إعـــــــلان

تقليص
لا يوجد إعلان حتى الآن.

حوار مع Chris الشخصية الجديدة في المنتدى

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حوار مع Chris الشخصية الجديدة في المنتدى

    بسم الله الرحمن الرحيم

    منذ فترة سجل في منتدانا عضو مميز بردوده و كتاباته و ايضاً يستوقفنا كثيراً من كتاباته و شخصيته و تطرح لدينا أسئلة

    هذا الموضوع خصص للإجابة عنها ،،، فهل تفتح لنا قلبك سيد Chris و تجيبنا عنها ؟

    بانتظار جوابك و

    أهلاً بك معنا أخاً جديداً في أسرتنا الصغيرة

    image.jpg

  • #2
    ابل كلشي مباركة الطلعة من الحبس الافتراضي
    وتاني شي اهلين وسهلين برينبو الحمصية
    اي ليش لاء وشو عليه
    بجاوب شوفي ورايي

    تعليق


    • #3
      شكراً لرحابة صدركم و طبعاً الموضوع مفتوح لجميع الأعضاء ل طرح أسئلتهم على السيد Chris

      نبدأ ب بسم الله :

      تعليق


      • #4
        بصراحة بدي حط كل الأسئلة اللي خطرت ببالي ،، اكيد حتقول عني فضولية بس بحب كون عفطرتي و بشخصيتي

        اول شي ،، هل اسم Chris مشتق من Christ والذي يعني ( المسيح بالانكليزية ) يعني هل أنت مسيحي ؟

        وما سبب اختيارك لهذا الاسم ؟

        تعليق


        • #5
          *هل الصورة الموجودة على ملفكم هي صورتكم الشخصية ام صورة شخص آخر و ما سبب اختياركم لها بالذات ؟

          * لقد ذكرت بأحد مشاركاتكم بأنك بلغت ال ٣٨ ولم تتزوج بعد ... ما سبب عزوفكم عن الزواج بالرغم من ان عمر ٣٨ يعتبر عمراً ناضجاً اغلب من هم في مجتمعاتنا متزوجون لديهم أطفال في هذا السن ؟

          بس طبعاً وضعك ما متل البنت ... ايمت ما حبيت تفكر ترتبط البنات كتار
          و كنصيحة قوي قلبك و توكل على الله ... و اختار إنسانة بتتلاءم معك و اذا بحثت حتلائي و شكل الحياة عندك حينقلب رأساً على عقب

          لأن الزواج فطرة سليمة متل الاكل و الشرب و غيرو ... و بصراحة في حديث شريف مرة قريتو بكتاب و خفت منو وهوي " شراركم عزابكم " و " شرار موتاكم عزابكم " هيك بتذكر المعنى تبعو ... ف ليه الشب حتى يحرم حالو و يعيش حياة متل كل الشباب

          و بعتذر اذا تجرأت و حكيت بالخصوصيات بس هيك اجا ببالي و ما بحب حدا يعيش حزين لان الحياة متل ما قلت ما بتستاهل و فيها اشيا كتير لنجربا و نعيشا

          تعليق


          • #6
            المشاركة الأصلية بواسطة Rainbow مشاهدة المشاركة
            بصراحة بدي حط كل الأسئلة اللي خطرت ببالي ،، اكيد حتقول عني فضولية بس بحب كون عفطرتي و بشخصيتي

            اول شي ،، هل اسم Chris مشتق من Christ والذي يعني ( المسيح بالانكليزية ) يعني هل أنت مسيحي ؟

            وما سبب اختيارك لهذا الاسم ؟
            حطي كل الاسئلة ولا يهمك اسالي شو مابدك

            الاسم مشتق من اسم Christopher وهو اسم قديس بحب ئصته بالحياة كتير بصرف النظر عن الديانة
            لا مو مسيحي انا .. حكاية موضوعي الديني معئدة
            اخترت الاسم لاني بحبو ولانو اسم مخرج بحبه ومتأثر فيه

            تعليق


            • #7
              المشاركة الأصلية بواسطة Rainbow مشاهدة المشاركة
              *هل الصورة الموجودة على ملفكم هي صورتكم الشخصية ام صورة شخص آخر و ما سبب اختياركم لها بالذات ؟

