<< و فجآ’ة >>

[abdullah]

وفجآة


الخيـــــ صباح ♥ مساء ـــــــــر


موضوعنا اليوم هو عبارة عن قصة مالها نهاية

يعني بيدخل العضو لهون بيحكي وبيكذب وبألف قصص وبيكتب وفجأة

وبيطلع
وبيدخل العضو يلي بعدو بكمل الكذبة والقصة من عندو
وهييك ليصير عنا أكبر قصة خرافية
فيها كذب فوق اللازم كخخ

يلا رح بلش أنا

[abdullah]

والله يا شباب كنت نايم هداك اليوم بغرفتي
وسمعتلكن صوات جاية من المطبخ
ولما رحت شوف شوفي شفت خمس دينصورات علائانين مع بعض

وصرخت فيهن هداك الصوت


وفجآة

[السندريللا]

....[ فجأة ] انا وعيت ع صوت عبدالله يلي عم يزأر متل الاسد وما شفت الا وهالديناصورات
(طبعا انقرضت من العالم ولكن اكتشفت انها ببيت عبدالله )
عم تتراكض يمين شمال ، تطلعت حوالي ما لئيت الا عصا الغولف مسكتها وبدون خوف طبعاً
ضربت اول ديناصور ورميتو بالأرض وفجأة ....

[ حلو الكذب والله ]

[abdullah]

وفجآة
صحي الديناصور يلي ضربتو سندريلا وحجم عليها مشان ياكلها
وئالتو انا ما دخلني هااد عبدالله <<< الديناصور بيحكي عربي لأنو
وأجا بدو ياكلني
وفتح تمو هديك الفتحة <<< اللهم عافينا
وفجآة

[السندريللا]

هههههههههههه مش صحيح هالحكي ما ئلتلو هيك
المهم فتح تمو لياكل عبدالله انا طبعاً ما حبيت هالشي فصرخت بوج الديناصور وئلتلو :
بس ..توقف لا تاكلو ...حرام (هيدا عضم وجلد وما الو لا نكهة ولا طعمة )
وبنفس الوئت عم اغمز عبدالله يلي كاين غرقان بدموعو وعم يبكي ويرجف من الخوف
ويئلي الله يخليكي خلصيني من هالكلب ....(مسكين ما بئا يشوف ادامو )
وفجأة

[abdullah]

أجا ميدو وهو لابس لبس طرزان وعم يطير من غرفة لغرفة ومتعربش عالحبال
وعم يصييح أييااييياااااايي ييااا
وركب فوق الديناصور يلي بدو ياكلني
ووشوشو كلمتين والديناصور فرط من الضحك
وئعد هو ميدو وشربو ئهوة وينكتو ويضحكو
وفجآة

[السندريللا]

يخرب عئلككككككك ههههههههه
.
.
فجأة وهنن عم يضحكوا انا كنت رحت ما بعرف شو صار بس اكيد يلي كان قاعد بالزاوية شاف
ورح يحكيلكون ..يلا عبدالله احكي ولا تخاف

[abdullah]

اي رح احكي مالي خايف
وفجأة يا جماعة الخير اشتردق الديناصور بالئهوة لأنو ميدو ضحكو كتيير
وصار ميدو يضربو على ضهرو مشان ما يختنق
ضربو اول ضربة التانية أنكسر ضهر الديناصور
وحلف الديناصور إلا يجيب ولاد عمو والعيلة كلها ياخدو بالتار من ميدو
وفجآة

[السندريللا]

هههههههه وفجأة اتحمس عبدالله وئال لحالو لا ما بيصير اترك ميدو لحالو بهالمعركة
استل سيفو ولبس لامة حربه واتجه نحو الباب ووقف ادام الديناصور صارخاً :
الموت ولا العار وضرب الديناصور على رأٍسه وئطعو نصين
ف خرّ صريعاً عالأرض وهو يفحص بيديه ورجليه
وهون عبدالله تنفس الصعداء
((حئو يا جماعة ما سدء انو بضربة وحدة قدر يقهر هالوحش ويدافع عن رفيئو يلي فداه بضحكتو ))
وبينما الكل واقف واذ بـــ (يعني فجأأة ).....

[abdullah]

بيجي ميدو بيئلي الي ولــ سندريلا شو عم تعملو هون ؟
اتركو من ايديكن وكل واحد ينط عاللاب توب تبعو ورحو عالمنتدى شاركو واشتغلو
أحسن ما ضوج عليكن o.O
هون بعد يلي صار آخدنا على خاطرنا انا وسندريلا وما ردينا عليه
وزعلنا من ميدو كتيير <<< وفي رواية أخرى شطت فناجين القهوة يلي كان عم يشربو فيها

وفجآة

[السندريللا]

لا لا ... الرواية الاخرى بتئول انك شربت القهوة يلي كانت بآخر الفناجين
وضربت على صدرك وقلت :انا عبدالله والأجر على الله
وبعدين لما ميدو قال للسندريللا وعبدالله يروحوا عالمنتدى مستعملاً اسلوب التهديد
قام عبدالله ورمى ميدو بالفنجان يلي بأيدو (الفتنة حلوة )
وئلو مين مفكر حالك يعني ...انا قاهر الديناصورات ..قل لي من تكون انت ؟
هون بكلام عبدالله الاستفزازي احمرّ وجه ميدو غيظاً ... ومسك عبدالله بقبة قميصو
وضربو بوكس ع اصبع ايدو طيرلو سنانو ... وفجأة .......

[anas]

هجمت قبائل النمل على كل الموجودين ال شو لأنهم ما شربوهم قهوة ووصار كل ولاحد منهم يقتل فيهم لكن دون جدوى حتى اجى فيل كبير ال اتركوني عليهم ودعس على النملات وقتلهم ...وفجأة ....

[abdullah]

تصالح ميدو وعبود <<كرمالك سندريلا بس هاا
وعبود جبلو هدية لميدو ميموري فلاش كخخخ
وراحت سندريلا عملتنا نفسين اركيلة مشان نشرب
وانس نزل يشتري فحم للاركيلة
بس وهو نازل عالدرج سمع صوت جاي من تحت وغبرا عم تطلع وتعج عجااج

وفجأة

[السندريللا]

ولما راحت السندريللا عالصالة لتتصل بالصيدلية يبعتوا اركيلة لعبود وميدو
خطر ببالها هالسؤال (اذا كان عبود ليه مسجل باسم عبدالله ) اممم ..هون لعب الفار بعب السندريللا
وصارت تفكر بخطة تكشف شخصية هاللغز وبينما هي غارقة بافكارها فجأة ....

[abdullah]

وهي غارقة بالأفكار غابت عن الوعي
وصار تحلم أحلام يقظة
وشافت ارنب عم يركض بالحديقة
وراحت ركضت وراه وبعدين وئعت ببير مي
وضلت شي اسبوعين عم تئع << ينعن عمر الكذب كخخ
ووئت يلي وصلت على ارضية البير شافت عالم تاااني مذهل
وأكتشفت أنو الارنب يلي كانت عم تلحئو كان مو ارنب
كان الفار يلي عم يلعب بعبا
وفجأة