~~ بـــــرنامـــ♥ـــج ســ♥ــــاعه الا خمـــ♥ـــس~~‏ محمد

[♪♪زهرة اللوتس♪♪]

~~ بـــــرنامـــ♥ـــج ســ♥ــــاعه الا خمـــ♥ـــس~~مع محمد








الله يسعد اوئاتكن اعضاء الروز الحلوين
رجعت اليوم بحلقة جديده من البرنامج


وسع وسع وسع



رجعت ومعي ضيفي
ضيف غير شكل
ضيف من الزمن الجميل
زمن الروز الئديم
الو بصمة بكل مكان فيو
مميز بمواضيعوو وكلشي بيطرحوا




غاب عنا شوي اكيد لظروف خارجه عن ارادتو
لمحتو داخل طلبت استضافتو وكنت متوقعه يخيبني
بس الله يرضى عليه جبر بخاطري
وحا يلبي الدعوة
ويكون ضيفي وضيفكن ها اليومين
خلينا نرحب سوااا







محمد

ميه السلامه خاي يلا دي بروك وخود راحتك وجاييتك بالاسئله

[♪♪زهرة اللوتس♪♪]

رح ابتدي بالاسئلة التقليديه وبعدين بنرجع لغيرهاااا




1. عرفنا بنفسك بإختصار ؟


2. ماهو رمضان بالنسبة لك ؟



3. حدثنا عن الاجواء الرمضانية في حلب و ما تراه مميز فيها ؟


4. يتتذكر اول يوم الك صيام برمضان ؟؟كم كان عمرك ؟؟وشوكان شعورك في ذلك اليوم؟؟




5.وصفلنا جدولك اليومي برمضان



6. كيف و أين ستصوم هذه السنة ؟ مع الأهل ام لوحدك ؟ في العمل أو ستكون في إجازة ؟


7. شو شعورك لمابتشوف واحد فاطر وماشي بنص الطريئ برمضان؟؟؟


8.بتحب العزايم برمضان ولا بتحب الافطار بالبيت ومع الاهل وليش علل يعني ؟؟؟




9. شو امنياتك على النطاق الشخصي والعام انو تتحقق برمضان؟؟؟



10. وانت صايم شو اكتر شي بيجي ببالك وبتتمنى تعملوا


11. احكيلنا عن ذكرياتك بالروز وبرمضان ؟؟؟




12. شو ناوي اتابع مسلسلات اكيد مبارح اخدت فكره عنها فشو شد انتباهك وليش؟؟؟



13. هل للرياضة مكان في يومياتك الرمضانية ؟



14. اذكر لنا موقف طريف تتذكره و له ارتباط برمضان ؟

15. اكيد اكيد شي مرة نسيت واكلت وانت صايم ؟؟شو عملت بعدها كملت صيام ولا طناش وفطرت




16. كيف تصف علاقتك بالأكل في شهر رمضان المبارك ؟


17. ما هى الاكلة المفضلة فى رمضــان ؟وبتساعد الماما بتحضير الفطور ولا لائ انت سي السيد
وكلشي لازم يجي لعندك يا بيه


18. هل هناك عادات سلبية تحاول الإقلاع عنها في رمضان؟ و ماهي ؟


19. ما هـو اكثر مكآن تتردد عليه و تزوره يومياً او بشكل شبه يومي في الشهر الكريم ؟


20. كيف تقضي أوقآت الفرآغ في رمضآن بـ كل صرآحه ؟


21. ماهي الأحداث او العادات التي تحب ان تراها في رمضان؟ وماهي العادات التي تكرهها في رمضان؟



22. كلمة أخيره توجهها للاعضاء ؟وامنياتك للروز بالمستئبل

[نور روز]

اهلا وسهلا محمد .. رمضان كريم وكل عام وأنتم جميعا بخير

[محمد]

عذروني يا جماعة ...

اليوم كان مناقشة مشروع التخرج ...

يلا دقايق بس ....

وحئك ع راسي لولو خانم ...

[محمد]

رح ابتدي بالاسئلة التقليديه وبعدين بنرجع لغيرهاااا




1. عرفنا بنفسك بإختصار ؟

ههههه ... محمد عزيزي ...

صرت مهندس اتصالات من شي ساعتين ..

شب بيقولوا عني غلييييييظ كتير ...
والشهادة مقدمة من ميدو ...
2. ماهو رمضان بالنسبة لك ؟

رمضان هو شهر الصبر والتعود واجتماع العائلة هالشهر

ع طاولة وحدة خلال عام كامل ...

