إعـــــــلان

تقليص
لا يوجد إعلان حتى الآن.

الفيس بوك سخف و دمر كل ما هو جميل في الحياة ... هل توافق ؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الفيس بوك سخف و دمر كل ما هو جميل في الحياة ... هل توافق ؟

    بسم الله الرحمن الرحيم

    من بعد متابعة على الفيس بوك ... وجدت ان كثيرا من الامور الجميلة و لربما الذكريات و حتى الاشخاص

    يتغيرون عندما تراهم من خلال هذا المنظار الذي غزا حياتنا و بدا ك معبود لا يمكننا الاستغناء عنه

    الفتاة فقدت بهاءها .... و كثير من الاشخاص حينما كنا نعرفهم بالحياة العادية بدوا لنا صغار تافهين او ربما مملين في هذا الموقع

    الفتاة المحافظة انطفأت و تولعت مكانها الفتاة الدلوعة الميوعة التي تثير و

    بالرغم من كل محاولات الدفاع عنه بانه موقع فيه صفحات دينية علمية و ثقافية ... اندثرت المنتديات و النقاشات الجادة و اصبحت المعلومة نتناولها مثل الوجبات السريعة ... تمر سريعاً دونما ابحار او تأمل

    اصبح صغار الناس كبارها و كبارها صغارها

    لا مكان للاحترام و الهيبة كل ما تجده هو تجمعات متجمهرة من المعجبين و المعجبات يزيدون من نرجسية هذه الشخصية و تلك

    لم يعد هناك خصوصية .. الفتاة التي كان يحلم الشاب بنظرة منها و يقف ساعات يترقبها اصبحت سهلة المنال و تفاصيل حياتها كلها بين يديه

    ومن شدة الملل ترى الجميع يترقب الجديد ... و يجعل منه حدثاً كبيراً

    هذا الموقع الذي جمع جميع اجناس الارض من عربها و يهوديها و اسرائيليها ... و غيرهم

    كان سبباً في حصول الثورات التي اصبحنا نشك في امرها و نشك بانها فتن اتت على البشر و الحجر و دمرت كل حلم وديع جميل


    بعد كل هذا السرد ... هل توافقني ؟ ام تنتقد ما جئت به

    ما هو رأيك ؟

  • #2
    صباحووو
    انا برأي الشخصي انو
    الفيس بوك مجال مفتوح كتير وممكن نتوقع نلائي فيه كلشي المنيح والقبيح
    الشغله بتعتمد اولا واخيرا علينا وعلى تقبلنا للاخرين وعلى مدى انخراطنا بهيك مجتمع
    يعني كل واحد زمام اموروو بايدووو وبيقدر يتحكم بكلشي اذا على كيفو او لاء
    يعني بالنهاية متل اي شي اخر بس الفرئ انو نحنا بعصر عولمه وانفتاح عا كلشي
    وكل واحد بيتحكم بيلي بيناسبو طبعا بحسب اعتقادووتربيتو ممكن يتأثر فيو
    طبعا انا ماحكيت عن الاطفال والمراهقين وتأثرهن بهيك اجواء بعيد عن الرقابه الاسريه
    لان هاد موضوع بدو شرح كتير وكمان موضوع مستقل لوحدووو
    الف شكر عا الطرح






    تعليق


    • #3
      والله يا زهرة ،،،، يمكن عملت كل محاولاتي ،،، حتى لائيه مفيد

      و للاسف ما شفت غير التعب و الجهد الضايع

      ناس غير ناس .... الله يرحم التواضع و الالفة و المحبة و حب التعرف

      عوجة يا زهرة عوجة

      تعليق


      • #4
        أوافقك الرأي في كثير مما سبق

        ورغم انني املك حساب فيه.....ورغم أنني من رواديه الدائمين إلا أنني لم أشعر بهذه الجدية في الموضوعات....

        السطيحة والسذاجة والكلمات القصيرة..... وحتى كثرة المزاح والاستخفاف مع الابتعاد عن النقاش الذي نحتاجه في حياتنا اليوم اكثر من قبل

        حتى وأحس كأنني مضطرة فيه إلى (الركض) لايكات.......كومنتات مابتتعدى 4 أو 5 كلمات....... وأغلبها بكون (هههههههه)

        بصراحة بعد ابتعادي عن المنتديات لأكتر من سنتين ها أنا اليوم رجعت لهم مع زهرة سورية......

