عودة نجوم سيريا روز على كرسي الاعتراف ~البداية مع الأدمن r_mido

[♪♪زهرة اللوتس♪♪]

• شو احلى صفات بحالك بتفتخر فيها؟؟؟
  

كلي ع بعض ي هع

• صفه فيك بتحبها كتير وما بدك تغيرها؟
  

كل شي فيني عاجبني , بس ان كان ولا بد ئصة العصبية ..

• صفه فيك ما بتحبها ابدا بس ما عم تقدر تغيرهاا؟؟؟
  

ياعمي ئلنالك كلي ع بعضي جيد هههههه

• صفة ماعندك ياها وبتتمنى تصير عندك بيوم من الايام ؟؟؟
  

عندي رضى تام ع نفسي وما طمعان بأي صفة زيادة

• صفة فيني انا شخصياا مو عاجبتك بس ساكتت عا مضض ؟؟
  

الطمع ..
اناااااااااااااااا طماع ووووووووووووواع
عاكل الطمع بالدين عمووو

• صفة فيني حاببها وبتنصحني انو حاول ما غيرها؟؟؟؟
  

عطوفة ودايرة بالك ع الكل
ميغسي هيدا من زوئك
..

شكرااااااااا جزيلااااااااااا

[♪♪زهرة اللوتس♪♪]

بيقولوا بكتب الهوى اللي بيحب ما بينسى

بيقولوا بكتب الهوى عالبعد القلب بيقسى

برأيك هل البعد بيئسي الئلب وبيخفف من حرارة الحب بين المحبين
ومزبوط المثل القائل البعيد عن العين بعيد عن القلب ؟؟؟؟

انا واخي على ابن عمي وانا وابن عمي عا الغريب
طيب لو كان الغريب على حق واخوك او ابن عمك على
خظأ انت شو بيكون موقفك؟؟؟



اذا إلك عند الكلب حاجه قوللو حاضر ياسيدي
بعمرك تعرضت لهيك موقف شي ؟؟؟



بافكَّر في اللي ناسيني وبانسى اللي فاكرني



بعمرك تعرضت لموقف حب من طرف واحد وكيف تصرفت؟؟؟

[r_mido]

"1 "

• *مشي تطلع من البيت كم من الوقت بتحتاج لتصبط حالك ؟

من وئت النوم لوئت الطلعة ماكسيمم نص ساعة

• *بارفانك المفضل ؟

بحب أنوع كل فترة .. بس في joop الها معزة عندي ههههه

• *بتحب تلبس ساعة بإيدك ؟ وهل عندك ماركة مفضلة ؟

ولا بعمري لبست ساعة ..

• *لبسك غالبا سبور or رسمي ؟

دائماً سبور

• *كم مرة بتروح عا الحلاق بل الشهر ؟

4

• *قدي نسبة إلتزامك بهل مثل "خبي قرشك الأبيض ليومك الأسود " ؟

كان 0% ولما الله هداني وصرت لملم لمستئبلي صار هيك بالبلد وطار كل شي ههههه



" 2 "

• *كم أخ وإخت عندك ؟

3شباب وبنت

• *أقرب أخ أو إخت لإلك ؟

كلون ئراب

• *مين أقرب لإلك أكتر إم طارق or أبو طارق ؟

ام علاء 51 .. ابو علاء 49 هههه

"3"

• * بتفضل الأفلام العربية ولا الأجنبية ؟

حسب الفئسة

• *شو نوعية الأفلام اللي بتحب تابعها أكتر شي /رومانس، أكشن،تاريخي....إلخ ؟

كمان حسب الفئسة هههههه

• *أجمل فيلم حضرته ؟

بشكل عام كل افلام أحمد حلمي , وميل غيبسون بحبا , RIPD حلو لانو فكرة غير مطروقة , في فلم كمان فكرة جديدة تماماً بعئد بس ما عم اتزكر اسمو ههههه

• *أخر فيلم حضرته ؟

the hobbit

• *كيفك إنت والمسلسلات ؟

ولا الي علاقة فيون

• *كيفك إنت والبلايستيشن ؟

الله يرحم

• *كيفك إنت والمرزعة السعيدة ؟

دئة ئديمة وصارت بايخة جداً خخخخ انا من جماعة الكاندي كراش ههههه

• *ماكسمم كم ساعة بتقضي عا النت ؟

والله حسب الفضى .. احياناً بضل عشر ساعة واحياناً ما بفتح ابداً

• *شو بتفضل أكتر كتاب إلكتروني or ورقي ؟

اكيد ورقي

[r_mido]

بيقولوا بكتب الهوى اللي بيحب ما بينسى
بيقولوا بكتب الهوى عالبعد القلب بيقسى
برأيك هل البعد بيئسي الئلب وبيخفف من حرارة الحب بين المحبين
ومزبوط المثل القائل البعيد عن العين بعيد عن القلب ؟؟؟؟

