~~ بـــــرنامـــ♥ـــج ســ♥ــــاعه الا خمـــ♥ـــس~~مع ♥SoOoMa♥

[♪♪زهرة اللوتس♪♪]

~~ بـــــرنامـــ♥ـــج ســ♥ــــاعه الا خمـــ♥ـــس~~مع ♥SoOoMa♥

الله يسعد اوئاتكن اعضاء وزوار الروز الغاليين
رجعنا بحلقة جديدة من برنامجنا
ساعة الى خمس



ضيفتي اليوم



بنوتة امورة كتير
حبوبة كمان♥

انا بحب سميها فراشة الروز
لانها لما بتكون موجودة
بتطير طيران بالروز
وبتعبيه حركه ونشاط

يعني باختصار هيه

دينامووو الروز


صح صغيرة بالعمر
بس عئلها بيوزن بلد
لما بتكون فرحانه
بدها الناس كلها طير من الفرح

لما زعلانه الله يستر ههههه


♥SoOoMa♥



مبسوطة كتير بوجودك معي اليوم
ويارب تكوني فطرتي والله يقبل منا ومنك
يلا
راجعتلك

ا

[ياسمينة الشام]

مسا الفل زهرة
أي فطرت وناطرة أسئلتك أنا

و شكراً ع الإستضافة والكلام الكتير حلو يلي حكيتيه
سعيدة بكوني معك بالبرنامج هاليومين ههههه
و ما حدا يتزانخ علي ( المقصود بيعرف حاله )

[♪♪زهرة اللوتس♪♪]

1-مين هي سوماااا؟؟؟

2- شو رمضان بالنسبة الك؟؟؟


3_موقف طريف لا يغيب عن بالك حدث لك في رمضان ؟

4 _اكيد هاد اول رمضان الك بالاردن وان شالله السنه الجايه بتكوني بسوريا حكيلنا
شو لئيتي فرئ بين رمضان الشام وعمان؟

5 _برنامجك في رمضان شلون ؟

6 _ماهي الأكله او الطبق الذي يجب ان يتواجد أمامك في رمضان ؟

7 _هل تحرصي على السحور ؟

8 _شخص تفتقديه في رمضان ؟

9_ بمن تفكري أول ما يئرب رمضان بعد الوالدين الله يحفظ الموجودين ويرحم من انتقل الى جوار ربه ؟


10 _كم كان عمرك اول مرة صمتي فيها وشو بتتذكري من يومها؟؟

11 _مشهد يسعدك أن تريه في رمضان ؟؟

12 _شو بتتمني بها الشهر الفضيل ؟

13-بتحبي الفطور الجماعي والعزايم ولا مو كتير؟؟
14-في عندك عادات سلبيه بتحاولي تتخلصي منها برمضان شي ؟؟
15-شو اخبار الرياضه معك برمضان؟؟؟
16-شو عم تابعي مسلسلات او برامج رمضانيه؟؟
17-اكيد بتساعدي الماما بالفطور طيب بتحبي الطبخ ولا بالغصب
بتفوتي عا المطبخ ؟؟
18-كلمه لاعضاء وادارة الروز؟؟؟



ضيافة الخيمة الرمضانية على اعتبارنا المشرفتين يعني ههه




- وجهي دعوه لــ خمسه من الأعضاء على الإفطار ؟ من ستختارين ؟



هذه العبارة لأحد أعضاء الروز
♥♥
1- غلاك فوق وصف الغلا


2- والله اشتاق لك

3- أنا وراك وراك و الزمن طويل

4- أنسى الماضي و خلينا في الحاضر



يلا ناطرتك سمسم
♥♥

[ياسمينة الشام]

1-مين هي سوماااا؟؟؟

سوما هية احلى بنت بالعالم هههههه
مو مشان شي بس عم ثبّت الاشاعات يلي بتقول عني مغرورة

