تويت
يسعدلي مساكون أحلى أعضاء
~::[ كرسي الإعتراف ]::~
كرسي الإعتراف
موضوع غني عن التعريف
هوي بإختصار منختار عضو
يكون ضيفنا على هل كرسي الكهربائي
لمدة 3 أيام ومنبلش تنتيف بريشاتو
قبل فترة منيحة جلس على هل كرسي الأخ ميدو
فيكون تشوفوا الموضوع هون
وهلق حابين نرجع للموضوع مع عضو جديد
لكن هل مرة رح يكون فيا ديمقراطية وفكرة جديدة !!
سألوني كيف ؟
كيف ؟
هاها يعني أنا بختار لإلكون 3 أسماء عشوائية
وعن طريق التصويت بتختاروا مين العضو اللي حابين يكون ضيفنا
وغير هيك أي عضو ما بحب يشارك فيه يخبرنا بمشاركة بل موضوع
أو يخبرني برسالة خاصة لحتى ما حط إسموا بقائمة التصويت .
الموضوع رح يكون منظم ومتابع من قبلي شخصياً
وأي حدا عندو إستفسارأو فكرة فيه يرجعلي .
~الألية والفكرة~
هلق رح يكون لكل عضو 4 أيام بإستثناء يوم التصويت
يعني يوم للتصويت و 4 أيام بتكون خص نص للعضو المختار
هلق الـ 4 أيام هودة
3أيام منون بكونوا أسئلة وتنتيف ولت وعجن
واليوم الرابع منفتح موضوع جديد مننهي فيه أسئلة
ومنشكر الضيف عا سعة صدروا ومنسجل فيه إنطباعنا عن حلقة الضيف
إنو يعني كا تقييم وتحليل لإجابات الضيف المختار شو عجبنا وشو ما عجبنا ...إلخ
الشغلة بسيطة كتير هلق مشي بلش فيا رح يكون كلشي زكرتوا سهل ومفهوم أكتر
رح نزل هلق 3 أسماء وبدي منكون تختاروا إسم لحتى يكون ضبفنا التاني على الكرسي
والأعضاء المختارين هني عا النحو التالي
السندريللا
سوريا عشقي
زهرة اللوتس
التصويت بكون بل الإختيار من القائمة أعلى الموضوع
وتحياتي لإلكون جميعا
إختكون المحبة
عطر الياسمين
^^
تعليق