إعـــــــلان

تقليص
لا يوجد إعلان حتى الآن.

إعـــــــلان

تقليص
لا يوجد إعلان حتى الآن.

جلسة حوار ونقاش بين عضوين " عطر الياسمين & سوريا عشقي "

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • جلسة حوار ونقاش بين عضوين " عطر الياسمين & سوريا عشقي "



    جلسة حوار ونقاش بين عضوين


    " عطر الياسمين & سوريا عشقي "






    يسعدلي مساكي رغودة


    بما إنو إلنا فترة بالموقع وشنا بوش بعض
    والأعضاء بفترة سبات شتوي مدري صيفي مدري خريفي
    عا كل حال الغايب عزرو معو


    المهم بدل ما نكش دبان

    بقترح إنو نعمول جلسة حوار ونقاش

    ومو شرط مواضيعنا تقتصر عا المواضيع السياسية والإجتماعية

    فينا نحكي بأيا موضوع بيخطر عا بالنا ممكن الموضة الأزياء المطبخ الديكور .... إلخ


    يعني بإختصار أكتر

    منقترح موضوع ومنتناقش فيو
    بسمع رأيك بتسمعي رأيي ومنغني معلومات بعض

    ومشي نصل لطريق مسدود أو تخلص كل الأفكار
    منقترح موضوع تاني



    إن عجبتك الفكرة
    خلينا نقول يارب

    تحياتي
    عطر الياسمين



    ^^




    ^^

  • #2
    عندك أفكار حلوة وبتجنن

    ماشي على راحتنا هي هيه مافي غيرنا موجود ويمكن يتحرك الموقع شوي




    تعليق


    • #3
      المشاركة الأصلية بواسطة سوريا عشقي مشاهدة المشاركة
      عندك أفكار حلوة وبتجنن

      ماشي على راحتنا هي هيه مافي غيرنا موجود ويمكن يتحرك الموقع شوي





      إنتي الحلوة والي بتجنني

      بما إنو ما إقترحتي موضوع رح إقترح أنا

      موضوعي رح يكون بعنوان

      " الفتاة قبل الزواج باربي وبعد الزواج بارني "







      وطبعا موضوع مارح يكون سطحي ويركز فقط عا الشكل
      لكن إخترت هل عنوان والصورة ليختصر شوي عليي من توصيل الفكرة


      هلق إم الرور

      كتير بلاحظ عا الصبايا إنو بيتغيرو جزريا مشي يتزوجو
      1) بالشكل 2) الأفكار والإهتمامات 3) الحب " العلاقة مع الطرف التاني "


      رح بلش بالشكل والمظهر
      وباقي النقاط منطرقلا بعد ما نخلص هي النقطة

      هلق وحدة قبل ما تتزوج بتكون بتهتم بمظهرها لبسا/مكياجا/وزنا ...
      لكن بعد الزواج أو خلينا نقول بعد سنتين لــ خمس سنوات من الزواج

      بتتغير المخلووقة جزريا !!
      وزنا بيكون 55 وبعد الزواج بيصير 90
      وما بتعود تهتم بمظهرا

      هلق أنا إي بعرف إنو جسم البنت وهرموناتا وكلشي بتغير بعد الزواج والحمل والولادة والرضاعة
      وما بنكر هالشي


      بس مو إنو تكون 50 متل غصن البان وبعدا تصير 90 متل جذع النخلة !!!!


      مجرد ما تسألي وحدة وتقليلا ليش هيك صايرة متل ال.... ؟
      أو شغلة بتقولا الوحدة بعد الحمل والولادة والرضاعة بتتغير

      إي أوك
      بس في شي إسمو تنتبهي عا صحتك ترجعي وزنك تخففي أكلك تلعبي رياضة شوي
      قبل ما ال10 كيلو الزيادة تصير 30 كيلو زيادة ويصعب عليكي تنزلين !

      قسم منون برد وبيقول
      ماعندي وقت هم ولاد وتغير حفوظات وطبخ وغسيل وشغل ..إلخ

      وقسم تاني مستفز بيرد وبيقول
      لك ما خلص إنسترنا ونفقنا


      .................

      أنا برأيي أنو أفي حجة ولا لأي وحدة متزوجة

      يعني من 24 ساعة ما بتلاقيلا ساعة خلال هل يوم تمارس فيو رياضة !!
      تخفف أكلا وبشهر زمان ترجع لوزنها ولياقتا وحيويتا

      بدل ما يضلو يتراكم شهر بعد شهر
      ولادة بعد ولادة وفجأة ما تلاقي حالا إلا وصارت 120 كيلو !!!

      شو زنب الأطفال
      بإم ما تقدر تلعب وتركض معون بحديقة البيت
      ليش لأنو كروشتا قداما متر ومن أول خطوة بينقطع نفسا !!!!


