|| سهرة رمضآن الثانية ~ ( ماركات ) ..!

[ياسمينة الشام]

هــــآي ~~

اليوم السهرة رح تكون معي .. و رح احكي فيها موضوع كلنا منشوفو بعالمنا العربي ..
ماركات ..

أنا ساعتي ماركة .. أنا تيابي ماركة .. أنا بارفاني ماركة
و بالأخير رح روح حط ع حالي تسعيرة من شانيل لحتى صير كلي ماركة و ياجكركن

نفسي أعرف ليه الناس عندها هوس يكون كل شي عندها ماركات ؟؟
ليه بتركش ع الغالي بس لتشوف حالها ئدام الناس ؟؟

بقول وزير التجارة الفرنسي : الماركات .. هي أكبر كذبة تسويقية صنعها الأذكياء لسرقة الأثرياء فصدقها الفقراء

_ يعني أنو مو ضروري كل يوم آكل بــ " Mac " أو " KFC " لحتى ينئال عني مو بخيل
_ مو شرط لما اطلع مع رفئاتي اقعد بـ " Star Bucks " و " Costa " لحتى نبين ولاد عالم وناس
_ ما لازم ألبس من " Adidas " أو " Nike " لحتى بين نظيف و مرتب وسبور

أنا معظم لبسي و تيابي من وسط البلد و من أي محل مرتب
و ممكن كتير ائعد مع رفئاتي بالجنينة و ناكل درة من ع العرباية
و لما نجوع مناكل من أي مطعم ع الطريق

أنا ممكن أعمل كل اللي فوق بس الفكرة أنو شفت عائلة ممكن تعيش أسبوع كامل بسعر بلوزة من " Adidas "
و شفت عائلات من عشر أشخاص ممكن يتغدوا بسعر ئعدة وحدة من ئعدات " Star Bucks "


و أنو المقياس الحقيقي للتحضر مو هو المظاهر ..
التحضر بكون بالعقل والأخلاق ~


______________________________
تسنيم العثل

[r_mido]

صباح المسا

انو ليش مزعوجة من الماركات
وليش آخدة انو الموضوع مجرد بطر وفخفخة
طيب انا بحب الماركات وبفضل اشتريها الا في حالات التعاسة القصوى
ع سبيل المثال بروح بسترخص وبشتري بلوزة بـ 500 ليرة سبحان اللزي خلئا عيارا شهر وبتشلف وبتمط وبتشط وبروحو الوانا
بينما بشتري بلوزة من اديداس مثلاً بتجي بعد سنة بتلائيها ع حالا وكأنو مبارح اشتريتا ...

بالنهاية كل واحد وحسب امكانياتو , اكيد اللي بجيبو كلون ع بعضون ما بيطلعو 3000 ليرة مارح يروح يتدين مشان يشتري شغلة ب 5000 ...
طبعا انا ما عندي مانع اني ائعد بالجنينة وآكل درة من العرباية بالعكس عاملا كتير وبنبسط فيها طالما ئاعد مع رفئاتي ومبسوطين , بالمقابل لما بدي ائعد بمكان محترم وعالي الجودة بكون سعيد بنفس درجة السعادة , لانو كل وضع الو رونق خاص فيه

[ياسمينة الشام]

صباح المسا

انو ليش مزعوجة من الماركات
وليش آخدة انو الموضوع مجرد بطر وفخفخة
طيب انا بحب الماركات وبفضل اشتريها الا في حالات التعاسة القصوى
ع سبيل المثال بروح بسترخص وبشتري بلوزة بـ 500 ليرة سبحان اللزي خلئا عيارا شهر وبتشلف وبتمط وبتشط وبروحو الوانا
بينما بشتري بلوزة من اديداس مثلاً بتجي بعد سنة بتلائيها ع حالا وكأنو مبارح اشتريتا ...

