/// بـروتـوكـــولات لـ/ حـــــوا ~

[r_mido]

سعيدة



هالموضوع خصيصاً للصبايا خخخ لانو بعرف جنس حوا روح ئلبو دوا الفسفس والتنظير والفخفخة ئدام الشباب
يعني من برا هالله هالله ومن جوا يعلم الله
وانا من باب تغزية هالبرا اللي عندكم رح ادعمكم بالنصائح التالية خخخخ

;

في يوم من الايام رح تروحي مشوار مع خطيبك او حبيبك

ولحتى تاخدي المغدور على حين غرة وتسحبيه الى ما لايعلم به الا الله وتحكمي عليه بالاشغال الشاقة المؤبدة بقفص البطيخ السعيد لازم تنفزي هالنصايح ..

وئت تروحو على اي مطعم او عزيمة رومانسية ولازم تظهري مواهبك البرّاقة فيها لانو هالشغلة مارح تشوفيها بعمرك بعد الزواج
طبعا اهم اهم شي هو الرئة بالتعامل خخخخ تماما متل ما بيحكو بعض صبايا المنتدى هون خخخخ يعني (( الدحكة مالازم تفارئك وانتي مع ختيبك حتى لو عبتتفرجو على ماتش تابة ))

بئا ئعدتو ومارستي رئائتك عالضحية وبلفتيه بحكياتك وصار وئت الاكل

اجى الميتر وفرش الطاولة :-

>>> 1 <<<

الشوكة والسكين ياعزيزتي بينمسكو من الطرف مو تروحي تدئي فيون وكأنك ماسكة خنجر بإيدك ومستعدة للهجوم

;

>>> 2 <<<
الخبز

حذاري حذاري تفضحي حالك وتفضحينا معك وتروحي تبلشي فرم بالخبزة بسنانك متل الفيران .. ولا تتفاصحي وتئسمي الخبزة نصين وتحشي كل نص بلئمة ...... الخبز بتئطعي بالسكينة بنفس الصحن وبتاكليها لئمة لئمة متل الئرفانين , وابئي بس ترجعي عالبيت حشي لتشبعي خخخخخ

;

>>> 3 <<<
الشوربة

يستر عرضك انتبهي عالشوربة هي مهمة كتير .... الشوربة يامرحومة البي بتنشرب بدون صوت نهائي
يعني ماتئعدي تشفطي وانتي عبتشربيها ولا تنفخي عليها متل صبي الاركيلة , واهم شي انسي موضوع الطاسة اللي بتشربي منها بالبيت وبتشرشري عحالك فيها خخخ
بالمعلئة وبدون صوووت حتى لو كانت سخنة متل النار
ولا تميلي صحن الشوربة بآخرو مشان تلهطيه لاخر نئطة وبطريئك بلاها اللحوسة خخخخ

;

>>> 4 <<<
الرز

هاد بالشووووووكة , تنكسر ايديكي التنتين اذا بتمديهم عالمعلئة وديري بالك تغرفي وتعبي بالصحن
الرز بالشوكة وكأنك عبتبوسي الشوكة مش تحشي حش

;

>>> 5 <<<
السباكيتي

بتنلف بطرف الشوكة لحد ماتخلص وبعدين عتمك بهدوء وروية
مو تروحي تشفطيها متل مكنسة الكهربا

;

>>> 6 <<<
السمك

هاد ئصتو ئصة , اول شي لازم تفصلي اللحم عن الحسك ... بس كيف ... بتشرطي اللحم من النص وبتفردي اللحم عالجنبين
بدون فضايح بتشيلي السلسلة بالشوكة والسكين وبتحطيها عطرف الصحن وكفي اكل النص التاني



بس اذا بدك نصيحتي >> ريحي راسك من هالدوخة كلها وئولي ما بحب السمك وانفدي بريشك خخخخ

;

>>> 7 <<<
الكروفيت

اول ما بينزل عالطاولة نظريلو نظرة ازدراء وعأساس انتي ئرفانة منو عئد ما ابوكي بطعميكي ياااه
" طبعا انا اشك انك رح تعرفيه "
ماعلينا بتئطعي الراس بالسكينة , وابوس رجليكي انسي ئصة المصمصة

;

>>> 8 <<<
البطاطا

الله يوفئك شو ماكانت البطاطا بلا النورنة باكلا
يعني ماضروري تحطي البطاطاية وتهرسيها فوء الرز وتنزلي فيها شمال يمين ووين بيوجعك
ئطعيها ئطعة وعأساس ئلبك عبيتئطع عليها

;

>>> 9 <<<
الفواكه

لما بتنزل فواكه فيها بزر الي طلب منك او اعتبريه رجاء ... بلا نظام التفتفة للبزر خخخ انسيه عالخالص
طالعي البزرة من تمك لايدك وهي مسكرة وحطيها بطفاية السكاير

;

>>> 10 <<<
النهاية

بس تخلصي اكل بتحطي ايدك على بطنك اللي لزئانة بضهرك من العينات والنمازج اللي اكلتيها
وبتئولي للزلمة " اوووف انا بعمري ما انفجعت عالاكل هيك لازم هلأ اسبوع ما اكل "

