سهرة رمضان الرابعة > كل عام وأنت أجمل من ظنونك ~~

[gaya]

العلوم لا تحاول الشرح, بل نادراً ما تحاول التفسير, فهي في الأساس تصنع نماذج. والنموذج هو بناء رياضي يستطيع لغوياً أن يصف الظواهر المشاهدة.
























من كل عئلك فكرت هاد الموضوع ؟؟!!










موضوعي أبسط من هيك شكلاً فقط .



الأحكام المسبقة أو بالعامية ( الذمة الواسعة ) ... رياضة يومية أهم أدواتها :




1_العين من أجل فعل رؤية المشهد


2_اللسان من أجل إطلاق الحكم على المشهد




( بائي الأدوات مالا لازمة, متل: الدماغ _ إلنا ملايكة ع كتافنا _ صفي النيّة _ دع الخلق للخالق _ لك أضعف الإيمان كل واحد حر بحالو )


هئ


ولا يُمكن ع الأكيد في شي غلط وأول فكرة بتقفز للناس هي الإساءة الفورية للشخص.







كالعادة ظاهرة قاتلة بمجتمعنا الجميل ...



سوء النية هو شي اعتيادي بين الناس وكل شخص بيشوف إنو بيحئلو يطلق أحكامو ع البشر حتى إزا هو غيرمؤهل لهالمهمة أصلاً.


خبرونا شو شفتو متل هالحالات يعني ناس بتحكم ع الأشخاص بدون معرفة سابقة . وبدون ما يعرفو الوضع يلي هالأشخاص في.


يا ريت كل حدا يجرب يحطلنا مثال مشان ما تضل الفكرة محصورة بمثال واحد ورح بلش بأول مثال :











~رمضانكُم إخْوةٌ يجتمعونَ في الخيرِ وللخير !~

[ياسمينة الشام]

أول شي كنت رح غوطن من البداية هههههه
منيح طلع الموضوع أبسط من هيك


رح شارك بهالصورة
وافتح نافذة صغيرة للنقاش من ضمن موضوعك والي هية
الإعلام ~
الإعلام ممكن كتير يتحكم بنظره المشاهد .. طبعاً لما المشاهد ما يشغل مخو
لأن لحد الآن أنا ما شفت ولا قناة عربية ( لأن اجنبية ما بتابع ) عرضت أخبار إلا من وجهة نظر صاحبها و الإجندة الخاصة فيه
و الناس الحمدلله بتتعب إذا شغلت مخها وبتمشي مع السوق غالباً لتتجنب الانتقادات اذا جربت تسبح عكس التيار
يعني معظم الأوقات بتلاقي الشخص داخليتو ماعندو مشكلة بالموقف يلي عم يصير بس بنط واحد قوي ببعبع ع كيفو بقومو الكل بيمشو معو على رأيو و ببعبعو
لهيك بحس أنو الموضوع أو الفعل .. بيطلب واحد قوي ( يعني بس شاطر بالصريخ ) أو إعلام نافذ ( مشهور غالباً ) أنو واحد منهن ينتقد الفعل أو مش شرط ينتقد
إن انتقد أو ما انتقد كل العالم بتلاقيها مشيت وراه لأن الناس بتحب تكون مسيرة وتمشي مع الجماعة عن أنها تتميز و تقول الصح ..

[Randah]

موضوع رائع ,, اكيد رح تحلى الئعدة فيه
بس انطريني شوي حبيبتي لامخمخوا بدماغي و اعمل فنجان قهوة تاني
لانو لساتني خرمانة ما شبعت من الاولاني
لسا السهرة باولا ,, راجعتلك

[gaya]

موضوع رائع ,, اكيد رح تحلى الئعدة فيه
بس انطريني شوي حبيبتي لامخمخوا بدماغي و اعمل فنجان قهوة تاني
لانو لساتني خرمانة ما شبعت من الاولاني
لسا السهرة باولا ,, راجعتلك

نحن بالويتينغ

[gaya]