              * لقد ذكرت بأحد مشاركاتكم بأنك بلغت ال ٣٨ ولم تتزوج بعد ... ما سبب عزوفكم عن الزواج بالرغم من ان عمر ٣٨ يعتبر عمراً ناضجاً اغلب من هم في مجتمعاتنا متزوجون لديهم أطفال في هذا السن ؟

              بس طبعاً وضعك ما متل البنت ... ايمت ما حبيت تفكر ترتبط البنات كتار
              و كنصيحة قوي قلبك و توكل على الله ... و اختار إنسانة بتتلاءم معك و اذا بحثت حتلائي و شكل الحياة عندك حينقلب رأساً على عقب

              لأن الزواج فطرة سليمة متل الاكل و الشرب و غيرو ... و بصراحة في حديث شريف مرة قريتو بكتاب و خفت منو وهوي " شراركم عزابكم " و " شرار موتاكم عزابكم " هيك بتذكر المعنى تبعو ... ف ليه الشب حتى يحرم حالو و يعيش حياة متل كل الشباب

              و بعتذر اذا تجرأت و حكيت بالخصوصيات بس هيك اجا ببالي و ما بحب حدا يعيش حزين لان الحياة متل ما قلت ما بتستاهل و فيها اشيا كتير لنجربا و نعيشا
              الصورة لممثل اسمو Henry Cavill واخترت الصورة لانو فيها شي عجبني

              سبب عزوفي عن الزواج ظروفي يلي عشتها وطفولتي ... وتانيا مابحب اظلم حدى معي وخصوصي بنت .. انا مابعرف حب ومابعرف حسس البنت انها مهمة بحياتي حتى لو كان هاد شعوري
              وبالنهاية كتير بحب شعوري اني لحالي ومالي مرتبط بشي

              لا ولايهمك خدي راحتك وسالي ماعندي مشكلة جاوب عن شي

              تعليق


              • #8
                المشاركة الأصلية بواسطة Chris مشاهدة المشاركة
                حطي كل الاسئلة ولا يهمك اسالي شو مابدك

                الاسم مشتق من اسم Christopher وهو اسم قديس بحب ئصته بالحياة كتير بصرف النظر عن الديانة
                لا مو مسيحي انا .. حكاية موضوعي الديني معئدة
                اخترت الاسم لاني بحبو ولانو اسم مخرج بحبه ومتأثر فيه
                ممكن نعرف اسم القديس ؟ و اسم المخرج الكاملين ؟

                وليه موضوعك الديني معئد ؟ ... افتح قلبك ... اعتبرنا اخوتك و حابين نفضفض لبعض ... يعني مسلم شيعي .. درزي .. رغم اني لا احب هذه المسميات و من قبح هذه الأزمة انها جلبت لنا هذه التسميات لكن هل هو كذلك ام انت ملحد و من هذا القبيل ؟

                و اعذرني عصراحتي بس حابي كون صورة عنك و هالصورة ما لازم تكون مبهمة بل واضحة و الكل لازم يشوفها لان ممكن نعدل فيها و تصير أحلى

                تعليق


                • #9
                  المشاركة الأصلية بواسطة Chris مشاهدة المشاركة
                  الصورة لممثل اسمو Henry Cavill واخترت الصورة لانو فيها شي عجبني

                  سبب عزوفي عن الزواج ظروفي يلي عشتها وطفولتي ... وتانيا مابحب اظلم حدى معي وخصوصي بنت .. انا مابعرف حب ومابعرف حسس البنت انها مهمة بحياتي حتى لو كان هاد شعوري
                  وبالنهاية كتير بحب شعوري اني لحالي ومالي مرتبط بشي

                  لا ولايهمك خدي راحتك وسالي ماعندي مشكلة جاوب عن شي
                  ظروفك بتخيل ( اب و ام منفصلين ) و صار عندك عقدة من الزواج ،، صح ؟