إذا برأيي اي بئسي وبنسي وبزيد الجفا هههههه

انا واخي على ابن عمي وانا وابن عمي عا الغريب
طيب لو كان الغريب على حق واخوك او ابن عمك على
خظأ انت شو بيكون موقفك؟؟؟

انصر أخاك ظالماً أو مظلوماً انا واخواتي ع كل الدنيا


اذا إلك عند الكلب حاجه قوللو حاضر ياسيدي
بعمرك تعرضت لهيك موقف شي ؟؟؟

مستحيل احط حالي بهيك موقف , حتى لما انخطفت كبرت راس هههههه

بافكَّر في اللي ناسيني وبانسى اللي فاكرني
بعمرك تعرضت لموقف حب من طرف واحد وكيف تصرفت؟؟؟

ما حصلش

[r_mido]

سؤال عا السريع

عمو محمود درويش بقول

"الحب متل الموت وعد لا يرد ولا يزول "

شو رأيك ؟




لا كلام بعد كلام محمود درويش ما بيحكي غير الصح
واصلاً الله اخد امانتو لانو لو ضل محمود درويش عايش كان رح يصل لابعد من البشرية
فمافيني علق ع اي شي بيحكيه

[الموعد الثاني]

مساء الخير ...حجي
________

الخريف العربي .. الذي حدث وما زال يحدث
في المقطع فكره لها ابعاد خطيره .. علما ان المضمون كان قبل احدث مصر
كلمنا عن ما دار في بالك من مضمون الفكره بشكلها العام .



http://www.youtube.com/watch?v=jEnIbO6y2Z8

[r_mido]

ممم خلص أنا حاجتي لهوون
كفيت وفيت


إنشالله ما نكون أزعجناك خيوو
وتشرفنا بمعرفتك يا إبن بلدي


تحياتي
إختك/عطر الياسمين
^^

الحمدلله , اللهم ادمها نعمة واحفظها من الزوال

تشرفت فيكي وبأسئلتك حجة

[r_mido]

مساء الخير ...حجي
________

الخريف العربي .. الذي حدث وما زال يحدث
في المقطع فكره لها ابعاد خطيره .. علما ان المضمون كان قبل احدث مصر
كلمنا عن ما دار في بالك من مضمون الفكره بشكلها العام .



http://www.youtube.com/watch?v=jEnIbO6y2Z8

انا كتير بعتزر منك حجي عن عدم اجابتي ع سؤالك بسبب قوانين المنتدى من جهة وبسبب اني كلامي يمكن ما يعجب البعض ويفتح ابواب علينا نحن بغنى عنها
كل مافيني احكيلك ياه هو عدم قناعتي بهالخريف او الربيع او اي مسمى الو لافيو ولا بمضمونو ولا بأي شي متعلق فيو

بعتزر مرة تانية

[حنان]

شرفت حضرتي مع اسئلة جديدة ما بعرف شو رح يكون رايك فيها حجي
1- شو هي اكتر شغلة بتحبا بالحياة؟؟
2- شو هي اكتر شغلة بتكرها؟؟
3- شو اكتر شي بينرفزك ويخليك تعصب؟؟
4- لون يالاخضر المواصفات الموجودة فيك
* اسمر
* طويل
* نحيف
* شعر ناعم
* مدخن
* عصبي
* ما بيحب الزاحلة
*عنيد
5- لما تكون لحالك بالليل بئوضتك بالعتمة بتحس بالم وحزن على شغلات كتيرة
~ ضاعت منك
~ ما عم تئدر تحئئا
~ مستحيل تكون
6- في شخص ئريب منك بتحبو بس بتتجنبو بدون ئصد ومن غير سبب
7- شو الاشيا يلي بتخاف منا
8- تخيل انو اعز رفيئ لالك خانك
ا- شو رح يكون رد فعلك
ب- شو رح يكون شعورك
9- شو اكتر شي ندمان عليه
*شي كان لازم تعملو وما عملتو
*شي ما كان لازم تعملو وعملتو
*كلمة ئلتا وندمت لانك ئلتا
*كلمة ندمت لانك ما ئلتا
*شي تاني ما انزكر هون
10- حسيت حالك انو ظلمت بنت من هدول لكتار الحبيتن وعم تتمنى لو ممكن تعتزرلا؟؟

رح اكتفي بهازا القدر لهازا اليوم
والى اسئلة اخرى بتمنى تجاوب بجدية وبصراحة

تمنياتي بالتوفيق ^_^

[r_mido]

• 1- شو هي اكتر شغلة بتحبا بالحياة؟؟

الأكل والنسوان وفريق برشلونة

• 2- شو هي اكتر شغلة بتكرها؟؟

بكره كون مربط مش ئادر اعمل شي

• 3- شو اكتر شي بينرفزك ويخليك تعصب؟؟

حدا يئعد ينافق ئدامي

• 4- لون يالاخضر المواصفات الموجودة فيك

* اسمر
* طويل
* نحيف
* شعر ناعم
* مدخن
* عصبي
* ما بيحب الزاحلة
*عنيد

انو ما بعرف ان كانت صدفة ..

