إعـــــــلان

تقليص
لا يوجد إعلان حتى الآن.

حوار مع Chris الشخصية الجديدة في المنتدى

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    المشاركة الأصلية بواسطة Rainbow مشاهدة المشاركة
    توقعت ... و آسفة اذا فتحت جروحاتك ... كريس النبي عليه الصلاة والسلام عاش يتيم

    و شي عظيم كتير اللي انتي فيه ، انك من عمر ال ١٤ سنة ما كان الك معيل و اعتمدت على نفسك و انت هلأ بحسب كلامك مهندس معماري ... نحنا تعودنا اللي ممكن تكون ظروفه متل ظروفك انو احتمال ينحرف و يكون شي تاني ... لكن انت متعلم و هاد شي عظيم و هبة من الله كبيرة كتير ... كريس في ناس الها اب و ام وعايشين بأسرة و تركو المدرسة ب ١٤ سنة تناحة و كبر راس و صياعة و ضياعة و ما وصلو لربع اللي انت وصلتلو

    اما بالنسبة انو انت بتخاف قصتك تتكرر مع اولادك فتأكد انو الله موجود و هو حسبك ... اذا الناس حتفكر نفس تفكيرك كانت البشرية انفنت و انتهت و ما استمرت

    و لح قلك فكرة : سبق و زرت الميتم و سبحان الله ما انشرحت فيه نهائياً ،، من فترة بتخبرنا آنسة الدين انو الميتم فكرتو مانا إسلامية و انو الولد لازم يتربى بأسرة او ضمن الأسرة ... يعني وقت واحد يكفل يتيم تطبيقاً لقول النبي عليه الصلاة و السلام : " انا و كافل اليتيم ك هاتان في الجنة " و اشار لاصبيعيه المقصود يتكفل فيه و بمصاريفه لكن هوي يكون عايش مع عمه مع خاله ، خالته ، أقاربه ... الخ المهم فكرة الميتم مانا إسلامية لا هي ولا دار العجزة

    وشخصياً ضدهم تماماً ... فالشي اللي صار معك لأن مجتمعنا بعيد عن الدين وما يطبق منو شي و بقصتك فيه كتير هفوات و زلاات و أغلاط بالمسؤولية سببها البعد عن الدين

    بعدين كريس الولد بيولد و بتجي رزقتو معو و اذا انت اخترت محيط صالح ل عيلتك فبإذن الله رب العالمين حيدعمك و يكون معك و مالح يترك ولادك

    قصتك هي قصة مجتمع ترك الدين ومشي أصحابه حسب أهواءهم .. و هالمجتمع اجا وقت يتصلح

    وانت جزء من هالاصلاح

    و عذراً عالإطالة

    كلامك كلو صحيح وكلو مزبوط بس نظري ...

    وئت تنامي عالرصيف بالشتوية
    او تنامي بشي جنينة بالصيفية
    وانتي تحت السن القانوني
    ووئت تبيعي شغلات عالبسطة كرمال تطالعي اجار التخت يلي بدك تنامي عليه
    ساعتها ورجيني وين كل هدول يلي عم تحكي عليهن وتضربي امثلة فيهن

    الدين الاسلامي وين كان وئت نمت بالشارع انا ؟
    وين كان وئت سرئني عمي ؟؟
    وليش انا ومن عمري سنة ومالي مساوي اي شي بحياتي انحرمت من الاب والام والعيلة وتشردت وتبهدلت وانمسحت فيي الاراضي شو ذنبي انا ؟؟؟
    بدك تئوليلي لحكمة ... اناا هاد سبب اني اخد موقف من الدين حيصير عمري اربعين سنة وماكنت افهم شو هي الحكمة من يلي صار فيني

    جربي تخيلي السيناريو على حالك او على ولد من ولادك وشوفي بتضلي بتحكي بنفس الاسلوب ... ما بظن

    تعليق


    • #17
      المشاركة الأصلية بواسطة Rainbow مشاهدة المشاركة
      لا ما قريت لان شكلو الصفحات بعد فترة بتتجدد ... يعني انت وحدك هلأ ساكن بالبيت مافي حدا معك ولا حدا بيزورك ؟
      اي نعم ساكن لحالي وماعندي اي نوع من انواع العلاقات الاجتماعية .. كان في اشخاص بس وئت صارت المشاكل سافروا
      وبطبيعة الحال ماكان بيجو لعندي غير وئت بيكون عندهن مشاكل

      تعليق


      • #18
        المشاركة الأصلية بواسطة Chris مشاهدة المشاركة
        كلامك كلو صحيح وكلو مزبوط بس نظري ...

