إعـــــــلان

تقليص
لا يوجد إعلان حتى الآن.

ۼــڕژۃ ↩ ٵپــــۆ ٱڵـ۾ﮧﯿـﮈ ⓒ

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ۼــڕژۃ ↩ ٵپــــۆ ٱڵـ۾ﮧﯿـﮈ ⓒ



    فرحــــ
    29/5/1984 ـــــــــــــان

    رحت خبيت فرحتي بصندوء
    جيت بدي حط هالصندوء تحت التخت ..
    لائيت كركوبة اسمها
    الــحــيــــــاه
    ;

    حاولت البسا ~ طلعت ديئة علي
    شلتا ورميتا بـ ‘غرزة حشيش
    هالغرزة اسما >>







    ۼــڕژۃ ↩ ٵپــــۆ ٱڵـ۾ﮧﯿـﮈ ⓒ












    التعديل الأخير تم بواسطة ; 11-06-2013, 11:01 PM.


  • #2
    /// ناس و ناس




    في ناس شوفتا بتريح الاعصاب وبتخليك كول وريلاكس
    وفي ناس ئد ما كانت هاي وياي وكلاس بس تشوفا بتحس حالك ئاعد بحصة رياضيات وتكون الحصة السابعة كمان




    سـبـحـــــانــــــــــو

    تعليق


    • #3
      /// العين بالعين

      العين بالعين , والسن بالسن
      واللي بزت حالو من السطوح أجدب
      o_O

      تعليق


      • #4
        /// فلسطين والعرب

        يـــا أبو الميد ~ يمكن تصير رئيس شي دولة شو رح تعمل !!؟
        ماتفكر كتير جااااوب
        ..

        >>> رح اجمع رؤساء العرب كلون بقاعة مغلقة

        والقي كلمة صغيرة ازكرون فيها بأنو في أرض اسمها فلسطين
        شعبها تعب من التشرد والزل


        وبــعـــــــديـــــن




        بمسك
        قنبلة وبرميها بنص القاعة

        تعليق


        • #5
          /// بكرا احلى



          بنزين في بس ب 80 ليرة بالكازية و150 ليرة برا الكازية
          مازوت كمان في بس ب 60
          مي بدك خزان 2000 ليتر وتوكل على الله
          كهربا بدك تتحكم بئطعتا مع المي
          مصاري مافي وشغل مافي .. واللي معن مصاري صارو برا



          مين ابن الكويسين اللي لسا بئلي بكرا احلى



          تعليق


          • #6
            /// فيتامين واو



            إذا بدك تئضي ع الواسطة ... بدك واسطة ئوية كتير كتير


            تعليق


            • #7
              انو فعلاً أسعار المطاعم والكافيات كتير تشجيعية

              ... بتشجعك تضل ملطوع بالبيت ...


              التعديل الأخير تم بواسطة ; 06-29-2012, 03:59 AM.

              تعليق


              • #8
                /// الحلزونة الحلزونة ~



                بزمن صارت فيو الناس تأله الدولار وتقدس اليورو وتعبد الريال ..
                صرنا نشوف كل شي صح وكل شي غلط ... كل شي ممكن وكل شي مستحيل .
                انت حر بس بنفس الوئت ما بتتمتع بالحرية .
                بريء بس متهم بالافلاس لتثبت إدانتك .
                إذا الله أنعم عليك بنعمة العئل معناها انت مجنون .
                بس إذا ما كان عندك عئل فأنت مش موجود .
                اذا ما معك مصاري انت سجين بقوقعة .
                وإن ما معك حئ هالقوقعة معناها انت محبوس ع الرصيف .

                أما إذا ما كان في رصيف ... فأنت معتقل بسجن الحياة الكبير !!

                تعليق


                • #9
                  ع فكرة ~

                  كتير سهل الإنسان يكون ناجح بدون ما يئزي غيرو ~

                  تعليق


                  • #10
                    /// مختوم ع جبينو منافق ~

                    يعني هو الانسان لما يكون بوشين منئول ياااي شو فولكير
                    طيب لما يكون بأكتر من وشين يعني مثلا بشي تسع وجاه , مع رشة نفاق , وشوية كزب ع الداير

                    هون شو منئول !!؟



                    تـــفــو مثلاً

                    بـشــعـــة

                    تعليق


                    • #11




                      لا تلم الكافر في كفره ~
                      فـالـجـوع أبـو الـكـفـــــار



                      التعديل الأخير تم بواسطة ; 07-01-2012, 03:44 PM.

                      تعليق


                      • #12
                        /// اضطهاد ~

                        الراهبة بتئدر تغطي جسما من راسا لساسا مشان تكرس كل عمرا لعبادة ربا ~ صح مو !!

                        طيب إذا المسلمة عملت نفس الشي ليش بتلعنو أبوها بعزا امها
                        مو هاد إسمو أكل هوا

                        تعليق


                        • #13
                          /// ياسر عرفات ~

                          بزكر وانا وصغير كان بابا يحكيلي كتير عن عمر بن الخطاب
                          كيف شافو نايم ع الأرض فوء التراب
                          فدائما كان بابا بضربلي فيو متل
                          بالتواضع .

                          ;

                          هلأ مع فرء الظروف والأزمان ..



                          رح اضرب لأبني متل بـ / ~
                          الختيار أبو عمار , واحكيلو بعمرو مارح يمر ع العرب زعيم مناضل بتواضعو .

                          تعليق


                          • #14
                            /// ابتسامة ودمعة ~



                            يا خيي بينك وبين حالك اعمل شو ما بدك , ابكي عيط صرخ انطح الحيطان ..
                            بس لما تطلع ئدام الناس , اطلع بضحكة عريضة
                            وخليك واثق الخطوة يمشي ملكا

                            لانو شعبنا العربي بعتبر الدمعة دليل غباء وضعف , فمنيتون ع حالون ..
                            خليك مش بحاجة شفقة من حدا

                            تعليق


                            • #15
                              /// حـــواء ~

                              انو لازم الرجال يخترع ولازم يعمل ويبني ويعمر ويأسس ويكتب شعر ويرسم ويغني ويحكي نكت بس كرمال يلفت نظر حوا الو ..
                              بينما البنت بكفيها انو
                              ترفع زيئ تنورتا لحتى تشحط وراها جيش رجال وتخلي الجنونة تركبون .

                              يابنت , يا حرمة ..


                              جعليا لله حاج ترفعي تنورتك مشان ما ترفعي معا مستوى غبائنا , وبكفي تئصري البنطلون لحتى صار اسمو بنتكور وهلأ ع الصيف صار شورت

                              بكفي مشان الله بكفي , حتى نوئف عن الركض والجري وراكي
                              لك بئولو انو الرجال جبارين , وانو هنن اللي عم يخربو العالم بالدمار والحروب والمعارك
                              ما بيعرفو انو هالجبار بكفيه بنت حلوة بهالصيف والشوبات لتربطو بجنزيرة وتشحطو وراها متل الـكـ...

                              تعليق

                              يعمل...
                              X