2- شو رمضان بالنسبة الك؟؟؟

زمان كان يعنيلي كتير
بتزكر العزايم يلي كان بابا يعملها و كيف ماما تتناقر معو أنو بدها ترتاح من الطبخ ويروح يعزم رفقاتو ع شي مطعم هههه
بتزكر كيف كان بابا يوعدنا يلي بيختم القرآن أول إلو مكآفأة آخر الشهر
و انا ما كنت بعرف اقرأ كان يقلي بس تبّع باصبعي ع الآيات ووقتها ختمت القرآن بيوم ههههه
بتزكر اللمة وكيف كنا ع طول مجتمعين و إلنا طقوسنا الخاصة
و أكتر شي كان يعنيلي لما كنا نروح ع الجامع ع صلاة التراويح كلنا سوا و بس نطلع ياخدنا بابا ع قاسيون أو شي محل أو مطعم نتسحر فطاير ومناقيش
بس كل هاد اختفى آخر سنتين ..
3_موقف طريف لا يغيب عن بالك حدث لك في رمضان ؟

مرة أهلي ضحكو عليه و صبولي كاسة ببسي ع اساس وطلعت بعدا سوس
بتزكر وقتا استفرغت و ليّفت تمي بالليفة و شربت خزان مي لراحت الطعمة
4 _اكيد هاد اول رمضان الك بالاردن وان شالله السنه الجايه بتكوني بسوريا حكيلنا
شو لئيتي فرئ بين رمضان الشام وعمان؟

ووووووو وين رايحة بالعجقة !! شو جاب لجاب ههههه
هون ما بتلاقي بالشارع بياعين السوس والناعم والتمر الهندي
هون الجيران ما بيعرفو بعضن .. زمان كنا صحون رايحة صحون جايّة ع الدرج
هالرمضان الفرق فيّو أنو عيلتنا فرطت .. والي كان يجمعنا اتوفى
لهيك ما في ولا جنس الجو الرمضاني بالبيت
حتى الناس هون بتلاقيهن هنن مشهورين بالكشرة .. بقومو برمضان بكشرو أكتر
قال لازم الصايم يكون معصب .. وحتى لو كان رايق لازم يمثل أنو معصب حتى ما ينتزع البريستيج !

5_برنامجك في رمضان شلون ؟

هاد الرمضان بشل سهرانة كل الليل هيك لأتسحر و بضل فايقة لل 12 الضهر
بعدين بنام هيك لشي الساعة 6 قبل الفطور بشوي بساعد امي اذا ناوية تطبخ و بعدا بنفطر و برجع لسهرتي
طبعاص هالحكي بس هالرمضان ..
6 _ماهي الأكله او الطبق الذي يجب ان يتواجد أمامك في رمضان ؟

من زمان كان البرك وكنت انا اعملو شخصياً ما بعرف ليه ما بشبع منها
بس حالياً مافي .. اصلا انشالله يكون في طبق .. واحيانا بيقتصر ع كاسة بيبسي
7 _هل تحرصي على السحور ؟

بحرص ع المي فيه اكتر شي
و تقريباً في ايام بهالرمضان اتسحرت فيها بوظة
8 _شخص تفتقديه في رمضان ؟

مفتقدة كتير .. أولهن بابا .. إختي هبه و جوها .. إختي هدى وبناتها الي ناطف قلبي عليهن
أخي محمد يلي اشتقت ابعتو يشتريلي قبل الفطور بساعة نص السوبر ماركت من الاكلات الطيبة هههه

9_ بمن تفكري أول ما يئرب رمضان بعد الوالدين الله يحفظ الموجودين ويرحم من انتقل الى جوار ربه ؟

بصراحة كل عيلتي و حالياً مفتقدة لأخواتي البنات كتير حاسة حالي وحيدة مع اننا ما كنا نتفق بس وجودهن كان دعم كبير ما كنت حس فيه
10 _كم كان عمرك اول مرة صمتي فيها وشو بتتذكري من يومها؟؟

