/// سهرة رمضان الثالثة ~أهدافـــــنا والتحديـــــات....

[♪♪زهرة اللوتس♪♪]

السلام عليكم ورحمة الله وبركاته



الله يسعد مساكم وكل اوقاتكم اصدقائي واخواني
اعضاء الروز وزواره الكرام



بصراحة احترت عن شو احكي بالسهرة




طلع معي الاتي :



هلئ طبعا كتير منا بيتعرض لتحديات وضغوط كتيرة بحياتو اليوميه
وبتشكل عقبة بطريئنا للوصول الى اهداف واحلام رسمناها لمستئبلنا






واكيد وقطعا بتختلف الصعوبات والعوائق
بحجمها ومصدرها ابتداء من الاهل يلي مثلا رح يعترضو على
اختصاص ما بتحبو وبتحب تدرسو مثلا او على زواجك اوو..الى زملاءك و,,,

وبيضل بنظري اكبر تحدي ممكن نواجهو هو تحدي النفس للوصول لشيءمعين
او انو نحصل على شي مميز سواء على صعيد الدراسه او العمل او المستقبل



وقطعا حتى نصل لهدفنا ونتغلب على التحديات يلي رح تواجهنا
لازم يكون عنا مفاتيح اساسية عن طريئها ممكن نوصل
لهدفنا وغايتنا ونحقق وجودنا وانفسنا متل الارادة والاصرار وووو

وهاد طبعا بمختلف المجالات والاماكن وعلى كل المستويات
هلئ بنظركن شو ممكن تكون هي المفاتيح يلي

بتوصلنا لغايتنا؟؟؟؟؟
هل ممكن تهزمك هي التحديات وتخليك
تترك هدفك وتمضي باقي حياتك جالس على الاطلال
وتكمل حياتك متل مابدو غيرك ؟؟؟

ويلي عندو تجربه بهيك مجال
ياريت يذكرلنا ياها سواء تكللت بالنجاح او بالفشل


فاصل ونواصل

هون اجت ببالي قصيده نزار التحديات

أتحدى..
من إلى عينيك، يا سيدتي، قد سبقوني
يحملون الشمس في راحاتهم
وعقود الياسمين..
أتحدى كل من عاشترتهم
من مجانين، ومفقودين في بحر الحنين
أن يحبوك بأسلوبي، وطيشي، وجنوني..
أتحدى..
كتب العشق ومخطوطاته
منذ آلاف القرون..
أن تري فيها كتاباً واحداً
فيه، يا سيدتي، ما ذكروني
أتحداك أنا.. أن تجدي
وطناً مثل فمي..
وسريراً دافئاً.. مثل عيوني
أتحداهم جميعاً..
أن يخطوا لك مكتوب هوىً
كمكاتيب غرامي..
أو يجيؤوك –على كثرتهم-
بحروفٍ كحروفي، وكلامٍ ككلامي..
أتحداك أنا أن تذكري
رجلاً من بين من أحببتهم
أفرغ الصيف بعينيك.. وفيروز البحور
أتحدى..
مفردات الحب في شتى العصور
والكتابات على جدران صيدون وصور
فاقرأي أقدم أوراق الهوى..
تجديني دائماً بين السطور
إنني أسكن في الحب..
فما من قبلةٍ..
أخذت.. أو أعطيت
ليس لي فيها حلولٌ أو حضور...
أتحدى أشجع الفرسان.. يا سيدتي
وبواريد القبيله..
أتحدى من أحبوك ومن أحببتهم
منذ ميلادك.. حتى صرت كالنخل العراقي.. طويله
أتحداهم جميعاً..
أن يكونوا قطرةً صغرى ببحري..
أو يكونوا أطفأوا أعمارهم
مثلما أطفأت في عينيك عمري..
أتحداك أنا.. أن تجدي
عاشقاً مثلي..
وعصراً ذهبياً.. مثل عصري
فارحلي، حيث تريدين.. ارحلي..
واضحكي،
وابكي،
وجوعي،
فأنا أعرف أن لن تجدي
موطناً فيه تنامين كصدري..

