إعـــــــلان

تقليص
لا يوجد إعلان حتى الآن.

حوار مع Chris الشخصية الجديدة في المنتدى

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    * مين بحضرلك الأكل ( الغدا الفطور العشا ) مين ينظف عندك البيت ؟

    * هو سؤال مبارح اجا ببالي ، انو وقت كان مثلاً يجيني عريس عمرو 38 كنت قول لاهلي هاد شب فطرتو ما سليمة لانو الشب دايماً غريزتو اقوى من البنت فكيف قادر يصبر لهالسن من دون زواج الا اللهم اذا كان إنسان غير سوي .... شو ردك ع هيك كلام ؟

    * من هو مثلك الأعلى ؟

    * من هي فتاة أحلامك او من تشبه ؟

    * هل تجرأ ان تضع صورتك الشخصية هنا في الموضوع اذا طلبنا منك ذلك ؟

    --------

    * ماذا تنصح أعضاء منتدى سوريا روز ؟

    * ماذا تنصح Rainbow ؟

    * ماهو الحلم الذي تحلم به ولم يتحقق حتى الآن ؟


    --------------

    و للأعضاء بقلهم اللي حابب يسأل السيد Chris الموضوع مفتوح للجميع ومتل ما شفته هو عم يتحملنا و مستعد لاية سؤال وهو مشكور

    تعليق


    • #32
      * مين بحضرلك الأكل ( الغدا الفطور العشا ) مين ينظف عندك البيت ؟


      انا طبعا بطبخ , بجلي , بمسح , بغسل , بكوي , برتب البيت, واوئات وئت يجي على بالي بعزل


      * هو سؤال مبارح اجا ببالي ، انو وقت كان مثلاً يجيني عريس عمرو 38 كنت قول لاهلي هاد شب فطرتو ما سليمة لانو الشب دايماً غريزتو اقوى من البنت فكيف قادر يصبر لهالسن من دون زواج الا اللهم اذا كان إنسان غير سوي .... شو ردك ع هيك كلام ؟




      الانسان اكبر مثال بالحياة على التأقلم السريع
      هي اول شي


      من وين جاية هي المفاهيم الغلط ومترسخة وصارت عرف مابعرف , يعني مثال الشب يلي بيوصل لعمر معين وكان عندو علاقات غير شرعية برايكن بتكون العلاقة الحميمة الغير شرعية بشكل يومي ؟؟؟ يادوب تكون بشكل شهري او نصف شهري واذا كتير كتير كتيررررر بتكون بشكل اسبوعي
      بس مو بمقدار هاد التصور العجيب


      بالنسبة الي عئلي ابل عاطفتي وابل شعوري دائما واي غريزة ممكن السيطرة عليها ماعدى غرزية البقاء


      الحب بسمع عنو انو موجود وبعرف انو موجود بس ماعندي ايمان فيه لهيك ماكان كتير عائق وماثر عليي بالسنين يلي مرئت


      طبعا مالي قديس وبنفس الوئت مالي منحل


      * من هو مثلك الأعلى ؟


      ماعندي ابدا بطلتا من زمان .. بمشي على بوصلة نفسي


      * من هي فتاة أحلامك او من تشبه ؟


      انا من الاشخاص يلي بتهتم جدا بموضوع الجمال ومالي ابدا من انصار جمال الروح اهم , لا معلش انا بيهمني جمال الشكل جدا وبيهمني يكون في وعي .. مو شرط تكون عبقرية بس على الاقل تئدر تميز بين الامور وتعرف تستوعب الحياة معي


      * هل تجرأ ان تضع صورتك الشخصية هنا في الموضوع اذا طلبنا منك ذلك ؟


      اي طبعا بتجرأ .. بس مافي داعي ابدا اني حطا لانو مافي اي سبب مقنع


      * ماذا تنصح أعضاء منتدى سوريا روز ؟


      انا اخر انسان ممكن ئدم نصيحة بس هنن هيك ويضلو هيك طبيعيين وحئيئيين


      * ماذا تنصح Rainbow ؟


      بنصح رينبو بانو تروء اكتر وما تنفعل ... الحياة ابسط ومابتستاهل الفوران




      * ماهو الحلم الذي تحلم به ولم يتحقق حتى الآن ؟


      ان يخف الجهل او يتقلص , بس للاسف كل مازاد تطور التكنولوجيا زاد تطور الجهل معو .. يمكن لانو يلي الجهل معو بيكون متحمس كتير ينشرو بين الناس
      ونشر الجهل اسهل بكتير من نشر العلم