أول شي كنت رح غوطن من البداية هههههه
منيح طلع الموضوع أبسط من هيك


رح شارك بهالصورة
وافتح نافذة صغيرة للنقاش من ضمن موضوعك والي هية
الإعلام ~
الإعلام ممكن كتير يتحكم بنظره المشاهد .. طبعاً لما المشاهد ما يشغل مخو
لأن لحد الآن أنا ما شفت ولا قناة عربية ( لأن اجنبية ما بتابع ) عرضت أخبار إلا من وجهة نظر صاحبها و الإجندة الخاصة فيه
و الناس الحمدلله بتتعب إذا شغلت مخها وبتمشي مع السوق غالباً لتتجنب الانتقادات اذا جربت تسبح عكس التيار
يعني معظم الأوقات بتلاقي الشخص داخليتو ماعندو مشكلة بالموقف يلي عم يصير بس بنط واحد قوي ببعبع ع كيفو بقومو الكل بيمشو معو على رأيو و ببعبعو
لهيك بحس أنو الموضوع أو الفعل .. بيطلب واحد قوي ( يعني بس شاطر بالصريخ ) أو إعلام نافذ ( مشهور غالباً ) أنو واحد منهن ينتقد الفعل أو مش شرط ينتقد
إن انتقد أو ما انتقد كل العالم بتلاقيها مشيت وراه لأن الناس بتحب تكون مسيرة وتمشي مع الجماعة عن أنها تتميز و تقول الصح ..

خلينا نحط الدراما مثال كون الناس في إحتمال تتابع مسلسل أكتر ما تشوف برامج وثائقية

الدراما بالفترة الأخيرة ما أصرت بمجال التوعية ولفت الانتباه لأمراضنا.. وشفتا كتير عم تعبر عن الشارع بالفترة الأخيرة ( الشارع = كل شي سيء بحياتنا )

ومع هيك ما بيكفي لأن هاد بس بيضل بإطار لفت الانتباه والنقد لكن ما بيحل مشاكلنا .

يعني معظم الأوقات بتلاقي الشخص داخليتو ماعندو مشكلة بالموقف يلي عم يصير بس بنط واحد قوي ببعبع ع كيفو بقومو الكل بيمشو معو على رأيو و ببعبعو
لهيك بحس أنو الموضوع أو الفعل .. بيطلب واحد قوي ( يعني بس شاطر بالصريخ ) أو إعلام نافذ ( مشهور غالباً ) أنو واحد منهن ينتقد الفعل أو مش شرط ينتقد
إن انتقد أو ما انتقد كل العالم بتلاقيها مشيت وراه لأن الناس بتحب تكون مسيرة وتمشي مع الجماعة عن أنها تتميز و تقول الصح ..

لو كل شخص رافض هالسلوكيات و على الأقل عاش حياة طبيعية وسليمة ببيتو وربى ولادوع نفس القيم
كنا منعمل تغيير.

وطبيعي الناس لما تجتمع على رأي أو عادة واجا حدا خالفف بينبذو وبيحسسو بالنفور ونحنا ناس اجتماعيين يخزي العين وبيهمنا رأي الناس فينا
وما فينا نعيش إزا مو مع القطيع . هي خطوة بدها تضحية كتر وشفت ناس عاشوها صح.

وأهلا سوما

[♪♪زهرة اللوتس♪♪]

يسعد مساكن
موضوع حلووو كتير ومنتشر كتير للاسف




من راقب الناس مات هماااا
سوء الظن والشك بالاخرين يعني موضوع منواجهو كتير يمكن بسبب التسرع بالحكم او عدم التماس الاعذار لبعضنا
يعني مثلا اذا انا تأخرت لاوصل عا الشغل بيبلش الحكي والشل ابصر لوين راحت ابصر شو في وراها
وان تأخرت شوي نفس الشي
يعني شي بتركيبتنا والله اعلم او بشخصيتنا بتصور هاد بيكون بدايه مرض وسوء نيه بالاخرين
عجبتني هي العباره او هاد التحليل

بس مع هيك هاد مابيبرر انو نشك بالاخرين مين ماكانو
برجع بئول العلاقات الصادقه والطيبه ما يمكن يصير من وراها شك او سوء ظن

وقال ابن سيرين رحمه الله:

" إذا بلغك عن أخيك شيء فالتمس له عذرًا ، فإن لم تجد فقل: لعل له عذرًا لا أعرفه ".

