إعـــــــلان

تقليص
لا يوجد إعلان حتى الآن.

ممارسات الأم العربية في المقاعد الأمامية !

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ممارسات الأم العربية في المقاعد الأمامية !

    اليوم وأنا وائفة ع البلكون عم إتأمل هالعباد الرايحة والجاية بشوف مشهد مبتذل وممل وغبي


    واحد طلع بسيارتو وطلعت جنبو زوجتو وبإيدا الطفل خاصتها ...






    عزيزتي الأم : لإيمتى رح يضل واحد من اعتباراتك إنو مولودك شيء من ممتلكاتك ؟!



    عزيزتي يا ميمة: هاد الطفل يلي جبتي حياتو مو تحت تصرفك وعاداتك المفروضة عليه


    هاد الطفل أمانة عندك لبين ما يكبر ويصير هو يحب حالو ويخاف على حالو


    و يصير مدرك شو يعني خطر على حياتو .فأعدي إنت ويا بالمقعد الخلفي لبين ما يحصل هالشي


    وما رح أطلب منك إنك تأعديه بالمقعد الخلفي لحالو لأنو في حزام أمان أصلاً لهيك حكايا لأني بعرف مسبقاً


    إنو عاطفتك بتحتم عليكي تضلي متعمشئة بخوانيئ طفلك حتى لو أعد معك إدام مع احتمال خطر أكبر على حياتو.






    ع جنب : قلت الطفل أمانة واكتفيت . بينما الطفل مشروع بالنسبة إلي ...


    نتيجة : مو لأنك أم بتمرء خبصاتك . بالعكس تماااااااااااااااااااااااااااماً.



    ستني : جاييتك بخبصات تانية .




















  • #2
    طالب ابتدائي سال الاستاذ شو فائدة السيارة , جاوبو الاستاذ العالم بيروحو وبيجو فيها
    ئلو الطالب ويلي راحو فيها وما رجعو ..!!

    تعليق


    • #3
      لأنو اختراع السيارة اجى جديد ع العرب
      بس ما وصلهن معو اختراع كرسي الاطفال للسيارة
      استغلوه كتير ههههه
      بس يعني هاد مو مثال على ممارسات شاملة
      إنتي زكرتي مثال الغلط فيه ع الأم و الأب
      بينما عنوان موضوعك شامل أكتر ههههه

      تعليق


      • #4
        المشاركة الأصلية بواسطة Chris مشاهدة المشاركة
        طالب ابتدائي سال الاستاذ شو فائدة السيارة , جاوبو الاستاذ العالم بيروحو وبيجو فيها
        ئلو الطالب ويلي راحو فيها وما رجعو ..!!

        إي هاد الطالب زكي كتير أكيد أمو ثرثارة بناء ع المقالة يلي نزلتا سوما


        chris

        تعليق


        • #5
          المشاركة الأصلية بواسطة SoOoMa مشاهدة المشاركة
          لأنو اختراع السيارة اجى جديد ع العرب
          بس ما وصلهن معو اختراع كرسي الاطفال للسيارة
          استغلوه كتير ههههه
          بس يعني هاد مو مثال على ممارسات شاملة
          إنتي زكرتي مثال الغلط فيه ع الأم و الأب
          بينما عنوان موضوعك شامل أكتر ههههه



          يعني عم يئلدو الغرب متل البرء بكل شي وبهي لهلئ ما عرفو يغارو ؟؟؟

          ثم الأب برا الدء لأني ولو حكيتي عليي رجعية بهي, بعتبر الأم هي الحكاية كلها بخصوص الطفل .

          وبخصوص الشمولية أنا زكرت إني رح نزل خبصات تانية أي أنه ما خلص الموضوع يا أمورة

          وطبعاً يلي عندو متل هالملاحظات يا ريت يغنينا لو كل فترة والتانية


          سمسوووووووم

          تعليق


          • #6
            صباح الخير
            هلئ يعني مو مشكله كبيره انو اذا خلتو عا حضنها
            يعني اذا ئعدت وراااا اكيد جوزها رح يزعل ويئول بتهتمي بالولد اكتر مني ومي بعيده يفكر يتجوز عليهااا ههههه مو هو رجل شرقي



            لزلك برأي خليها تئعدواا عا حضنها وتتوكل على الله ولما لاسمح الله بدو يصير شي بتروح هي وياه احسن ماتروح لحالاها وتتركوا وحدوو يتعذب يلا ام
            مجرد وجه نظر وشكرااا عا الموضوع متابعين معك ياسمينووو