وهي هون بصوت كاظم
http://www.sm3na.com/audio/96c1aced239f

نواصل

انا ممكن اتحدى كلشي بيوئف بطريئي لما بعرف حالي صح وماشيه بطريئ مستقيم مافيو شي
وطالما مؤمنة بالله وبعزيمتي ومقدرتي وبهدوئي واتزاني واني مهما صبرت وطولت لازم اوصل
واني كون متوقعه هيك صدمات بتوئف بطريئي
وطالما راسمه ببالي مخطط لحياتي المستقلبية ولشغلي ولوين ناويه اوصل باذن الله
وربما لو فشلنا بس بيكون يكفينااا شرف المحاوله
ماذا عنكم انتم ؟؟؟؟

[السندريللا]

مساء الخير زهرتنا
انا وحدة من ضحايا تحديات القدر يلي لعب دور كبير بحياتي واثّر على طموحاتي سلبياً .
وهالشي بلّش من موضوع الاقامة الجبرية خارج الوطن لموضوع اختيار الشريك وكمان بالنسبة
لإختيار المجال الدراسي يلي بحبو وكتير تفاصيل واشيا تانية .
وبكل مرة من المرات طلعت مهزومة وما نجحت في الاستمرار والمتابعة .
ونتيجة هالهزائم صار عندي احباط ويأس عم احكي على الصعيد الشخصي.
انا بعرف كتير منيح انو الانسان القوي لازم من بعد سقوطه يوقف ويستمر وما يبقا بمكانو
بس كثرة الضربات بتحطم الارادة وخاصة اذا كانت متتالية وبذلك اهدافنا ما بيعود الها وجود الا بالاحلام
بعد ما نكون انحرفنا عن المسار الصحيح يلي كنا واضعينو لانفسنا لتحقيق غاياتنا .

[♪♪زهرة اللوتس♪♪]

مساء الخير زهرتنا
انا وحدة من ضحايا تحديات القدر يلي لعب دور كبير بحياتي واثّر على طموحاتي سلبياً .
وهالشي بلّش من موضوع الاقامة الجبرية خارج الوطن لموضوع اختيار الشريك وكمان بالنسبة
لإختيار المجال الدراسي يلي بحبو وكتير تفاصيل واشيا تانية .
وبكل مرة من المرات طلعت مهزومة وما نجحت في الاستمرار والمتابعة .
ونتيجة هالهزائم صار عندي احباط ويأس عم احكي على الصعيد الشخصي.
انا بعرف كتير منيح انو الانسان القوي لازم من بعد سقوطه يوقف ويستمر وما يبقا بمكانو
بس كثرة الضربات بتحطم الارادة وخاصة اذا كانت متتالية وبذلك اهدافنا ما بيعود الها وجود الا بالاحلام
بعد ما نكون انحرفنا عن المسار الصحيح يلي كنا واضعينو لانفسنا لتحقيق غاياتنا .

ميه مسا سندريلا
يمكن معك حئ انو كتر الضربات بتجيب احباط وبتئتل الطموح بس ليش نستسلم ..ليش ما نحاول اكتر
طبعا كل انسان الو ظروفوو واسبابو بس والله انا بتصور ما لازم نستسلم يعني والله هي حياتنا وكم مره بدنا نعيش
يعني لساتنا باول عمرنا ليش ماننسى يلي صار ونحاول من جديد اكيد في امل

[السندريللا]

ميه مسا سندريلا
يمكن معك حئ انو كتر الضربات بتجيب احباط وبتئتل الطموح بس ليش نستسلم ..ليش ما نحاول اكتر
طبعا كل انسان الو ظروفوو واسبابو بس والله انا بتصور ما لازم نستسلم يعني والله هي حياتنا وكم مره بدنا نعيش
يعني لساتنا باول عمرنا ليش ماننسى يلي صار ونحاول من جديد اكيد في امل

.
.

يلي اتفضّلتي فيه زهرة كلام جوهري ومنطقي مية بالمية
ولكن تنفيذو صعب ع الإنسان المحطّم
الفاقد للإرادة والعزبمة.
يعني لما منخسر التحدّي بأكتر من مجال بيصير الجسم عبارة عن آلة
عم تشتغل بإملاء القدر ، مسيّرة من قِبلْ الاحداث.

[♪♪زهرة اللوتس♪♪]

.
.