        يمكن هلأ عرفت السبب

        شكرا كتير على الطرح الحلو والمميز

        بالتوفيق
        إعذروني يــــ أحبــــاب ــــــــــا
        لغيابي بعض الأسباب
        هــمٌ ... تعبٌ ... نكدٌ ... سهرٌ ... وعذاااااااااااب

        فالإمتحان صار على الأبواب

        sigpic

        تعليق


        • #5
          حابة ضيف شغلة بس

          هاد مو يعني إنو الفيس بوك سيء بالمطلق...........

          كتير من المعارف والأقرباء المسافرين خاصة عم بنقدر نتواصل معهم بشكل أكبر واسهل

          أولاد عمي مثلا بيكفي إني قلهم مرحبا ولو كل أسبوع بينما ما كنت أحكي معهم من السنة للسنة

          فيه محاسن بس مساوءه بتوقع اكتر.........

          شكرا مرة تانية
          إعذروني يــــ أحبــــاب ــــــــــا
          لغيابي بعض الأسباب
          هــمٌ ... تعبٌ ... نكدٌ ... سهرٌ ... وعذاااااااااااب

          فالإمتحان صار على الأبواب

          sigpic

          تعليق


          • #6
            و اخيراً لئيت مين يساندني

            خلص خلينا نحط ايدينا بايدين بعض و نحاول قدر الامكان نبتعد عنه

            لأن بدنا يرجع السلام و ترجع بلدنا حلوة

            حاجة هلكنا

            تعليق


            • #7
              المشاركة الأصلية بواسطة نجمة سما العمر مشاهدة المشاركة
              حابة ضيف شغلة بس

              هاد مو يعني إنو الفيس بوك سيء بالمطلق...........

              كتير من المعارف والأقرباء المسافرين خاصة عم بنقدر نتواصل معهم بشكل أكبر واسهل

              أولاد عمي مثلا بيكفي إني قلهم مرحبا ولو كل أسبوع بينما ما كنت أحكي معهم من السنة للسنة

              فيه محاسن بس مساوءه بتوقع اكتر.........

              شكرا مرة تانية
              تمام انا معك نجمة وهاد هو الصح وووبس
              يعني ممكن يطمنا عا البعاد وخصوصي بها الظروف وبس
              كلامك كتير حلو وصح




              تعليق


              • #8
                أنا ما بوافئك أبداً ..~
                العيب مو بالفيس بوك.. ولا المنتديات العيب فينا نحنا طيب ليش الشب المحافظ واللي بيخاف الله
                بيلعب بمشاعر البنات؟؟!! انا عندي أصدقاء كتير شباب ع الفيس محترمين جداً جداً وبعتز فيهم
                واللي بدو يخل بالأدب الحظر موجود!!!!!!!!!!
                بعدين الفيس أنا ما كتير كنت مقتنعة فيه ..بس لما استفدت منو حسيتو أكتر المواقع تواصل
                وفائدة .. وبالنسبة الي عند 3 حسابات وواحد منهم مع إخواتي واولاد عمي اللي بالغربة
                وحسابي الحالي كل عائلتي متابعينو وبيشوفو كل مشاركاتي فيو.. وبالنسبة لصدئات الشباب والإضافات
                البنت اللي ئد حالها ما حدا بياخد منها شي غصب..~
                شكرا للطرح ..~