كنت بالروضة ووقتا صمت لآذان الضهر بس هههه
ما بتزكر شي غير انو وزعو علينا بالمدرسة كيس اكلات طيبة و هدايا وكنت ناطرة يأدن لآكلو هههه

11 _مشهد يسعدك أن تريه في رمضان ؟؟

لما الجيران بصيرو يوزعو أكل على بعضن قبل ربع ساعة من الأذان و صحون طالعة وصحون نازلة هههه

12 _شو بتتمني بها الشهر الفضيل ؟

بتمنى ارجع ع سورية و عيّد فيها
و نرجع نعمر بيتنا أنا و أخواتي و نرجع الزكريات الحلوة ونعيش كلنا تحت سقف واحد ونحب بعض
ليحتى بابا ما يروح تعبو فينا ع الفاضي

13-بتحبي الفطور الجماعي والعزايم ولا مو كتير؟؟

أنا بكره اطلع من البيت لهيك بكره انعزم ..
و انو نحنا نعزم اوك ما عندي مشكلة اهلا وسهلا
بس غالبا بحب الفطور الي بيقتصر ع افراد العيلة وناس كتير قراب
14-في عندك عادات سلبيه بتحاولي تتخلصي منها برمضان شي ؟؟

بتمنى بطل قضيه نوم وارجع قضيه متل ايام زمان
15-شو اخبار الرياضه معك برمضان؟؟؟

الرياضة الوحيدة يلي عم اعملها هية اني قوم من التخت ههههه
16-شو عم تابعي مسلسلات او برامج رمضانيه؟؟

مسلسلات من زمان بطلتا
مو بس برمضان يعني بس اانا بكره الدراما السورية من زمان
و زاد كرهي الها و قت جيت عالاردن والكل ئدامي بيتمسخر ع باب الحارة
و بفكروني جاية من كوكب تاني ولسه بقول ( ابن عمي ,, تشكل اسي ,, شكلين ما بحكي )
بس بحب تابع خواطر شاب .. و باقي ما تبقى عادي بتابع افلام ومسلسلات اجنبية
17-اكيد بتساعدي الماما بالفطور طيب بتحبي الطبخ ولا بالغصب
بتفوتي عا المطبخ ؟؟

صراحة أنا بحب اطبخ بس مافي حدا يشجعني هههه
و أصلاً هالرمضان فيكي تقولي انا يلي معيشة الشعب
18-كلمه لاعضاء وادارة الروز؟؟؟

همة يا شباب ~ و حبو بعض

ضيافة الخيمة الرمضانية على اعتبارنا المشرفتين يعني ههه





تسلميلي كلك زووء والله اليوم اخي لهلأ ما رجع وما اشترالي بوظة بقى اجت بوقتها ههههه

- وجهي دعوه لــ خمسه من الأعضاء على الإفطار ؟ من ستختارين ؟

من كترهن يعني ههههه
ياسمين
لوتس
أحمد
رندا
نسرين


هذه العبارة لأحد أعضاء الروز
♥♥
1- غلاك فوق وصف الغلا

أبو الميد
2- والله اشتاق لك

طيف بشتقلا هون
3- أنا وراك وراك و الزمن طويل

ياسمين
4- أنسى الماضي و خلينا في الحاضر

زهرة اللوتس

يلا ناطرتك سمسم
♥♥

ميرسي ع الاسئلة الخفيفة الظرييفة لوتس
و شكراً ع التحلاية و أنا وعم جاوب
و انشالله كون وفقت بالاجابات

[♪♪زهرة اللوتس♪♪]

ميرسي ع الاسئلة الخفيفة الظرييفة لوتس
و شكراً ع التحلاية و أنا وعم جاوب
و انشالله كون وفقت بالاجابات

اي والله كلنا تشنططنا برمضان السنه
وكل واحد طلعتلو شغله اكبر منو مافي ابشع من الصبف برات سوريا
ااايه الله بيفرجها فتحتي المواجع والله
يارب يارب ترجعو عا سوريا عن ئريب وترجع العليه والبيت وكلشي حلو بحياتك