يلي اتفضّلتي فيه زهرة كلام جوهري ومنطقي مية بالمية
ولكن تنفيذو صعب ع الإنسان المحطّم
الفاقد للإرادة والعزبمة.
يعني لما منخسر التحدّي بأكتر من مجال بيصير الجسم عبارة عن آلة
عم تشتغل بإملاء القدر ، مسيّرة من قِبلْ الاحداث.

صح كلامك يمكن يصير احباط متعدد المصادر والجهات
بس الله يخليكي خلي في امل واكيد قوه الايمان والعزيمه وشويه نسيان
مع قلب صادق يكون جنبك يحكيلو تشكيلو همك يرفع من عزيمتك وياخد بايدك الا ماتفتح ولو من باب واحد من الابواب
شوفي سندريلا انا بزماني كنت حاطه ببالي فرع ادرسووو وطبعا اهلي كان الهن وجهه نظر تانيه وخلوني ادرس عا رغبتهن
اول سنه سنتين ئضيتهن احباط وكرهانه الدراسه كلها والدنيه كلها بس شوي شوي حبيت يلي عم ادرسو وتأقلمت معوويمكن عذرتهن لاهلي بعدين يعني
وكملت وتفوقت واثبت وجودي وهلئ بشغلي الحمد لله وناويه كمل دراسه مابعرف هو هاد يعتبر استسلام ولا رضى بمااعطانا الله ولكن الحمد لله احساس الاحباط والفشل راح لاني ائدرت اعمل شي ...

[r_mido]

رح احكي عني شخصياً ..

معروف عني عنادي وراسي اليابس , ولما بحط شي براسي بدي اعملو ولو كلفني ايام وليالي ... يعني خلص بصير كل شي ئدام نظري اسود ما عدا نئطة بيضة بعيدة "هالنئطة بتمثل الشي اللي عم اسعالو" ..
انا مالي من النوع اللي بيرسم سنين لئدام , بحب اعالج الحاضر بالحاضر بس بدون ما اغفل عن المستئبل طبعاً
مابخبي اني تعرضت لانتكاسات كتيرة , بس الحمدلله بعد كل انتكاسة كان الي وراها وئفة تانية وغالبا بتكون وئفة اكبر من اللي ئبلا
الثقة بالنفس بتولد ارادة كبيرة وبس الانسان امتلك هالارادة ما بظن رح يصعب عليه شي

[السندريللا]

شوفي سندريلا انا بزماني كنت حاطه ببالي فرع ادرسووو وطبعا اهلي كان الهن وجهه نظر تانيه وخلوني ادرس عا رغبتهن
اول سنه سنتين ئضيتهن احباط وكرهانه الدراسه كلها والدنيه كلها بس شوي شوي حبيت يلي عم ادرسو وتأقلمت معوويمكن عذرتهن لاهلي بعدين يعني
وكملت وتفوقت واثبت وجودي وهلئ بشغلي الحمد لله وناويه كمل دراسه مابعرف هو هاد يعتبر استسلام ولا رضى بمااعطانا الله ولكن الحمد لله احساس الاحباط والفشل راح لاني ائدرت اعمل شي ...

بالنسبة لدراستي انا ما كنت قوية متلك يعني بصراحة الواقع يلي انفرض عليي حاولت اتماشى معاه بس ما ئدرت كمّل للنهاية .
يعني انا درست سنتين ونص اخصائية تغذية وكنت روح غصب عني، وكنت دايما ئول لأهلي عم اضحك ع حالي اني عم اتعلم
انا ما عم اتعلم .. وبالفعل ما ئدرت كملت ، وتركت بنص الطريق لان ما كان في ادامي غير هالمجال بحكم المنطقة يلي كنت فيها ما في
اختصاصات تناسبني اكتر من هالإختصاص والمجال الادبي يلي بحبو بعيد عن مكان السكن وخطر عليي اتنقل مسافات طويلة .
بقا ايّ تحدّيات هون بدي جاري ؟؟!!

[السندريللا]

رح احكي عني شخصياً ..

