إعـــــــلان

تقليص
لا يوجد إعلان حتى الآن.

عودة نجوم سيريا روز على كرسي الاعتراف ~البداية مع الأدمن r_mido

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    • كيفك أبو الميد وكيف الهمة ؟!

    كيّس ومليّس وآبخرق مي

    منبلش نقرشة خفيفة
    قول يارب

    • بداية قلي كيف كان شعورك مشي إستقبلت مفاجئة زهرة اللوتس ؟


    انو مابعرف بس صار هي المرة العاشرة اللي بنحط فيها ع كرسي الاعتراف

    • خليني قلك شعوري بل أول ضحكت ضحكة شماتة وأول كلمة نظقتها " يا شماتة أبلة ظاظا " زازا " فيك يا خيي "


    الله يسامحك

    • من أي مدينة من فلسطين إنت ؟



    انا من الجليل قضاء عكا , مدينة اسما ترشيحا ..

    • بكلوريا تبعك علمي/ أدبي ... ؟


    علمي علمك ههههه

    • شو ترتيبك بين إخوتك ؟


    الأخير

    • شو الدولة اللي حاب تزورها غير فلسطين وكندا ؟


    شو عرفك بكندا !!؟
    بعض النظر حالياً بدي اطلع من سوريا ع اي بلد كان


    • لمين بتحب تسمع أكتر شي ؟


    حسب ما تختار ادني ... مافي شي محدد كل وئت الو وضع

    • إختارلي أقرب 2 من هودة المطربين لإلك لو سمحت ؟


    والله مافيني فضل واحد ع واحد , كلون اعظم من بعض .. بحبون وبسمعلون كلون ........ ما عدا فريد الاطرش يئطع عمرو ههههه

    • إخترلي تمان أقرب 2 من هودة لإلك ؟


    *مارسيل خليفة
    *محمود درويش
    • رتبلي هودة بناء عا ترتيب بفكرك ومو شرط تصرح عنوا ؟


    1 ياسر عرفات
    2 ياسر عرفات
    3 ياسر عرفات
    4 خليل الوزير
    5 صدام حسن
    6 الشيخ أحمد ياسين
    7 جمال عبد الناصر
    8 بشار الأسد
    9 حسن نصرالله

    تعليق


    • #32
      ميدو سؤال لو سمحت
      بأي بلد ولدت
      ولو كانت سوريا متل ماكانت قبل 3 سنين
      كمان كنت بتحب تطلع منها وماترجعلها

      تعليق


      • #33
        المشاركة الأصلية بواسطة سوريا عشقي مشاهدة المشاركة
        ميدو سؤال لو سمحت
        بأي بلد ولدت
        ولو كانت سوريا متل ماكانت قبل 3 سنين
        كمان كنت بتحب تطلع منها وماترجعلها


        بعمري ما حسيت انو مكاني هون ... هاد هدفي من اكتر من عشر سنين لاني بجد بشوف حالي بشي كبير مالو موجود بسوريا
        وهالتلت سنين كرست هالنطرية اكتر من خلال مرتين انخطفت فيون + راحت سيارتي + بيتي + شغلي اللي تراجع كتير ++++++
        مش كرهاً بالبلد , ع العكس سوريا الها فضل علي , ولكن مكاني مش فيها ..

        تعليق


        • #34
          المشاركة الأصلية بواسطة عطر الياسمين


          جميل ...

          إنطرني بجولة تانية خيوو

          ^^


          المشاركة الأصلية بواسطة عطر الياسمين

          بل نسبة لكندا صادفتا بإحدى
          مشاركاتك هوني بل موقع
          مو متزكرة وين بالصبط

          ^^

          نطرتك سنة , وياطول السنة

          تعليق


          • #35
            يعطيك العافية ميدو
            والله يوفقك وين مابتكون
            اسئلتي انتهت
            تحياتي وحبي لك

            تعليق


            • #36
              المشاركة الأصلية بواسطة سوريا عشقي مشاهدة المشاركة
              يعطيك العافية ميدو
              والله يوفقك وين مابتكون
              اسئلتي انتهت
              تحياتي وحبي لك

              يعافي ئلبك رغودة ...