      تعليق


      • #33
        شكراً كريس ... بس جد حطلنا صورة عنك وان كان من بعيد ... صار عندي فضول شوف شخصيتك

        من خلال كلامك ما بعرف اذا بستنبط انك مارر بتجارب عاطفية ... او علاقات حميمة ... هاد شي بيخوف لان نحنا ناس محافظين و الشب و البنت ما بيعرفو هالامور غير بعد زواج ل هيك كانت هيك مفاهيمي

        الحمد لله على نعمة الإسلام

        وشكراً عالنصيحة

        تعليق


        • #34
          يارينبو مين يلي حكالك انو هي الامور مابتنعرف لبعد الزواج ؟
          هي من ايام الدراسة بتشريح جسم الانسان على ما اذكر بالصف التاسع بيتحدثوا عن موضوع التكاثر
          وبعد فترة ولو كانت بسيطة الا ما تضل ببالو للواحد هي الئصة ويدور عليها ويعرف ويسمع

          مو الشطارة ابدا انك بحجة المحافظة تكتم معلومة او اسلوب او تصرف او سلوك , المحافظة من وجهة نظري انك تضمن اخلاقيات الشخص بعد مايعرف لانك ماسسه اخلاقيا بشكل سليم
          الدنية ماعادت متل اول .. هاد الكلام يلي عم تحكي عنو كان بيزبط بالـ 50 او الـ 60 بس مو اكتر من هيك ومن بعدا تغير كلشي , هلئ الانترنت ماترك شي ما شرحه

          لازم تتبدل المفاهيم وتتغير النظرة للمحافظة عالمجتمع , لانو لو كان بالاساس مجتمع محافظ ماكانت صارت كل هي البلاوي يلي عم تصير فيه
          كان مجتمع عم يضحك على حالو بانو محافظ وكلنا منعرف كيف كانت العالم عم تتصرف وتتحرك وتمشي , وبالاخير وئت بتوئع المصيبة منصاب بحالة الذهول والانصدام وياحرام نحنا ابناء المجتمع المحافظ ليش هيك صار فينا

          ولا انا غلطان

          تعليق


          • #35
            ياسيدي هيك ونص و مانك غلطان

            بس نحنا منحب نمثل ونعمل جناحات ع كتافنا ومنخاف العيب مو الحرام .

            والشب بيخبص ليشبع وبس يجي يتزوج بصير بدو بنت يربيها ع إيدو

            أو بالأصح يكمل كبتا يلي انكبتتو عند أخوها وأبوها وحتى إمها أحياناً .

            والأحلى إنو بيعمل حالو متحرر زمانو . وبعد ما تتزوج البنت يلي مدعوسة دعساً طول حيااتا

            بتفكر إجاها الفرج و ح يكون الرومانس ضارب أطنابو . مو عرفانة إنو الأخ مو رايئلا بدو يكبر ويعئل هو

            فبتنصدم بالواقع المرير الزلمة ما بيحب اللعي كتير لأنو خلص هو من زمان استهلك حالو وخلص, وما بيحب المشاوير

            لأن بيضوج مخو بسرعة, وما بيأجل الولاد سنتين زمان لأن بدو صبي يحمل إسمو, بلكي اتزكرو الله قبل ما حدا ينتع إسمو ,

            وهكـــــــــــــــــــــــــــذا ....



            السؤال يا صديقي : عطيتك مسدس هلئ , طخلك كم شخص وعادة وما إلى ذلك من الإشيا يلي بتشوف إنك حاقد عيها

            وخبرني بعد ما تخلص ومسدسك متل مسدس البطل الأميركي , نبعة يعني

            تعليق


            • #36
              المشاركة الأصلية بواسطة yasmen مشاهدة المشاركة
              ياسيدي هيك ونص و مانك غلطان

              بس نحنا منحب نمثل ونعمل جناحات ع كتافنا ومنخاف العيب مو الحرام .