3. حدثنا عن الاجواء الرمضانية في حلب و ما تراه مميز فيها ؟

والله من قبل كانت كتير مملة ..
بس هلئ ما عمنلحق احداث ابدا ..
من ضرب لقنص .. لاضراب ..
لحصار .. لتجويع ... لتخوين ...
لمغامرات لا حصر لها ..
4. يتتذكر اول يوم الك صيام برمضان ؟؟كم كان عمرك ؟؟وشوكان شعورك في ذلك اليوم؟؟

ههههه ... بالضبط لا ازكر ..
بس بعتقد لما كان عمري 8 سنين ..
وكنت ما صدق انو ايأدن ..
وما صدق ايمت رح يخلص هالشهر اللي كلو تعب وجوع ....


5.وصفلنا جدولك اليومي برمضان

منفيق الصبح بكير لانو في نت .. ومنبلش غلاظة ع العالم ...
بعدين مندرسلنا شوي بما انو لحقنا 3 مواد برمضان ...
وبس صارت الساعة 3.00 ما بقا افتح التاب لو بيعطوني مصاري ...
وبحاول نام للافطار ..
منعبي الدابو ... ومنروح ع التراويح ...
ومنرجع ع النوم سيوي لنفيق ع السحور وهكذا ...

6. كيف و أين ستصوم هذه السنة ؟ مع الأهل ام لوحدك ؟ في العمل أو ستكون في إجازة ؟
مع اهلي حجة الله يخليك ..
ما في مرة صمت لحالي ...

7. شو شعورك لمابتشوف واحد فاطر وماشي بنص الطريئ برمضان؟؟؟

طبعا هالرمضان بقدر اقلك ...
انو نسبة الفاطرين اكتر من الصايمين بمراحل ..
وفاطرين بوقاحة ...
يعني لا عم يشربو ومي ولا عم يدخنوا ...
عم يفصفصوا بزر ......!!!!!
8.بتحب العزايم برمضان ولا بتحب الافطار بالبيت ومع الاهل وليش علل يعني ؟؟؟

والله بحب انعزم ...
بس ماصارت هالحادثة خلال العامين المنصرمين ..
يعني بحب جو الجمعة مع الاهل والرفقة ...
وعدت مرات فطرت مع رفقاتي بالشغل ..
وكان يوم ما بينتسى ...


9. شو امنياتك على النطاق الشخصي والعام انو تتحقق برمضان؟؟؟

اول الشي ...
ماا ترووح دماء الشهداء سدى ...
وترجع بلدي بسرعة للطريق الصحيح ..
وانشالله نتوفق باللي عم نعملو بهالايام ...

10. وانت صايم شو اكتر شي بيجي ببالك وبتتمنى تعملوا
بصراحة ...
بتمنى قراءة القرآن اطول فترة ممكنة ..
لكن الشغلة عم تصعب كتير بهالايام ...
الله يهدينا ...

11. احكيلنا عن ذكرياتك بالروز وبرمضان ؟؟؟

زكريات مع الغالية ع قلبي ..
واللي شو ما حكيت عنها ما بوفيها جزء بسيط من حقها ...
قمر ..
الله يرحمك ... يا رب ..
كنتي شعلة الروز ... ووردتو ومن دون منازع ...
صرنا رفقة كتيييير عن طريق الروز ..
واتشاركنا همومنا لوقت ما ربنا رفعها لعندو ...


12. شو ناوي اتابع مسلسلات اكيد مبارح اخدت فكره عنها فشو شد انتباهك وليش؟؟؟
والله كنت مقرر ما تابع شي ...
بس اهلي الله يصلحهن ...
عم يتابعو االولادة من الخاصرة ...
فاضطريت تابعو ...
وحسب ما فهمت بااقي المسلسلات ...
اغراء واباحية مو طبيعية ...


13. هل للرياضة مكان في يومياتك الرمضانية ؟

ما في وقت يا عزيزتي ...

14. اذكر لنا موقف طريف تتذكره و له ارتباط برمضان ؟
ههههههههههه ....
مقالب الروز بالبنات لا تنتسى ..
ع ايام روكسان وقمر ودموع قلب والسندريلا .. وزينة الشام ..
ومرام وياسميييييييييييييييين وحلا ...
ايييييييييييييه ايااام
15. اكيد اكيد شي مرة نسيت واكلت وانت صايم ؟؟شو عملت بعدها كملت صيام ولا طناش وفطرت

طبعا كملت ...
بس كنت افرح لانو رب العالمين فطرني ...


16. كيف تصف علاقتك بالأكل في شهر رمضان المبارك ؟
علاقة وثيقة جدا ..
عدا رمضان من شي 5 سنين ..
علاقتي معو كانت سيئة ...
لانو وقعت بحفرة الحب ....