              تعليق


              • #37

                • إي بنرجع يا إبن بلدي




                • رح تكون أسئلة غليظة حبة إي


                كرمال السطر اللي ئبلو خدي راحتك


                عن الموقع

                • إنشاء الموقع هل كان فكرتك ..؟


                لا , بس بالروز الئديم كانوا سلسلة مواقع مرتبطة ببعضا ومنها المنتدى ... بعض منها كان فكرتي اما المنتدى لا

                • كم عضو عنا بل روز بتعرفوا معرفة شخصية أو بل الصور ..؟


                والله معظم الأعضاء الي معرفة شخصية فيون .. فيما عدا الأعضاء اللي سجلو مؤخراً كوني هالسنة ابتعدت شوي
                خاصة بالفترة بين 2008 و 2011 كان عنا لقاءات دورية ونجمع كل الاعضاء كل فترة بمحافظة بضيافة شي عضو ..



                منوع

                • شو بشتغل غير التجارة بل حشيش ؟


                انا اختصاصي بورصات واسواق مالية , وبشتغل محاسب وبفترة بالعلاقات العامة .. ومؤخراً بشركة هندسية " محاسب ونص مهندس " هههههه

                • كم مرة غيرك جوالك ؟


                ما ئدرت اعدون ههههه بس كتير

                • أخر خبر حلوو سمعتوا ؟


                انو كفلني السفير الفلسطيني وئربت تطلع فيزتي

                • إنت عمة أو خالة أصدي عم أو خال ؟


                عم وخال ... ومؤخراً حنان عملتني جدا ههههههه

                • عا الهامش

                فاتحة راديو وطالعة غنية للجسمي بتقول " ما الحب إلا للحبيب الأولي "
                شو رأيك ؟

                الو زكرى كبيرة وبصمة اكبر , بس ما بظن الحب بوئف عندو

                تعليق


                • #38
                  المشاركة الأصلية بواسطة عطر الياسمين

                  سؤال عا السريع

                  r_mido


                  ميدو وفهمناها ... حرف الــ " r " شو وضعوا من الإعراب ؟

                  ^^


                  أول حرف من اسم امي
                  حرف r هو أول حرف من اسم روز , وهو اسم بنت كنت احبا وكان في مشروع ارتباط وما صار نصيب بعدا
                  فالشعب كلو عرفني بهالاسم لزالك ما حبيت أغيرو

                  تعليق


                  • #39

                    " 1 "

                    • لونك المفضل ؟

                    أصفر
                    • يومك المفضل ؟

                    مفيش , كلو اضرب من بعضو ههههه
                    • الشهر المفضل ؟

                    الشهر اللي ولدت فيو ... شهر عظيم
                    • الفصل المفضل ؟

                    كل شي ما عدا الشتا هههه

                    "2 "

                    • شو أجمل مرحلة بحياتك ؟

                    كل مرحلة والها حلاوتا ..
                    • شو نصيب ممارسة الرياضة من وقتك ؟

                    فيما سبق كنت متابع بشكل يومي ع الرياضة .. حالياً صفر ..

                    • شو أكتر شي بدايقك بل شخص اللي مقابيلك ؟

                    النفاق ..

                    • أخر هدية هديتها وإنهديتها شو كانت ؟

                    هديت طقم حليب لصديقة بعيد ميلادها .. وانهديت لوحة رسم مهندسة معي بالشغل ..