              والشب بيخبص ليشبع وبس يجي يتزوج بصير بدو بنت يربيها ع إيدو

              أو بالأصح يكمل كبتا يلي انكبتتو عند أخوها وأبوها وحتى إمها أحياناً .

              والأحلى إنو بيعمل حالو متحرر زمانو . وبعد ما تتزوج البنت يلي مدعوسة دعساً طول حيااتا

              بتفكر إجاها الفرج و ح يكون الرومانس ضارب أطنابو . مو عرفانة إنو الأخ مو رايئلا بدو يكبر ويعئل هو

              فبتنصدم بالواقع المرير الزلمة ما بيحب اللعي كتير لأنو خلص هو من زمان استهلك حالو وخلص, وما بيحب المشاوير

              لأن بيضوج مخو بسرعة, وما بيأجل الولاد سنتين زمان لأن بدو صبي يحمل إسمو, بلكي اتزكرو الله قبل ما حدا ينتع إسمو ,

              وهكـــــــــــــــــــــــــــذا ....



              السؤال يا صديقي : عطيتك مسدس هلئ , طخلك كم شخص وعادة وما إلى ذلك من الإشيا يلي بتشوف إنك حاقد عيها

              وخبرني بعد ما تخلص ومسدسك متل مسدس البطل الأميركي , نبعة يعني
              اول شي اهلا وسهلا بشريكتي الفكرية (ببعض النواحي ها) وشكرا لوجودك بالموضوع

              هاد واحد من اسباب عدم اقتناعي بتركيبة المجتمع الداخلية وعلاقة المجتمع مع الانثى ... صحيح الواحد ممكن يمزح او يبالغ بموضوع طلباتها وانها نئائة بس بنفس الوئت مافينا ننكر انها بكذا جانب مظلومة وحئها ضايع رغم كلشي منحاول نعملو انو نحنا مندعمها
              بيكفي انو ماعندو المجتمع ايمان فيها الا ببعض نواحي وبيكفي انو بيشوفها بس لشغل البيت والعلاقة الحميمة ... والناس بالنهاية قناعات طالما مرتاحين هيك هنن احرار بس الا مايجي اليوم وينئلب هاد الشي عليهن لانو مو صحي
              وطبعا المجتمع الذكوري بدو يبرر كلشي للذكر وبدو يعمله كل التصورات الجاهزة واللازمة للاستمرار ... لكن شو بدو يئلو انت غلطت؟ عيب عيب شو هالحكي الكبير مابيغلط والاب مابيغلط وحتى لو غلط واجبك تطيعوا وترد عليه والا بتنطرد وبتفشل

              منجي لسؤالك
              انا مالي من انصار العنف ولا مؤمن فيه بس فكرة المسدس عجبتني اني اتبعها حافز لمعركة تصير بيني وبين واحد من الاشياء يلي بكرها
              ممكن زبط منافسة بيني وبين حدى من يلي بكرهن ويلي بيربح بيئدر يوصل للمسدس ويئوص التاني
              ساعتها يا بيئتلني وبتخلص المعاناة يا اما بفوز عليه ... وبعفو عنو pardon him وبتركو كل العمر مع عقدة النقص

              وماعندي غير عدو واحد بكرهو بهي الحياة .. الجهل ... الجهل ... الجهل يا ياسمين الجهل سبب تخلفنا وتخلف كل الدنية ... الجهل ابن ال..!@#$#%$#%@# اخ بس

              تعليق


              • #37
                المشاركة الأصلية بواسطة Chris مشاهدة المشاركة
                يارينبو مين يلي حكالك انو هي الامور مابتنعرف لبعد الزواج ؟
                هي من ايام الدراسة بتشريح جسم الانسان على ما اذكر بالصف التاسع بيتحدثوا عن موضوع التكاثر
                وبعد فترة ولو كانت بسيطة الا ما تضل ببالو للواحد هي الئصة ويدور عليها ويعرف ويسمع

                مو الشطارة ابدا انك بحجة المحافظة تكتم معلومة او اسلوب او تصرف او سلوك , المحافظة من وجهة نظري انك تضمن اخلاقيات الشخص بعد مايعرف لانك ماسسه اخلاقيا بشكل سليم
                الدنية ماعادت متل اول .. هاد الكلام يلي عم تحكي عنو كان بيزبط بالـ 50 او الـ 60 بس مو اكتر من هيك ومن بعدا تغير كلشي , هلئ الانترنت ماترك شي ما شرحه