                  اما شغلة ما تعرف تحسس بنت انها ما مهمة بحياتك فهي الشغلة بتجي لحالا ... بس انتي و لح قلك الصراحة يمكن مقصر اتجاه الله و شعور مستحوذ عليك انو مافيك و ما بدك تظلم ووو هاد بعتبرو من الشيطان لان الشيطان بدو يانا نكون حزانى بدو يانا نكون تعساء بس فشر بنص عينو انو نستسلم

                  اهم شي لازم تطلع من هالحالة بعدة امور بنتاقش فيها لاحقاً اذا الله راد

                  * انت فنان ؟ او ممثل خريج فنون مسرحية او دارس إخراج و تمثيل ؟ الك علاقة بفن التلفاز او السينما ؟ او الفن التشيكلي ؟

                  * بتنحرج او بتنزعج اذا بسألك ما هو عملك ؟

                  تعليق


                  • #10
                    المشاركة الأصلية بواسطة Rainbow مشاهدة المشاركة
                    ممكن نعرف اسم القديس ؟ و اسم المخرج الكاملين ؟

                    وليه موضوعك الديني معئد ؟ ... افتح قلبك ... اعتبرنا اخوتك و حابين نفضفض لبعض ... يعني مسلم شيعي .. درزي .. رغم اني لا احب هذه المسميات و من قبح هذه الأزمة انها جلبت لنا هذه التسميات لكن هل هو كذلك ام انت ملحد و من هذا القبيل ؟

                    و اعذرني عصراحتي بس حابي كون صورة عنك و هالصورة ما لازم تكون مبهمة بل واضحة و الكل لازم يشوفها لان ممكن نعدل فيها و تصير أحلى
                    القديس اسمه Saint Christopher والمخرج اسمو Christopher Nolan

                    موضوعي الديني معئد لان غالبا بالمجتمع العربي الولد بياخد تقاليد وتعاليم دينه من ابوه وامه وانا ماكان عندي حدى يعلمني ويئلي وكنت ما افهم شو هية مادة التربية الدينية بالمدرسة , اهلي كانو مسلمين بس انا ماكنت شي
                    دورت وحاولت اني اتاقلم وانسجم بس ما وصلت للاجوبة يلي بدي ياها ومالي مقتنع بكتير سلوكيات وتصرفات ... لهيك من فترة مو طويلة كتير صرت من اتباع مذهب فكري فلسفي يدعى (لا ادري) مالي ملحد وبنفس الوئت مالي مؤمن
                    عم دور عالاجابات (بطريئتي) مو بطريئة حدى تاني

                    تعليق


                    • #11
                      المشاركة الأصلية بواسطة Rainbow مشاهدة المشاركة
                      ظروفك بتخيل ( اب و ام منفصلين ) و صار عندك عقدة من الزواج ،، صح ؟

                      اما شغلة ما تعرف تحسس بنت انها ما مهمة بحياتك فهي الشغلة بتجي لحالا ... بس انتي و لح قلك الصراحة يمكن مقصر اتجاه الله و شعور مستحوذ عليك انو مافيك و ما بدك تظلم ووو هاد بعتبرو من الشيطان لان الشيطان بدو يانا نكون حزانى بدو يانا نكون تعساء بس فشر بنص عينو انو نستسلم

                      اهم شي لازم تطلع من هالحالة بعدة امور بنتاقش فيها لاحقاً اذا الله راد

                      * انت فنان ؟ او ممثل خريج فنون مسرحية او دارس إخراج و تمثيل ؟ الك علاقة بفن التلفاز او السينما ؟ او الفن التشيكلي ؟

                      * بتنحرج او بتنزعج اذا بسألك ما هو عملك ؟
                      ظروفي اب وام توفوا بحادث سيارة وانا كان عمري سنة , وماحدى رباني من اهلي وحطوني بملجئ ايتام وكان الوصي عليي عمي , وعمي تركني وماعاد سال عليي ولا دفع مصاريفي بالميتم لحتى حطوني بالقسم العام مو القسم الخاص
                      وكبرت وعمي سرئني بكلشي ووئت صار عمري 14 سنة الميتم تسكر لانو ماعاد في تبرعات وماعاد في ميزانية وتركت المدرسة وانا بالاعدادي وصرت دور على شغل لحتى عيش واصرف على حالي ولائي مكان نام فيه