      شو زنب الزوج المسكين
      يرجع من شغلو بعد القرف والتعب
      ما يلاقي " أميرتو " عم تنطره عا بلكونة البيت
      بوش حلو وإبتسامة حلوة ومنظر وريحة حلوة


      ليش ليرجع ويلاقي " إم العيال " بتكشيرة
      وريحة البصل والطبخ عم تفوح منا
      وقاعدة عا الكنبة متكسلنة تقوم لقلة لياقتا ومرونتا


      إي حلو كتير إنو يرجع يلاقيكي
      طابختيلو منظفة البيت ومحممة الولاد

      بس الأحلى

      إنو فيكي كمانة بساعة وحدة تتحممي إنتي
      وتلبسي أحلى ماعندك وتحطي أحلى مكياج وتستقبليه أحلى إستقبال





      وطبعا عمري ما ناقشت وحدة متزوجة سواء من رفقاتي أو قريباتي
      إلا وإشتركو بهل جملة " مشي تتزوجي يا خانوم منشوفك عم تحكي من فراغ إنتي


      هلق صراحة ما بعتقد أبدا إنو الشغلة بالزواج والمسؤولية والبيت والأولاد
      الشغلة شغلة مبادئ وإهتمامات وكمانة الشغلة راجعة للبنت نفسا
      لمحبتا لحالا وللنزعة الأنثوية الي جواتا
      الوحدة قبل ما تتزوج بتحب تشوف حالا أحلى وحدة مشي تكون مع رفقاتا

      فما بالكن مشي تكون مع حبيبا وروحا الي إختارتو


      هلق كتير صبايا بحسو حالن خلص مشي إتزوجو إستولوو عا الحبيب وصار ملكون
      وأفي داعي وحدة تهتم بحالا لتجزبو

      لكن برأيي كل وحدة بتفكر بهي طريقة هي وحدة غبية ما عندا إحترام لحالا قبل حبيبا
      أنا بهتم بشكلي مو بس لأجزب الي بحبو
      أنا بهتم بشكلي لأجلي ولنفسي .. وإهتمام الوحدة بحالا هوي واحد من ركائز بناء الشخصية القوية الواثقة من حالا
      وبعدين إن الله جميل يحب الجمال




      المهم
      شو رأيك رغودة إحكيلنا رأيك بهل موضوع
      وإن كنت غلطانة بشي صححيلي


      لحتى بعدا نكفي أخر نقطتين بهاد الموضوع
      وهني الإهتمامات والحب العلاقة مع الزوج بعد الزواج

      ^^





































      ^^

      تعليق


      • #4
        كلامك صحيح عطورة
        وأنا بسمع كتير من نسوان هالكلام
        بس بشويت تنظيم لوقتهم بيقدروا يكونوا ملكات ببيتهم وقدام زواجهم
        وقدام أهلهم وقرايبينهم
        وبالنسبة للوزن كمان بقولوا الحمل والرضاعة هنن سبب زيادة وزنهم
        كلامهم صح بس لفترة وبعدين بيقدروا بشويت رياضة
        او شغل بالبيت بيقدروا يحافظوا على قوامهم رشيق
        ومايتحججوا بشغلات مالي قادرة ظهري عم يجعني
        او الصغير ماعم اقدر اتركه لحاله وهكذا ....
        لافي فترة يلي بنام فيها الصغير بقوم بعمل تمرينين رياضة
        وبشتغل بالبيت وبشوف باقي الولاد شوبدهم بطعميهم وبلعب معهم
        وبطبخ وبزبط حالي وبرتاح شوي لبين مايجي زوجي من الشغل بكون ملكة امامه






        تعليق


        • #5
          المشاركة الأصلية بواسطة سوريا عشقي مشاهدة المشاركة
          كلامك صحيح عطورة
          وأنا بسمع كتير من نسوان هالكلام
          بس بشويت تنظيم لوقتهم بيقدروا يكونوا ملكات ببيتهم وقدام زواجهم
          وقدام أهلهم وقرايبينهم
          وبالنسبة للوزن كمان بقولوا الحمل والرضاعة هنن سبب زيادة وزنهم
          كلامهم صح بس لفترة وبعدين بيقدروا بشويت رياضة
          او شغل بالبيت بيقدروا يحافظوا على قوامهم رشيق
          ومايتحججوا بشغلات مالي قادرة ظهري عم يجعني
          او الصغير ماعم اقدر اتركه لحاله وهكذا ....
          لافي فترة يلي بنام فيها الصغير بقوم بعمل تمرينين رياضة
          وبشتغل بالبيت وبشوف باقي الولاد شوبدهم بطعميهم وبلعب معهم
          وبطبخ وبزبط حالي وبرتاح شوي لبين مايجي زوجي من الشغل بكون ملكة امامه


          حلو كتير
          يعني منتفق سوا إنو الخلل بهي النقطة هوي من الزوجة نفسا
          وأفي أيا حجة ومبرر لهل شي
          وما بلوم أبدا أيا رجال يفكر يتزوج عا مرتو إن ما إهتمت بحالا

          هلق رح نتطرق لأخر نقطتين بهل موضوع

          " الأفكار والحب ( العلاقة مع الزوج ) "

          ليش منشوف إنو الحب والرومانسية بس بيكون وقت الخطبة وأول سنة بالزواج
          ومن بعدا بيتحول هاد الحب لروتين وتعود وعشرة ؟!