[تَـرَفْ ~]

مساء الخير Gaya
كان صعب لاقي صورة مناسبة مع أنو الامثلة براسي كتيرة
هلا المصيبة بهاد الموضوع أنه كل الناس بتحكم بالمظاهر و بس
بتحكم على الانسان غالبا من شكله مو على تفكيره !
أحياناً بكون قاعدة بجمعة مع رفقاتي بشوفو بنتين ماشيين سوا بقولو شكلهن شواذ ! ومبين وبصيرو بناقشو بالموضوع
و أنه مافي مجال للشك و هالشي واضح و في علامات بتأثبت هالشي !
و مثلاً من أيام الدراسة .. بيجي شب بياخد طالبة من المدرسة .. فوراً بصير عشيقها و من هالحكي .. و من زمان كان هالشي خطير جدأ
مع العلم أنه ممكن بكل بساطة يكون أخوها ههههه
سوء الظن راكب مجتمعنا ركب .. لأن غالباً بتقعدي بجلسات بتلاقي يلي بحرك الجلسة سيرة حدا تاني مو موجود
الناس بتحب تحكي عن غيرها بالسوء .. ما بعرف بس يمكن هالشي بخليهن يحسو بالنشوه لحتى بيندمجو بهيك مواضيع اكتر من مواضيع النقاش المفيد و التحاور

[r_mido]

انا ئريت اول سطرين وطلعت
خطرلي ارجع فوت مشان اتشكرك واطلع هههههه ئلت عيب مو حلوة المخلوئة تعزبت وكتبت موضوع

هي هيي الصورة اللي رح شارك فيها بالموضوع
ياعمي ليش نحنا مناخد الجملة من أول كلمة فيها ومنطلق حكمنا ومنسخر ردة فعلنا وتصرفنا ع اساس هالكلمة
التفسير اللي طلعت فيو هو انو نحنا شعب لايمت للاستماع بصلة
يعني اذا انا كنت سهران مع جعيص وبسياق الحديث ئلتلو والله مجعص شخص مستمع
عربياً بتتاخد هالكلمة ع انها مسبه
شعب معلم بالفطرة شو بدك بهالحكي كلنا اساتزة
كلنا احكامنا صائبة وكلنا عنا ئدرة نفهم رواية من ئراية اول صفحة فيها

[ياسمينة الشام]

خلينا نحط الدراما مثال كون الناس في إحتمال تتابع مسلسل أكتر ما تشوف برامج وثائقية

الدراما بالفترة الأخيرة ما أصرت بمجال التوعية ولفت الانتباه لأمراضنا.. وشفتا كتير عم تعبر عن الشارع بالفترة الأخيرة ( الشارع = كل شي سيء بحياتنا )

ومع هيك ما بيكفي لأن هاد بس بيضل بإطار لفت الانتباه والنقد لكن ما بيحل مشاكلنا .

لأ انا ما قصدت الدراما ولا الوثائقيات .. قصدت الأخبار ك أخبار يعني
و حتى بالمسلسلات .. هلأ أغلب الدول يلي كانت تعمل مسلسلات فيها انقسامات و المشهورة سورية ومصر كأتر شي متابعة
و هدول كل تلفزيون بيعرض الدراما يلي بتناسبه ..
حتى بعد يلي عم يصير بتركيا بظن حتى المسلسلات التركية ما رح تنفد من التقسيم هاد ههههههه
هلأ كمان من وجهة نظر تانية على سلبيات الشارع متل ما قلتي
للصدق ياسمين أنا تقريباً من 3 سنين بس ( وطبعا عمري مو كل هالقد ) بس من 3 سنين .. ما كنت اتخيل في عنا شرب و سكر مخدرات وحشيش و جنس وبيوت دعارة وكتير مشاكل
صراحة عنجد ما كنت عندي هالفكرة .. أو حتى لو كانت موجودة ما كنت متوقعة إنها بهالانتشار
و الدراما يلي على اساس عالجت هالقصة أو لفتت نظرنا الها .. هية ضرت اكتر ما نفعت .. لأن هية خلت هالشي ع المكشوف .. و صورتو أنو شي كتير طبيعي ومنتشر وعادي
لحتى يلي كان يخجل بهالتصرفات و يعملها بالسر .. صار يجهر فيها و يعملها بالعلن و بكل فخر
بقى الدراما بنوووووووب ما نفقعت و لا عالجت ولا بطخت كل يلي عملتو أنو ورجتنا صورة عن مجتمعنا بأوسخ اشكالو و خلتنا نتقبلها كفكرة ونصير اذا شفناها بالشارع ما نتأثر ..