يلا يا اعضائنا الكرام معكن لبعد بكراا مع سوماااا ناطرينكن انا وياهاااا

[ياسمينة الشام]

اي والله كلنا تشنططنا برمضان السنه
وكل واحد طلعتلو شغله اكبر منو مافي ابشع من الصبف برات سوريا
ااايه الله بيفرجها فتحتي المواجع والله
يارب يارب ترجعو عا سوريا عن ئريب وترجع العليه والبيت وكلشي حلو بحياتك

يلا يا اعضائنا الكرام معكن لبعد بكراا مع سوماااا ناطرينكن انا وياهاااا

الصيف بس !! ولك كل العيشة بشعة بره سورية
تسلمي زهرة
و أمنيتي لعضائنا الكرام يضلو صحبة معي ويحافظو على صداقتي هاليومين و بلا تقل الدم هههههههههههه

[السندريللا]

البسمة بدأت بالإرتسام
والوجوه شاخصةً نحو سماء الثريا باهتمام ..!
فــ‘من ارض الياسمين ازهرتْ ببياض قلبها
ومن غيم الطهر انبثقتْ وروتنا بغيثها
بـــ‘حرفها المتوّج على عرش العطاء
روحها المخضّبة بالنقاء
صافيةً كالبلور ... ببريق يزداد يوماً بعد يوم...!
همسة :
ذات يومٍ وشوشتني السماء
انّ في رحمها غيماً يهطلُ دون استسقاء
استغربتُ يومها ... ولكني سرعان ما آمنت بمقولتها
عندما تعرّفتُ على مشاغبة الابداع
تسنيم...]
فما اسعدنا بهذا اللقاء
اُنشدكِ بلسان الفرح
مرحباً بكِ يا زهرةً فاحت بشذاها بين الاعضاء ...!
لا اسئلة لديّ الآن ..اتيتُ لألقي التحية فقط
ولأنثر لآلئ محبتي وودّي على صدر صفحتكِ

[Rainbow]

اهلين ب سوما

حالياً :

* هل بتصلي التراويح ؟ كم ركعة ؟ ووين بتصليهم بالبيت ام بالجامع ؟

* هل تحافظي على الصلوات الخمس ؟

* ماذا يعني لك الحجاب و هل انت محجبة ؟

* وين وصلتي بختمة القرآن ؟

----

عفكرة انت ب عمر اختي تقريباً بس اختي مخطوبة و من سنة تقريباً بتشتغل و بطالع مصروفا ولا للحظة بتقول عن حالها انها صغيرة او بتحسسك بهالشي او لازم ندللها

عكسك تماماً ، بالعكس بحسها ناضجة و لله الحمد معشرها كبير و تربايتي

بتحبي انت هيك نوع من البنات و بتتمني تكوني متلن ام بتفضلي البنت الدلوعة اللي بتعمل حركات حتى تلفت نظر

ام ميكس بين التنين ؟ ام لا هيك ولا هيك ؟

----

* مين هو مثلك الأعلى من المشاهير في العالم ؟ و لماذا ؟

* ما هو أجمل كتاب قرأته و تنصحي الجميع بقراءته ؟

* من هو أغلى إنسان بحياتك ؟

--------

و بكفي ل اليوم

[ياسمينة الشام]

البسمة بدأت بالإرتسام
والوجوه شاخصةً نحو سماء الثريا باهتمام ..!
فــ‘من ارض الياسمين ازهرتْ ببياض قلبها
ومن غيم الطهر انبثقتْ وروتنا بغيثها
بـــ‘حرفها المتوّج على عرش العطاء
روحها المخضّبة بالنقاء
صافيةً كالبلور ... ببريق يزداد يوماً بعد يوم...!
همسة :
ذات يومٍ وشوشتني السماء
انّ في رحمها غيماً يهطلُ دون استسقاء
استغربتُ يومها ... ولكني سرعان ما آمنت بمقولتها
عندما تعرّفتُ على مشاغبة الابداع
تسنيم...]
فما اسعدنا بهذا اللقاء
اُنشدكِ بلسان الفرح
مرحباً بكِ يا زهرةً فاحت بشذاها بين الاعضاء ...!
لا اسئلة لديّ الآن ..اتيتُ لألقي التحية فقط
ولأنثر لآلئ محبتي وودّي على صدر صفحتكِ

