اعراض الحمل - شات عراقنا- رحيق الكتب- تصميم حقائب تدريبية - كتابة ابحاث - السياحة في تركيا - شركة شراء اثاث مستعمل بالرياض
صفحة 2 من 18 الأولىالأولى 123412 ... الأخيرةالأخيرة
النتائج 6 إلى 10 من 90

الموضوع: دبابيس

  1. #6
    8 الصورة الرمزية r_mido
    تاريخ التسجيل
    Jun 2012
    الدولة
    Palestine
    العمر
    35
    المشاركات
    27,838
    المواضيع
    283
    معدل تقييم المستوى
    998

    /// دبوس محلي ~

    انو بكل الدول الدنيا ( مع اني بعمري ما طلعت برا سوريا ) بحطو المطبات بالطريئ مشان الشوفير يخفف سرعتو بمحلات معينة متل المدارس او شي تفريعة طريئ ..
    طبعاً هالمطبات بتنحط بعد دراسة وبكون الها اشارات تنبيه وخاصة الإشارات الليلية , مشان أخونا الشوفير ما يلائي فجأة سيارتو تحولت
    لغراندايزر وطارت في حال كان معبي الحشيشة ومأسرع .
    أما مطبات بلادي مختوم عليها دمغة منتج وطني
    .. وتوزع ع الشكل التالي :
    لرئيس الدائرة الفلانية مطب .
    مسؤول ديوان الدائرة العلتانية مطب .
    جعيص أفندي كمان الو مطبين واحد ئبل وواحد بعد .

    اي صرنا نعرف بيت المسؤول من المطبات ,
    بئا كل ما زاد ارتفاع المطب معناها هالمسؤول أعلى .

    أما نحنا .... فإلنا الله



  2. #7
    8 الصورة الرمزية r_mido
    تاريخ التسجيل
    Jun 2012
    الدولة
    Palestine
    العمر
    35
    المشاركات
    27,838
    المواضيع
    283
    معدل تقييم المستوى
    998

    /// دبوس ثقافي ~

    البيضة مين باضا ! والجاجة مين جابا ؟

    محيّر ..
    تماماً متل مين فينا نحصل عليه ئبل المثقف ولا البيئة الموجود فيها !!
    مثقفنا العربي بفيئ من الصبح يا فتاح يارزاء ع الشئا والتعتير
    ~
    مي مشان يغسل يا بلائي يا ما بلائي ..
    وفطورو ما قلّ ودل ..
    وبنزل ع شغلو الصبح ليباشر بأولى العلاقات الحميمية بزحمة الباص ..
    واذا طبشا بدو ياخد تكسي تعا خود ع استحكام كلو لانو شوفير التكسي ع بتطلع روحو ليدبر لتر البينزين ..

    وهاكزا بتمشي الوجهات :
    ما بين انسان مثقف طالع ع شغل هو غير جدير بإمكانياتو الثقافية (( مع العلم مديرو ائل منو بأشواط بس الواسطة وصلتو لمكانو
    )) .
    وبين انسان مثقف بحط هالكرسي بالئهوة
    وبياخد حسبو الله ويتجه ع سباء السرعة بحل الكلمات المتقاطعة .

    يا ترا بهيك ظروف منتأمل بإنتاج مثقفين يقودو أمتنا لشي بسيط من الحضارة والتطور !!




    تحية للئهاوي والكافيات اللي شايلة ع كراسيها خيرة مثقفينا وشبابنا



  3. #8
    3 الصورة الرمزية Roxan
    تاريخ التسجيل
    Jun 2012
    الدولة
    Syria
    المشاركات
    779
    المواضيع
    70
    معدل تقييم المستوى
    30
    اقتباس المشاركة الأصلية كتبت بواسطة r_mido مشاهدة المشاركة
    البيضة مين باضا ! والجاجة مين جابا ؟

    محيّر ..
    تماماً متل مين فينا نحصل عليه ئبل المثقف ولا البيئة الموجود فيها !!
    مثقفنا العربي بفيئ من الصبح يا فتاح يارزاء ع الشئا والتعتير
    ~
    مي مشان يغسل يا بلائي يا ما بلائي ..
    وفطورو ما قلّ ودل ..
    وبنزل ع شغلو الصبح ليباشر بأولى العلاقات الحميمية بزحمة الباص ..
    واذا طبشا بدو ياخد تكسي تعا خود ع استحكام كلو لانو شوفير التكسي ع بتطلع روحو ليدبر لتر البينزين ..

    وهاكزا بتمشي الوجهات :
    ما بين انسان مثقف طالع ع شغل هو غير جدير بإمكانياتو الثقافية (( مع العلم مديرو ائل منو بأشواط بس الواسطة وصلتو لمكانو
    )) .
    وبين انسان مثقف بحط هالكرسي بالئهوة
    وبياخد حسبو الله ويتجه ع سباء السرعة بحل الكلمات المتقاطعة .

