>> سهرة رمضان السادسة ][ فصولكم الناقصة ..!

[تَـرَفْ ~]

السلام عليكم و رحمة الله وبركاته
بسم الله الرحمن الرحيم
الفاااتحة


لك لا لا مو فايتين على عزاء ههههه
اليوم حبيت تكون سهرتكم مليئة بالذكريات
كلكم أكيد كبار و عديتوا مرحلة الطفولة

بس رجعوا بشريط ذكرياتكم لأيام الشقاوة و حرب العصابات
و كل واحد يحكيلنا شو كان يعمل فصول ناقصة بالبيت
و جيبو معكم صحن الموالح و كاسات الكولا وخلونا ندردش ونسترجع ذكرياتنا للصبح

[r_mido]

ههههههههه حبيت السهرة اليوم
بس انا مالي فيها لاني كتير حباب بالبيت وبعمري ما كان الي سئلة

[ياسمينة الشام]

مساكي شيطنة انشالله هههههههه
ضروري نتزكر عمايلنا
والله عم أعصر مخي كل ما اتزكر شي بزتو هون ههههههه
بس أنو حالياً مالي متزكرة شي

[ياسمينة الشام]

ههههههههه حبيت السهرة اليوم
بس انا مالي فيها لاني كتير حباب بالبيت وبعمري ما كان الي سئلة

مالك سئلة أبداً أبداً أبداً

هلأ البنت بتسدء هههههههه

[r_mido]

شيلينا من الرد السابق لانو لايمت للواقع بصلة وأي تشابه بينه وبين الواقع هو أقرب للخيال

المصيبة انو ما عارف من وين بدي ابلش ههههههه
خليني ابدى بمرحلة الطفولة الاولى :~
بما اني الصغير بالعيلة فالطبيعي انو الي رزاية عن الكل لهيك انجلئت بصغري ههههه اضافة لجينات الشياطين اللي كانت بدمي " هيك بئولو اهلي "
فعلى سبيل المثال لا الحصر , اخوي الكبير كان رسام وعندو مرسم بالبيت وانا اكتر فرد بالعيلة الو مونة عليه , ع الغدا بخلوني انا اروح اناديلو فأروح الزء جنبو واضل انئ عليه ليئوم .. اتركو ليروح وابلش اكبلو الالوان المائية فوء اللوحة ياما مخربلو لوحات خخخخ المصيبة انو بعدو لهلأ بحبني ههههههه

[تَـرَفْ ~]

ههههههههه حبيت السهرة اليوم
بس انا مالي فيها لاني كتير حباب بالبيت وبعمري ما كان الي سئلة

الله يحفظك لأهلك ويخليك إلهم
ههههه بس صراحةً ما اقتنعت

[تَـرَفْ ~]

مساكي شيطنة انشالله هههههههه
ضروري نتزكر عمايلنا
والله عم أعصر مخي كل ما اتزكر شي بزتو هون ههههههه
بس أنو حالياً مالي متزكرة شي

أنا بالإنتظار عيوني
وواثقة الموضوع راح يمتلئ شيطنة ههههه

[تَـرَفْ ~]

مالك سئلة أبداً أبداً أبداً

هلأ البنت بتسدء هههههههه

لا عزيزتي ما تخافي علي ما بقتنع بهيك ردود أنا ههههه

[تَـرَفْ ~]

شيلينا من الرد السابق لانو لايمت للواقع بصلة وأي تشابه بينه وبين الواقع هو أقرب للخيال

المصيبة انو ما عارف من وين بدي ابلش ههههههه
خليني ابدى بمرحلة الطفولة الاولى :~
بما اني الصغير بالعيلة فالطبيعي انو الي رزاية عن الكل لهيك انجلئت بصغري ههههه اضافة لجينات الشياطين اللي كانت بدمي " هيك بئولو اهلي "
فعلى سبيل المثال لا الحصر , اخوي الكبير كان رسام وعندو مرسم بالبيت وانا اكتر فرد بالعيلة الو مونة عليه , ع الغدا بخلوني انا اروح اناديلو فأروح الزء جنبو واضل انئ عليه ليئوم .. اتركو ليروح وابلش اكبلو الالوان المائية فوء اللوحة ياما مخربلو لوحات خخخخ المصيبة انو بعدو لهلأ بحبني ههههههه

هههه شلت حالي منه لحالي ما تخاف
بس سؤال خطر على بالي
جينات الشياطين من أي طرف متوارثها .. من عائلة أمك ولا من عائلة والدك ؟ ولا كل واحد فيهم بيرميها على عائلة التاني !! هههههه
و عنجد أخوك لساته بحبك ؟؟ للأسف ما اقتنعت بهاد الشي ههههه

بإنتظار المزيد من الذكريات

[ياسمينة الشام]

نحنا مرة من المرات عملنا فصل ناقص جماعي ضد أختي الكبيرة
وقتا دفشناها ع غرفة من الغرف وقفلنا عليها الباب كزا ساعة
والمصيبة انكسر المفتاح بقلب الباب وهية كانت رح تخلعو من كتر ما خبطتو ونحنا كلنا خايفين منها بس تطلع
ووقتا ماما وبابا كانو بره البيت ولرجعو لحتى بابا فتح الباب واكلنا بهدلة جماعية
واختي ضلت تنتقم منا ع هالفصل ايام متواصلة هههههههههه

[♪♪زهرة اللوتس♪♪]

