إعـــــــلان

تقليص
لا يوجد إعلان حتى الآن.

مازلنـا في بحــر الظلمــات ...~~~

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مازلنـا في بحــر الظلمــات ...~~~


    مازلنـا في بحــر الظلمــات ...~~~

    ♥♥ ♥♥
    ما زلنا في بحر الظلمات ... نبحث عن منارة
    تحميل الشباب ما لا يطيق في الزواج

    قادونــا بحكم الهـــوى .... مع اننـــا على السفينة كنا ســـــوا
    سلكوا بنا طريق الصخور .... فتحطم الامل لدى الشباب بغلاء المهور

    * مع انهم قالوا : ان جاءنا خاطب لابنتنا فنحن لا نريد الا الستر, واستقبلناه لدينه وخلقه بفرح وسرور ...
    عن ابي هريرة (رضي الله عنه) قال : قال رسول الله (صلى الله عليه وسلم)(اذا اتاكم من ترضون دينه وخلقه فزوجوه الا تفعلوا تكن فتنة في الارض وفساد عريض) رواه الترمذي

    فلما جاء ذلك الخاطب المسرور .. سمع نداء الاهل بأن ارتضيناك لابنتنا فهات ماعندك سوى الدين والخلق .. فهذا حساب البعث والنشور .

    * فأول طلب : مهر غال فأبنتنا بدر البدور.

    * وثانيه : بيت في مكان مرموق , وان شئت فقصر من القصور , فرشه مخملي مرصع بأحجار كريمة وستائر حرير ,وارائك ودثور , واكثر ان استطعت من الغرف والالوان الزاهية المتناسقة والعطور , ولا تنسى الرخام وزخارف الاسقف والجدران , وتلل البيت بأبواب الزان , حتى تحفظ ابنتنا من الاثام والشرور .

    * وثالث الطلبات : لا بأس ان كان معك سيارة , ام انك قائد طائرة نفاثة تحتاج الى قوة دفع وحرارة , وتملك يخت الحب في بحر من البحور الهدارة ... وكن على علم بأن ابنتنا مدللة وتحتاج الى خادمة مغوارة , ولا تقس عليها ودعها تخرج حيث شاءت فهي حكيمة لا ثرثارة .

    * ورابع الطلبات يا هشام : نريد حفلة العرس بقصر من قصور اليمن او الشام , فنحن اهل جود وكرام , وزين المكان بالورد ومد بساط الاحمر لتمشي عليه اميرتنا سلام برفق يا هشام .

    وبعدها نقول : بارك الله لكما وجمع بينكما بخير .. ومن الله امتنان ...






  • #2
    بعض الأهل بغالو بالطلبات صح
    بس هلأ مكان ما أنا عايشة مافي هيك شي بتاتاً
    عنا فيكي تقولي كل البنات نفس المهر نفس ملبوس البدن وكل شي
    يعني تقريباً رقم متعارف عليه لأن أهل المدينة بيتزوجو من بعض
    وما بيعتبرو بنت أغلى من التانية و لأن كمان كل شباب البلد معروفين شو أصلهن وبيثقوا فيهن
    هلأ ممكن يتغير الموضوع إذا إجى حدا غريب عن البلد , ممكن يزيدو كضمان لبنتهن مو أكتر
    بس بعض الناس يلي بتغلي المهر وبتعملو شي خيالي , هدول بكونو بدهن بناتهن يعنسو أو كرهو العريس وبدهن يطفشوه مو أكتر
    و كمان هلأ مافيكي تقولي بس الدين والخلق .. يعني أكيد هنن مهمين , بس ما حدا بيرمي بنتو ع المجهول
    يعني أقل شي لازم يكون عندو مقومات الحياة لازم يكون عندو بيت ووظيفة ثابتة ويقدر يأمن مستقبل عيلتو

    شكراً ع طرح الموضوع زهرة ,, مع أنو بسورية هلأ كلو عم يتزوج بدون عرس حدا ,, شكلو الطرفين اقتنعو أنو الحياة رح تخلص خلينا نعيشا كيف ما كان هههههه