معروف عني عنادي وراسي اليابس , ولما بحط شي براسي بدي اعملو ولو كلفني ايام وليالي ... يعني خلص بصير كل شي ئدام نظري اسود ما عدا نئطة بيضة بعيدة "هالنئطة بتمثل الشي اللي عم اسعالو" ..
انا مالي من النوع اللي بيرسم سنين لئدام , بحب اعالج الحاضر بالحاضر بس بدون ما اغفل عن المستئبل طبعاً
مابخبي اني تعرضت لانتكاسات كتيرة , بس الحمدلله بعد كل انتكاسة كان الي وراها وئفة تانية وغالبا بتكون وئفة اكبر من اللي ئبلا
الثقة بالنفس بتولد ارادة كبيرة وبس الانسان امتلك هالارادة ما بظن رح يصعب عليه شي

الثقة بالنفس هي مصدر قوة الانسان واكيد انت كنت توقف بعد كل عثرة تواجهك وتقوى لان الظروف والبيئة بتلعب دورها كمان
و لما يكون في خيارات بديلة رح تسهّل علينا المسيرة وهالخيارات رح تكون بمثابة امل وضوء من بعيد عم يشع
رح يوّلد فينا عزيمة تانية وتخلينا نكمل المسير .
همسة : يا ريت لو مكبّر خطك شوي يعني ما رح تخسر كتير
التوفير حلو بس مش يكون بخلنة

[♪♪زهرة اللوتس♪♪]

رح احكي عني شخصياً ..

معروف عني عنادي وراسي اليابس , ولما بحط شي براسي بدي اعملو ولو كلفني ايام وليالي ... يعني خلص بصير كل شي ئدام نظري اسود ما عدا نئطة بيضة بعيدة "هالنئطة بتمثل الشي اللي عم اسعالو" ..
انا مالي من النوع اللي بيرسم سنين لئدام , بحب اعالج الحاضر بالحاضر بس بدون ما اغفل عن المستئبل طبعاً
مابخبي اني تعرضت لانتكاسات كتيرة , بس الحمدلله بعد كل انتكاسة كان الي وراها وئفة تانية وغالبا بتكون وئفة اكبر من اللي ئبلا
الثقة بالنفس بتولد ارادة كبيرة وبس الانسان امتلك هالارادة ما بظن رح يصعب عليه شي

ماهي هي االنئطه البيضا يلي عم نحكي عنها طيب لو حدا حط بوجهك مصاعب او اصابك بالاحباط شو بيكون تصرفك
معو يعني بطنشو وبتكمل ولا ممكن تنهار وتستسلم انا بتصور انو يمكن الواحد يوصل لمرحلة يتوئف ما يكمل ليوصل لهدفو ؟؟؟

[♪♪زهرة اللوتس♪♪]

بالنسبة لدراستي انا ما كنت قوية متلك يعني بصراحة الواقع يلي انفرض عليي حاولت اتماشى معاه بس ما ئدرت كمّل للنهاية .
يعني انا درست سنتين ونص اخصائية تغذية وكنت روح غصب عني، وكنت دايما ئول لأهلي عم اضحك ع حالي اني عم اتعلم
انا ما عم اتعلم .. وبالفعل ما ئدرت كملت ، وتركت بنص الطريق لان ما كان في ادامي غير هالمجال بحكم المنطقة يلي كنت فيها ما في
اختصاصات تناسبني اكتر من هالإختصاص والمجال الادبي يلي بحبو بعيد عن مكان السكن وخطر عليي اتنقل مسافات طويلة .
بقا ايّ تحدّيات هون بدي جاري ؟؟!!

معناها هون السبب مو احباط من طرف واحد الله يكون معك بصراحه بس كمان خليكي متفائله انو الا يكون في باب ضووو ولو من شق صغير
من باب جانبي مانا حاسين فيه

[r_mido]

الثقة بالنفس هي مصدر قوة الانسان واكيد انت كنت توقف بعد كل عثرة تواجهك وتقوى لان الظروف والبيئة بتلعب دورها كمان
و لما يكون في خيارات بديلة رح تسهّل علينا المسيرة وهالخيارات رح تكون بمثابة امل وضوء من بعيد عم يشع
رح يوّلد فينا عزيمة تانية وتخلينا نكمل المسير .
همسة : يا ريت لو مكبّر خطك شوي يعني ما رح تخسر كتير
التوفير حلو بس مش يكون بخلنة

الظروف والبيئة !!!!!؟

1- انا فلسطيني عايش بسوريا , رغم الامتيازات اللي بيتمتع فيها الفلسطيني هون دوناً عن كل بلاد العرب الا اني محروم من امتيازات بتعوق التطور ..
2- الوضع المادي لأسرتي مش هالكبير جدا لحتى يسهلولي ظروفي ..
3- دراستي وشهادتي مش هالشهادة العظيمة اللي بتخولني اني أبدع وأظهر بسهولة ..
4- موضوع الشغل معروف عنا انو الشب بتطلع عيونو بالطول والعرض لحتى يلائي شغل "ومش متل العالم والناس" .

