إعـــــــلان

تقليص
لا يوجد إعلان حتى الآن.

تعلمي ازاي تحطي الايشادو المات بطريقة صح ويطلع شكله حلو

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تعلمي ازاي تحطي الايشادو المات بطريقة صح ويطلع شكله حلو

    الايشادو المات ممكن يكون بيدي شكل حلو للعين وبيظهرها, لكن في نفس الوقت ممكن يكون تظبيطه على العين صعب شوية, عشان كده النهاردة من خلال موضوعنا هنقولك طريقة رسم الايشادو المات بطريقة صح من خلال شوية نصايح سهلة وبسيطة عشان يطلع شكله حلو على العين ويبرز جمالها اكتر.
    طريقة رسم الايشادو المات:
    1- ابداي بألوان فاتحة:
    لو بتستخدمي ايشادو مات بألوان غامقة اوي, هيخلي شكل العين في النهاية يطلع مش حلو, الافضل جربي درجات الايشادو المات الفاتحة هتطلع شكلها احلى وانعم على العين.

    2- الدمج:
    متحطيش ابدا الايشادو المات على الجزء اللي تحت بس من الجفن, لازم تكملي وتدمجيه لحد ما يوصل لمنطقة العضمة اللي تحت الحاجب, وكل ما تطلعي لفوق ابدأي فتحي في درجة الايشادو, وحطي الدرجة الاغمق على تنية الجفن, واستخدمي الدرجة الفاتحة تحت عضمة الحاجب.
    3- استخدمي الالوان النيود:
    جربي تستخدمي الالوان النيود المات, هتدي اضاءة للعين وهتظهرها, والنيود ليها درجات كتير جدا واكيد اختيار اللون بيعتمد على لون بشرتك, ممكن لون نيود يبقى لونه فاتح على بشرة وعلى لون بشرة تانية يبان غامق, وعشان تختاري اللون النيود الانسب للون بشرتك, جربي استخدمي الدرجة اللي تكون افتح او اغمق بدرجة او بدرجتين من لون بشرتك الطبيعي.
    4- جربي الالوان المشرقة:
    الايشادو المات بالالوان ال Bob او المشرقة ممكن تطلع حلوة جدا وممكن تطلع مش حلوة ده بيعتمد على ازاي هتحطيها وعلى اختيار الالوان اللي تكمل لون بشرتك ولون عيونك, والتزمي انك تستخدمي من درجتين لتلات درجات ايشادو مع بعض مش لون واحد عشان توصلي لافضل نتيجة.
    والايشادو المات بيدي لوك ولون اكتر كثافة على العين من الايشادو الكريمي او اللي بيلمع عشان كده لازم تدمجي الالوان مع بعض كويس عشان شكل العين يطلع حلو وناعم.

    5- جهزي جفونك:
    لو الايشادو المات بيتمسح بسرعة او بيسيح من على العين لو قعدتي بيه فترة طويلة, يبقى في الحالة دي عشان تحافظي عليه طول اليوم يبقى لازم تجهزي الجفون قبل ما تحطيه وتستخدمي برايمر للعيون على الجفون عشان تثبتي الايشادو لاطول فترة.
    6- حافظي على باقي مكياجك وانتي بتحطي الايشادو:
    لو وانتي بتحطي الايشادو بينزل تحت العيون وعلى الخدود ده اكيد هيبوظ لك باقي مكياجك, وعشان تتفادي ده ممكن تستخدمي منديل ورق تمسكيه تحت منطقة تحت العين وانتي بترسمي الايشادو عشان تضمني ان مافيش اي بودر هينزل على بشرتك.
    7- استخدمي طريقة الطبطبة:
    تقنية كويسة لازم تفتكريها وانتي بتحطي الايشادو المات انك تستخدمي طريقة الطبطبة بالفرشة وانتي بتحطيه على الجفون يعني متستخدميش حركة الفرشة رايح جاي على الجفن, وطريقة الطبطبة دي بتضمن ان الايشادو يتوزع بشكل متساوي على الجفن كله وهيبقى شكله انعم على العين.

    https://hayatapp.com/news/info/136008 FROM
يعمل...
X