تويت
ايها السادة العقلاء .... هنا كلام رجل مجنون رفع عنه القلم وامتلك ورقة من مجتمعه بعدم مسؤوليته عن تصرفاته وافعاله امام الجميع
في كلام اخر
ازا ماكنت من العالم يلي الها خلئ تئرا موضوع طويل وبدك تحس انو الحكي (بلاطعمة) فورا استعمل زر (Backspace) من الكيبورد مشان ترجع للصفحة يلي ابل هي
البشر بتدور على الصفات الايجابية تنحكى بحئها (مثقف, فهمان, واعي, متوازن, مرح, لطيف, مؤثر, عئله اكبر من عمره)....الى اخر هي الانواع من الروايات الاجتماعية
ايه سيدي انا بئا هاد الموضوع فتحته وكتبت فيه وبدي اسكن فيه لحالي
مصح امراض عقلية .... ويحتوي على مريض واحد
كوني مائدرت انسجم مع عالم البشر العقلاء الجميل الممتاز المميز العظيم الراقي المحترم المحترف المبدع
اجيت لهون وجبت معي كل رفئاتي الخياليين والوهميين وغراضي وشغلاتي وادويتي .... وبدي اسكن بهي المصحة العقلية الجميلة يلي مافيها لا دكاترة ولا ممرضين ولا مراقبين ولاحتى فيها صيدلية
جاية اسكن هون لحتى ارتاح وحيطان المصحة العقلية تبعي (بللور) يعني بكل بساطة اي حدى فينو يتفرج من برا ويلي بدو يفوت يسال عن شي او يعلق على شي اهلا وسهلا
بس حطو ببالكن انكن ما عم تتعاملو مع شخص طبيعي ... انتو عم تحكو مع شخص مجنون
عالم البشر المثالي والمدينة الفاضلة ما ناسبوني اجيت ساويت مكان بدائي اعد فيه واسكن فيه مع حالي (وحالي) وحالي وحالي
بدي انفصم اكتر من عشر مرات ماحدى دخلو فيني ...... ايه بعرف
مقص الرقيب خلوه بعيد عني لانو ماحشكل اي تهديد على لا عالسلم ولا الحرب لا الدولي ولا الاهلي
هون حاكتب شغلات ما انكتب متلها باي مكان عالانترنت .... لا بمواقع عربية ولا اجنبية .... ولا بمدونات محترفين ولا ناس اكادميين ولا عاديين
هون حاكتب حوارات بين شخصيات (افلام) و (روايات) ماكانو مع بعض بس انا بدي حطهن مع بعض ويحكو حوار مع بعض انا يلي بدي اكتبه والفه وصيغه واحكيه واتخيله وطبعا بالاخير يا بيعجبني يا مابيعجبني
مشان يلي بدو يفهم من المجنون اكتر .... مثلا بجيب شخصية من رواية لميلان كونديرا وبحطا مع شخصية من شخصيات فيلم اكشن اميريكي هابط من الدرجة التنينوتلاتين ... وبخلي بينهن حوار على مزاجي
وطبعا الاستفسارات متاحة للسادة العقلاء بالموضوع
اوقات دوام وزيارة مصح الامراض العقلية مفتوحة ومتاحة للجميع
الرجاء عدم جلب الاطعمة وعدم اصطحاب الاطفال وادخال الدراجات
مسموح بادخال جميع الحيوانات
حافظوا على نظافة بلدكم ... مع تحيا(ت) هيئة الطاقة لمجمع اللغة العربية
في كلام اخر
ازا ماكنت من العالم يلي الها خلئ تئرا موضوع طويل وبدك تحس انو الحكي (بلاطعمة) فورا استعمل زر (Backspace) من الكيبورد مشان ترجع للصفحة يلي ابل هي
البشر بتدور على الصفات الايجابية تنحكى بحئها (مثقف, فهمان, واعي, متوازن, مرح, لطيف, مؤثر, عئله اكبر من عمره)....الى اخر هي الانواع من الروايات الاجتماعية
ايه سيدي انا بئا هاد الموضوع فتحته وكتبت فيه وبدي اسكن فيه لحالي
مصح امراض عقلية .... ويحتوي على مريض واحد
كوني مائدرت انسجم مع عالم البشر العقلاء الجميل الممتاز المميز العظيم الراقي المحترم المحترف المبدع
اجيت لهون وجبت معي كل رفئاتي الخياليين والوهميين وغراضي وشغلاتي وادويتي .... وبدي اسكن بهي المصحة العقلية الجميلة يلي مافيها لا دكاترة ولا ممرضين ولا مراقبين ولاحتى فيها صيدلية
جاية اسكن هون لحتى ارتاح وحيطان المصحة العقلية تبعي (بللور) يعني بكل بساطة اي حدى فينو يتفرج من برا ويلي بدو يفوت يسال عن شي او يعلق على شي اهلا وسهلا
بس حطو ببالكن انكن ما عم تتعاملو مع شخص طبيعي ... انتو عم تحكو مع شخص مجنون
عالم البشر المثالي والمدينة الفاضلة ما ناسبوني اجيت ساويت مكان بدائي اعد فيه واسكن فيه مع حالي (وحالي) وحالي وحالي
بدي انفصم اكتر من عشر مرات ماحدى دخلو فيني ...... ايه بعرف
مقص الرقيب خلوه بعيد عني لانو ماحشكل اي تهديد على لا عالسلم ولا الحرب لا الدولي ولا الاهلي
هون حاكتب شغلات ما انكتب متلها باي مكان عالانترنت .... لا بمواقع عربية ولا اجنبية .... ولا بمدونات محترفين ولا ناس اكادميين ولا عاديين
هون حاكتب حوارات بين شخصيات (افلام) و (روايات) ماكانو مع بعض بس انا بدي حطهن مع بعض ويحكو حوار مع بعض انا يلي بدي اكتبه والفه وصيغه واحكيه واتخيله وطبعا بالاخير يا بيعجبني يا مابيعجبني
مشان يلي بدو يفهم من المجنون اكتر .... مثلا بجيب شخصية من رواية لميلان كونديرا وبحطا مع شخصية من شخصيات فيلم اكشن اميريكي هابط من الدرجة التنينوتلاتين ... وبخلي بينهن حوار على مزاجي
وطبعا الاستفسارات متاحة للسادة العقلاء بالموضوع
اوقات دوام وزيارة مصح الامراض العقلية مفتوحة ومتاحة للجميع
الرجاء عدم جلب الاطعمة وعدم اصطحاب الاطفال وادخال الدراجات
مسموح بادخال جميع الحيوانات
حافظوا على نظافة بلدكم ... مع تحيا(ت) هيئة الطاقة لمجمع اللغة العربية
تعليق