    تعليق


    • #3
      اي والله بس عن جد كل منطئه الها عادات وتقاليد بتحكمها والكل بيلتزم فيها
      عنااا هون لا تسئلي عن المهوور لان الله يعين الشب شو بدو يلحئ وشو بدو يجيب
      طبعا ماعم بحكي عا الاماراتيين لانو هنن ببلدهن وعندهن يلي بيكفيهن ووزياده
      عم بحكي عن الشباب المتغرب يلي شروانااا بالخير بدو يشتغلووو كذا سنه
      لحتى يقدر يخطب ويقضي كذا سنه بعد العرس ليوفي الديووون
      بالنسبه لسوريااا الله يعين اهلنا ويعين الكل هنيك اصلااا نسيو شي اسمو زواج يمكن
      شكراااا كتير سومااا عا مشاركتك




      تعليق


      • #4
        الناس ما بعرف كيف بتفكر !!
        سواء ارتفع المهر أو نزل بهي الحالة هم بحددو قيمة مادية لبنتهم و بيعتبروها سلعة
        و طبعاً مافي انسان او انسانة ما بيسوا كنوز الدنيا كلها
        لهيك الأهل لازم ينسوه أنو بنتهم مجرد سلعة و يفكرو بمستقبلها و يقبلوه للشخص يلي رح يأمنلها ياه
        مشوكرة على طرحك

        تعليق


        • #5
          انا عايش بالشام بالمدينة مو بالضواحي ولا بالريف
          والبنت يلي رحت بدي اخطبا من 4 سنين كنت بعرفها من ئبل الخطبة بسنتين وشارحلا وضعي وشارح لامها واخوها وماحدى عندو اعتراض
          وصار لقاء بيني وبين الاب ابل ما اطلبها بشكل رسمي وماكان في اعتراض
          والبنت بتعرف شو وضعي تماما , معاشرتني سنتين

          وئت بتصير الئصة جد , الطلبات يلي طلبوها مني , لازم يكون معي على الاقل 12 مليون ليرة سوري (قبل الظروف الحالية)

          مو مشان شي هنن واثقين فيي وباخلائي بس يعني بنات خالتها مو ائل منها لتعمل العرس بمكان
          ومو ائل من بنت عمها ليكون بيتا بالمنطقة الفلانية
          ومو ائل من رفيئتا لتعمل شهر عسل
          ومو ائل من ولاد خالها ليكون عندا سيارة الها

          يعني عمرينو الحلال وعمرين الجواز يعني يا بكون ملياردير وانستر بالحلال او عيش كل عمري بالحرام؟؟
          انا موافئ اني عيش بالحرام وما اتكلف كل هاد الكفر بالدفع واخر عشر سنين من عمري بستغفر فيهن ربي وبتوب ... وهيك بيكون احسنلي وارخصلي

          يعني بس بدي افهم الانثى الشرقية بدها حقوق الانثى الشرقية وحقوق الانثى الغربية , وهي ما عم تقوم بواجبات لا الشرئية ولا الغربية

          الغرب يلي دائما مضرب المثل للانحلال والكفر والفسق , برايكن عندهن هاد المظهر من مظاهر الكفر والفجور بالزواج وكل هي التكاليف؟؟؟ راس مال الموضوع خاتم وحفلة حسب استطاعتهن وبتشتغل متلها متلو وكلشي بينهن بالنص مناصصة

          عنا ولك ااااااااااااااااااااخ من عنا , عنا البنات احتاروا والله حيرهن شلون بدهن يتدللو وكيف بدهن يطلبوا وعلى شو بالاخير؟؟؟؟ يعني شو الانجاز يلي عم تئدمو وئت تتجوز هالزلمة؟

          ايمتى بدو يتغير عنا الفكر تجاه المرأة وانو دائما بحاجة لمعيل؟؟ ايمتى بدى تصير تتعلم تواجه الحياة وتكون جنب الرجل تبعها مو (معو)

          والله بعمرها ماحتزبط هالئصة , خليها مصمودة عالرف ببيت اهلا اشرفلي واحسنلي وعمرين الجواز

          واذا الله بدو يحاسبني اني ليش ما تجوزت ساعتها لكل حادث حديث

          تعليق

          يعمل...
          X