                تعليق


                • #9
                  لكل امر له جانبا جانب سلبي وجانب ايجابي المطلوب منا ان نحاول استخدام الجانب الايجابي للامر قد يكون في كلامك بعضا من الواقع وقد كنت صادق فيما ذكرت انه يحوي ويحدث كل ماذكر سابقا ولكن في نفس الوقت من الظلم والغير منطقي ان نقول ليس مفيد اجزم بان الكثير قد استفاد منه وهناك الكثير من المبدعين الشباب الذين اشتهروا عن طريق الفيس بوك المشكلة قد تكمن في الانسان يجب علينا ان نحاول الا ستفاد منه بما انه فرض علينا الكثير منا قدجرب الفيس بوك هناك من وجدالفائدة التى يرجوها والاخر قد لم يجد وهناك من لم يحبذا الفكرة من بدايتها ولكن اعتقد من الظلم ان نقول بان الفيس بوك غير طبائع الشخص اعتقد قد يكون عن طريق الفيس بوك اكتشف شخصية الشخص اكثر واكون صادقة معاك فعلا لقد تغير نظرتي للبعض ممن اعرف بعد الفيس بوك اتضحت امور وتصرفات لما اكن اعرفها عن البعض البعض اصبح اجمل واكثر احتراما والبعض الاخرالعكس
                  اعتقد الشخص في الفيس بوك يشعر بانه هو صاحب القرار والتصرف والتحكم لا احد يملي عليها شروط وواجبات كما يحدث في المنتدى حيث القوانين والشروط
                  ولكن الشخص الواعي
                  يستطيع ان ياخذمنه المفيد
                  طرح قيم



                  وغداً تُزهِر في البيداءِ أُمنيتي

                  وأحومُ طيراً في سماواتِ الفَرح


                  تعليق


                  • #10
                    Rabya ، تزهر الآمال

                    يكفينا انو هوي جاب البلا ل بلادنا حتى نعرف انو هوي مانو منيح

                    وانا عند كلمتي انو في كتير ناس و كتير امور سخفهم بحياتنا و معد الهم طعمة و نزلو من عيوننا

                    و لح قلك اكتر يمكن البنت لانها عاطفية بجوز تنخدع فيه بس لاحظتي انو ولا شب مر هون بالموضوع و قال رأيو

                    لأن بينو وبين حاله بيعرف انو فعلاً البنت فيه صارت رخيصة و اذا بتسألي اية واحد فيهم اينو بتفضل : البنت اللي عندا حساب بالفيس بوك و لا اللي مقاطعتو و ما عندا حساب

                    و شوفي جوابو : حيقلك اكيد البنت اللي مالا حساب لان بيعرف البلاوي و مكائد الشباب و شوعم يصير فيه

                    هذا والله اعلم ... هيك بتخيل و كلامي من بعد رؤى شفتا بالحياة

                    تعليق


                    • #11
                      عملي مقارنة بين رواد الفيس بوك العرب والأجانب , الصفحات العربية والصفحات الأجنبية ..... رح تلائي العلّة كالعادة هي بالعرب ...
                      العرب سبحان الله عندهم القدرة انو يجعلو من أي أمر شي تافه ...

                      تعليق


                      • #12
                        ميدو .. مزبوط كلامك يعني بتذكر وقت عملت حساب فيه من زماااان قبل ما ينشهر و تلائي فيه سلفة بنت خال بنت عمك و جيرانا ، و بياع اللبن و الفول و جيرانك و خلانك و بنت عم ستك وولادا و أحفادا و ... الخ

                        كان موقع ظريف ... ما فيو شي ،،، بس هلأ بتحسو مقيت و فيه رياااااااء و ناس رافعا مناخيرا و مصدقة حالا و في منهم نص فرنك ما بيسوو و عاملين حالن راس و برناس و المشكلة الناس بتتفاعل معهم ،، على شو ما بعرف ؟

                        يعني فيه حب للمظاهر ، و ابشع شي انو بكون عندك بالصفحة ناس عم تراقبك و تستفيد منك و من علمك و آراءك و ( لايك ) واحد ما بيحطولك و لا بيعترفو انو هنن عم يتعلمو منك ( غرور و لئمنة ) و بيطلعو عكتافك و و بينشهرو من وراك و من ورا الاستفادة اللي تعلموها منك و لا بيتنازلوا و بيشاركو معك برأي او يشاركوك حزنك او فرحك او شي ... هي شغلة

                        شغلة تانية بيعتبرو هوي سبب كللللل البلا بسوريا و مبارح و اليوم و بكرا بقولا : اذا النظام عنا بيرجع بيحجب الفيس بوك بتوقف كل الثورة وكللل هاللوصة

                        و عند كلامي

                        ميدو انت شو بتنصحني اتركوه و سكروه ... ولا اعتبر حالي بأجنابيا و اعمل متلن انو هوي موقع اجتماعي عادي ... بس اذا بقيت فيه بدي اغعمل لحالي قوانين صارمة