                لازم تتبدل المفاهيم وتتغير النظرة للمحافظة عالمجتمع , لانو لو كان بالاساس مجتمع محافظ ماكانت صارت كل هي البلاوي يلي عم تصير فيه
                كان مجتمع عم يضحك على حالو بانو محافظ وكلنا منعرف كيف كانت العالم عم تتصرف وتتحرك وتمشي , وبالاخير وئت بتوئع المصيبة منصاب بحالة الذهول والانصدام وياحرام نحنا ابناء المجتمع المحافظ ليش هيك صار فينا

                ولا انا غلطان

                كريس فهمتني غلط معم احكي ان هالحكي غلط بل الفعل غلط ... ... الشي البي بيخوف بقصد فيه انو حدا يكون عم يمارس الفاحشة و يرتكب غلط ليرضي رغباته و غرائزه بدل ما يرضيها بالطريق الحلال المشروع

                هاد الغلط اما الحكي بهالامور بهدف التنوير و الاصلاح فلا حياء بالعلم و لا حياء بالدين

                ووقت ذكرت انو الحمد لله على نعمة الإسلام ف " إن الصلاة تنهى عن الفحشاء و المنكر " فهي نعمة عظيمة

                و بحكي عن حالي ، الإسلام حماني و لله الحمد ... اما هدول الناس اللي انحرفت فانحرفت وقت بعدت عن جادة الدين

                و البلاوي اللي عم نشوفا اليوم بعتبرها عقاب من رب العباد على ابتعادنا و استخفافنا بالدين و أحكامه

                و الله أعلم

                تعليق


                • #38
                  المشاركة الأصلية بواسطة yasmen مشاهدة المشاركة
                  ياسيدي هيك ونص و مانك غلطان

                  بس نحنا منحب نمثل ونعمل جناحات ع كتافنا ومنخاف العيب مو الحرام .

                  والشب بيخبص ليشبع وبس يجي يتزوج بصير بدو بنت يربيها ع إيدو

                  أو بالأصح يكمل كبتا يلي انكبتتو عند أخوها وأبوها وحتى إمها أحياناً .

                  والأحلى إنو بيعمل حالو متحرر زمانو . وبعد ما تتزوج البنت يلي مدعوسة دعساً طول حيااتا

                  بتفكر إجاها الفرج و ح يكون الرومانس ضارب أطنابو . مو عرفانة إنو الأخ مو رايئلا بدو يكبر ويعئل هو

                  فبتنصدم بالواقع المرير الزلمة ما بيحب اللعي كتير لأنو خلص هو من زمان استهلك حالو وخلص, وما بيحب المشاوير

                  لأن بيضوج مخو بسرعة, وما بيأجل الولاد سنتين زمان لأن بدو صبي يحمل إسمو, بلكي اتزكرو الله قبل ما حدا ينتع إسمو ,

                  وهكـــــــــــــــــــــــــــذا ....



                  السؤال يا صديقي : عطيتك مسدس هلئ , طخلك كم شخص وعادة وما إلى ذلك من الإشيا يلي بتشوف إنك حاقد عيها

                  وخبرني بعد ما تخلص ومسدسك متل مسدس البطل الأميركي , نبعة يعني

                  اللي ذكرتي ياسمينو هوي حالة بتصير بالمجتمع ... نتيجة الانحلال قبل الزواج

                  فاذا صلحنا هالحالة و صلحنا هالزلمة ... الزلمة بيرجع طبيعي

                  الإسلام مقوم للفرد و المجتمع ... والله يصلح أحوالنا

                  تعليق


                  • #39
                    Chris ... أسئلتنا و أسئلة الأعضاء ما انتهت ... ممكن كل فترة و فترة نوجهلك سؤال

                    وسؤالي ل اليوم :

                    * شو الاسم الكافيه اللي شبهت علاقاتك فيها و الناس اللي فيها بالمنتدى ؟ ووين موجودة ؟

                    * بدي اكتب بعض التحليل عن شخصيتك وانو شو لازمها للتحسين بعد هالأسئلة ، بس بطريقتي و بفكري و بنظرتي .. بتوافق ؟

