إعـــــــلان

تقليص
لا يوجد إعلان حتى الآن.

ҳ̸Ҳ̸ҳ دستورنا ^_* محل ما بطجو صور ҳ̸Ҳ̸ҳ

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ҳ̸Ҳ̸ҳ دستورنا ^_* محل ما بطجو صور ҳ̸Ҳ̸ҳ



    بونجورووو
    وسلامي عليكون وعلى اللي خلفوكم

    /
    \
    //
    \


    حتى ما تضلو مصوفنين ومروكبين كل ماتنط هالكلمة ئدامكم رح اشرحلكم اول شي شو معنى كلمة
    ( سليكه )
    سليكه يا مرحومين البي هي كلمة كرواتية بعيد عني وعنكم وبتعني بالعربي صورة
    اجدادنا الئديمين وئت طبعو اول نسخة من المنتدى حبو يعملو شي مش موجود ببائي المنتديات فراحو بلونا بهالكلمة الغريبة العجيبة
    وعلى اعتبار انو ( سليكه = صور ) معناها مافي داعي اخبركم انو انتو فايتين على قسم مختص بالصور فقط

    ;

    رح اختصر عحالي وعليكم واناولكم الدستور بالمختصر المفيد

    //
    /


    اول شي حكينا هاد القسم مختص بالصور يعني بلا فزلكة وفهمنة من بعض الاعضاء ولاتنزلولنا فيو مواضيع غير الصور
    يعني حبيبنا جعيص لما يحب يرمي بلاه علينا وينزل مواضيع سياسية او ادبية او يقرر ينادي بالاصلاح ويفتحلنا ئضية الشرق الاوسط وئتا المشرف رح يشوطو هو وموضوعو

    ;

    منرجع منزكر متل كل دستور ياجمااااعة ابوس رجليكم مواضيع بتحتوي على صور طائفية دينية سياسية مغرضة بلااااها
    جعلوها لله وارحمونا منها
    واذا جعيص واخوه مجعص ما اقتنع سامحونا سلفا لانو رح تلائو موضوعكم بالمحزوفات

    ;

    شغلة كتير مهمة
    اخوي العضو الصالح بس لما تتحفنا بمواضيعك المنئولة اضعف الايمان تأكد انو مش موجودة عنا بالمنتدى
    يعني اذا مافيها سآلة وغلاظة عليك بدنا نعزبك ونخليك تعمل بحث عن الموضوع ئبل ما تنزلو لانو اذا طلع مكرر بوعدك انو موضوعك رح يجي بالعارضة ويروحو تعباتك فيو عالفاضي

    بس بدك نصيحتي
    ياعمي هون ماحدا بيعرفك وما حدا رح يعيب عليك اذا نزلت موضوع مو حلو >>> لهيك بنات افكارك فيئون احسن مو نايمين خخخ ورجينا ابداعاتك الشخصية وخلي غير منتديات تنئل منك احسن مو طول النهار عبتركض حافي وعبتتشحود مواضيع من هون وهنيك

    ;

    في مسألة بحب انبه عليها دايما
    اخواتنا روميو وجولييت
    اذا صار ولائيتو بعضكم هون ياريت توفرو عشئكم وهيامكم للخاص لانو انا زلمة مشاعري بتهب بسرعة وما بتحمل المشاهد العاطفية

    ;

    اللي مضيع رابط تحميل الصور
    http://up.syriarose.com/


    ومافي أحلى من السلام للختام
    بيس مان آند وومن


يعمل...
X