آخر شي بتمسكي المحرمة اللي مرمية عالطاولة وبتبوسيها خخخ طبعا الضحية رح يفكر انك عبتمسحي تمك ..
بعدين بتستأذني منو تروحي عالحمام لتزبطي المايك آب , بتفوتي عالحمام وبتطالعي من شنتايتك سندويشة الفلافل اللي جايبتيها معك وبتسلخيها عن بكرة ابيها خخخخ



وصحة وهنا
__________________

Exclusiver_mido
from old syriaroze

[ياسمينة الشام]

احم احم
شوفو مين عم ينظر علينا

بعدين انا ما بحب كل هالأشياء وبتصرف ع طبيعتي
من غير ما يفكر حالو حبيب الئلب عشئان بريتني سبيرز
وانو الفلافل أكلتي المفضلة عادي بعزمو بكره عليها ههههههه
وزكاتك شرحلي شو هاد الشئسمو رئم سبعة ؟؟
ورجينا صورة الو دخيل عينك لأنو أبي ما طعماني منو الله يسامحو هههههه
غليظ احمد شاي

[Randah]

اي اي اي ,, يعليك يعني وجعتناا
شوفوا مين عم ينصح مين
,,
حبيب البي ,, مايدولاتي ,, بلا فضايح ر وحوا اتعلموا انتوا الشباب هيدي الحركالانو نحنا الامورات من زمااان ختمناها

[r_mido]

احم احم
شوفو مين عم ينظر علينا

بعدين انا ما بحب كل هالأشياء وبتصرف ع طبيعتي
من غير ما يفكر حالو حبيب الئلب عشئان بريتني سبيرز
وانو الفلافل أكلتي المفضلة عادي بعزمو بكره عليها ههههههه
وزكاتك شرحلي شو هاد الشئسمو رئم سبعة ؟؟
ورجينا صورة الو دخيل عينك لأنو أبي ما طعماني منو الله يسامحو هههههه
غليظ احمد شاي

انتي مشان ئصة التاتش هي الها موضوع خاص بحد زاتو
بئا ئعدي عائلة وتضبضبي

[♪♪زهرة اللوتس♪♪]

ايه اش عليه خيووو ومنكم نستفيد
اصلا انا سينيه لوحدي من غير بروتوكولات بس وجب الاخذ بالنصائح هههههه
بس عندي استفسار واحد بليز اش معنىالكروفيت

[ياسمينة الشام]

انتي مشان ئصة التاتش هي الها موضوع خاص بحد زاتو
بئا ئعدي عائلة وتضبضبي

ههههههه ولك أنا نسيت هالئصة شو مشان
بعدين بالعكس كان لازم تدرجها بالبروتوكولات تبعك
لأنو النظافة من الإيمان

[r_mido]

اي اي اي ,, يعليك يعني وجعتناا
شوفوا مين عم ينصح مين
,,
حبيب البي ,, مايدولاتي ,, بلا فضايح ر وحوا اتعلموا انتوا الشباب هيدي الحركالانو نحنا الامورات من زمااان ختمناها

اي ماشي فهمت عليكي

[r_mido]

ايه اش عليه خيووو ومنكم نستفيد
اصلا انا سينيه لوحدي من غير بروتوكولات بس وجب الاخذ بالنصائح هههههه
بس عندي استفسار واحد بليز اش معنىالكروفيت

بعمرك سمعتي حدا ئال عن زيتو عكر
ومشان الكروفيت بحثي عنها لحالك حجة سينيه خخخخ

[♪♪زهرة اللوتس♪♪]

هاد هووووووووو
يعني طلع الحلزون شيت البحر او الئريدس او ما بعرف اش ها الخبصات

يعععععععععععععع
اي لا والنبي كردي ما اني اكالتو ولو بدو يبطل عني ميه خطيب لا وئال شو ئطعي الراس ومابعرف اشو يعععععععع

[r_mido]

هاد هووووووووو
يعني طلع الحلزون شيت البحر او الئريدس او ما بعرف اش ها الخبصات

يعععععععععععععع
اي لا والنبي كردي ما اني اكالتو ولو بدو يبطل عني ميه خطيب لا وئال شو ئطعي الراس ومابعرف اشو يعععععععع

صحة وهنا خخخخخخ
ع فكرة الكيلو حئو هديك الحسبة ههههههههههه

[نور روز]

ههههههههههه روح الله يهديك .. اصلا كل هل النصايح صارت قديمة ..ههههههه

[Rabya]

كل مردود هالبروتوكولات ع أدم الله يعينو ههههههه~
بالنسبة للسمك أنا بطلبو هامور مافي داعي للحسك

[r_mido]

ههههههههههه روح الله يهديك .. اصلا كل هل النصايح صارت قديمة ..ههههههه

فذكر إن نفعت الذكرى

[r_mido]

كل مردود هالبروتوكولات ع أدم الله يعينو ههههههه~
بالنسبة للسمك أنا بطلبو هامور مافي داعي للحسك

اي اشبو الهامور كويس ومافيو غلية , وفي السردين كمان نفس الشي بئا اذا شي يوم ما لائيتي هامور عليكي بالسردين
وشكراً ع الاضافة

[نور روز]

فذكر إن نفعت الذكرى

انا ذاكرتي حديد حجي هههههههههههههه