17. ما هى الاكلة المفضلة فى رمضــان ؟وبتساعد الماما بتحضير الفطور ولا لائ انت سي السيد
وكلشي لازم يجي لعندك يا بيه
طبعا ما بعمل شي ...
بس حاليا ..
كل ما رح نقلي بطاطا ...
بيجبروني اعملها ...
لانو حتى امي ما بتعرف تقليها متلي ....

18. هل هناك عادات سلبية تحاول الإقلاع عنها في رمضان؟ و ماهي ؟
الشغلات السيئة ..
يعني ادمان النت والتلفزيون ...
بالاضافة لضياع الووقت ع الفاضي ...

19. ما هـو اكثر مكآن تتردد عليه و تزوره يومياً او بشكل شبه يومي في الشهر الكريم ؟

كلية الهندسة الكهربائية والالكترونية ...
+
الجميلية ... بحلب ....

20. كيف تقضي أوقآت الفرآغ في رمضآن بـ كل صرآحه ؟

قراءة القرآن او الكتب اللي بتقع بايدي ..
واذا في كهربا ع النت او ع التلفزيون ...
21. ماهي الأحداث او العادات التي تحب ان تراها في رمضان؟ وماهي العادات التي تكرهها في رمضان؟

اهم عادة ...
ترجع العالم تخاف رب العالمين ...
وتصوم متل قبل ...
وهيك بترجع الايام الجميلة من قبل ...
عزايم وعالم تخااف ع بعضها وتحب بعضها


22. كلمة أخيره توجهها للاعضاء ؟وامنياتك للروز بالمستئبل

بتمنى الدوام للاعضاء بالروز ...
وبتمنى ارجع بقوة مع الجنود القدماء الاشاوس ...

ميت السلامة ومستعد لميت سؤال ....

وهلئ انا فاضيلك تماما ....

[♪♪زهرة اللوتس♪♪]

اي ميه السلامه خيوووو
والله انا ئلت مابيغيب غير للشديد الئوي
وها رحت بشفاعه ها العذر
والف الف الف مبروك باش مهندس
اي هيك ها الاخبار الحلوة يلي بتنسمع




انطرني بدي روح افطر وووووووووووووراجعه

[محمد]

اي شو هالفطور ...؟؟؟

كني عم تفطري جمل ... وتوابعووو ....

صحة وهنا عيوني...

[♪♪زهرة اللوتس♪♪]

عدنا والعود احمدوووو
اي حكيلي شو شعورك لما عرفت انك تخرجت؟؟؟؟
كيف كان جو الامتحانات الاخيره وكيف تغلبت عا الصعوبات يلي كلنا بنعرفها ؟؟؟
شو ناوي تعمل بعد التخرج ؟؟؟؟
شو رايك بالغربه بشكل عام؟؟؟
يعني اذا صحلك شغل برا سوريا مستعد تطلع وتترك كلشي ورا ضهرك ؟؟؟
ليش صرلك زمان بعيد عن الروز ؟؟؟؟
شو حكمتك بالحياة ؟؟؟؟
خطبت ولا لسااا ؟؟؟

راجعه باسئله عن الروز

[♪♪زهرة اللوتس♪♪]

على اعتبار صرلك زمان ماجيت لعنا

جاوبني على اسئله هاد الموضوع هون

1 العضــو اللي تتمنى تشوف شكله هو .......

2 العضــو اللي نفسك تضربووامزح ........

3 العضـــو يلي بدك تضربوو موو مزح .......

4 عضـــو تلقبه بسوبر ستار شباب المنتدى ......

5 عضـــــــوه تلقبها بسوبر ستار بنوتاااات المنتدى .........

6 عضـو تقوله ( ياغايب ليه ماتسأل ) .........

7 عضــو تقوله ( والله العظيـــــــم اشتقنالك ) .........

8 عضـــو تقوله الله يجزاك خير ويعطيك العافيه .......

9 عضـــو تقلووووناطرين منك اكتر .......

10 عضـــو تقوله ( خير ان شالله )..........

11 عضــــو تقــوله الله يسهل لك .........

12عضو ارتحت له من اول ماشفت اسمه بالمنتدى .......

13عضو اول ماشفته ماكنت تطيقه وبعدين حبيتووو......

14عضـــو رومانسي بتحسو كتير ........

15عضــو تحسه حلوووو ..........