            تعليق


            • #7
              المشاركة الأصلية بواسطة ♪♪زهرة اللوتس♪♪ مشاهدة المشاركة
              صباح الخير
              هلئ يعني مو مشكله كبيره انو اذا خلتو عا حضنها
              يعني اذا ئعدت وراااا اكيد جوزها رح يزعل ويئول بتهتمي بالولد اكتر مني ومي بعيده يفكر يتجوز عليهااا ههههه مو هو رجل شرقي



              لزلك برأي خليها تئعدواا عا حضنها وتتوكل على الله ولما لاسمح الله بدو يصير شي بتروح هي وياه احسن ماتروح لحالاها وتتركوا وحدوو يتعذب يلا ام
              مجرد وجه نظر وشكرااا عا الموضوع متابعين معك ياسمينووو
              أهلا لوتس


              بدنا نتزاعل أنا وياكي . يعني يكون الطفل عرضة لللخطر معليش بس ينطعج مزاج الزلمة ما بيجوز ؟!!!! كيف بتزبط. ثم مين الأب يلي منئلو سلامة إبنك ولا عوج مخك بيختار التانية ؟ وازا اختارو زعلو مكسب سدئيني .

              أما بخصوص تتوكل ع الله فأنا رح رد بالكلام يلي ورد بمشاركة chris تاني مشاركة بهالموضوع ، إنو أكيد الناس يلي راحوأ وما رجعوا حدا واحد ع الأقل اتكل ع الله .


              طبعاً رأيك لوتس أهلا وسهلا
              التعديل الأخير تم بواسطة ; 07-01-2013, 07:33 PM.

              تعليق


              • #8
                3

                2

                1


                أكشن



                بنتبه على أمهات كتير بيكونو بجلسة نسائية وعم يعئّو أهوة وياكلو نئرشات وما في أحلى من هيك

                وكل وحدة عندا إتساع تام بعيونا وإرتفاع مناسب بحواجبا مما يساعد على تلقي المعلومة أسرع وأوضح

                وهاد لما بتكون وحدة من الجالسات عم تحكي بشي تماما مالو طعمة . وبيكون إبنا لهالأم صرلو ساعة عم يئول

                ماما .. ماما .. يا ماما .. بالآخر بيصير عصبي وطبعاً طبيعي وبيصرخ مااااااااااااااااااااماااااااااااااااااااا


                فبتستيقظ الخانوم من حالة الذهول يلي كانت فيها وبتصرخ في هداك الصوت. إنو ما بعرف شو إسمو هاد الصراحة



                خلاصة : إنتباهك لطفلك بيمنعو يتعلم الكذب . لأنو واحد من أهم الأسباب لجلب الانتباه بالنسبة للطفل .

                تعليق


                • #9
                  الأم مدرسة إذا اعددتها أعددت شعباً طيب الاعراق
                  فالأم هي المؤسسة التربوية اللي بيفتح الطفل عيونو فيها وبشب فيها لوئت ما يلتحئ بمؤسسة المنزل اللي كمان بتكون فيها الأم هي السلطة الأكبر
                  طبعا الأساليب والممارسات الخاطئة للام ومنها اللي زكرتيهم رح تودي لازمات نفسية او صحية او تربوية غلط

                  تعليق


                  • #10
                    المشاركة الأصلية بواسطة r-mido مشاهدة المشاركة
                    الأم مدرسة إذا اعددتها أعددت شعباً طيب الاعراق
                    فالأم هي المؤسسة التربوية اللي بيفتح الطفل عيونو فيها وبشب فيها لوئت ما يلتحئ بمؤسسة المنزل اللي كمان بتكون فيها الأم هي السلطة الأكبر
                    طبعا الأساليب والممارسات الخاطئة للام ومنها اللي زكرتيهم رح تودي لازمات نفسية او صحية او تربوية غلط


                    إنّ تربية الطفل .. تبدأ قبل ولادته بعشرين عاما ؟؟؟ وذلك بتربية أمه . - سيمور


                    تعليق


                    • #11
                      هاي سوبر مام




                      صرعك الولد ولازء فيكي ؟ ومو عرفانة كيف تخلصي منو لأن دايئة خلائك ؟

                      بسيطة ... روح ماما تفرج ع التلفزيون .. بتأعدي أو بتأعديها إدام الشاشة يلي أد الحيط .. وبتريحي جمالك .