                      انا مالي شخص حزين ... انا شخص واقعي وبعرف تماما شو يلي مريت فيه وعندي خوف من انو يرجع ابني يعيشو ومافي حدى يضمنلي هالشي انو مايتكرر ... كل الناس يلي كنت اسالهن في شي بيضمن انو مايتكرر كلو كان يسكت
                      موضوع الله موضوع طويل نحكي فيه بصراحة

                      لاء مو فنان بس مهتم بالفن واخد اكبر جزء من حياتي مهتم لدرجة الهوس واهتمامي اكاديمي مو بس مشجع عادي , بتابع الامور بتفاصيلا وبعرف كيف بتنشغل وبيطلع بايدي اشتغل بس انا بامن بالاختصاص وهدول الاشياء مو اختصاصي

                      لا مابنحرج من موضوع عملي , انا مهندس عمارة

                      تعليق


                      • #12
                        المشاركة الأصلية بواسطة Chris مشاهدة المشاركة
                        القديس اسمه Saint Christopher والمخرج اسمو Christopher Nolan

                        موضوعي الديني معئد لان غالبا بالمجتمع العربي الولد بياخد تقاليد وتعاليم دينه من ابوه وامه وانا ماكان عندي حدى يعلمني ويئلي وكنت ما افهم شو هية مادة التربية الدينية بالمدرسة , اهلي كانو مسلمين بس انا ماكنت شي
                        دورت وحاولت اني اتاقلم وانسجم بس ما وصلت للاجوبة يلي بدي ياها ومالي مقتنع بكتير سلوكيات وتصرفات ... لهيك من فترة مو طويلة كتير صرت من اتباع مذهب فكري فلسفي يدعى (لا ادري) مالي ملحد وبنفس الوئت مالي مؤمن
                        عم دور عالاجابات (بطريئتي) مو بطريئة حدى تاني
                        كريس اذا عندك اي استفسارا و أسئلة مستعدة جاوبك بعلمي و معرفتي بالدين الإسلامي و يمكن انت ما صرلك تجتمع مع حدا طيب يحببك بالدين او يمكن متعقد من شخصية دينية ما كانت تعجبك سلوكياتها ... لكن الدين هوي أساس أخلاقنا ... و حتى نابليون بقول ( المجتمع بلا دين مثل السفينة بلا بوصلة )

                        اما المذهب اللي عم تحكي عليه بس ما يكون ( ماسونية )

                        *هل تعيش وحدك في المنزل ام ضمن أسرة ؟

                        تعليق


                        • #13
                          المشاركة الأصلية بواسطة Rainbow مشاهدة المشاركة
                          كريس اذا عندك اي استفسارا و أسئلة مستعدة جاوبك بعلمي و معرفتي بالدين الإسلامي و يمكن انت ما صرلك تجتمع مع حدا طيب يحببك بالدين او يمكن متعقد من شخصية دينية ما كانت تعجبك سلوكياتها ... لكن الدين هوي أساس أخلاقنا ... و حتى نابليون بقول ( المجتمع بلا دين مثل السفينة بلا بوصلة )

                          اما المذهب اللي عم تحكي عليه بس ما يكون ( ماسونية )

                          *هل تعيش وحدك في المنزل ام ضمن أسرة ؟
                          لا مالو علاقة بالماسونية ابدا , الماسونية اساسا مالها مذهب لا فكري ولا علمي ولا سياسي حتى .. الماسونية ابعد واكبر واغرب

                          لاء من عمري سنة ماعندي عيلة ... شكلك ما اريتي الرد يلي ئبل هاد ماهيك؟

                          تعليق


                          • #14
                            المشاركة الأصلية بواسطة Chris مشاهدة المشاركة
                            ظروفي اب وام توفوا بحادث سيارة وانا كان عمري سنة , وماحدى رباني من اهلي وحطوني بملجئ ايتام وكان الوصي عليي عمي , وعمي تركني وماعاد سال عليي ولا دفع مصاريفي بالميتم لحتى حطوني بالقسم العام مو القسم الخاص
                            وكبرت وعمي سرئني بكلشي ووئت صار عمري 14 سنة الميتم تسكر لانو ماعاد في تبرعات وماعاد في ميزانية وتركت المدرسة وانا بالاعدادي وصرت دور على شغل لحتى عيش واصرف على حالي ولائي مكان نام فيه