• 5- لما تكون لحالك بالليل بئوضتك بالعتمة بتحس بالم وحزن على شغلات كتيرة

~ ما عم تئدر تحئئا

• 6- في شخص ئريب منك بتحبو بس بتتجنبو بدون ئصد ومن غير سبب

في ... بتجنبو بئصد وبسبب ههههه

• 7- شو الاشيا يلي بتخاف منا

عادة ولاشي .. بس خالياً عم خاف كتير ع اهلي

• 8- تخيل انو اعز رفيئ لالك خانك

ا- شو رح يكون رد فعلك ... هي صارت وما عملت اي رد فعل
ب- شو رح يكون شعورك ... جداً صعب

• 9- شو اكتر شي ندمان عليه

*شي كان لازم تعملو وما عملتو ... اني سافر من وئت ما خلصت دراستي ..
*شي ما كان لازم تعملو وعملتو ... حطيت ثقتي بشخص كتير وطلع مش ..
*كلمة ئلتا وندمت لانك ئلتا ... ما بحب الندم وبحاول اتجنبو ..
*كلمة ندمت لانك ما ئلتا ... متل اللي فوئو ..

• 10- حسيت حالك انو ظلمت بنت من هدول لكتار الحبيتن وعم تتمنى لو ممكن تعتزرلا؟؟

وانتي مشالله دغري سدئتي انون كتار هههههه اول شي مش كتار وانا كنت بمزح بس وتاني شي بالوئت الحالي ماعندي شعور اني لازم اعتزر لحدا ..

[حنان]

شكرا ع الاجوبة الظريفة
بس هلق اجتني نوبة فضول لاعرف شو ئصة الاختطاف يلي صارت معك
ممكن تحكيلنا ياها من طئطأ للسلام عليكم؟؟

[gaya]

كم مرة حاولت تنتحر بسبب انقطاع التيار الكهربائي ؟

اختار إسم تاني لحلب في ظل هالأحوال الجميلة

سم تلات أشياء عم تكوبس فيهن من 3 سنين لهلئ ..

أول شغة ح تجاكر فيها رفئاتك بسوريا لما تسافر؟

أي جنسية عربية بتمنعها من الدخول لفلسطين ازا رجعت فلسطين وبتكون رئيسها؟

[r_mido]

شكرا ع الاجوبة الظريفة
بس هلق اجتني نوبة فضول لاعرف شو ئصة الاختطاف يلي صارت معك
ممكن تحكيلنا ياها من طئطأ للسلام عليكم؟؟

عصابة مدري شو دينون شحطوني من سيارتي واخدوني معون بتهمة ئتل ضابط من الجيش الحر بعد محاكمة وسين وجيم فتح القاضي بخش السمسم تبعو ونطق الاعدام هههه
ومن ثم الاستئناف وبعد المفاوضات والصد والرد اخدو سيارتي وموبايلاتي وكل المصاري اللي معي وزتوني بالبرية

تاني مرة بدون تهمة ههههه تبلي عيني عينك , لما دخل الجيش الحر ع منطقة بيتنا كنت طالع ع الشغل ومعي سيارة اخوي , الجماعة طلع لازمتون السيارة فنزلوني
وللصدف صار اشتباك وئدرت اخد السيارة واهرب مجاناً هههههه

[r_mido]

• كم مرة حاولت تنتحر بسبب انقطاع التيار الكهربائي ؟
  

هههههه لسا ما حاولت بس شكلي بدي اعملا

• اختار إسم تاني لحلب في ظل هالأحوال الجميلة
  

كلب

• سم تلات أشياء عم تكوبس فيهن من 3 سنين لهلئ ..
  

مي وكهربا ونت

• أول شغة ح تجاكر فيها رفئاتك بسوريا لما تسافر؟
  

انو رح اتحمم كل يوم هههههههههههه

• أي جنسية عربية بتمنعها من الدخول لفلسطين ازا رجعت فلسطين وبتكون رئيسها؟

باستثناء سوريا والعراق ولبنان والجزائر والامارات , بكسر رجل أي عربي بتنحط بفلسطين

[الموعد الثاني]

لا ولايهمك حجي .. ما في داعي للاعتذار انت أخ عزيز .
________________

طيب حجي .. انا صارلي فترة معكم بالروز ..
تتوقع كم عمري .. وشو الانطباع اللي صار ببالك عني وبصراحه رجاء
وتأكد بأني ماراح اتضايق على الاطلاق بالعكس راح استفيد من رايك واضابق لنفسي منه .
والف شكر الك حجي احمد .