[محمد]

عدنا والعود احمدوووو
اي حكيلي شو شعورك لما عرفت انك تخرجت؟؟؟؟
ههههه ... بصراحة اخر امتحان كان شعور كتير بشع ...
بس بعد مشروع التخرج اليوم ...
وصورنا مع لبس التخرج ... شعور ما بعدو شعور ...
الله يطعمو لكل مشتهي .. بتحسي انك خلصتي اهم مرحلة بحياتك ...
وصرتي وش لوش مع الحياة العملية ....
كيف كان جو الامتحانات الاخيره وكيف تغلبت عا الصعوبات يلي كلنا بنعرفها ؟؟؟
والله الجو مضغوط كتير ... اصعب فحص بيعدي علي ...
الظروف صعبة ومخنوئين ومحاصرين ... ما منقدر نتحرك اكتر من 1كم عن بيتنا الا وبتكون منطقة خطرة ...
بالاضافة عانينا بوقت الفحص من دارة التخرج لانو عصلجت كتييييييييييير ....
بس بعد مناقشة المشروع تعبي كلو انسيتو ورميتو ورا ضهري ....
شو ناوي تعمل بعد التخرج ؟؟؟؟
والله حاليا عم فكر سافر ع تركيا ... اشتغل شوي ..
وراسل جامعات وشوف اذا بقدر كمل او لأ ...
والله الموفق ...
شو رايك بالغربه بشكل عام؟؟؟
بصراحة ما جربته ابدا ...
بس كل اللي جربوها ... بيقلولي صعبة كتيييييير ...
لانو بعيد عن كل اللي بتعرفو ... وبتحبو وبتشكيلو همومك ...
يعني اذا صحلك شغل برا سوريا مستعد تطلع وتترك كلشي ورا ضهرك ؟؟؟
بهالوضع للاسف اي ...
مع انو لولا الخدمة الالزاامية ... ما بطلع من بلدي شئفة ...
ليش صرلك زمان بعيد عن الروز ؟؟؟؟
بصراحة ... صرت حس حالي غريب ... بالاضافة لانشغالي بالسنة الاخيرة ...
شو حكمتك بالحياة ؟؟؟؟
أحب ما تعمل ... حتى تعمل ما تحب ...
خطبت ولا لسااا ؟؟؟
لا والله لسى ...
بس بتقدري اتقولي ...
صرلي 3 اشهر ... واقع وقعة ظالمة ...
الله يكتبلي الخير احسن الشي ....

راجعه باسئله عن الروز

ههههههههههههههه ... بانتظارك لولو ...

[محمد]

على اعتبار صرلك زمان ماجيت لعنا

جاوبني على اسئله هاد الموضوع هون

1 العضــو اللي تتمنى تشوف شكله هو .......
ييييييييييي ... كتار كتير ...
اللي بحبهن وبحكي معهن .... كلهن بدي شوف شكلهن ..
وخصوصي المحقق اللي عم يحقق معي هلئ ...
2 العضــو اللي نفسك تضربووامزح ........
طيارة تحط ع رقبة ميدو ...
3 العضـــو يلي بدك تضربوو موو مزح .......
ما عندي روح عداونية مع حدا ولله الحمد ...
4 عضـــو تلقبه بسوبر ستار شباب المنتدى ......
بصراحة وحاليا ما في غير ميدو ... مو لانو منيح ..
هادا الوحيد الي بعرفو هون حاليا ...
5 عضـــــــوه تلقبها بسوبر ستار بنوتاااات المنتدى .........
لا تحرجييييييني ...

6 عضـو تقوله ( ياغايب ليه ماتسأل ) .........
مرام - نسرين -
7 عضــو تقوله ( والله العظيـــــــم اشتقنالك ) .........
زينة الشام
8 عضـــو تقوله الله يجزاك خير ويعطيك العافيه .......
تسنيم طبعا
9 عضـــو تقلووووناطرين منك اكتر .......
انتي زهورة ...
10 عضـــو تقوله ( خير ان شالله )..........
هاد اللي اسمو chris
11 عضــــو تقــوله الله يسهل لك .........
حلا
12عضو ارتحت له من اول ماشفت اسمه بالمنتدى .......
والله كتار ..
قمر - انتي لولو - لينا - نسرين
13عضو اول ماشفته ماكنت تطيقه وبعدين حبيتووو......
هههه ... تسنيم طبعا ...
14عضـــو رومانسي بتحسو كتير ........
والله الكل رومانسي ...
15عضــو تحسه حلوووو ..........
الكل حلو بنظري ...
لانو نحنا منكمل بعضنا هون ..
والمسيء مارح يضل هون بالاصل ....

ميت السلامة خييييييييييييييييت ..