    يا ترا بهيك ظروف منتأمل بإنتاج مثقفين يقودو أمتنا لشي بسيط من الحضارة والتطور !!




    تحية للئهاوي والكافيات اللي شايلة ع كراسيها خيرة مثقفينا وشبابنا


    يا سيدي ..دبوسك الثقافي..نخزني نخزة مؤلمة أصابت صميم عقلي المثقف ههههههههه
    وكأنك عبتحكي عن حياة أم الرور المهنية ابتداءً من الفيئة متأخر..
    لطلعة السرفيس المعتة..للوصول للمكتب وتناول القهوة مع صبحية ولا بأس بشوية كلمات متقاطعة
    بعدين فطور مرتب ....وئعدة لكش الدبان..هييك ليخلص الدوام...
    ههههه يا سيدي بيئتنا بدها تضل تنتج هيك مثقفين..لأنو المثقف من دون واسطة ما بينتج بيئة..
    وهات ع مثقف يضل مثقف في حال أجتو الواسطة..
    الله وكيلك.. كلو بينسى ..وكلو بصير متسلط..
    دبوس ميكن حجي..

  4. #9
    3 الصورة الرمزية Roxan
    تاريخ التسجيل
    Jun 2012
    الدولة
    Syria
    المشاركات
    779
    المواضيع
    70
    معدل تقييم المستوى
    30
    اقتباس المشاركة الأصلية كتبت بواسطة r_mido مشاهدة المشاركة
    انو بكل الدول الدنيا ( مع اني بعمري ما طلعت برا سوريا ) بحطو المطبات بالطريئ مشان الشوفير يخفف سرعتو بمحلات معينة متل المدارس او شي تفريعة طريئ ..
    طبعاً هالمطبات بتنحط بعد دراسة وبكون الها اشارات تنبيه وخاصة الإشارات الليلية , مشان أخونا الشوفير ما يلائي فجأة سيارتو تحولت
    لغراندايزر وطارت في حال كان معبي الحشيشة ومأسرع .
    أما مطبات بلادي مختوم عليها دمغة منتج وطني
    .. وتوزع ع الشكل التالي :
    لرئيس الدائرة الفلانية مطب .
    مسؤول ديوان الدائرة العلتانية مطب .
    جعيص أفندي كمان الو مطبين واحد ئبل وواحد بعد .

    اي صرنا نعرف بيت المسؤول من المطبات ,
    بئا كل ما زاد ارتفاع المطب معناها هالمسؤول أعلى .

    أما نحنا .... فإلنا الله

    بما انو لساتني من الطبقة الكادحة ..وما تعرضت لهيك دبوس..
    فـ اسمحلي ئلك.. خرجكون ليش لتتبروظو..شبها سرافيس الشمالي والشعار شبها من شو بتشكي خخخخخخخخ

  5. #10
    8 الصورة الرمزية r_mido
    تاريخ التسجيل
    Jun 2012
    الدولة
    Palestine
    العمر
    35
    المشاركات
    27,838
    المواضيع
    283
    معدل تقييم المستوى
    998
    اقتباس المشاركة الأصلية كتبت بواسطة Roxan مشاهدة المشاركة

    يا سيدي ..دبوسك الثقافي..نخزني نخزة مؤلمة أصابت صميم عقلي المثقف ههههههههه
    وكأنك عبتحكي عن حياة أم الرور المهنية ابتداءً من الفيئة متأخر..
    لطلعة السرفيس المعتة..للوصول للمكتب وتناول القهوة مع صبحية ولا بأس بشوية كلمات متقاطعة
    بعدين فطور مرتب ....وئعدة لكش الدبان..هييك ليخلص الدوام...
    ههههه يا سيدي بيئتنا بدها تضل تنتج هيك مثقفين..لأنو المثقف من دون واسطة ما بينتج بيئة..
    وهات ع مثقف يضل مثقف في حال أجتو الواسطة..
    الله وكيلك.. كلو بينسى ..وكلو بصير متسلط..
    دبوس ميكن حجي..
    اقتباس المشاركة الأصلية كتبت بواسطة Roxan مشاهدة المشاركة
    بما انو لساتني من الطبقة الكادحة ..وما تعرضت لهيك دبوس..
    فـ اسمحلي ئلك.. خرجكون ليش لتتبروظو..شبها سرافيس الشمالي والشعار شبها من شو بتشكي خخخخخخخخ
    حجة كل دبابيسنا ميكنة خخخ الموضوع الجاي بدنا نحول ع الابر هههههههه منورة


صفحة 2 من 18 الأولىالأولى 123412 ... الأخيرةالأخيرة

الكلمات الدلالية لهذا الموضوع

المفضلات

المفضلات

دسـتـور الـمـشــاركـة

  • ما بتئدر تكتب مواضيع جديدة
  • ما بتئدر ترد على المواضيع
  • ما بتئدر ترفق ملفات
  • ما بتئدر تعدل مشاركاتك
  •