إعـــــــلان

تقليص
لا يوجد إعلان حتى الآن.

•.★*... إذاعـةُ رَمـضـآنْ الـروزِيـّة ~ السندريللا ...*★.•

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    مع ريمي بندلي العالم كلو بيصرخ :
    اعطونا الطفولةةةةةةة






    تعليق


    • #17

      وقفة اعلانية وبرجعلكم





      تعليق


      • #18
        ..|×| زاوية صحية ... معلومة ما بتهمّك |×| ..

        بـــِ زاويتنا الصحيّة لليوم جايبتلكم معلومة الكل بيعرفها
        بس ما بيهتمّلها
        :


        ||
        مخَاطِر القهَوة؟



        غالبية الناس متعودة على
        تناول القهوة أكثر من مرة بـــِ اليوم،

        والدراسات الطبية ، أثبتت انو :
        [ تناول القهوة بكميات كبيرة بتعرّض الإنسان لمخاطر الإصابة بأمراض القلب والكبد ،
        خاصة إذا شرب خمس فناجين من القهوة يومياً ،
        فهالشي بيزيد من معدل الكوليسترول بــِ الدم والإنزيم بـــِ الكبد،
        كما أن بودرة البن المترسبة بركوة القهوة تحتوي على مادتين الهم تأثير ضار للغاية،
        وبينتجوا
        من تفاعل الماء السخنة مع هالترسّبات من القهوة ،
        لذلك لا بد من وضع مرشح لإعاقة معدل الكوليسترول ]
        نصيحة نردينية :لتعيشوا حياة اطول وتناموا بدون قلق
        ابتعدوا عن شرب كميات كبيرة من القهوة...يعني فنجانين باليوم الواحد بيكفّوا..!


        تعليق


        • #19



          بونسوار
          منطئة ضغط جوّي منخفض عم تسيطر عالحوض الشرقي للبحر الابيض المتوسط
          وكتل هوائية باردة بدون عجئة عم تأدي لشوية امطار وغيوم
          بس منطئة ضغط جوي مرتفع بتوصل ئريباً وبتدفش منطئة الضغط الجوي المنخفض
          وبتعمل طئس كفوري ئصدي صافي وبترتفع درجة الحرارة ...
          هيدا كل شي لليلة ، وموعدنا بيتجدد معكن بكرا
          انطرونا ..!

          تحت الهوا : [ باكية عم تندب حظا ]

          يا الله ما بئا فيني ..خلص ما بئا ئدرانة اتحمل صرلي سنتين ع نفس الحالة ،
          كل شي عم ئولو
          كتل هوائية باردة وكتل هوائية سخنة
          منطئة ضغط جوي مرتفع ومنطئة ضغط جوي منخفض
          طلع ضغطي يا عمي شي مية مرة ونزل من كتر التكرار
          وخصوصي اني معئدة من طولي ،
          من انا وصغيرة كانوا رفئاتي بالمدرسة معلئين عليي
          بسؤالاتن : كاتيا كيف الطئس عندك ؟
          وما حدا بيسدء انو هالجملة رح ترافئني كل حياتي
          لا هيدا كلو كوم ووئت بدي ئول درجات الحرارة بالمدن والضيع الغريبة ..!
          منشان هيك عم فكر بالفنانين ..انو يعني اديه ماشي حالن ، وكل الئصة بدا شكل حلو وصوت مئبول وجسم ليّن
          وهيدول ما نائصيني

          وما بخبي عليكن عم فكر كتير بجديّة يعني هيفا ومروى بشو احسن مني ؟


          ائول اهواك بتتكاثر ..........ائول اعاصير بتنسّيني
          بيتك اوعى تغادر .................وعالتلفزيون لاقيني
          يوم تشويب ويوم برود ....ويوم طلعات ويوم ئعود
          ويلك ويل ت ما تنهار ............حضرني نهار عالأخبار..!




          تعليق


          • #20
            وهيك منكون وصلنا لنهاية برامجنا لهالليلة
            كلي امل انو تكونوا استمتعتوا بفقرات الإذاعة النردينية

            وبتمنالكم صيام مقبول وعيد مبارك يا رب ينعاد عليكم بظروف احسن بكتير كتير
            من الظروف الحالية وبتحقيق الاماني .









            تعليق


            • #21
              رائعه بكل الفقرات وبكل المشاركات وبكل المحطات حتى الفواصل الترفيهيه لا تخلو من جمال ورونق خاص
              احترت شو بدي اقتبس بصراحه لانو كلوو حلو
              بس رح حاول

              المشاركة الأصلية بواسطة السندريللا مشاهدة المشاركة
              الفن بين الأمس واليوم :



