/// سهرة رمضان الأولى ~ الــزبــــــال

[r_mido]

انت فتحت الموضوع بالوقت يلي بيناسبك وبيتعارض مع توقيتي
ما رح اقدر شارككم المناقشة وجاوبك ع سؤالك

لا نسرين مش موضوع بناسبني
بس عادة منعمل السهرات بعد الافطار مباشرة
يعني انتو اللي توئيتكم مدري كيف ههههههه لعمش كيف عايشين انتو ما بعرف خخخخ

[r_mido]

و الدولة عبارة عن مجموعة أفراد
لازم يتكاتفو لمصلحة المجتمع وبقية الأفراد
هلأ المنتدى هون .. بتتخيل بيمشي بلا ادارة ؟؟ تتابع وتأشرف و تحزف الغلط و تقييم الصح ؟

لما يكون الاعضاء بدرجة وعي كبيرة بظن الادارة دورها بينحصر بالادارة فقط
انتي موجودة معنا وبتعرفي انو نحنا مامنتدخل الا في حال انو عضو اخطأ

[r_mido]

ليش بدي نظف الطريق اذا كانت مش شغلتي ؟؟
بعدين انا كمواطنة عم قوم بكامل واجباتي تجاه الدولة عم ادفع ضريبة سنوية للبلدية لهالغاية هيدي

تطوع مثلاً
عنا بحلب كل فترة صايرة موضة بيعملو تطوع من الشباب والبنات وبينزلو بينضفو كل الشوارع

[ياسمينة الشام]

لما يكون الاعضاء بدرجة وعي كبيرة بظن الادارة دورها بينحصر بالادارة فقط
انتي موجودة معنا وبتعرفي انو نحنا مامنتدخل الا في حال انو عضو اخطأ

اي عنا حتى هالشي ما بينعمل
يعني لما زبال ما يكون اخد شغلو على ئد الاهمية ما بتلاقي حدا سائل
و هالشي بخلي الزباليين يطنشو ويصيرو مهملين كمان

[السندريللا]

تطوع مثلاً
عنا بحلب كل فترة صايرة موضة بيعملو تطوع من الشباب والبنات وبينزلو بينضفو كل الشوارع

تطوع انا ابدا ما بمانع طبعا بشارك
ولمعلوماتك انا من يلي بيرددوا شعار (( النظافة من الإيمان )) ...وبعمل فيه

[r_mido]

اي عنا حتى هالشي ما بينعمل
يعني لما زبال ما يكون اخد شغلو على ئد الاهمية ما بتلاقي حدا سائل
و هالشي بخلي الزباليين يطنشو ويصيرو مهملين كمان

لكم دينكم ولي ديني
مش ئلتلك مشان وضعك الثورجي مارح احكي كتير لانو مارح نصل لنتيجة

[ياسمينة الشام]

لكم دينكم ولي ديني
مش ئلتلك مشان وضعك الثورجي مارح احكي كتير لانو مارح نصل لنتيجة

ما عم افهم شو دخل هي بهي !!
لا تحطي أفكاري بمواضيع تانية قدامك بهيك موضوع
كل شي لحالو .. نحنا هون عم نناقش الزبالة و الزباليين
و لا ئلك صحيح حتى بالموضوع التانية كلو زبالة و زباليين هههههههه

[r_mido]

تطوع انا ابدا ما بمانع طبعا بشارك
ولمعلوماتك انا من يلي بيرددوا شعار (( النظافة من الإيمان )) ...وبعمل فيه

معناها جيبي المكنسة وتعي لعنا ع الحارة هههههه

[Randah]

اول باشتان هي سهرة رمضانية يعني مش بس موضوع , هي حتى نندردش فيها ونتناقش كل يوم بموضوع ..
تاني باشتان شغلة الزبال ما بتئل عن شغلتك بشي , هو موظف وانتي موظفة ... وراتبو اكبر من رابتك كمان اذا بدك بتفرء بينكم انو تحصيلك العلمي اكبر وهو كادح اكتر
فشغلو فيو اكتر من شغلك