بالنهاية كل واحد وحسب امكانياتو , اكيد اللي بجيبو كلون ع بعضون ما بيطلعو 3000 ليرة مارح يروح يتدين مشان يشتري شغلة ب 5000 ...
طبعا انا ما عندي مانع اني ائعد بالجنينة وآكل درة من العرباية بالعكس عاملا كتير وبنبسط فيها طالما ئاعد مع رفئاتي ومبسوطين , بالمقابل لما بدي ائعد بمكان محترم وعالي الجودة بكون سعيد بنفس درجة السعادة , لانو كل وضع الو رونق خاص فيه

أنا كمان ما عم ئلك تروح تشتري من ع البسطة تياب مهترية وباليه ههههه
في محلات الجودة تبعها ما بتختلف سدئني
بعدين مرة من المرات رحت ع مكل فيو كل ادوات التجميل و هالئصص
حكالي شغلة أنو مرة طرحو بالسوق كريم اساس ممتاز و الكل اعجب فيه ومع هيك رخيص
ئام العالم صارت لأنو رخيص تفكرو سيء و صارت ما بدها تشتري
صاحب المحل مشان ما تنكب بضاعتو ضاعف سعرو 9 مرات .. ئام بظرف اسبوعين كانت الكمية كلها خالصة
الناس ما بتدور ع الجودة غالباً الناس بالتدور ع الاسم والسعر ..

[ياسمينة الشام]

و بالنسبة للئعدات .. في أماكن راقية متوسطة مو ضروري تروح تقعد بمحل غربي فاتح فرع ببلدانا العربية ليورجينا أنو هو الماركة الأفضل وباقي المحلات كلها يع
في كتير كافيهات بالبلد بتاخد العئل ومالها مكلفة و بتحط نص راتبك فيها حق فنجان قهوة

[r_mido]

أنا كمان ما عم ئلك تروح تشتري من ع البسطة تياب مهترية وباليه ههههه
في محلات الجودة تبعها ما بتختلف سدئني
بعدين مرة من المرات رحت ع مكل فيو كل ادوات التجميل و هالئصص
حكالي شغلة أنو مرة طرحو بالسوق كريم اساس ممتاز و الكل اعجب فيه ومع هيك رخيص
ئام العالم صارت لأنو رخيص تفكرو سيء و صارت ما بدها تشتري
صاحب المحل مشان ما تنكب بضاعتو ضاعف سعرو 9 مرات .. ئام بظرف اسبوعين كانت الكمية كلها خالصة
الناس ما بتدور ع الجودة غالباً الناس بالتدور ع الاسم والسعر ..

انا شو بدي بالناس !! انا حكيت وجهة نظري والشي اللي بعملو انا
بعرف تمام المنيح من العاطل وبعرف شو بدي اشتري ووين بدي ائعد
مشان موضوع الجودة المتماثلة بحب ائلك غلطانة , لانو الشعب العربي السوري اذا ما لائى حدا يغشو بغش حالو
وطنياً نادر ما يمر علي ئطعة منيحة تضاهي الئطعة الاجنبية

[r_mido]

و بالنسبة للئعدات .. في أماكن راقية متوسطة مو ضروري تروح تقعد بمحل غربي فاتح فرع ببلدانا العربية ليورجينا أنو هو الماركة الأفضل وباقي المحلات كلها يع
في كتير كافيهات بالبلد بتاخد العئل ومالها مكلفة و بتحط نص راتبك فيها حق فنجان قهوة

سبئ وئلتلك اللي معو مبلغ مارح يتدين فوئو مشان يشرف فنجان ئهوة بالمكان الفلاني
بعدين نسيتي اني محاسب ههههههه لا تخافي بحسبا صح وبعرف كيف اوزع ئعداتي

[أنثى السعادة]

هيدا تفكير سطحي جدا للاسف ، تصدقي انا ما كتير معاشرة هيك ناس ، و فعلا التحضر مش بالمظاهر و انما بالعقول .
بس جد حرام انو الصرف الزايد يكون في سبيل هالامور ، حلو الانسان يقدر قيمه النعمه اكتر
بالنهاية كل مين عقلو براسو بيعرف خلاصو

شكرا عالطرح سمسم

[ياسمينة الشام]

انا شو بدي بالناس !! انا حكيت وجهة نظري والشي اللي بعملو انا
بعرف تمام المنيح من العاطل وبعرف شو بدي اشتري ووين بدي ائعد
مشان موضوع الجودة المتماثلة بحب ائلك غلطانة , لانو الشعب العربي السوري اذا ما لائى حدا يغشو بغش حالو
وطنياً نادر ما يمر علي ئطعة منيحة تضاهي الئطعة الاجنبية