                      بس فكرتي شي مرة تعدي تشوفي ولادك شو عم يتابعو ؟



                      شو هاد يلي عم يشاركك مشروعك الصغير الكبير ؟

                      عم يساهم ببناء مشروعك أو العكس ؟



                      رفض هالطفل منك معلمومة لأنك ما بتعرفي تعرضيها إلا بالأبيض والأسود .. وشركائك بمشروعك بيئدموها بالألوان فبيئبلها؟

                      فكرتي تعرفي مين عم يئدم مسلسلات الأطفال؟ وشو توجهو؟ شو عم يوجعو ؟


                      ألف تساؤل بمخي الصغير بس تعبت!!!

                      وئرفت كمان


                      مبدئياً منئبل نعرف إزا عم تفكري من أساسو

                      تعليق


                      • #12
                        هالشي كتير بيقهرني
                        بالذات بيقهرني ,, يا أما بلحشو ابنهن ع التلفزيون يا أما ع الكومبيوتر و بصير مدمن ألعاب يا أما بشترولو أحدث موبايل وبضل ملتهي فيه
                        كتير بتخانق مع أمي لأني كل ما شوف أخي الصغير حاطط ع أفلام كرتونة بتنمي الغباء بقلبلو المحطة و هو بصير يبكي و أمي بتخانقني بحجة عم أخنقو للصبي
                        بئى هالقصة مالها حل والله

                        تعليق


                        • #13
                          المشاركة الأصلية بواسطة SoOoMa مشاهدة المشاركة
                          هالشي كتير بيقهرني
                          بالذات بيقهرني ,, يا أما بلحشو ابنهن ع التلفزيون يا أما ع الكومبيوتر و بصير مدمن ألعاب يا أما بشترولو أحدث موبايل وبضل ملتهي فيه
                          كتير بتخانق مع أمي لأني كل ما شوف أخي الصغير حاطط ع أفلام كرتونة بتنمي الغباء بقلبلو المحطة و هو بصير يبكي و أمي بتخانقني بحجة عم أخنقو للصبي
                          بئى هالقصة مالها حل والله

                          ما بيكفي تنئهري ..

                          وبخصوص بتغيري المحطة ويبكي . هاد بيشبه الأبيض والأسود يلي بتخيلن أنا . وبيمارسوهن هنن

                          تعليق


                          • #14
                            لأ أنا بسبب التلفزيون لحالو صرت مسببة النكد الأساسي بالبيت
                            الفكرة كمان أنو أوقات بقعد معو بشوف شو عم يتابع بلاقي الحلقة الوحدة من مسلسلات الغباء صار شايفها خمس مرات و مع هيك لسه بدو يشوفها
                            و لأني بتنرفز لما بشوف هيك و بعمل مشاكل صرلي اسبوع ما فتت ع صالون القعدة وما بطلع من غرفتي
                            بقى أنو حئيئة هاد أخي مو أبني

                            تعليق


                            • #15
                              المشاركة الأصلية بواسطة SoOoMa مشاهدة المشاركة
                              لأ أنا بسبب التلفزيون لحالو صرت مسببة النكد الأساسي بالبيت
                              الفكرة كمان أنو أوقات بقعد معو بشوف شو عم يتابع بلاقي الحلقة الوحدة من مسلسلات الغباء صار شايفها خمس مرات و مع هيك لسه بدو يشوفها
                              و لأني بتنرفز لما بشوف هيك و بعمل مشاكل صرلي اسبوع ما فتت ع صالون القعدة وما بطلع من غرفتي
                              بقى أنو حئيئة هاد أخي مو أبني

                              حتى لو مو إبنك . الطفل مسؤولية أي حدا وعيان للخطأ.

                              تانياً إنت بتشوفي يلي عم يتابعو أكتر من مرة برنامج غبي مع إنو إزا بترجعي بتشوفي البرامج يلي كنت تشوفيها وإنت صغيرة بتئولي معئول كنت غبية وكانو يضحكو عليي هيك.

                              هو عم يشوف شي ويثيرو ويتابع كونو خبراتو قليلة وبالنهاية هاد المعروض مناسب لسنو مو لسنك إنت ِ .وبالوئت يلي كان بيسلي أهلك فيلم مصري كان بيسلكي فيلم كرتوني.

                              بس بدك تسألي حالك ليش عم يحضر أكتر من مرة . مممكن السبب إنو هاد البرنامج حصراً أسلوب هاد الطفل بالتعلم وهاد النوع من البرامج هو طريئتو لهالطفل متل لما بتشوفي أطفال بيشدن التعلم والاكتساب بطرق تانية بالنسبة إلهن
                              مريحة أكتر وبتشبهن أكتر.

                              تعليق

                              يعمل...
                              X