[r_mido]

أول شي ألف مبروك التخرج , ولا تطنش ع الحلوان مشان ما أخلي الفرقآن كلا تحكي بسيرتك
ع المفيد ~

شب بيقولوا عني غلييييييظ كتير ...
والشهادة مقدمة من ميدو ...

ليش التحريف ؟؟؟ انا بئول معلاء ليييييييييش عم تكزب ع لساني ؟؟؟؟؟؟؟

عضـــو تلقبه بسوبر ستار شباب المنتدى ......
بصراحة وحاليا ما في غير ميدو

غصب عنك

العضــو اللي نفسك تضربووامزح ........
طيارة تحط ع رقبة ميدو ...

الئلب ع الئلب بس الفرء انو انا بنفسي اضربك جد

لانو وقعت بحفرة الحب ....

هههههه يخرب بيتك سبئتني بالوئعات , شبك خيوووو لسا طالع وائع ههههههه ركزلك بحفرة

وحسب ما فهمت بااقي المسلسلات ...
اغراء واباحية مو طبيعية ...

حسب مافهمت ولا حسب ما شفت ؟؟؟

اللي بحبهن وبحكي معهن .... كلهن بدي شوف شكلهن ..
وخصوصي المحقق اللي عم يحقق معي هلئ ...

استحي يازلمة عيب عليك عم تحكي ع الهوا انت خجلتا للبنت

بس هلئ ما عمنلحق احداث ابدا ..
من ضرب لقنص .. لاضراب ..
لحصار .. لتجويع ... لتخوين ...
لمغامرات لا حصر لها ..

لك مو من كم يوم حطيت بوست بالفيس عم تطلب من الناس انو ما تبالغ لا تباااالغ انت التاني مافي كل هالحكي

4عضـــو رومانسي بتحسو كتير ........
والله الكل رومانسي ...

بعض مما عندكم جيجة ههههه

عضـــــــوه تلقبها بسوبر ستار بنوتاااات المنتدى .........
لا تحرجييييييني ...

هو هاد موضوع احراج , وانا بضم احراجي لاحراج الجميع وبعيد عليك السؤال

مع انو لولا الخدمة الالزاامية ... ما بطلع من بلدي شئفة ...

كزااااااب كبيييير خخخخ

//
/

هدول مش الاسئلة , هدول بعض من معلائكم ههههههههه راجعلك بالاسئلة

[محمد]

أول شي ألف مبروك التخرج , ولا تطنش ع الحلوان مشان ما أخلي الفرقآن كلا تحكي بسيرتك
ع المفيد ~

اجرك وما تعطي ...

ليش التحريف ؟؟؟ انا بئول معلاء ليييييييييش عم تكزب ع لساني ؟؟؟؟؟؟؟

نفس الشي ولاك ....

غصب عنك

بس تبطل تضليل ... وتقص من حكيي ...
بوافقك ع الحكي ...

الئلب ع الئلب بس الفرء انو انا بنفسي اضربك جد


لكا ليش نحنا منفهم ع بعض ...
هههههه يخرب بيتك سبئتني بالوئعات , شبك خيوووو لسا طالع وائع ههههههه ركزلك بحفرة

اي طبعا احسن ما ضل ثابت بمكاني ..

حسب مافهمت ولا حسب ما شفت ؟؟؟

لو شفت ... كنت استرسلت بالشرح وبسطك ع الاخييييييييير ...

استحي يازلمة عيب عليك عم تحكي ع الهوا انت خجلتا للبنت

ههههه ... وانته شو حشرك ...؟؟؟؟

لك مو من كم يوم حطيت بوست بالفيس عم تطلب من الناس انو ما تبالغ لا تباااالغ انت التاني مافي كل هالحكي

هههه ... لا ما بالغت حجي ...
انزيل ع الشارع وشوف ... وحاج لزقان مدري وين ...
اخر ما عرفت انو بالسريان .... السريان لحالها قصة ... بلا ما نحكي ... هع

بعض مما عندكم جيجة ههههه

ع راسي خاي

هو هاد موضوع احراج , وانا بضم احراجي لاحراج الجميع وبعيد عليك السؤال

ههههه ... انته مشهد هون ما بيحقلك تسألني سؤال مكرر وتم الاجابة عنو .... هععععععع

كزااااااب كبيييير خخخخ
ههههههه ما في احلى من الكذب ...

//
/

هدول مش الاسئلة , هدول بعض من معلائكم ههههههههه راجعلك بالاسئلة

منتظرك خيووو ...

[♪♪زهرة اللوتس♪♪]

شكرا كتير محمد وعلى قبولك الضيافه شرفتني والله خيوووو بتواجدك
وكل عام وانت بالف خير ووورمضان كريم