لو كل شخص رافض هالسلوكيات و على الأقل عاش حياة طبيعية وسليمة ببيتو وربى ولادوع نفس القيم
كنا منعمل تغيير.

وطبيعي الناس لما تجتمع على رأي أو عادة واجا حدا خالفف بينبذو وبيحسسو بالنفور ونحنا ناس اجتماعيين يخزي العين وبيهمنا رأي الناس فينا
وما فينا نعيش إزا مو مع القطيع . هي خطوة بدها تضحية كتر وشفت ناس عاشوها صح.

وأهلا سوما

أي أكيد لو كل شخص عمل هالشي رح يعمل تأثير
بس نسبة ه الشي يمكن واحد بال 15 !! و حتى لو ربى ولاده .. بكره ولاده مو ع الأكيد يربو ولاده نفس التربية
اكتشفت بالأخير و هو اكتشاف متأخر شوي
أنو نحنا منفشّل الناجح ومنكسر راس الفاشل ومنطلع بالأخير بنقول نحنا عرب متخلفين و رح نضل فاشلين
بتلاقي أغلب يلي عم ينادو بتحسن الوضع مو قابلين التغيير
و شو بتقهرني لما اسأل حدا سؤال أنو ليش هالتصرف هاد ويجاوبني هيك مجتمعنا
أو لما اشكي لرفيقتي شي مشكلة وتقلي هيك مجتمعنا شو بدك تعملي !!
كلمة هيك مجتمعنا مستفزة جداً .. أنه نحنا شعب عنا وعي لأنو مجتمعنا تفكيره غلط .. بس ما حدا ناوي يغيرو .......

[سلمى]

اول شي يسعد مساكم جميعا والموضوع شائع يمكن الصورة ياللي فوق ابسط اشكال سوء الظن حتى بين الازواج
عم تشوف زوجها عم يستغفر فربطتها بالتكفير عن ذنب وهو انه اتزوج عليها مسيار..
في تراثتنا كتير من الاقوال والامثال ياللي كرست هالسلوك مثل سوء الظن من حسن الفطن وغيرها هيك امثال و مقولات
الها حدث او حادثة ارتبطت فيها كا بتصلح تتعمم لكل الحالات لكل فترة زمنية ولو رجعنا لكتاب الله العزيز
بيقول: ( يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ )
[الحجرات : 12]


وطبعا سيء الظن بيرتب نتائج مسبقة واحكام بناها في عقله حتى قبل ما يصير معه الموقف متل المثال التالي



وهي الفئة من الناس بتتيع عيوب الاخرين بدون سبب وبدون دليل حتى صحة الاحكام والكلام اللي بيطلقوه على الاخرين
ومنبع سوء الظن وسوء النية بالاخرين برأيي هو نقص الايمان في نفس الانسان المسيء الظن فقدان الثقة بالله وبالآخرين
باعث قوي في الشك بالنوايا والتسرع في اطلاق الاحكام عليهم وبالتالي ظلمهم والوقوع في النميمة والقذف ويمكن سب الناس
والاساءة الهم وتضليل الآخرين من خلال الاحكام الجائرة اللي اصدرها ويمكن اتكلم فيها قدام الناس فأساء لشخص بريء
لهيك الانسان ما يحكم على الناس بدون دليل وبدون حجة قوية تكون عنده وبدون ما يتبصر ويطلب التفسير
لأن في هي الحالة ممكن يخسر الكثير من الناس ويحمل الكثير من الذنوب والخطايا
وما ننسى قول النبي صلى الله عليه وسلم " إياكم والظن فإن الظن أكذب الحديث "

[ وأخرجه البخاري ومسلم ، الترمذي 2072 ]

شاكرة جايا للطرح القيم والهام موفقة في طرحك واختيارك.

[gaya]

سوء الظن والشك بالاخرين يعني موضوع منواجهو كتير يمكن بسبب التسرع بالحكم او عدم التماس الاعذار لبعضنا
يعني مثلا اذا انا تأخرت لاوصل عا الشغل بيبلش الحكي والشل ابصر لوين راحت ابصر شو في وراها
وان تأخرت شوي نفس الشي

طبعاً إنت بدورك لوتس بتخافي من الناس فتحاولي تداري وتنتبهي ع وئتك أكتر , صح ؟؟

جاوبيني لنكمل هالنئطة ...

