إعـــــــلان

تقليص
لا يوجد إعلان حتى الآن.

/// نكشة ~الفساد و الفاسدون ..

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • /// نكشة ~الفساد و الفاسدون ..

    سعيدة



    الفساد والفاسدون دراما وطنية سورية زاد عدد أجزاءا عن أجزاء باب الحارة

    وملينا من حلئات هالمسلسل وصابنا مغص معوي منو
    طبعاً بهالموضوع رح احكي عن سيناريو الحلئة ما قبل الاخيرة من مسلسل الفاسد النظيف في الفساد الممل
    وبترك كتابة الحلئة الاخيرة للحكومات اللي ما عم نلحئ نعدا , لأنو المواطن مل من شوفة هالمسلسل ومتابعة حلئاتو التقليدية
    لانو غالباً هالمواطن من أول حلئة بيئدر يتنبأ ويتوقع كل الأحداث الصغيرة ئبل الكبيرة
    وبتكون تنبؤاتو مطابقة للواقع تماماً بعكس نشرة الأخبار الجوية تبع الساعة تسعة ونص
    ..

    وبظل قضايا الفاسد اللامنتهية واللي عايشين فيها بلشت روايح الشويط تعشش بمناخيرنا

    فشوي من هالطبخات انطبخت وانبلعت , شوي مع الأسف ما مشي حالا , شوي انلدعت وطلعت منا ريحة الشويط , وشوي احترئت وطلعت الدخنة منها
    هون المطلوب من مواطنا الرصين انو يدوء ويبلع ويتغزل بالطعمة الطيبة والشهية وانو وااااو شو صحية ومغزية ومفيدة للاقتصاد الوطني
    (( طبعاً غصب عن اللي خلفو ))

    طيب إذا هالوضع كتير كتير مطوّل انو شو رأيكم نبعت إقتراح لشي حكومة من هالحكومات اللي رايحة جاي ليشكلولنا هيئة وطنية لرعاية الفساد والفاسدون
    ومنسميها مثلاً ~
    جمعية للأمر بالفساد والنهي عن التطور ..
    وبتكون المهمة الرئيسية لهالجماعة رعاية فئة الفاسدين ومتابعة شؤونون ومصالحون
    احسن ما يروحو يأضربو ويبطلو فساد وتتعطل المصالح الوطنية ع هالصعيد
    وشوي شوي بلكي منطالب بنقابة للفساد
    .



    دمتم

    التعديل الأخير تم بواسطة ; 06-29-2012, 06:12 AM.


  • #2
    المشكلة أننا ..

    دوما ..

    نلقي اللوم على صغار القوم ..

    وننسى او نتناسى ..

    أنه ان لم يتم قطع الافعى من رأسها ..

    وقطع ذنبها فقط ..

    سوف تجد لها ذنبا آخر ..

    وتستمر بالدوران في حلقة مغلقة ..

    ودمتم ودام الوطن عزيزا وكريما ...



    لا تنظر الى الخلف

    ففيه
    ماض يُزعِجُك

    ولا تنظر إلى
    الأمام

    ففيه
    مستقبل يُقلِقُك

    لكن
    انظر إلى الأعلى

    ففيه رب يُسعِدُك

    تعليق


    • #3
      هههههـ ،، والله معك حئ صآر بدهآ

      بلكي لمآ تصير عً المكشوف الوآضح جدن ،،

      ببطلوهآ (:

      نآيس كتير كالعآدة


      ~

      تعليق


      • #4
        هههههه يلا انت بعات الاقتراح لشي حكومة ونحن معك خخخ

        احلى نشكة


        ~~




        تعليق


        • #5
          المشاركة الأصلية بواسطة محمد مشاهدة المشاركة
          المشكلة أننا ..

          دوما ..

          نلقي اللوم على صغار القوم ..

          وننسى او نتناسى ..

          أنه ان لم يتم قطع الافعى من رأسها ..

          وقطع ذنبها فقط ..

          سوف تجد لها ذنبا آخر ..

          وتستمر بالدوران في حلقة مغلقة ..

          ودمتم ودام الوطن عزيزا وكريما ...



          غريب !!
          انو لو فرضنا شركة كل مدراءها شرفا مع الموظفين كمان
          وطلع منون موظف مرتشي
          منروح منترك الموظف ومنشيل المدير ؟؟؟
          غريب هالمفاهيم المزروعة فينا

          تعليق


          • #6
            المشاركة الأصلية بواسطة طيف~ مشاهدة المشاركة
            هههههـ ،، والله معك حئ صآر بدهآ

            بلكي لمآ تصير عً المكشوف الوآضح جدن ،،

            ببطلوهآ (:

            نآيس كتير كالعآدة
            انا بتوقع يزيدو روادها ان صارت ع المكشوف هههههه

            تعليق


            • #7
              المشاركة الأصلية بواسطة بسمة حب ~ مشاهدة المشاركة
              هههههه يلا انت بعات الاقتراح لشي حكومة ونحن معك خخخ

              احلى نشكة
              حاسك بدك تخلصي مني ومو عارفة كيف ههه

              تعليق


              • #8
                صباحوووو انو حلو الواحد يحكي عن الفساد والفسادين ئصدي الفاسدين من الصبح
                مع فنجان الئهوه ...
                هاد يا سيدي الشعب كلو صار بدو اعادة تربية وتأهيل
                وتغيير من جواتو لحتى ينضف ويصير عندو وازع داخلي
                يمنعوااا من عمل ها الشغلات
                يعني بربكن اذا موظف غلبان اجا عا مكان ولئا يلي حوليه كلهن
                عم يسرئوا ويرتشواا ووووو اذا من جواتوا ماعندو اخلاء وضمير مش حا يشترك
                معهن ويصير متلهن ....بأأا خليها على الله وخلينا ننطر كم جيل جديد نضيف عسى ولعل تنصلح الاااااااحوال
                وانا بطالب كمان بنقابه الهن حرام لازم يكون الهن حدا يحافظ عا مكاسبهن ...




