغلو مخزئة من ألف مكان و لما شوفو بالشتا لابس كيس نايلون لحتى ما يتبلبل
                      يعني باختصار كمان البلديات المسؤولة ما عم تحطي هالوظيفة حقها بنووب و غير عن أنو راتب الزبال يمكن لو راح اشتغل بكابريه حارس اشرفلو
                      وهاد كمان من مجموعة اخطاء مجتمعنا
                      انو كل غلط والو شماعة جاهزة عنا

                      بداية الراتب ...... راتب الزبال كراتب اي موظف من فئتو لا زيادة ولا نئص , بالاضافة انو بيتمتع بميزات اضافية عن بائي موظفي فئتو ....
                      بالنسبة للشماعة اللي حكيت عنا فوء , يعني بسألك هي الدولة بتعطي البدلة للموظف وبتكون مسؤولة عن غسيلا وكويا ونظافتا طول العمر ههههه يعني اذا هو الشخص نفسو ما اعتنى بنضافتو ونضافة لبسو ما حدا رح يخدمو بهالنئطة ...

                      تعليق


                      • #12
                        المشاركة الأصلية بواسطة Yasmin مشاهدة المشاركة
                        مسا النور
                        اممم هههه لا والله ولا بعمري فكرت اطلع زباااالة

                        لانو ما بعرف بتحس انو الزبال ببلدنا شغلة مو منيحة
                        مع انو متل ما قالت سوما
                        باليابان اسمو مهندس نظافة
                        حتى كان اخي الصغير حلمو يطلع زبال هههه
                        كنا نقول ليش وما بعرف
                        كان يقول انو احسن واحد وبيساعد الناس
                        ونضيف ومدري شو
                        بس مااا بعمري فكرت اطلع زبالة هههه او عاملة نظافة
                        اي شغلة مو منيحة , بس ليش ؟؟؟؟؟
                        هاد نفسو السؤال اللي ببالي واللي لحد الان بعمرو ما حدا جاوبني عنو

                        تعليق


                        • #13
                          المشاركة الأصلية بواسطة r-mido مشاهدة المشاركة
                          وهاد كمان من مجموعة اخطاء مجتمعنا
                          انو كل غلط والو شماعة جاهزة عنا

                          بداية الراتب ...... راتب الزبال كراتب اي موظف من فئتو لا زيادة ولا نئص , بالاضافة انو بيتمتع بميزات اضافية عن بائي موظفي فئتو ....
                          بالنسبة للشماعة اللي حكيت عنا فوء , يعني بسألك هي الدولة بتعطي البدلة للموظف وبتكون مسؤولة عن غسيلا وكويا ونظافتا طول العمر ههههه يعني اذا هو الشخص نفسو ما اعتنى بنضافتو ونضافة لبسو ما حدا رح يخدمو بهالنئطة ...
                          هلأ بربك شفلي الصورة يلي حطتها نسرين فوق
                          يعني هاد لبس واللي عنا لبس !! هي معدات واللي بيستخدموها عنا معدات
                          لك إي بشرفي شهتني البس هالبدلة مع اني ما بحب الاورانج
                          هي مو شماعة هاد واقع ..

                          تعليق


                          • #14
                            المشاركة الأصلية بواسطة السندريللا مشاهدة المشاركة
                            سلام ..
                            هلئ المفروض انو كل انسان يحكي عن المحيط يلي عايش فيه
                            وهون بالبرازيل يعني ليتمكن اي شخص انو يتوظف بالبلدية ويصير عامل تنظيفات لازم يكون عندو مؤهلات :
                            علمية : لازم يكون الموظف مخلّص المرحلة الثانوية ولا يمكن قبوله دون الشهادة الثانوية .
                            صحية: بدو يكون عندو مؤهلات صحية جيدة ولياقة بدنية بتمكنو انو يمشي مسافات معيّنة
                            بشكل يومي و يركض ليواكب السيارة يلي بتنقل الاوساخ



                            واكراماً لهالعمال واعترافاً بدورهم المهم والفعّال بالمجتمع خصّص يوم 16 ايار : dia do gari كيوم لعمال التنظيف .
                            زبال = GARI
                            .
                            .
                            بئا يا عزيزي لا تستخف بهالوظيفة او تزعل اذا قالولك زبال
                            لانو مش مين ما كان كمان قدران انو يحصل عليها
                            فعشان هيك بنصحك تفكر بشي تاني لانو يمكن زبال ما يصحلك تعمل .
                            انتو محطيكم لا يشمل العرب هههه نئطتي هي انو العرب جرب بكل شي
                            مشان موضوع المؤهلات وعنا هون كمان في مؤهلات مطلوبة من الشخص ليحصل ع هالوظيفة , بس يلعن ابو الواسطة هههههه
                            اما اني ما يصحلي مارح اخد واعطي معك ... ئال اللي ما بيعرفك بيجهلك ... وشكلك ما بتعرفيني


                            بالنهاية دخلك هي الصبية الحلوة اللي بالصورة مرتبطة شي !!!!!؟ على الاقل بتجوز زبالة وبحئئ نص حلمي خخخخخ

                            تعليق


                            • #15
                              شايفتكم ئلبتوها محادثة
                              ميدو صرعتني بالزيال ,, يا خيي بيئولوا هيك عن الزبال او بالاحرى الاهل بيهددوا ولادهم لانو شغلة الزبالة مو كويسة بيكفي انك بتلم وسخ العالم
                              ميدووووووو انا عصبت ,,, شو خطرلك ??!!
                              يا الله نفسي ادخل جوا مخك و اعرف كيف بتفكر ,,
                              بس فعلا انت نيئة عن الخليقة ,, يعني حكياتك كوم و افكارك كومايات
                              شكرا مايدولاتي لانك عصبتني ,,,

                              إن أعجبكَ بي نسبٌ...
                              فأُمي الشـــام... أعطـتني العُلا نسبا




                              sigpic

                              تعليق

                              يعمل...
                              X