يعني شي بتركيبتنا والله اعلم او بشخصيتنا بتصور هاد بيكون بدايه مرض وسوء نيه بالاخرين

ليش بيسبئ الظن السيء بالناس؟؟ هاد لأن تربيتنا أصلاً هيك والحكي بالعيب كتير وجبة لذيذة بمجتمعاتنا.

[♪♪زهرة اللوتس♪♪]

طبعاً إنت بدورك لوتس بتخافي من الناس فتحاولي تداري وتنتبهي ع وئتك أكتر , صح ؟؟

جاوبيني لنكمل هالنئطة ...

اي والله لانو لسان الناس مابيرحم ..وبعلمو ئصه وايدين ورجلين وووشغله

ليش بيسبئ الظن السيء بالناس؟؟ هاد لأن تربيتنا أصلاً هيك والحكي بالعيب كتير وجبة لذيذة بمجتمعاتنا.

بالزبط لانو نيتنا مو سليمه طبعا خلل بالشخصيه وبالتربيه بس انا وانتي شو بدنا نصلح لنصلح
خليها لربنا يعني مجتمعنا بدو اعادة تربيه وتأهيل من الصفر والله

[gaya]

مع العلم أنه ممكن بكل بساطة يكون أخوها هههه

هاد الحكي يلي كمان بيخليني كون تعيسة من الناس، لأن على فرض مو أخوها شو شغلك إنت أخي يا شديد الملاحظة؟؟

يعني شو بيستفيد الشخص الفضولي إزا يلي معي أخي ولا سين من البشر؟ شو بيربح إزا قيّمني ؟ ليش الناس بتعطي رأيا بدون ما حدا يطلبو وولا يدفعلا علي مصاري ؟

أحياناً بكون قاعدة بجمعة مع رفقاتي بشوفو بنتين ماشيين سوا بقولو شكلهن شواذ ! ومبين وبصيرو بناقشو بالموضوع
و أنه مافي مجال للشك و هالشي واضح و في علامات بتأثبت هالشي

لاحظي إنو كل شي كان مو مألوف بالسنوات السابئة صار هلئ شي عادي ..
والمثلية الجنسية رح تنفرض ع الناس متل كل شي عم ينفرض.
مشكلتنا ما منئبل المواضيع بطريئة متحضرة وسلسة متل ما مفروض. منضل نحارب ضدو لتجي شي سلطة تفرضو علينا.

[تَـرَفْ ~]

لاحظي إنو كل شي كان مو مألوف بالسنوات السابئة صار هلئ شي عادي ..
والمثلية الجنسية رح تنفرض ع الناس متل كل شي عم ينفرض.
مشكلتنا ما منئبل المواضيع بطريئة متحضرة وسلسة متل ما مفروض. منضل نحارب ضدو لتجي شي سلطة تفرضو علينا.

المثلية قد ما حاولوا انهم يفرضوها بتضلها شي غلط
شي ضد الطبيعية البشرية شي حرام
مستحيل تصير عادي عند اغلب الناس مهما اتقبلوا افكار تانية
و انا عم احكي بعالمنا نحنا العربي
كمان في قيم لازم نحافظ عليها و هاد الموضوع مافيه اي حضارة او سلاسة ! و انا صح بكره يلي بيستبق الاستنتاجات بس كمان يلي بيشهروا بهاد الشي بكرهن
و ما بقتنع بالشي يلي بعملوه وبشمئز منه ..

[r_mido]

المثلية الجنسية رح تنفرض ع الناس متل كل شي عم ينفرض.
مشكلتنا ما منئبل المواضيع بطريئة متحضرة وسلسة متل ما مفروض. منضل نحارب ضدو لتجي شي سلطة تفرضو علينا.

شئد عم اكتشف اني بعيد عن الحضارة
كرامة لله شو الحضارة بإني اشوف تنين شباب نازلين معط بوس ببعض ؟؟؟
هاد شي منافي للطبيعة , اذا انتي عم تنادي بالانسانية والدورة الطبيعية للحياة ... هالتنين شو مكانون بهالدورة ؟؟؟؟؟

يرحم جدك الرسول فهميني او اقنعيني او اجزبيني للموضوع لانو بس اسمعو بكش بدني منو

واذا هالشي رح ينفرض علي متل ما عم تئولي انا رح ارفس الحضارة والبس كلابية التخلف واعطي ايعاز لشعور الاشمئزاز بالاستمرار