أنا عم ناقش مشكلة مجتمعية بس عن كل الناس عم بحكي
و أنا ما حكيت تشتري وطني في ئطع اجنبية ومحلات اجنبية بس مش ماركة يعني
و ما بالضرورة اذا اجنبية يعني تكون اسعارا فوق الريح

[ياسمينة الشام]

سبئ وئلتلك اللي معو مبلغ مارح يتدين فوئو مشان يشرف فنجان ئهوة بالمكان الفلاني
بعدين نسيتي اني محاسب ههههههه لا تخافي بحسبا صح وبعرف كيف اوزع ئعداتي

أنا ما عم ئول حسب يلي معو ويلي ما معو
بس كمان الفقرا من الناس صارت تطلع لهي الئعدات كأنها ئعدة ع الشاطئ بهاواي إلا شوي
بس كمان يلي معو مصاري مو شرط يصرفها على هيك محلات بينما بيقدر يستغل هالشي بأكتر من مكان و يوقف بعزئة
ومانسيت انك محاسب تصئ بس مالك حاسبا منيح

[ياسمينة الشام]

هيدا تفكير سطحي جدا للاسف ، تصدقي انا ما كتير معاشرة هيك ناس ، و فعلا التحضر مش بالمظاهر و انما بالعقول .
بس جد حرام انو الصرف الزايد يكون في سبيل هالامور ، حلو الانسان يقدر قيمه النعمه اكتر
بالنهاية كل مين عقلو براسو بيعرف خلاصو

شكرا عالطرح سمسم

يسلملي الفهيم أنا
أنا هي وجهة نظري .. حلو تقدير النعمة وحلو الاحساس بالبشر التانية !!
يعني مو شرط اذا غني يعني بحئلو وين ما بدو يقعد ويبعزئ
ع ئولة زياد الرحباني .. كأنو المصاري ئشطت لحالا ع هيدا نتفة و ع هيدا كتير !!
منورة حبيبتي

[تَـرَفْ ~]

شكراً إلك سوما أول شي على طرح هالموضوع
أنا من وجهة نظري أنو الغالي سعرو معو
يعني مافي قطعة غالية و مالها منيحة أكيد رح تكون أحسن
و يسلمو على الدعوة مرة تانية

[ياسمينة الشام]

شكراً إلك سوما أول شي على طرح هالموضوع
أنا من وجهة نظري أنو الغالي سعرو معو
يعني مافي قطعة غالية و مالها منيحة أكيد رح تكون أحسن
و يسلمو على الدعوة مرة تانية

أهلاً حبيبتي
و أنا بخالفك .. مو دائماً الغالي سعرو معو ..
صارت معي بالزمنات أنو رحت ع ماجيلا مع أمي و طبعاً مو أنا يلي نئيت ع الروحة
أنو شفت ئطعة تياب هية عبارة عن نص بلوزة حتى ههههه عجبتني و شفتا ع الملكان وكل شي تمام
رجعت ع البيت أول شي أخواتي يبحلئو فيني أنو حطيت حئ شرشوطة ه التياب 6000 ليرة !!
أنو اخواتي الصبيان اشترو بهالمبلغ كل تياب العيد
و صدقاً يمكن مالبستها غير مرتين و ما عدت شفتها حلوة متل وئت شفتها بهالمحل بين كل ئطع التياب الغالية
و من وئتا ما بروح ع هيك محلات

[سلمى]

شوفي عيوني هي اول شي قدرات مادية لكن الملاحظ ان الظاهرة التفاخر بشراء الماركات حتى لو ما معهن يشتروها صارت شائعة وخصوصي بين الصبايا بالئعدات
بتلاقي الصبية عم بترص كم ما ركة اشترهن باليوم السابق لحد ما القاعد معهن يمل وبيبن بصراحة التظاهر والرغبة بالظهور الاجتماعي بين الناس بانن من الاثرياء
او الناس الكلاس اللي ما بيبلسوا كيف ما كان حتى لو بالكزب بعض الاحيان وكلنا بيبقى عارف ان الحكي مو مزبوط فبقى الموضع صاير مش اكتر من مظاهر اجتماعية
وحب ظهور عند البعض ومسايرة للموجة والموضة للبعض الاخر وهيدا كله صدقيني كله اساسه شي واحد ضحولة التفكير وسطحيته فراغ فكري عندن يعني اللي ما عندو قدرة
او ميزة شخصية او حتى نوع من الرأي للقضايا العامة بيحاول يخفي هالنقص في المعرفة والثقافة بالحكي في الماركات لما صارت الماركات بحد ذاتها ثقافة ومعرفة وعلم بالنسبة للبعض.
مو مهم انت من وين بتلبس بقدر من وين تفكيرك جايي وشو اللي بتحمله جواتك من معرفة واخلاق ودين لأن بعض لبيسة الماركات اخلاقهن للاسف ما بتسوى فرنك!
رأيي المتواضع عيوني وشاكرة الدعوة للموضوع وشاكرة اختيارك الواقعي والملموس بحياتنا اليومية يسلمو الانامل سوما.