                    * هل مستعد لقبول و تطبيق الحلول او بعض الطلبات اللي حاقترحها للتحسين او حتكتفي فقط بسماع رأيي ووجهة نظري ؟

                    * ما رأيك بأسئلة Rainbow بصراحة ؟

                    تعليق


                    • #40
                      المشاركة الأصلية بواسطة Rainbow مشاهدة المشاركة
                      Chris ... أسئلتنا و أسئلة الأعضاء ما انتهت ... ممكن كل فترة و فترة نوجهلك سؤال

                      وسؤالي ل اليوم :

                      * شو الاسم الكافيه اللي شبهت علاقاتك فيها و الناس اللي فيها بالمنتدى ؟ ووين موجودة ؟

                      * بدي اكتب بعض التحليل عن شخصيتك وانو شو لازمها للتحسين بعد هالأسئلة ، بس بطريقتي و بفكري و بنظرتي .. بتوافق ؟

                      * هل مستعد لقبول و تطبيق الحلول او بعض الطلبات اللي حاقترحها للتحسين او حتكتفي فقط بسماع رأيي ووجهة نظري ؟

                      * ما رأيك بأسئلة Rainbow بصراحة ؟
                      اهلا وسهلا بـ رينبو

                      الكافيه ماضل منها شي ويمكن سكرت اسمها لاتيه بساحة عرنوس

                      كتبي يلي بدك ياه بس على اي اساس قررتي انو بدي تحسين ؟؟؟ انا كتير منيح هيك مع حالي .. على كل حال كتبي مالي خسران شي

                      كل عمري ما اخدت وجهة نظر حدى حول اي شي بدون ما جرب .. اي نعم انا بحب احرء ايدي بالنار لحتى اتاكد انو النار بتحرء واعرف شو الدرجة تبعها ومالي كتير صحبة مع مبدأ قالوا لنا
                      انا من جماعة المنطق اولا وبعدين بتجي العاطفة

                      اسئلة رينبو اسئلة حدى حباب ولطيف وعندو غيرة على معتقداته وبيحب يحركش وينكوش ويكتشف وعندو امل بانو يصلح شي

                      تعليق


                      • #41
                        ميدو : كأن حذفت المقاطع الي ضد الثورة بس
                        اللهم أعطنا الصبر وطول البال

                        بعتزر ع مقاطعة الحوار مرة تانية ~
                        http://www.syriaroze.com/showthread....573#post106573

                        تعليق


                        • #42
                          دونت وري مان ... كتبت تعقيب عالموضوع

                          تعليق


                          • #43
                            تحليلي لشخصيتك Chris

                            انت إنسان عملاني كتير ومتل ما ذكرت العاطفة عندك و حتى الموضوع الروحاني نسبتهم بحياتك ضئيلة وغير مهمة

                            يعني بالنسبة الي هيك شخصية ممكن تكون جافة بكتير مواقف بسبب ضآلة و صغر الجانب العاطفي و الروحاني لديها

                            انت و باعترافك شخص غير اجتماعي او حالياً أصدقاءك كتييير قلال

                            المطلوب :

                            1- زيادة حجم الجانب العاطفي بعدة أمور : الخطبة و الزواج

                            2- زيادة حجم الجانب الروحاني و الاجتماعي ب : بالتدين ( ارتياد المسجد - صلاة الجماعة ) ( صحبة صالحة )

                            * فهل أنت مستعد على قبول هذه الحلول و البدء بتطبيقها ، و طبعاً نحنا معك على الخط ؟

                            --------

                            تعليق


                            • #44
                              المشاركة الأصلية بواسطة Rainbow مشاهدة المشاركة
                              Chris ... أسئلتنا و أسئلة الأعضاء ما انتهت ... ممكن كل فترة و فترة نوجهلك سؤال
                              بنعتزر منك هي المواضيع إلها عمر محدد و ما بصير تبقى مستمرة للأبد
                              يعني افتراضيا بتبقى اسبوع مو أكتر !!
                              بعدا الموضوع رح يتسكر لهيك اسئلي كل شي ممكن يخطر عبالك بهالفترة طالما كريس موافق

                              تعليق


                              • #45

                                تعليق

                                يعمل...
                                X