                            انا مالي شخص حزين ... انا شخص واقعي وبعرف تماما شو يلي مريت فيه وعندي خوف من انو يرجع ابني يعيشو ومافي حدى يضمنلي هالشي انو مايتكرر ... كل الناس يلي كنت اسالهن في شي بيضمن انو مايتكرر كلو كان يسكت
                            موضوع الله موضوع طويل نحكي فيه بصراحة

                            لاء مو فنان بس مهتم بالفن واخد اكبر جزء من حياتي مهتم لدرجة الهوس واهتمامي اكاديمي مو بس مشجع عادي , بتابع الامور بتفاصيلا وبعرف كيف بتنشغل وبيطلع بايدي اشتغل بس انا بامن بالاختصاص وهدول الاشياء مو اختصاصي

                            لا مابنحرج من موضوع عملي , انا مهندس عمارة

                            توقعت ... و آسفة اذا فتحت جروحاتك ... كريس النبي عليه الصلاة والسلام عاش يتيم

                            و شي عظيم كتير اللي انتي فيه ، انك من عمر ال ١٤ سنة ما كان الك معيل و اعتمدت على نفسك و انت هلأ بحسب كلامك مهندس معماري ... نحنا تعودنا اللي ممكن تكون ظروفه متل ظروفك انو احتمال ينحرف و يكون شي تاني ... لكن انت متعلم و هاد شي عظيم و هبة من الله كبيرة كتير ... كريس في ناس الها اب و ام وعايشين بأسرة و تركو المدرسة ب ١٤ سنة تناحة و كبر راس و صياعة و ضياعة و ما وصلو لربع اللي انت وصلتلو

                            اما بالنسبة انو انت بتخاف قصتك تتكرر مع اولادك فتأكد انو الله موجود و هو حسبك ... اذا الناس حتفكر نفس تفكيرك كانت البشرية انفنت و انتهت و ما استمرت

                            و لح قلك فكرة : سبق و زرت الميتم و سبحان الله ما انشرحت فيه نهائياً ،، من فترة بتخبرنا آنسة الدين انو الميتم فكرتو مانا إسلامية و انو الولد لازم يتربى بأسرة او ضمن الأسرة ... يعني وقت واحد يكفل يتيم تطبيقاً لقول النبي عليه الصلاة و السلام : " انا و كافل اليتيم ك هاتان في الجنة " و اشار لاصبيعيه المقصود يتكفل فيه و بمصاريفه لكن هوي يكون عايش مع عمه مع خاله ، خالته ، أقاربه ... الخ المهم فكرة الميتم مانا إسلامية لا هي ولا دار العجزة

                            وشخصياً ضدهم تماماً ... فالشي اللي صار معك لأن مجتمعنا بعيد عن الدين وما يطبق منو شي و بقصتك فيه كتير هفوات و زلاات و أغلاط بالمسؤولية سببها البعد عن الدين

                            بعدين كريس الولد بيولد و بتجي رزقتو معو و اذا انت اخترت محيط صالح ل عيلتك فبإذن الله رب العالمين حيدعمك و يكون معك و مالح يترك ولادك

                            قصتك هي قصة مجتمع ترك الدين ومشي أصحابه حسب أهواءهم .. و هالمجتمع اجا وقت يتصلح

                            وانت جزء من هالاصلاح

                            و عذراً عالإطالة

                            تعليق


                            • #15
                              المشاركة الأصلية بواسطة Chris مشاهدة المشاركة
                              لا مالو علاقة بالماسونية ابدا , الماسونية اساسا مالها مذهب لا فكري ولا علمي ولا سياسي حتى .. الماسونية ابعد واكبر واغرب

                              لاء من عمري سنة ماعندي عيلة ... شكلك ما اريتي الرد يلي ئبل هاد ماهيك؟
                              لا ما قريت لان شكلو الصفحات بعد فترة بتتجدد ... يعني انت وحدك هلأ ساكن بالبيت مافي حدا معك ولا حدا بيزورك ؟

                              تعليق

                              يعمل...
                              X