أنو أنو أنو أنو يعني ههههه
والله الأسئلة سهلة كتير
أنا هيك كيف بدي رد
أنا تبلكمت
أنا حالياً متبلكمة ههههه
نسرين حياتي إنتي
و الله ما بعرف شو قول
أنو إنتي نثرتي للآلئك و أنا ما عندي مجوهرات حتى إنثرها يعني
بالمناسبة كلمة لالئ .. من صغري وعندي مشكلة بكتابتها ههههههه
يعني هيك كتير صعبة عندي
بهديكي لولو بيمشي الحاال ؟؟
يخليلي بياض قلبك وطيبتو أنا

و ناطرتك لتزوريني مرة تانية هون
بس جيبيلي معك أكلة طيبة

[ياسمينة الشام]

اهلين ب سوما

حالياً :

* هل بتصلي التراويح ؟ كم ركعة ؟ ووين بتصليهم بالبيت ام بالجامع ؟

حالياً لأ ما عم صليهن ..

* هل تحافظي على الصلوات الخمس ؟

لأ بقطش كتير

* ماذا يعني لك الحجاب و هل انت محجبة ؟

ما بعرف شو بدو يعنيلي يعني ! لأن تجربتي معو خلتني اكرهو
أنا لبسته عن طريق بعض الاقارب العقارب يلي كتير حاولو يضغطو عليه ولما عنّدت صارو بدهن يحكو بشرفي ويسوقو اشاعات بشعة لحتى ضغطو على ابي يقنعني فيه .. وما افتنعت
و كله كان من باب الغيرة من عيلتنا مش أنو نصح وحب وهداية وما بعرف شو ..

* وين وصلتي بختمة القرآن ؟

سورة الشعراء

----

عفكرة انت ب عمر اختي تقريباً بس اختي مخطوبة و من سنة تقريباً بتشتغل و بطالع مصروفا ولا للحظة بتقول عن حالها انها صغيرة او بتحسسك بهالشي او لازم ندللها

عكسك تماماً ، بالعكس بحسها ناضجة و لله الحمد معشرها كبير و تربايتي

بتحبي انت هيك نوع من البنات و بتتمني تكوني متلن ام بتفضلي البنت الدلوعة اللي بتعمل حركات حتى تلفت نظر

ام ميكس بين التنين ؟ ام لا هيك ولا هيك ؟

غريب أنه الكل بحاول يقلي انه انا اكبر من عمري وانتي عم تحكيلي العكس
بالنسبة لموضوع الخطبة والجازة انا مستحيل فكر فيهن قبل الجامعة وتحصيلي العلمي و كون الي شوية تجارب بهالدنيا
وبالنسبة للشغل أنا قبل سنتين لما كنت بعمر ال 16 وكان بابا فوق راسي كنت قلو بدي اشتغل يقلي بس نقص عليكي شي بتفكري بهالموضوع والتهي بدراستك
و هلأ بعد سنتين بعد ما غاب أبي واتغربنا عن سورية حاولت كتير ودورت ع شغل ولقيت ..
وبس لقيتو وكل شي طلعلي أخي بقصة أنو ما بحب السوريات يشتغلو بالغربة خصوصاً بالأردن لأن نظرة الشعب الهن وسخة ..
و ع قصة النضوج .. إنتي ما بتعرفيني منيح لحتى تحددي مستوى تفكيري إن كان ناضج أو لأ .. والحمدلله عندي أخت كبيرة متلك و أنا تربايتها متل ما بقولو .. و هية بتحكي عني كتير إني انضج منها كمان
أنا ما بتمنى كون شخص تاني أنا عاجبني حالي هيك و ع لفت النظر و الدلع .. حبيبتي الدلع من صفات الأنثى قد ما كان عمرها .. وطبعاً ما رح روح اتدلع ع الغريب .. ع الناس اللي عندي معهن عشرة أكيد وبيتقبلو مني أي شي
----