بالنسبة لتفكيري بالله صرلك كم سنة بتعرفيني يعني ما كنتي تفهمي هالراس شو فيو وكيف بفكر ههههههههه

امرك معلم سهرتك هالعين و الراس ,, وما انت قلت عم ندردش سوا ,, فاكيد ما رح نئلبها زعل و نكد
اوكي انا معك متلي متلو للزبال و لسا هوة الو تعويضات و انا مديري بكرا ما رح يتعرف علي و بالنائص منو
كمان الزبال شو فرقوا عنا كلنا هوة الو عيلة و عندو حقوق بالدني متلنا ,, ليش بننفر من مهنتو او بالاحرى بنخجل منها يمكن لانو عنا المظاهر غلابة و التفخفخ و المباهاة عند اغلب الناس
ما فيني احكي اكتر
بس ئصة ما عرفتك كيف بتفكر ,,, لاه يا ابو الميد ما عرفتك ,, مين لكان بدو يعرفك !!! على راسي حارتك مدير

[r_mido]

ما عم افهم شو دخل هي بهي !!
لا تحطي أفكاري بمواضيع تانية قدامك بهيك موضوع
كل شي لحالو .. نحنا هون عم نناقش الزبالة و الزباليين
و لا ئلك صحيح حتى بالموضوع التانية كلو زبالة و زباليين هههههههه

لانو شعبنا تعود ع الاتكالية ورمي الاخطاء ع الغير
الزبال مش لابس منيح الحئ ع الدولة .. مع العلم لبسو ملكو ..
الدولار طلع الحئ ع الدولة .. مع العلم انو الشعب هو اللي عم يرفعو ..
البندورة غالية الحئ ع الدولة .. مع العلم انو الخضرجي هو والتاجر اللي متحكمين بسعرا ..

يعني ئبل ما ائول الحئ على دولة وحكم كامل , كمواطن ببلش بالصغيرة , بئول الحئ علي او عليكي او ع الزبال او ع البياع
بحاسب الصغير لحتى ما يضل حجة للكبير لما بدي اجي احاسبو

[r_mido]

امرك معلم سهرتك هالعين و الراس ,, وما انت قلت عم ندردش سوا ,, فاكيد ما رح نئلبها زعل و نكد
اوكي انا معك متلي متلو للزبال و لسا هوة الو تعويضات و انا مديري بكرا ما رح يتعرف علي و بالنائص منو
كمان الزبال شو فرقوا عنا كلنا هوة الو عيلة و عندو حقوق بالدني متلنا ,, ليش بننفر من مهنتو او بالاحرى بنخجل منها يمكن لانو عنا المظاهر غلابة و التفخفخ و المباهاة عند اغلب الناس
ما فيني احكي اكتر
بس ئصة ما عرفتك كيف بتفكر ,,, لاه يا ابو الميد ما عرفتك ,, مين لكان بدو يعرفك !!! على راسي حارتك مدير

ايواااا هيك انتي عيني , معناها لا تتكبري الله اكبر
ومنورة حجة

[ياسمينة الشام]

لانو شعبنا تعود ع الاتكالية ورمي الاخطاء ع الغير
الزبال مش لابس منيح الحئ ع الدولة .. مع العلم لبسو ملكو ..
الدولار طلع الحئ ع الدولة .. مع العلم انو الشعب هو اللي عم يرفعو ..
البندورة غالية الحئ ع الدولة .. مع العلم انو الخضرجي هو والتاجر اللي متحكمين بسعرا ..

يعني ئبل ما ائول الحئ على دولة وحكم كامل , كمواطن ببلش بالصغيرة , بئول الحئ علي او عليكي او ع الزبال او ع البياع
بحاسب الصغير لحتى ما يضل حجة للكبير لما بدي اجي احاسبو

غريب قبل يومين كنا عم نتناقش وكان كلامك غير هيك
بس دخلك مين بدو يحاسب الصغير ؟ مو الكبير ؟ طيب و بعدا مين بدو يحاسب الكبير ؟

[r_mido]

غريب قبل يومين كنا عم نتناقش وكان كلامك غير هيك
بس دخلك مين بدو يحاسب الصغير ؟ مو الكبير ؟ طيب و بعدا مين بدو يحاسب الكبير ؟