[syria oshqy]

مرة رحرت اشتري لولادي تياب فتت على محل وعم شوف وعجبني كم قطعة وكانوعلى قياس الولاد ولما سألتو على السعر قام عطاني سعر خيالي وعلى اساس في رخصة 50% قلتلو بس هاد سعر كتير كبير وانت حاطت رخصة قال ايه بعد الحسم هيك تركتو وطلعت من المحل وعم اتمشى لقيت على العرباية نفس البضاعة الي بالمحل موجودة وقفت ونقيت نفس القطع بس بلا كيس اوكرتونة محطوطين فيه وأخذتهم بسعر خيالي اكتر بين ماادفع 15ألف و بين مادفعت 4 آلاف بس لأن محل
هذا حصل معي شخصيا
وحاليا الماركة صارت بلاطعمة لأن بيتاخذ الغرض اليوم وتاني يوم على التصليح

موضوع مميز عزيزتي يعطيكي العافية

[ياسمينة الشام]

شوفي عيوني هي اول شي قدرات مادية لكن الملاحظ ان الظاهرة التفاخر بشراء الماركات حتى لو ما معهن يشتروها صارت شائعة وخصوصي بين الصبايا بالئعدات
بتلاقي الصبية عم بترص كم ما ركة اشترهن باليوم السابق لحد ما القاعد معهن يمل وبيبن بصراحة التظاهر والرغبة بالظهور الاجتماعي بين الناس بانن من الاثرياء
او الناس الكلاس اللي ما بيبلسوا كيف ما كان حتى لو بالكزب بعض الاحيان وكلنا بيبقى عارف ان الحكي مو مزبوط فبقى الموضع صاير مش اكتر من مظاهر اجتماعية
وحب ظهور عند البعض ومسايرة للموجة والموضة للبعض الاخر وهيدا كله صدقيني كله اساسه شي واحد ضحولة التفكير وسطحيته فراغ فكري عندن يعني اللي ما عندو قدرة
او ميزة شخصية او حتى نوع من الرأي للقضايا العامة بيحاول يخفي هالنقص في المعرفة والثقافة بالحكي في الماركات لما صارت الماركات بحد ذاتها ثقافة ومعرفة وعلم بالنسبة للبعض.
مو مهم انت من وين بتلبس بقدر من وين تفكيرك جايي وشو اللي بتحمله جواتك من معرفة واخلاق ودين لأن بعض لبيسة الماركات اخلاقهن للاسف ما بتسوى فرنك!
رأيي المتواضع عيوني وشاكرة الدعوة للموضوع وشاكرة اختيارك الواقعي والملموس بحياتنا اليومية يسلمو الانامل سوما.

ماشالله حولك سلمى لخصتي كل شي تماماً
أكيد هالشي نئص بشخصية الواحد يلي بحب بس يكون مركز اهتمام وهاد مرض
والغريب فعلاً أنو في ناس بتتظاهر بهالشي
ويلي ما معه مصاري يشتري الئطعة الماركة بحاول يشتري التئليد منها أنو بس مشان الاسم مو أكتر
و ضحكتني قصة ثقافة الماركات .. أنو فعلاً أنا ما بفهم فيها و بحمد الله على هالشي .. بتلاقي بعض البنات حافظين اسماء الماركات العالمية بالتدريج وانو احسن وشو اخر صيحات الموضه ومن هالعلاك
نورتيني برأيك سلمى وشكراً لمشاركتك بتمنى ترجعي تطلي