          رح قول شغلة واقعية

          سألت كزا وحدة متزوجة ومنون وحدة صرلا أكتر من 10 سنوات متزوجة

          قلتلا إيمت أخر مرة قلتي لزوجك
          بحبك بعشقك يا شبي وأميري وهل كلام المعسول
          بجو رومانس وطريقة رومانس

          مو يا حبيبي يا حياتي ياروحي جبلي معك كيلو بندورة وإنت راجع !!
          يا أحلى زوج بالكون تسمحلي إطلع مع رفقاتي عا السوق !!

          إيمت شعلتيلو شموع حمرا وزينتي تختكن بالورد الأحمر ؟؟

          فئة من هل زوجات

          ضحكو وخجلو وقالولي
          يا شيخة كبرنا عا هل حكي وهل حركات !!

          وفئة تانية
          قالولي أول ما تزوجنا !!

          وتالتة
          قالت وكانت جئرة شوي

          مشي يرجع عا البيت ويلاقي أواعيه مغسوولة والأكل جاهز هاد بيعني إني بحبو
          مشي أخد بالي من ولادوو وربين منيح ودرسن فهاد يعني بحبوو
          مشي صون حالي بغيابو وصون بيتو فهاد يعني إني بحبو
          لما يجبلي كل أغراض بيت وما ينقص عليي شي يعني بحبني
          لما إمرض ويجبلي دوا ويعطيني الإبرة يعني بحبني
          مشي يصبر عليي برغم عصبيتي ومزاجي السيء معناتا بحبني

          وقالت
          (الحب مو يعني شموع حمرا وورد أحمر وحركات مراهقين)

          وأغلبن كانو هيك

          هلق أنا معا إنو الحب مو بس شموع حمرا
          بس كمانة الحب مو بس أكل وشرب ونوم ومصروف

          كل الي إنزكر هي واجباتك تجاه بيتك وزوجك وواجبات زوجك تجاهك
          وإي دليل محبة ووئام بينكن مشي تكون أموركن المنزلية على مايرام
          بس وين حقوو كاحبيب كا روح كانصك التاني !!!

          ليش مشي يطلع مقطع رومانس بشي فيلم تركي
          بتتحرقص وحدة منكون



          يا حوا ويا كل زوجة
          الحياة الأسرية مانا أكل وشرب ونوم و ولاد وبس
          حلو يكون فيا حب ورمانسية بين فترة والتانية
          حلو كتير تطالعي الطفل الي جوات زوجك حتى لو عمركن 50 سنة
          حلو تكوني برقتك وأنوثتك وخجلك ودلعك وجنوونك قدام زوجك

          لا تخجلي من مشاعرك تجاهو
          هو زوجك حبيبك حلالك

          فيا الوحدة تخلي بيتا جنة وملان حب
          وفيا الوحدة تخلي بيتا ناار شاعلة

          إي في أزواج بيتعودو وبتصير حياتن روتين
          وإي ما بيشكيلك إنو بحاجة كلمة حلوة

          بس وقتا ما تلوميه إزا دور عا هالشي بطرق ملتوية
          ما بشجع عا الخيانة
          بس يعني كمانة أفي دخان من غير نار



          رغودة هلق أنا عندي 3 أسئلة

          الأول
          عقبيلي عا كلامي الي فوق وعطيني رأيك
          وصححيلي إن غلطت بشي

          التاني
          برأيك ليش الزوجة بعد الزواج بتتغير عاطفتا تجاه الزوج
          وبتتحول لروتين وحب عشرة مو أكتر
          وبتخلو حياتن من لحظات الرومانسية والجنون ؟

          التالت
          ليش إهتمام الزوجة بأولادا وبيتا بيفوق أضعاف إهتماما بزوجا
          بالعلم إنو أهم وأعظم ركائز البيت ؟

          ^^









          ^^

          تعليق


          • #6

            بست


            فتحيلك شي موضوع ندردش فيو


            ^^




            ^^

            تعليق


            • #7

              هاتشوووو

              ^^




              ^^

              تعليق


              • #8
                كلامك صحيح عطورة

                تعليق


                • #9
                  برافو صبايا

                  تعليق


                  • #10
                    رغودة كيفا الحلوة

                    مممم رح إفتح أنا موضوع كمان هالمرة

                    رغودة شو رأيك بكلام الناس عندو إلك أهمية وشو بيعنيلك ؟

                    ^^




                    ^^

                    تعليق


                    • #11
                      مشتاقتلك
                      صراحة مو كتير بهتم بكلام الناس

