إعـــــــلان

تقليص
لا يوجد إعلان حتى الآن.

@تعي نبلش بالعكس @

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • @تعي نبلش بالعكس @


    @تعي نبلش بالعكس @

    ولأنو علاقاتنا ..
    عم تبدأ بـ حُب .. وتنتهي بـ فراق


    تعي نبدأ علاقتنا بالعكس !!
    فيها أنا بسبك من أول لقاء
    و إنتي بتجرحيني من أول نظرة

    فيها نتعرف ع بعض بالإهمال ..
    بنيمك وإنتي زعلانة
    وبتجرحيني لأنك حردانة

    فيها ما بقلك بحبك ..
    فيها بقلك "انقلعي"
    وبتقليلي " بالناقص"

    فيها تكون "البدايات" هي "النهايات"
    وبنعيش أحلى قصة طناش .. هييييييك
    لحتى نوصل للنهاية ..!!
    النهاية يلي لازم فيها نعشق بعض
    يلي بنمل فيها من الروتين ..
    وبنقطف لـ بعض , شوية أشواق
    بنقطف لـ بعض , شوية ياسمين

    بحكيلك عن صورتك , يلي حبيتا
    وخبيت ..!!

    بحكيلك عن لهفتي , يلي حسيتا
    وخبيت ..!!

    بحكيلك أديشك حلوة ..
    أديشك ما بتشبهي غيرك ..

    بحكيلك ..
    أديشك قريبة منّي .. وإنتي بعيدة
    وبحكيلك ..

    عن أول محادثة ..
    لما عملت حالي وازن ..
    وعملتي حالك متل أختي ..

    وبنضحك ..
    بنضحك ع حالنا .. وع النصيب
    النصيب يلي تحايلنا عليه

    بلشناه بالعكس .. لحتى صف معنا
    ومعنا معنا .. رح نجيب ولاد صغار
    بيمشوا وبيضحكوا معنا
    ونعلمن حكايتنا ..

    يا بابا , إذا بدكن تحبوا بالمستقبل
    بلشوا علاقتكن بالعكس ..

    وقتا رح تبلشوا .. لما تنتهوا
    وقتا رح يكون الفراق .. هو "بحبك "
    وقصص تانية ..
    ______________________
    لـ يسر دولي

    خلينا نشعل شمعة احسن ما نلعن الظلاااام



يعمل...
X