๑۩۞۩๑ الــ.ـحــ.ـب الاول نـ,قـ,ـاش مـ,ف,ـتـ,وح๑۩۞۩๑

[gaya]

يمكن الشغله بترجع كمان لطبيعه الواحد وقدرتو على النسيان
منورة سوما

وين طايرة لوتس؟؟؟ ههههه

النسيان مو قدرة من أصل الئطعة . يعني ما بتجي هيك مع الواحد . هي مهارة بيكتسبا الشخص بعد تدريب مضني.

[♪♪زهرة اللوتس♪♪]

شفتي؟ هاد يعني إنو طلعنا بنتيجة جديدة >>> في ناس ما بيصرلا فرصة تحب أبداً لا تحت ال30 ولا فوء

وهدول الناس تحديداً يلي إزا عاشو بهالطريئة وكملو حياتن بهالطريئة ..أول ما بيشوفو الدنيي بتكون النهاية عويصة يا صديقتي.




لو كنا ببلد متقدم كنت حكيت إنو يلي ما عم يحب أكيد عم يعمل إختراع للعالم
يعني لما الإسكندر فتح العالم كان صار عمرو 30 / س . فما بظن كان فاضي هههههههه

بخصوص حالة مرضية فما فيكي تحكمي ع الأمور بهالطريئة بدك تتطلعي ع الموضوع بدقة أكتر
عم نحكي ع شخص عندو حياة بكاملها ممكن سبب صغير يمنع حدوث إشيا كبيرة بحياتو.


هامش: حدا وحيد يلي بيضل مسدء إنو حدا ما بيحب ومستحيل يحب هو الأخ المتعصب ... مستحيل تيتخيل حتى إنو إختو بدا تراهق ع الأقل ههههههه

يعني رجعنا لنفس النئطه انو يلي بيتزوج زواج تقليدي ممكن مايحب كل عمرووو هي نئطه كتير مهمه وحكي عليه علامات

[gaya]

يعني رجعنا لنفس النئطه انو يلي بيتزوج زواج تقليدي ممكن مايحب كل عمرووو هي نئطه كتير مهمه وحكي عليه علامات

وحتى يلي بيتزوجو عن حب .. بالآخر بتصير العلاقة بينن روتينية ومملة . بس الفرء بين الحالتين إنو يلي بيتزوجو عن حب بيكونو ناس أسوياء أكتر

عندن ثقة ببعض أكتر ..عندن روح الشراكة.. أما بالزواج التقليدي بيكون واحد يلي سايئ الحياة والتاني تابع لا أكثر.

[ياسمينة الشام]

ليش في كتير مو شرط يعني في منهن بيكونو ملتهين بالدراسه او شي تاني وموفاضيين

أي شو عم يدرس علم الذره حتى يوصل لهالسن بلا حب
بعدين كتير ناس بحبو وبيدرسو سوا
يعني الدراسة مو عائق

[السندريللا]

بسم خالق الحب والنوى ..!
لكلّ منا نظرته وقناعاته لتقييم الحب ،
وبما انه لم يتسنّى لي قراءة كل الردود ، ربما يتطابق رأيي مع رأيٍ سبقني ،
فليس كلّ شعورٍ نشعره يعتبر حبّاً ، ليست كل نبضة اوخفقة قلب هي حباً وعشقاً ...
علينا اولاً التمييز بين الحب والإعجاب . بين العشق والاحلام .
فالمشاعر الطفولية ببراءتها لا تُعتبر حبًاً في حياة الانسان ، او اعجاب الطالبة لأستاذها ،
فالكثيرات يقعن في هذا الخطأ يعتبرنه حبّاً وليس كذلك .
الحب هو ذاك الشعور الذي يُبكينا و يُفرحنا، يحيينا و يميتنا ،
يحملنا بخفقاته الى سماءٍ ثامنة ويهبط بنا الى الاراضين ان خّذلنا .
وعندما يخفق القلب خفقته الاولى ... وينبض نبضه الاول
يتلذّذ بكل احساسٍ يعيشه ...[ برأيي الشخصي] سيكون من الصعب هجر هذا الإحساس
حتى لو لم يثمر فإنه لا يموت ...فيبقى هذا القلب يفتش عن احساسٍ شبيه لإحساسه الاول
يبحث عن سعادته الاولى ذكرياته التي لا زال صاحبها مسجوناً خلف قضبانها .
انه الحب الاول ..وما يأتي بعده يكون نسخة غير متطابق كلياً
بلّذة ٍ مختلفة اقلّ نكهة وطعماً .
الحب الاول هو الذي يشقّ طريق القلب ويعبّده
فلذلك اثره يدوم ابداً .

دمتم لمن تحبّون ابداً

[r_mido]

وحتى يلي بيتزوجو عن حب .. بالآخر بتصير العلاقة بينن روتينية ومملة .

بروايات العشق والغرام في جملة دائما بتتكرر بكل الروايات في النهاية :

" وانتهى حبهما بالزواج "

انا من جهتي باهد المعنى الأسود منها

[gaya]

" و

انتهى

حبهما بالزواج "

شي مئايتي .. بدا أهوة مرة الشغلة

[تَـرَفْ ~]

الحب الأول صعب ينسى لأنه بضل أول حب حرك جوانا مشاعر تجاه إنسان
بس مو شرط إذا انتكرناه يعني يكون أحسن حب ..

[Randah]

ﻓﻲ ﻣُﻌﺠﻢ الحب لا ﺷﺊ ﻳﻌاﺩﻝ اﻟﺤﺒﻴﺐ ﺍﻷﻭﻝ '
ﻷﻧﻪ اﻟﻔﺮﺣﺔ ﺍﻷﻭﻟﻰ ،
ﻭالدهشة اﻷﻭﻟﻰ ،
ﻭﺇﻏﻤاءﺓ اﻟﻘﻠﺐ ﺍﻷﻭﻟﻰ ،
ﻭﻏﺎﻟﺒﺎ " ﻣــﺎ ﺗﻜـــﻮﻥ ﺍﻟﺨﻴﺒـــﺔ ﺍﻷﻭﻟــﻰ !!