إعـــــــلان

تقليص
لا يوجد إعلان حتى الآن.

ҳ̸Ҳ̸ҳ دستورنا ^_* محل ما بشكو دبابيس ҳ̸Ҳ̸ҳ

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ҳ̸Ҳ̸ҳ دستورنا ^_* محل ما بشكو دبابيس ҳ̸Ҳ̸ҳ

    سعيدة



    دبابيس ~
    هو منتدى حوارنا ونقاشاتنا كشباب بمنتهى الموضوعية والحضارة منحكي فيو عن همومنا وقضايا امتنا بشكل بعيد عن المهاترات أو التعصبات ليكون طريق للارتقاء بجيلنا نحو الأفضل .
    اذا ع بالك تفوت تتمشى بدبابيس بدك تحط ببالك انو هالقسم الو دستور ..
    اذا التزمت فيو انت عيني , بس أي تجاوز لبنود الدستور ان كان بئصد او بدون ئصد رح تتعرض لمخالفة متل فراء الوالدين .
    وفي حال تكرار المخالفة بتربح معنا حظر اكسترا سكر دبل .

    منجي لبنود
    دستورنا~

    /
    \
    //
    \


    (( السياسة )) حيلك حيلك لا تنط , السياسة ممنوعة بكل أشكالا وألوانا ~ سورية اقليمية أسيوية اوروبية شرق أوسطية ... كلو ممنوع منعاً باتاً .

    ;

    المؤيدين للنظام السوري ع نافوخنا , والمعارضين للنظام السوري كمان بعيوننا من جوا .... كلكم اخواتنا وآرائكم بتهمنا اكتر ما بتهمكم .بس ~
    احتفظو فيها خارج أسوار القسم والمنتدى .
    فحقناً للدماء , كل ما يتعلق بالشأن السوري الحالي ممنوع عنا .
    حابب تجرب تنزل موضوع بهالخصوص عقوبتك ون واي تيكت ع مدينة الحظر ..... يعني زهاب بدون إياب .
    ;

    كل مين ع دينو الله يعينو وكل شخص هون الو حرية التفكير والافصاح عن معتقداتو .
    بس طبعا ضمن اصول وضوابط مجتمعنا .
    يعني ما حدا بمنعك تحكي عن عقيدتك او دينك , بس انو تستهزء بأي دين موجود بالكون ..... عرفت لحالك مو !! سجن زهرة سوريا بانتظارك بإقامة طويلة الأمد .
    ;

    مافي داعي نئلك السب والشتم والتحشيك ممنوع
    لانو منعرفك ابن عيلة وناس وما بيطلع منك تغلط ع اي عضو .
    بس اذا صار وعملتا لن نرحمك لن نرحمك لن نرحمك .

    ;

    هلأ تجي تفوت ع دبابيس لتطئ حنك , بتكون زودتا كتير
    بئا اذا تفاجأت بكم رد طايرين من عداد مشاركاتك لاتجي تنط وتشئ تيابك ئدامنا ... بكون مشرف القسم شايفلك كم رد ئريب للعلاك المصدي وشاطون ع الحزف .
    لزالك انتبه لهالناحية , هون
    القسم نقاشي حواري وأي رد خارج عن هيك يحزف , وفي حال التكرار رح نضطر نخالفك وكلنا اسى ولوعة .

    ;


    منرجع منزكر ~ المشرف مش مكنة

    وفي كتير مخالفات ممكن يغفل عنها , ففي حال شفتو شي من هازا القبيل ياريت تساعدونا بالضغط ع زر التبليغ عن مشاركة سيئة .






    ودمتم سالمين
    3/7/2012


يعمل...
X