        وئت تنامي عالرصيف بالشتوية
        او تنامي بشي جنينة بالصيفية
        وانتي تحت السن القانوني
        ووئت تبيعي شغلات عالبسطة كرمال تطالعي اجار التخت يلي بدك تنامي عليه
        ساعتها ورجيني وين كل هدول يلي عم تحكي عليهن وتضربي امثلة فيهن

        الدين الاسلامي وين كان وئت نمت بالشارع انا ؟
        وين كان وئت سرئني عمي ؟؟
        وليش انا ومن عمري سنة ومالي مساوي اي شي بحياتي انحرمت من الاب والام والعيلة وتشردت وتبهدلت وانمسحت فيي الاراضي شو ذنبي انا ؟؟؟
        بدك تئوليلي لحكمة ... اناا هاد سبب اني اخد موقف من الدين حيصير عمري اربعين سنة وماكنت افهم شو هي الحكمة من يلي صار فيني

        جربي تخيلي السيناريو على حالك او على ولد من ولادك وشوفي بتضلي بتحكي بنفس الاسلوب ... ما بظن

        كريس بعتقد ذكرت انو اللي صار معك سببه البعد عن الدين ... مجتمعنا بوقتك كان بعيد الدين

        ويمكن كتير ناس كمان تعرضو لقسوة متل القسوة اللي عشتا و سببها انو الناس عايشة بأهواءها و ما حدا داير ع حدا

        كريس الإسلام بيقلك : " ألا كلكم راع و كلكم مسؤول عن رعيته "

        ابتداء من الحاكم للاب و الام والعم والخال للفرد لل لل لل ... بس وقت الناس بعيدة عن الدين حتماً هنن بعيدين عن هالعرف و كل واحد عايش عهواه

        كريس سؤال : وين خالتك ما عندك بيت جد ... يعني انت بتعرف مين بيت جدك مين خوالك مين عمامك ... معقول مافي حدا من أقاربك غير هالعم

        سؤال تاني : بعمر ال ١٤ وين سكنت ،، ومع مين عشت لحد ما وصلت ل انتي وصلتلو ؟

        كريس صدقني اذا بحكيلك القصص اللي سمعناها واللي مرت علينا بتقول : وين الإسلام و سبب العذاب و التشتت و الضياع كان بعدهم عن الدين قصص بتشيب راس

        تعليق


        • #19
          مسا الخير يا جماعة
          نقاش شيق وعن جد طريقتك بالحكي اخي كريس رائعه انو ماعندك مانع تكشف شغلات كتيره مرت
          بحياتك وبصراحه احُي فيك تجاوبك وطوله بالك والله لانو بها الوئت نفتقد كتير لناس بيتقبلو حتى السلام عا الطرف الاخر
          متابعين معكن واذا عنا اي استفسار او مداخله راجعين ان شاء الله




          تعليق


          • #20
            المشاركة الأصلية بواسطة Rainbow مشاهدة المشاركة
            كريس بعتقد ذكرت انو اللي صار معك سببه البعد عن الدين ... مجتمعنا بوقتك كان بعيد الدين

            ويمكن كتير ناس كمان تعرضو لقسوة متل القسوة اللي عشتا و سببها انو الناس عايشة بأهواءها و ما حدا داير ع حدا

            كريس الإسلام بيقلك : " ألا كلكم راع و كلكم مسؤول عن رعيته "

            ابتداء من الحاكم للاب و الام والعم والخال للفرد لل لل لل ... بس وقت الناس بعيدة عن الدين حتماً هنن بعيدين عن هالعرف و كل واحد عايش عهواه

            كريس سؤال : وين خالتك ما عندك بيت جد ... يعني انت بتعرف مين بيت جدك مين خوالك مين عمامك ... معقول مافي حدا من أقاربك غير هالعم