                        وهي اني بدي قلع كل مين رافع مناخيرو و شايف حالو من ملفي و على هيك لح تزيد البغضة و الكراهية و الحقد

                        و بقولا بصراحة الفيس خلاني اكره ناس اكتر بكتيييييييير من اني حب ناس فيه

                        فما رأيكم ؟

                        تعليق


                        • #13
                          انا برأيي انه الفيس بوك الو ايجابياته والو سلبياته ,,,,, بس هادا الشي كله بعتمد عالشخص نفسه كيف يستخدمه

                          تعليق


                          • #14
                            بعد كل هذا السرد ... هل توافقني ؟ ام تنتقد ما جئت به

                            ما هو رأيك ؟

                            ____________________________

                            لآ أنتقد ولا أضيف على ما قلتي ابدا"
                            وانا موافق على طرحكم بكل التفاصيل وادعمه اليوم وغدا
                            وكل يوم ..

                            مع جزيل الشكر والتقدير

                            تعليق


                            • #15
                              المشاركة الأصلية بواسطة Rainbow مشاهدة المشاركة
                              ميدو .. مزبوط كلامك يعني بتذكر وقت عملت حساب فيه من زماااان قبل ما ينشهر و تلائي فيه سلفة بنت خال بنت عمك و جيرانا ، و بياع اللبن و الفول و جيرانك و خلانك و بنت عم ستك وولادا و أحفادا و ... الخ

                              كان موقع ظريف ... ما فيو شي ،،، بس هلأ بتحسو مقيت و فيه رياااااااء و ناس رافعا مناخيرا و مصدقة حالا و في منهم نص فرنك ما بيسوو و عاملين حالن راس و برناس و المشكلة الناس بتتفاعل معهم ،، على شو ما بعرف ؟

                              يعني فيه حب للمظاهر ، و ابشع شي انو بكون عندك بالصفحة ناس عم تراقبك و تستفيد منك و من علمك و آراءك و ( لايك ) واحد ما بيحطولك و لا بيعترفو انو هنن عم يتعلمو منك ( غرور و لئمنة ) و بيطلعو عكتافك و و بينشهرو من وراك و من ورا الاستفادة اللي تعلموها منك و لا بيتنازلوا و بيشاركو معك برأي او يشاركوك حزنك او فرحك او شي ... هي شغلة

                              شغلة تانية بيعتبرو هوي سبب كللللل البلا بسوريا و مبارح و اليوم و بكرا بقولا : اذا النظام عنا بيرجع بيحجب الفيس بوك بتوقف كل الثورة وكللل هاللوصة

                              و عند كلامي

                              ميدو انت شو بتنصحني اتركوه و سكروه ... ولا اعتبر حالي بأجنابيا و اعمل متلن انو هوي موقع اجتماعي عادي ... بس اذا بقيت فيه بدي اغعمل لحالي قوانين صارمة

                              وهي اني بدي قلع كل مين رافع مناخيرو و شايف حالو من ملفي و على هيك لح تزيد البغضة و الكراهية و الحقد

                              و بقولا بصراحة الفيس خلاني اكره ناس اكتر بكتيييييييير من اني حب ناس فيه

                              فما رأيكم ؟
                              ممم كلامك صح , يمكن انا اشتركت بالفيس ب 2008 او 09 مابزكر بس كان محجوب بسوريا وما حدا بيعرفو , كان متلو متل كتير مواقع على نفس المبدأ مارح ئلك كان منيح او عاطل
                              بس فيني ئلك كل شي بكون تحت السيطرة ما منو خوف ,
                              الفيس بوك هو عبارة عن موقع لا اكتر ولا ائل , موقع انتي المتحكمة فيو وانتي المسيطرة ع كل شي فيو ابتداء من الاصدقاء للمنشورات للمسجات للمعارف
                              ان كان بدك رأيي , فرأيي هو انو انتي محملة الموضوع اكبر من حجمو .. فيكي ببساطة تعملي قوقعة لحسابك مايكون فيها غير الناس اللي بتثقي فيون وماتتعاطي الا مع الشي اللي بفيدك
                              ومشان موضوع سوريا والثورات فمارح احكي فيو هون لانو بالمنتدى ما منحبذ هالاحاديث ..

                              تعليق

                              يعمل...
                              X