* مين هو مثلك الأعلى من المشاهير في العالم ؟ و لماذا ؟

كتار الناس المشهورين يلي قدموه للعالم و يلي عاشو ظروف صعبة جداً واتغلبو عليها .. بتطلع لكون وحدة منهن .. مش مشهورة بس اتغلب ع الظروف الصعبة ..

* ما هو أجمل كتاب قرأته و تنصحي الجميع بقراءته ؟

الكتب الحلوة ما بتخلص .. بس كتاب ( دمشق يا بسمة الحزن ) لألفة الادلبي .. رائع

* من هو أغلى إنسان بحياتك ؟

الإنسان يلي رح يكون جنبي لآخر عمري ..

و بكفي ل اليوم

أهلا وسهلا ..

[gaya]

- وجهي دعوه لــ خمسه من الأعضاء على الإفطار ؟ من ستختارين ؟

ياسمين

إي هاد الحكي يلي بينسمع


رح حط صور الفطور وراجعتلككككككك

[ياسمينة الشام]

ياسمين

إي هاد الحكي يلي بينسمع


رح حط صور الفطور وراجعتلككككككك

همك بطنك وبس انتي هههههه
يلا ناطرتك روحي

[r_mido]

إجاك الموت يا تارك الصلاة


تسنيم
أعز العزيزات وأغلى الغاليين
بنتي سمسومة ~ مارح كتّر مقدمات وحكي لسببين :
الاول انو مافي كلام عندي ممكن يعبر عنك ويوصفك .. شهادتي فيكي جداً مجروحة ..
التاني بدي استغل الوئت وابلش فيكي فرم .


جاهزة حجة !!؟



توكلنا ع الله ~

/
\
//
\

• متى فرض الصوم على المسلمين ؟
• أي الأيام يحرم صومه ؟
• عددي أقسام الصيام ؟
• عددي المفطرات ؟
• ماهو يوم الشك مع حكمه ؟
• ماهي سنن الصوم ؟

جاوبي وبرجعلك

[ياسمينة الشام]

[/COLOR]mido;114690]إجاك الموت يا تارك الصلاة

مين تارك الصلاه هههههه
تسنيم
أعز العزيزات وأغلى الغاليين
بنتي سمسومة ~ مارح كتّر مقدمات وحكي لسببين :
الاول انو مافي كلام عندي ممكن يعبر عنك ويوصفك .. شهادتي فيكي جداً مجروحة ..
التاني بدي استغل الوئت وابلش فيكي فرم .
يالله شو حنون هههههه

جاهزة حجة !!؟



توكلنا ع الله ~
هههههه انا لسه ماقررت
/
\
//
\

• متى فرض الصوم على المسلمين ؟
• بعد بعثة الرسول اكيد

• أي الأيام يحرم صومه ؟
• يوم الشك
• عددي أقسام الصيام ؟
• سحور . صيام . فطور ههههه
• عددي المفطرات ؟
• الاكل و الشرب
• ماهو يوم الشك مع حكمه ؟
• اليوم يلي حكام العرب بجاكرو بعضهن فيه هههههه حرام صومه
• ماهي سنن الصوم ؟

عدم الاكل والشرب !! هههه



جاوبي وبرجعلك

استرجي رجاع مع هيك اسئلة ثقافية انا ثقافتي زيرو

[gaya]

تسلميلي كلك زووء والله اليوم اخي لهلأ ما رجع وما اشترالي بوظة بقى اجت بوقتها ههههه

له له له