نحنا مجتمع متكامل مافي غنى فيو عن اي عضو كلو الو دور واهمية
ليش انتي متخيلة الئصة عصابة ورئيس عصابة وحاكم ومحكوم
انا ئصدت بكلامي ... انو ياعمي انتي حاسبي نفسك ع تئصيرك بالدراسة ودرسي اكتر ونجحي وتفوقي وبعدين هجمي ع المدرسة
يعني طلعي ع السلم بشكل طبيعي من تحت لفوء
الدولة مش ملائكة .. مليانة اخطاء
بس كمان بنفس الوئت الزبال مش ملاك
لما بكون نضيف مرتب مهتم بشغلو مخلص كدع ساعتا مافي داعي يجي مديرو يحاسبو لانو مارح يشوف غلط فيو يحاسبو عليه
وكزالك الامر لما بكون المدير كويس ومتابع لعملو مارح يجي الاكبر يحاسبو

[ياسمينة الشام]

نحنا مجتمع متكامل مافي غنى فيو عن اي عضو كلو الو دور واهمية
ليش انتي متخيلة الئصة عصابة ورئيس عصابة وحاكم ومحكوم
انا ئصدت بكلامي ... انو ياعمي انتي حاسبي نفسك ع تئصيرك بالدراسة ودرسي اكتر ونجحي وتفوقي وبعدين هجمي ع المدرسة
يعني طلعي ع السلم بشكل طبيعي من تحت لفوء
الدولة مش ملائكة .. مليانة اخطاء
بس كمان بنفس الوئت الزبال مش ملاك
لما بكون نضيف مرتب مهتم بشغلو مخلص كدع ساعتا مافي داعي يجي مديرو يحاسبو لانو مارح يشوف غلط فيو يحاسبو عليه
وكزالك الامر لما بكون المدير كويس ومتابع لعملو مارح يجي الاكبر يحاسبو

انتا عم تحكي من مبدأ كل واحد عليه من نفسو
بس هالشي ما بينجح لأن نحنا هلأ بالحضيض وصلنا
و الحكي يلي عم تحكيه بينعمل بوضع سليم ومتكامل
باليابان بعد حكاية هيروشيما سألو الحاكم كيف قدرت تحسن الوضع
قلهن عطيت المعلم متل راتب الوزير لحتى يعرف اديه اهمية وظيفتو وانو هية الاساس
شفت كيف من التحفيز بلشت القصة و اعطاء كل وظيفة اهميتها
هلأ بس لحتى نحسن وضع الزبال من الرقابة عليه بداية و متابعة اتقان عملو
بعدها بقلك كل واحد يهتم بشغلتو من حالو
بس نحنا هلأ تحت الصفر مستوانا بالوطن العربي .. بس نصير فوق شوي منبقى منحكي
لأنو أصلاً ما رح نرتفع لحتى يصير عنا مستوى فكر كبير بين الناس منتشر و أخلاق عالية ..

[r_mido]

انتا عم تحكي من مبدأ كل واحد عليه من نفسو
بس هالشي ما بينجح لأن نحنا هلأ بالحضيض وصلنا
و الحكي يلي عم تحكيه بينعمل بوضع سليم ومتكامل
باليابان بعد حكاية هيروشيما سألو الحاكم كيف قدرت تحسن الوضع
قلهن عطيت المعلم متل راتب الوزير لحتى يعرف اديه اهمية وظيفتو وانو هية الاساس
شفت كيف من التحفيز بلشت القصة و اعطاء كل وظيفة اهميتها
هلأ بس لحتى نحسن وضع الزبال من الرقابة عليه بداية و متابعة اتقان عملو
بعدها بقلك كل واحد يهتم بشغلتو من حالو
بس نحنا هلأ تحت الصفر مستوانا بالوطن العربي .. بس نصير فوق شوي منبقى منحكي
لأنو أصلاً ما رح نرتفع لحتى يصير عنا مستوى فكر كبير بين الناس منتشر و أخلاق عالية ..

في متل بئول ( الكلب اللي بدك تجرو للصيد لا منو ولا من صيدو )