انو خلينا نسيانين
انا كنت عفريته كتير وانا صغيره وكل ماشفت ولد وما حبيتو اضربو
و لما تطلع جنانتي ضل ابكي لحتى يعطوني يلي بدي ياه
لهيك كانت ماما تئول كلوووو ولا زعلي خخخخخخ بس من يوم تغربنا ئلبت ميه وتمانين درجه
وصرت هاديه كتيرررررررررررر

[r_mido]

هههه شلت حالي منه لحالي ما تخاف
بس سؤال خطر على بالي
جينات الشياطين من أي طرف متوارثها .. من عائلة أمك ولا من عائلة والدك ؟ ولا كل واحد فيهم بيرميها على عائلة التاني !! هههههه
و عنجد أخوك لساته بحبك ؟؟ للأسف ما اقتنعت بهاد الشي ههههه

بإنتظار المزيد من الذكريات

المصيبة انو عيلة ماما عائلين وعيلة بابا عائلين ما بعرف شو الترتيب هههههههه
وأخوي بعدو بحبني وما بعرف كيف

[سلمى]

اول شي يسعد مساكن جميعا
شكرا ترف للسهرة اللطيفة والموضوع الخفيف واختيارك موفق عزيزتي
هو موقف بيحضرني هلأ وما بنساه كان صغار في الصف الاول الابتدائي
وكنا صف مشاغب شوي اولاد وبنات المشكلة ان الانسة ياللي كانت عم بتدرسنا
عصيبة وايدها فرطة شوي اسهل شي ضرب الطيارات غير العصاية
عندها قناعة ان العصى من الجنة ونحن كمان ما قصرنا فيها المهم
كان عنا انتين من الاولاد اشقيا كتير قرروا ينتقمو او يعملوا فيها مقلب مع ان
كنا صغار لكن صار في دافع مشترك نعمل في الانسة شي مقلب نضحك عليه سنة لقدام
اتفقوا ان يجيبوا سلة المهملات ويعبوها عالاخير ويرفعوها عالباب من فوق لأن الباب
كان اله حافة بسيطة ممكن تمسك السلة لو ثبتوا الباب منيح المهم مهمتي
كانت جمع الزبالة من طلاب الصف بالسلة لحد ما تمتلي عالأخير بالرغم من انه كنت عريفة الصف
بس الكل كنا ما بنحبا الله يسامحها وكان مهمة محمد الطويل هي الوقوف على البنك وتعليق السلة وحسين
وموسى تبيت الباب ربع مفتوح بحجر والوقوف وراه لحتى تبقى السلة مثبتى بقى اللي نفذنا كان المخطط
ان لما تفتح الباب السلة تقع قدامها تقوم تخاف ..يعي ما توقعنا اضرار جسيمة بس هي نصيبا بقى ان السلة
لبست راسها تمام هههههههههه ما بنسى الشرر ياللي عم يتطاير من عيونها وقت اللي نزعت السلة والزبالة عذرا
بقت مغطية كتافها وانتزعت تيابها وشكلها سمعنا صوت الأكتر توحشا على الاطلاق والاعلى بحياتنا جمدنا
من الخوف وبلش بعدها الضرب والتحقيق في المخططين والمنفذين والصف كله كل واحد من الخوف يألف قصة شكل
المهم بقينا بالعذاب لآخر السنة بس ما وقفنا عن مقالبنا فيها والمشاغبة اكتر ههههههههههههههه وهيدا كان اكتر
موقف علق بذهني مع اننا تعاقبنا وانجروا اهالينا للمديرة لكن كانت براءة اطفال ورد فعل للتعنيف وفشة خلق من يالي كنا عم نشوفه
وللمفارقة هي الانسة اتزوجت وسكنت قريب من بيتي بالحي المجاور وبرغم هيك لو شفتها بمكان بحول الطريق
مو كل انسان بيقدر يكون معلم او قدوة ولازم ياللي بيتولى مهمة تدريس اطفال يكون عنده فكر ويأسس عقول مو مجرد
مهنة يكسب منا مصاري وبس مو مهم شو سلوكه ولا كيف بيتصرف مع اطفال بعمر الزهور.

آسفة للاطالة هو فصل ناقص بعرف وما كان لازم نعمل هيك بس كنا اطفال ومظلومين معها كتير.

[تَـرَفْ ~]

نحنا مرة من المرات عملنا فصل ناقص جماعي ضد أختي الكبيرة
وقتا دفشناها ع غرفة من الغرف وقفلنا عليها الباب كزا ساعة
والمصيبة انكسر المفتاح بقلب الباب وهية كانت رح تخلعو من كتر ما خبطتو ونحنا كلنا خايفين منها بس تطلع
ووقتا ماما وبابا كانو بره البيت ولرجعو لحتى بابا فتح الباب واكلنا بهدلة جماعية
واختي ضلت تنتقم منا ع هالفصل ايام متواصلة هههههههههه

أستغفر الله العظيم
عيلة فصول ناقصة مكملة ههههههه
الله يعينها أختك , لو انا مكانها بضل لآخر العمر عم انتقم

[تَـرَفْ ~]

انو خلينا نسيانين
انا كنت عفريته كتير وانا صغيره وكل ماشفت ولد وما حبيتو اضربو
و لما تطلع جنانتي ضل ابكي لحتى يعطوني يلي بدي ياه
لهيك كانت ماما تئول كلوووو ولا زعلي خخخخخخ بس من يوم تغربنا ئلبت ميه وتمانين درجه
وصرت هاديه كتيرررررررررررر

عزيزتي هي مو فصول ناقصة
هي طبيعة الأطفال اجمعين ههههه
بدي عملات شيطانية أكتر