            سؤال تاني : بعمر ال ١٤ وين سكنت ،، ومع مين عشت لحد ما وصلت ل انتي وصلتلو ؟

            كريس صدقني اذا بحكيلك القصص اللي سمعناها واللي مرت علينا بتقول : وين الإسلام و سبب العذاب و التشتت و الضياع كان بعدهم عن الدين قصص بتشيب راس
            عشت ببيت عربي بالعمارة صاحبه بيئجر تخوت للنوم للولاد والشباب يلي بيشتغلو معو ومع اخوه
            بيت جدي وستي متوفيين وعندي خالين وعم
            والخالين مو رجال لانو كل واحد بس همو يرضي مرتو

            مابدي تحكيلي ئصص لانك عم تكوني عم تحكي اما انا عشت ... في فرء بين انك تحكي وبين اني عشت
            المجتمع بعيد عن الدين بعيد عن الله بعيد عن عبد الله بعيد عن حسب الله .. النتيجة اني انا تعذبت بحياتي وماكان الي ذنب ولا كان عندي خيار بهاد الشي ولا حدى سالني او خيرني بين امرين
            هموم الامة مو ببالي ولا داير عليها ولا بتعنيلي ... وين كانت الامة وئت كنت عم اتبهدل ؟؟؟ والراعي والرعية والدين والشيخ والامام وكل هدول يلي المفروض يكونو مسؤولين عني وين كانو ؟
            بما انو حضرتك مقتنعة انو الشي يلي صار معي الو اسبابه .. الي عندك سؤالين .. يلي صار فيني عدل؟؟؟ ويلي صار فيني انا شو ذنبي فيه (لاتئوليلي المجتمع ومدري مين) عم احكي عن حالي انا ؟

            تعليق


            • #21
              المشاركة الأصلية بواسطة ♪♪زهرة اللوتس♪♪ مشاهدة المشاركة
              مسا الخير يا جماعة
              نقاش شيق وعن جد طريقتك بالحكي اخي كريس رائعه انو ماعندك مانع تكشف شغلات كتيره مرت
              بحياتك وبصراحه احُي فيك تجاوبك وطوله بالك والله لانو بها الوئت نفتقد كتير لناس بيتقبلو حتى السلام عا الطرف الاخر
              متابعين معكن واذا عنا اي استفسار او مداخله راجعين ان شاء الله
              اهلين وسهلين يا لوتس
              بتشكرك على كلامك اللطيف وباي وئت بتحبي تسالي عن اي شي تكرمي

              تعليق


              • #22
                المشاركة الأصلية بواسطة Chris مشاهدة المشاركة
                عشت ببيت عربي بالعمارة صاحبه بيئجر تخوت للنوم للولاد والشباب يلي بيشتغلو معو ومع اخوه
                بيت جدي وستي متوفيين وعندي خالين وعم
                والخالين مو رجال لانو كل واحد بس همو يرضي مرتو

                مابدي تحكيلي ئصص لانك عم تكوني عم تحكي اما انا عشت ... في فرء بين انك تحكي وبين اني عشت
                المجتمع بعيد عن الدين بعيد عن الله بعيد عن عبد الله بعيد عن حسب الله .. النتيجة اني انا تعذبت بحياتي وماكان الي ذنب ولا كان عندي خيار بهاد الشي ولا حدى سالني او خيرني بين امرين
                هموم الامة مو ببالي ولا داير عليها ولا بتعنيلي ... وين كانت الامة وئت كنت عم اتبهدل ؟؟؟ والراعي والرعية والدين والشيخ والامام وكل هدول يلي المفروض يكونو مسؤولين عني وين كانو ؟
                بما انو حضرتك مقتنعة انو الشي يلي صار معي الو اسبابه .. الي عندك سؤالين .. يلي صار فيني عدل؟؟؟ ويلي صار فيني انا شو ذنبي فيه (لاتئوليلي المجتمع ومدري مين) عم احكي عن حالي انا ؟

                طب النبي عاش يتيم و مات من ولادو و ماتت زوجته و عمه اللي كان يدعموه بأحلك الظروف و قبيلته تآمرت عليه و كانوا حيقتلوه ووقت التجئ لقبيلة تانية ضربوه و بهدلوه