رح اكتفي بهدول مع العلم انو عندي حكي كتير عن الظروف ومستعد اضل احكيلك ليأسك

وجهة نظري هي انو انا اللي بسير الظروف مش الظروف بتسيرني
انا اللي بخلئ الزمان والمكان خلئة وبفصلا وبزبطا لتصير مطابقة علي وع مئاسي تمام

رح بلش معك بحياتي العملية خطوة بخطوة :
دراستي ما كانت ع كيفي .. اجبرت بالبداية ادرس انكليزي وما كنت موافئ لاني باختصار حمار غير ناطق بالانكلش ولو درستا يمكن كان بعدني لهلأ ما تخرجت , ما كان عندي خيار تاني غير المعد التجاري فتت فيو واختصيت اختصاص كان اول مرة بعملو بسوريا ألا وهو البورصات وأصريت ئدام اهلي اني عملت الصح .. وعرفت بيني وبين نفسي انو لازم اعمل شي كبير بحياتي وابذل مجهود واخبي اي فشل بصير معي حتى ما حدا يحكي عن خياري انو سيء ...

بعد تخرجي كان بنفسي اسافر وأكون حالي برا لانو بسوريا في مئبرة للجهود والإبداعات وأنا بحس بحالي عندي شي اكبر من هالبلد او بالاحرى ما لائيت هون المكان اللي ابرز فيو مهارتي .. ما سافرت ورحت ع الجيش وروحت سنتين بئولولا هون فورة الشباب ..

بديت حياتي العملية بعد الجيش بشركة من اكبر شركات سوريا وتدرجت فيها لحد ما صرت برتبة مدير مالي صغير بأحد مشروعاتا وتنئلت من شغل لشغل والحمدلله بكل مكان أثبت شطارتي ..

حتى بيتي اللي كنت حابب اشتري اهلي مارضيو فيو واشترولي بيتي ع كيفون وما كنت راضي عنو , بس بعدين قررت اني اعمل من هالبيت قصري واساوي فيو كل شي ممكن شب مقتدر يساوي ببيتو "طبعا شائت ظروف سوريا اني انحرم من بيتي ويتضرر "


ولحد الآن ما زلت بصنع من كل ظرف بمر فيه مساحة لابداع جديد اضيفو لانجازاتي ... حتى لو كانت انجازات كبيرة بس انا بعمري هاد بعتبرا وبشوفا كبيرة لاني تعبت بكل شي فيها...

[r_mido]

ماهي هي االنئطه البيضا يلي عم نحكي عنها طيب لو حدا حط بوجهك مصاعب او اصابك بالاحباط شو بيكون تصرفك
معو يعني بطنشو وبتكمل ولا ممكن تنهار وتستسلم انا بتصور انو يمكن الواحد يوصل لمرحلة يتوئف ما يكمل ليوصل لهدفو ؟؟؟

شو هو الهدف !!!؟
اي هدف ببالك وين بدك توصلي فيو بالاخير !!!!!!!!!!!!!!!!!!!؟

إما (مال) أو (شهادة) أو (مركز اجتماعي) أو (نجاح مهني)

في غير هالاهداف المتعارف عليها ؟؟

يعني برأيك انا صغير وئلت بدي اصير دكتور , وشائت الاقدار اني اطلع محاسب بس ناااجح جدا ومقتدر والي مركزي ومعارفي ووزني الاجتماعي
هاد استسلام ولا نجاح ؟؟؟

[♪♪زهرة اللوتس♪♪]

شو هو الهدف !!!؟
اي هدف ببالك وين بدك توصلي فيو بالاخير !!!!!!!!!!!!!!!!!!!؟

إما (مال) أو (شهادة) أو (مركز اجتماعي) أو (نجاح مهني)

في غير هالاهداف المتعارف عليها ؟؟

يعني برأيك انا صغير وئلت بدي اصير دكتور , وشائت الاقدار اني اطلع محاسب بس ناااجح جدا ومقتدر والي مركزي ومعارفي ووزني الاجتماعي
هاد استسلام ولا نجاح ؟؟؟