                      بس والله ياحبيبتي اذا الكلام بمسني وبمس عيلتي فهون بدو رد ان كان سلبي او ايجابي

                      وإذا الكلام عن ناس تانيين اذا بعرفهم اكيد برد عليهن اما إذا مابعرفهن بحاول اني اتعرف عليهم من تحت لتحت ووقتها برد او بلتزم الصمت وبقول الله يهديهم

                      تعليق


                      • #12
                        المشاركة الأصلية بواسطة سوريا عشقي مشاهدة المشاركة
                        مشتاقتلك
                        صراحة مو كتير بهتم بكلام الناس
                        بس والله ياحبيبتي اذا الكلام بمسني وبمس عيلتي فهون بدو رد ان كان سلبي او ايجابي
                        وإذا الكلام عن ناس تانيين اذا بعرفهم اكيد برد عليهن اما إذا مابعرفهن بحاول اني اتعرف
                        عليهم من تحت لتحت ووقتها برد او بلتزم الصمت وبقول الله يهديهم
                        طيب حلو الكلام لهلق
                        خليني غير منحى الكلام وقلك إنو عا فرض متلا إنتي عايشة ضمن بيئة محافظة شوي
                        وبنتك لبست تنور قصير وبدا تطلع مع رفقاتا وتسهر
                        هلق من ناحية المبدأ إنتي واثقة ببنتك واللبس عا فرض عندك ياه حرية شخصية وهيك
                        بس جيران ممكن يحكوا ويلتوا ويعجنو
                        هلق بهي الحالة بتهتمي لكلام الناس وتقولي لبنتك متلا غيري لبسك او إنو بلا السهر جيبي رفقاتك لهون يسهروا
                        مابدنا الناس تشوفك راجعة متأخرة وتقول مدري وين كنتي ...إلخ


                        ^^




                        ^^

                        تعليق


                        • #13
                          والله ماباخد بحكي الجيران لأن انا واثقة من هلي عندي

                          وكل واحد حر بيلبس بيسهر بيجي متأخر هذا بخصنا النا
                          وماحدا دخلوه فيه
                          أن اصلا مابدخل بكل شي بيعملوه جيراني تى لو كانوا محافظين الا مايكون عندهم هفوات بقى مابدخل وبقلهم ليش هيك عم تعملوه

                          تعليق


                          • #14
                            [LEFT]
                            المشاركة الأصلية بواسطة سوريا عشقي مشاهدة المشاركة
                            والله ماباخد بحكي الجيران لأن انا واثقة من هلي عندي

                            وكل واحد حر بيلبس بيسهر بيجي متأخر هذا بخصنا النا
                            وماحدا دخلوه فيه
                            أن اصلا مابدخل بكل شي بيعملوه جيراني تى لو كانوا محافظين الا مايكون عندهم هفوات بقى مابدخل وبقلهم ليش هيك عم تعملوه
                            جميل حبيت ولا تعليق بتفق معك ☺

                            طيب يلا هلق فتحيلنا موضوع من عندك
                            حاج كلو من عندي ههه

                            ^^



                            [
                            /LEFT]




                            ^^

                            تعليق


                            • #15
                              المشاركة الأصلية بواسطة عطر الياسمين مشاهدة المشاركة
                              [LEFT]


                              جميل حبيت ولا تعليق بتفق معك âک؛

                              طيب يلا هلق فتحيلنا موضوع من عندك
                              حاج كلو من عندي ههه

                              ^^



                              [
                              /LEFT]


                              طيب قلتي ولا تعليق بتتفقي معي فيه
                              انا بدي اسالك نفس السؤال

                              من الاول هل بتهتمي بكلام الناس

                              وثانبا إنتي عايشة ضمن بيئة محافظة شوي
                              وبنتك لبست تنورة قصيرة وبدا تطلع مع رفقاتا وتسهر
                              هلق من ناحية المبدأ إنتي واثقة ببنتك واللبس عا فرض عندك ياه حرية شخصية وهيك
                              بس جيران ممكن يحكوا ويلتوا ويعجنو
                              هلق بهي الحالة بتهتمي لكلام الناس وتقولي لبنتك متلا غيري لبسك او إنو بلا السهر جيبي رفقاتك لهون يسهروا
                              مابدنا الناس تشوفك راجعة متأخرة وتقول مدري وين كنتي ...إلخ
                              شو موقف امك

                              وانشالله يارب بنفرح فيكي وبصير عندك ولاد وبسألك نفس السؤال

                              تعليق

                              يعمل...
                              X