                تعليق


                • #9
                  ههههه..حبيت نقابة الفساد..بيني وبينك وئت عرفت اسم الموضوع..ئلت ييي ملينا من هالموضوع..
                  شبو ميدو خرّف لحتى يكتب فيه كمان هههههههه
                  بس وئت ئريتو..كالعادة..~ تسطيلة هههه ...
                  خلينا ننشر الفساد..ومعنا للفساد معنى ههههههه
                  يسلمون أبو الميد..معالجة جديدة ورائعة للموضوع..

                  تعليق


                  • #10
                    المشاركة الأصلية بواسطة r_mido مشاهدة المشاركة
                    غريب !!
                    انو لو فرضنا شركة كل مدراءها شرفا مع الموظفين كمان
                    وطلع منون موظف مرتشي
                    منروح منترك الموظف ومنشيل المدير ؟؟؟
                    غريب هالمفاهيم المزروعة فينا

                    الغريب انو انته عم تفترض شي غير ممكن ابدا ...

                    لانو الشيطان ما بيسكن بين الملايكة وهادا المتعارف عليه ...

                    بحياتو ما كان في هيك شي ... اما اذا انته شايف غير هيك ..

                    فبحب صحيك ...

                    لا تنظر الى الخلف

                    ففيه
                    ماض يُزعِجُك

                    ولا تنظر إلى
                    الأمام

                    ففيه
                    مستقبل يُقلِقُك

                    لكن
                    انظر إلى الأعلى

                    ففيه رب يُسعِدُك

                    تعليق


                    • #11
                      أنا برأيي انو شعبنا فاســــــد بالفطرة ... فساد مو طبيعي ...

                      فالحل هو الحزم و القمع للفساد طبعاً ما يروح فكركن لبعيد .. لا تشتري العبد الا والعصا معه ان العبيد لأنجاس مناكيدا ...

                      وثانكس ..
                      أنــا ســــوري دم و إحســــاس رافـــع راســـي بين الــنـــاس

                      تعليق


                      • #12
                        المشاركة الأصلية بواسطة ♪♪زهرة اللوتس♪♪ مشاهدة المشاركة
                        صباحوووو انو حلو الواحد يحكي عن الفساد والفسادين ئصدي الفاسدين من الصبح
                        مع فنجان الئهوه ...
                        هاد يا سيدي الشعب كلو صار بدو اعادة تربية وتأهيل
                        وتغيير من جواتو لحتى ينضف ويصير عندو وازع داخلي
                        يمنعوااا من عمل ها الشغلات
                        يعني بربكن اذا موظف غلبان اجا عا مكان ولئا يلي حوليه كلهن
                        عم يسرئوا ويرتشواا ووووو اذا من جواتوا ماعندو اخلاء وضمير مش حا يشترك
                        معهن ويصير متلهن ....بأأا خليها على الله وخلينا ننطر كم جيل جديد نضيف عسى ولعل تنصلح الاااااااحوال
                        وانا بطالب كمان بنقابه الهن حرام لازم يكون الهن حدا يحافظ عا مكاسبهن ...
                        هاد شي بيرجع لنفسية البني ادم وتربيتو
                        لما بيكون نضيف الوسط مارح يأثر عليه وحتى لو أثر رح يكون تأثير نسبي سهل العلاج

                        تعليق


                        • #13
                          المشاركة الأصلية بواسطة Roxan مشاهدة المشاركة
                          ههههه..حبيت نقابة الفساد..بيني وبينك وئت عرفت اسم الموضوع..ئلت ييي ملينا من هالموضوع..
                          شبو ميدو خرّف لحتى يكتب فيه كمان هههههههه
                          بس وئت ئريتو..كالعادة..~ تسطيلة هههه ...
                          خلينا ننشر الفساد..ومعنا للفساد معنى ههههههه
                          يسلمون أبو الميد..معالجة جديدة ورائعة للموضوع..
                          هههههههه لعمى شو طلعتي منحرفة هههههه
                          منورة حجة

                          تعليق


                          • #14
                            المشاركة الأصلية بواسطة محمد مشاهدة المشاركة

                            الغريب انو انته عم تفترض شي غير ممكن ابدا ...

                            لانو الشيطان ما بيسكن بين الملايكة وهادا المتعارف عليه ...

                            بحياتو ما كان في هيك شي ... اما اذا انته شايف غير هيك ..

                            فبحب صحيك ...

                            لا بيسكن سيدي وانا عم احكي معك كوني بشتغل بشركات كبيرة من 10 سنين
                            كتير مرئت اقسام كل موظفينها جيدين وبيطلع منهم واحد حرامي بخرب سمعت الكل
                            سمحلي ~ نظريتك فيها شيء من الصحة بس مش دايماً ومش بكل مكان

                            تعليق


                            • #15
                              المشاركة الأصلية بواسطة $حمادة$ مشاهدة المشاركة
                              أنا برأيي انو شعبنا فاســــــد بالفطرة ... فساد مو طبيعي ...

                              فالحل هو الحزم و القمع للفساد طبعاً ما يروح فكركن لبعيد .. لا تشتري العبد الا والعصا معه ان العبيد لأنجاس مناكيدا ...

                              وثانكس ..
                              هو مش فاسد بالفطرة ولكن هو اتعود ع الفساد

                              تعليق

                              يعمل...
                              X