                    "3"
                    من غير أمر ! جيب جوالك وإفتحو
                    وجاوب عا هودة الأسئلة ؟

                    • مين أصحاب التريب هودة بل قائمة الأسماء عندك ؟

                    1ههه رئم شخص من الدولة للحالات الطارئة
                    2رئم رفيئي بإيطاليا
                    6مهندسة معي بالشغل
                    7أخوها لمرت اخوي
                    8أخوها لمرت اخوي التاني
                    9مرت اخوي بزاتا هههه
                    10حدا من المنتدى
                    19صديقة

                    • كم رقم عندك عا الجوال ؟

                    558
                    • كم مسج بل صندوق الوارد والصادر ؟

                    الصادر والوارد مع بعض .. ما مكتوب اديش في

                    • عندك برامج الدردشة الإجتماعية عا الجوال ؟

                    • واتس ، لاين ، فايبر ، فيس ؟

                    عندي

                    "4"

                    • قدوتك بل حياة ؟

                    أخوي طارق
                    • أخر كتاب قرأتو ؟

                    عزازيل , بس من زمن غابر ههههه
                    • كتاب أثر بحياتك ؟

                    مجلة ماجد

                    تعليق


                    • #40
                      المشاركة الأصلية بواسطة عطر الياسمين

                      هههههه ظريفة إجاباتك

                      شو رأيك أسألك ولا حاج اليوم ؟

                      ^^
                      حاج اليوم , وبتصوري كمان حاج بكرا

                      تعليق


                      • #41
                        ميه هلااااااااا حجي نورت والله




                        تعليق


                        • #42
                          عارفة حالك شو خابصة يعني



                          من كل ها المقدمه الطويله العريضه يلي نفشتك فيها ما طلع معك غير
                          اني خابصه طيب ماااااشي بعدين ليه نطرتاني لنمت لجيت ؟؟؟يلا بس شكلهن الشباب ما ئصرووو طاول




                          تعليق


                          • #43
                            صباح الورد

                            هي فنجان ئهوة مع ريحه الياسمين
                            روئ اعصابك حجي وخدنا بحنانك



                            وهي غنيه فيروز يلي بتحبها انت

                            هلئ راجعة باسئلتي




                            تعليق


                            • #44

                              يا الله ئديش كان عندي اسئله بس مابعرف ليش تبلكمت اليوم






                              بحياتنا كلنا
                              هناك من يمرون ..
                              ويتركون آثارهم أقوى من أن تمحى
                              وهناك من يمرون .. ولا يكادون يذكرون !


                              مين من أعضاء الروزالقدامى تركوا اثر فيك كتير وماممكن تنساهن؟؟
                              مين منهن كمان كرهتو كتير وما ممكن تنسى سئالتو ؟؟؟

                              هلئ ما جاوبتنا بعد ما طبئت البنت ليه هي اختفت من الروز وانت لم تزل باق؟؟؟؟

                              كنت انت وساحر الليل احلى ثنائي بالروز يا ترا لسا الصداقة بينكن ولا تفرئتوا؟؟؟

                              احلى موضوع كتبتو ا بالروز الئديم وراح مع يلي راح بس لهلئ ماممكن تنساه؟؟؟

                              حكيلنا كيف الواحد ممكن يثبت وجودو بالمكان ويخلي لالو بصمه ما بتتنسا؟؟؟




                              هلئ
                              كامل الاوصاف فتني والعيون السود خدوووني ومن هواهن صرت اغني اه ياليل اه يا عين

                              شو احلى صفات بحالك بتفتخر فيها؟؟؟

                              صفه فيك بتحبها كتير وما بدك تغيرها؟

                              صفه فيك ما بتحبها ابدا بس ما عم تقدر تغيرهاا؟؟؟

                              صفة ماعندك ياها وبتتمنى تصير عندك بيوم من الايام ؟؟؟


                              صفة فيني انا شخصياا مو عاجبتك بس ساكتت عا مضض ؟؟

                              صفة فيني حاببها وبتنصحني انو حاول ما غيرها؟؟؟؟




                              الي عودة








                              تعليق


                              • #45
                                صح سؤال هلئ عن عبالي
                                اذا انا ماني بنت بلدك معناها هيك شي؟؟؟




                                تعليق

                                يعمل...
                                X