إعـــــــلان

تقليص
لا يوجد إعلان حتى الآن.

مدونتي حبيبتي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مدونتي حبيبتي

    مدونتي حبيبتي

    مادري ويش اكتب هني الفكره حبيتها ان يكون لي مدونه خاصه لي
    اهرج فيها زي ما ابي

    واول سالفه بقولها


    سوالف النسرين


    دشيت هالمنتدى فضول مني ودي
    اعرف شنو اللي عجب خاله
    قمر فيه وصايره متعلقه فيه
    مع اني داشه منتديات كثيره
    بس ما ادري هني في لون غير
    يمكن لساني ما احتكيت بالاعضاء زين
    بس مع ذلك في شي غريب هني

    هني عامل زي الحكمه اللي بتقول دخول الحمام مش متل الخروج منه




  • #2
    القطار السريع يمشي على خطين حديدين واذا طلع برات خطه انقلب وصار بخبر كان
    الله يرحمه
    والطياره لو وقف محركها بتوقع
    والسياره لو تعطل محركها تقف مكانها

    ولكن ان توقف قلب الانسان ماذا يحدث ؟





    7





    7





    7






    7





    7







    المخ يضل يشتغل ويقف معارض
    لانه ما يبي يموت
    لساه صغير بالعمر


    والله مشكله القلب والمخ مختلفين


    كذي زين

    الان عرفنا ليش العرب لم يتفقو يوما خخخخخخخخخخخخ


    تعليق


    • #3
      سوالف النسرين

      الامتحانات وما الامتحانات

      دشت الامتحنات وتسلخنا سلخ الواحد حاسس نفسه انشتاين
      اوووف من كذي
      ممنوع تلفزيون
      ممنوع نت
      ممنوع تنفس
      ممنوع .. ممنوع

      اوف شنو ذي

      داشين امتحانات ولا داشين نحارب
      ودي لما ندش امتحان يكون بمزاجنا بكيفنا خخخخخخخ
      يازينهم صف اول لغاية صف رابع كله تقييم ماكو امتحان زينا

      امتحان حبنا خخخخخخخخخخخ

      عقدة الامتحانات تظهر

      الواحد بيكون حافظ بس يدش الامتحان يتبخر المعلومات
      اقرا الدعاء بس رهبة الامتحان

      يا ساتر




      تعليق


      • #4


        الامتحانات

        خلصنا اسبوع من الامتحانات الشفهيه
        ماهي شفهيه طلعت روحنا وقطعت نفسنا
        من يوم السبت تبدأ الامتحنات التي تقول المقوله
        يكرم المرء او يهان
        شنو يهان ينفضح ويييي
        اعصابي متوتره
        وماني قادره اركز
        السبت اول ايام الامتحانات التحريريه
        يعني التأليف على اصوله
        خخخخخخخخخخخخ
        في اسئله ماعرف اجاوبها اقوم الف اجوبه من عندي
        معقوله اسلم الورقه ناقصه سؤال
        لا طبعا
        المدرسه تجن مني خخخخخ
        ويش اسويلها
        واناني ما حب اغش بالامتحان
        احب اجاوب بمجهوداتي الشخصيه
        يلا كلها اسبوعين انتحار وبعدها يفك الحصار عني

        اقولكم شي

        امايتي ( امي ) لما يبتدي الامتحانات احسها تمتحن وياي خخخخخخخ
        لو يسمحو تدخل الامتحان وياي يا زيني انا ومايتي نمتحن سو

        ما دري ليش الامتحانات توتر اعصاب الكل
        البيت يصير فيه استنفار
        وممنوع الاقتراب وممنوع وممنوع
        كلشي ممنوع
        وانا ما حب الضغط كذي
        بس ويش اساوي
        هذه الثانويه العامه ومحتاجه للعلامات

        مدونتي حبيبتي
        لما اخلص من الثانويه واصير بالجامعه ادش واقراكي واضحك على هالايام
        بجد فكرة هالمدونه حلو وايد
        زي مذكرات عبر التاريخ






        تعليق


        • #5
          دموع قلبي

          مادري ويش اسالف ليكم اليوم
          حزينه وايد
          لما يتوفى شخص تعرفه تحزن عليه
          شلون لو كان هالشخص عايش وياك بالبيت نايم صاحيي
          يتنفس من نفس هواك
          تتكلم وياه كل يوم وتضحك وياه
          يحس بالمك وتحس بألمه
          دايما هالشخص يفكر بسعادة اللي حوله على حسابه
          المهم عنده تكون انت سعيد ومش مهم هو يكون سعيد
          في امور كانت تحث وانا ما ادري شنو هي
          امي دايما كانت تقلي لا تزعليها
          لانها تبكي من غير دموع
          تقلي قلبها اللي يبكي والابتسامه على وجهها
          هالانسانه
          ودك تقدم له الدنيا كلها
          اسعدت امي وايد وانا كمان حبيتها واااايد
          كل اللي عرفوها حبوها
          البعيد والقريب

          ودي اقول لصحابها منكم السموحه
          كان مفترض اني ابلغكم بوفاة خالتي قمر الله يرحمها ويخلد روحها الجنه
          ولكن الموقف الحزين حال دون ذلك
          امي الحبيبه كانت منهاره وايد

          وانا كنت كل يوم بقول بكره بدش وابلغكم
          بس والله ما قدرت يدي ما كانت تضاوعني على الكتابه
          واخيرا دشيت وكتبت
          والله قلبي عاصرني ومخنوقه ودموعي ماتبي توقف





          تعليق

          يعمل...
          X