                وهاد نبي يا كريس ... يعني اللي صار معو عدل ؟ ... بس بعدين اجا الفرج والناس اللي اذته منهم آمنوا و انصلح حالهم و منهم اخد عقابه و ارتفعت راية الدين عاليه وصار حاكم للبلاد و انتشر الإسلام

                هاد حال الدنيا و ما اخد منك الا ليعطيك وكلو بأجره هالصبر اللي صبرته بالنهاية اذا رجعت لربك حيكافأك باللي بتستاهلو و اللي مر عليك ما سهل بنوب وحتى وقت عم اقرأ يا كريس قصتك حاسة حالي كأن عم اقرأ قصة بكتاب او فيلم او ما شابه ... شي صعب كتير

                بتعرف يا كريس ... انا اللي يئست من الثورة وانها غلط وقت قريت قصتك حسيت انو لازم يصير شي يشيل هالنشح اللي نحنا فيه و اللي انت كنت ضحيته

                لازم بقى نرفع راية الدين عالية وما يهمنا حدا و انطبق احكام الدين و ترجع لناس حقوقا و ما ترجع تتكرر قصتك بسبب بعد الناس عن دينهم

                عنجد خليتني ارجع فكر

                كريس : شو رأيك بالثورة السورية الحالية ؟

                تعليق


                • #23
                  أسعدنا مرورك زهورة

                  والله شكلو الأخ كريس قلبو كبير وهالشي لمستو من ردوده وهاد خلاني اتجرأ و اسأله

                  تعليق


                  • #24
                    عندي فضول لسا ... بس انت رحت شكلك مليت و معك حق

                    ما بلومك ... بس ترجع حكفي .... كريس بتمنى ما كون دايئتك

                    لكن الانسان بحاجة يحكي بوقت عن حالو وعن حياتو حتى ان كان فيها خلل يقومو و ان كان فيها نقص يحاول يكملو

                    أسئلتي ما خلصت و ناطرة عودتكم


                    شكراً من القلب عرحابة صدركم و صدقكم

                    انت عم تقول ليه هيك الله عمل معي وانا عم قول هاد شخص كويس شكلو مع الله لانو صادق

                    صدقني يا كريس الصادق بهالايام واللي قدران يحافظ على مبادئو هاد شخص كبير و كبير كتير

                    انت عايش بنعمة غيرك بيحسدك عليها و اللي مخبيلك ياه الله كتير كبيراكبرمن حجم المعاناة اللي انتي عشتها

                    وحتجي الايام وتقول صدقت Rainbow لاني عندي ثقة بالله سبحانه وتعالى بانه ما اخذ الا ليعطي وهو الذي اسمه ( العدل )

                    والله كبير

                    تعليق


                    • #25
                      لا ابدا مالي متدايئ
                      كل الموضوع انو طفت الكهربا وبدلت عاليو بي اس

                      تعليق


                      • #26
                        عذراً ع مقاطعة حواركم الجميل ...
                        بس تركولنا الثورة بحالها , وكمان عذراً على حزف الردود المتعلقة بالثورة ...


                        متابع معكم

                        تعليق


                        • #27
                          شو هاد يا جماعة خفو شوي عن الشب ,,, هلكتوه
                          و الله أنا بدالك يا كريس بنسحب

                          ,, ألف شكر لتجاوبك بالردود ،،

                          إن أعجبكَ بي نسبٌ...
                          فأُمي الشـــام... أعطـتني العُلا نسبا




                          sigpic

                          تعليق


                          • #28
                            اهلين وسهلين
                            عادي مافي شي مزعج لهلئ
                            لساتني عم استنى الكمالة

                            تعليق


                            • #29
                              ميدو : كأن حذفت المقاطع الي ضد الثورة بس

                              رندة : اذا ما كنت شايفة كريس بيتقبل .. صدقيني كنت ما بكفي ولا بتجرأ


                              كريس مشكور عوساعة صدرك ... وعنجد فرحانة اني عم اتعرف عليك .. وبحب اكتشف و استفيد وفيد و تجربتك صراحة هي بتثري التجربة الإنسانية لانها ما قصة عادية

                              ......Ready

                              تعليق


                              • #30
                                اهلا وسهلا اي طبعا جاهز تفضلي
                                واذا اي حدى عندو اي سؤال يتفضل

                                تعليق

                                يعمل...
                                X