لاء هاد بالذات نجاح وهو نفسو يلي حكيت عنو انا انو ئدرت اثبت حالي بشغلي وبشهادتي يلي اخدتها ويلي بفتخر فيها مع اني كنت بالاول مو طايئتها
بس السبب يلي خلاني هيك انو كان في جنبي مين وئف معي وساعدني لما كنت محبطه وهيه امي وانا بتصور لولاها كنت احبطتت وما كملت
يعني مو عاطول الثقه بالنفس وحدها بتجيب نتيجه بدنا شحنات ايجابيه جنبنااا تساعدنا

[سلمى]

اول شي مسا الخير للجميع
برأيي ان لكل انسان ظرفه في التعامل مع معطيات الواقع االلي بيعيشه والمعوقات والمشكلات مختلفة باختلاف الفرد تركيبته النفسية وتأهيلة كتربية وبيئة مجتمع ومنظومة القيم اللي بيحملها بداخله
استجابات البشر للضغط مختلفة البعض بيستجيب بالتكيف وبذل جهد اكبر والبعض بيستجيب بالانسحاب بعيدا عن مصدر الضغط وهون الدوافع لمواجهه المصاعب للوصول الى الهدف او الحفز
بيكون بطريقتين اما الرغبة في التطور والنجاح او الخوف من الفشل حتى مصدر الحفز الانساني ممكن يكون ذاتي نابع من النفس ذاتها وممكن يكون خارجي من المحيطين بعد تجربة لقيت
ان افضل طريقة لتوصل لهدفك ان تحسب شو النتائج المترتبة على نجاحك بانجاز هدف معين بمعنى يكون الحافز الرغبة في النجاح بأمر محدد وكل ما تنجز شوي تعمل تقييم للايجابيات والسلبيات
وتتمسك بالايجابيات وان ائما التحفيز يكون ذاتي للانسان حتى لو فشل بمرحلة معينة لازم يتذكر ان الفشل مفتاح للنجاح ويتمسك بميزاته ويوجهها توجيه سليم ويكون عنده الاصرار الكافي ما يعتمد دائما على المكافآت الخارجية
او المديح من الآخرين لأن ممكن الانسان يواجه نوعية من البشر محبطة شو ما بذل جهد بتحسسه انه مو كافي وانه فاشل واذا سلم قياده لهيك ناس معناتها فقد نفسه والهدف اللي بيسعى اله
وفي ناس تانية ممكن تكون متل راديو النعي ما بتحكي الا بالصعوبات والمعوقات ما بتحكي بشي ايجابي هدول حلو تسمعلهن بس بحدود يعني مش على طول لأن هدول بيعطوك احيانا اشارات
لمشكلات ممكن توقع فيها فبتاخد بالك منها لكن لا تتركهن يسيطروا على مجرى تفكيرك لأن هدول كمان سبب للفشل لأن القرب منن كتير بيسبب الاحباط بشكل عام .
آسفة للاطالة وبتشكرك زهرة لاختيارك الموضوع الهام لأن معظم الشباب الان عندهن مشاعر احباط وغالبا ياللي بيفكر في هدف ما عم يحصله بتحييد الوضع السياسي القائم بنيت رأيي يسعد مساكن اجمعين.

[gaya]

مسا التحدي ههههه

بصراحة اجيت ع الموضوع هالمرة بناءً ع دعوتك بالعادة لو دعيتيني بكون جاية لحالي أصلاً.
لأن مو حابة إحكي عن حالي لأني حدا واجعة مخي من صغري بهالئصص .

والسبب التاني يلي ما حبيتو بالردود إنو الكل معتبر استسلامو لرغبة أهلو ومن بعدا قبولو للأمر الواقع هاد بحد ذاتو نجاح.
يعني أهل الواحد بيجبرو ع الشي بعدين هو بيتعود كالعادة بكل شي بحياتنا بعدين من القهر يلي صابو بيثبت جدارتو بيلي اختارولو يا. وبالآخر بيجو الأهل بيئولو شفتو لو ما رديتو علينا كان خربت الحياة.


طول ما نحنا مسبقين الصنع متل ما حكيت بموضوع تاني بإحدى المرات رح نضل هيك ورح نربي ولادنا هيك.

لوتس