              بتعرفوا يا جماعة انو نحنا العرب شعوب خلّاقة ، شو بدنا بالحكي ما بدها كتير تفكير
              ما في شي الاّ واخترعناه او ما كان النا ايد فيه . من بداية التاريخ لليوم ابتداءً من الحرف
              وصولاً للانترنت والمايكروسوفت الخ ،كلن نحنا اخترعناهن .
              ولكن الشي يلي بيئهر اليوم انو ما بئا في اختراع الو ئيمة ، الشعر والزجل والأدب ،
              الكلمة الحلوة ما بئا تعنينا بمختلف المجالات وخاصةً بالأغاني انو يا عيني ع كلمات الاغاني اليوم ،
              هلئ نحنا يلي نشرنا الحرف من آلآف السنين اما اليوم صرنا عم ننشر عرضو للحرف .
              من بعد ما بالزمان انكتب اجمل الكلمات والألحان لعمالقة الفن متل السيدة فيروز والرحابنة ،
              العندليب الاسمر وغيرهم وغيراتهم .
              تعوا نشوف كيف صارت كلمات الاغاني اليوم ؟؟!
              بعتلي ايميل وحاكيني !!
              عندك شي ما بعرف شو بيجنني وبيطيرني .(( احساس صافي ))
              حط النئط عالحروف ويلا نطلع عالروف ..؟ (( شو علاقتها بالفن ))
              انا عندي كرش ..((واااااو ))
              طل الصبح ولك علوش (( شو هالحكي ))
              دوّر دولابك وادعسني ((قمة الرومانسية ))
              والقائمة لسة كتير طويلة ....ع فكرة يعني مش بس الكلمات يلي ما بئا
              تعنيلنا ، لك حتى اللغة ما بئا عم تهمّنا ,,, يلي عم يكون محور اهتمامنا اليوم
              هو الرئص ، يعني ايّ نغمة منرئص عليها هندية ، تركية ،صينية لك حتى افغانية منرئص عليها
              يمكن تكون النغمة مسبّة ونحنا مش فهمانينها ولا عارفين عن شو بتحكي المهم نرئص ، وبتلاقي هالنغمات مكسّرة الدنيا
              على كلٍ وصلنا لمرحلة فيها انحطاط كتير بالحياة وصار الفن تجاري اكتر منو تنمية مواهب واحساس بالكلمة الحلوة، صار مين ما كان
              يغني ،الكبير صار يغني والصغير بيغني حتى الختيارية عم يغنوا ،، والاغاني الئديمة يا حبّة عيني على الاغاني القديمة... المطربين الجدد صاروا عم يغنوها .
              نميمة : ئولتكن رح يجي شي يوم ويرجعوا الفنانين الئدما يغنوا اغاني المطربين الجدد ؟
              ايه ليش لأ .... مش بعيدة ، يعني اتصوروا نوعا عبكرا الصبح ع اعلان بيئول :
              جديد جديد (( ماجدة الرومي في البوم ديو مع علي الديك نعم اليوم في الاسواق وبنجاحٍ كبير البوم الديك الرومي .
              (( تخيلوا كلمات هالاغنية عم تتغنى ع شكل اوبرا ))
              اومثلاً نسمع فريد الاطرش عم يغني جاد شويري ... (( يا سلاااام ))
              او تخيلوا
              ةdith Piafعم تغني هيفاااا ... (( لا تعليق ))
              اكيد هالشي مش ممكن يصير بس اذا ... اذا صار ما بيكون يلي وصلنالو بس انحطاط
              انما نهاية العالم



              هون حطيتي ايدك عا الوجع اصلا لعد في طرب ولا فن ولا حتى ذوق صارت
              التجارة هي الغالبه والمحطات الهابطه عم تركض ورا الربح الرخيص وباي ثمن لهيك على الدنيا السلام

              المشاركة الأصلية بواسطة السندريللا مشاهدة المشاركة


              هل تعلمون ؟
              بتعرفوا انو الدولة الصينينة عملت تماثيل لعمال النظافة اكراماً لهم ؟!



              وانا بئول ...شو بدي ئول بس
              احسن نبئا ساكتين





              هدلون يلي بيعرفو قيمه التعب والشغل والناس
              المشاركة الأصلية بواسطة السندريللا مشاهدة المشاركة
              وهلئ رح نوافيكم بنشرة اخبار الساعة خمسة وعشرين الروزية :




              اعزائنا القرّاء رح نوافيكم بأهم وابرز الأخبار الروزية لهالساعة
              ونحط ايدنا عالجرح ونمسح الـــ EYE الايْ I من قلوبكم :

              مسا الخير

              معلومات عن انتشار كثيف لمواضيع ترفيهية في قسم خيمة رمضان بحلّة سومية ولوتسية .

              عاصفة سلمية ستضرب صدى ومدى خلال الايام القادمة والربان يهدّد بالرّد فوراً اذا ضربت على وتر قلبه .
              معنا خبر هام للنشر:


              بعد صولات وجولات بين الفطور والسحور تمكّن البعض من الحصول على وجبات بيشتهيها
              واحدهم اكل مشاوي وما عزم حدا .

              ومن جهة تانية اُفدنا من مصادر موثوقة ان الادمن بدأ مفاوضاته مع الترف للتوصل
              الى اتفاق لتعيينها مشرفة في المنتدى الجليل .

              خبر للنشر :

              الشرطة القضائية الروزية المتمثلة بكريس وغايا تحرّر ردود ضبط بحق مواضيع تجرأت
              بالغطس في وحول المجتمع دون الإلتزام بأحزمة الامان
              .

              واخيراً اصدقائي الحبّوبين
              عازمتكن بكرا على
              PARTY
              الخاطرة النائمة في قسم خواطر وخربشات للشاعر حزين مخ .
              هيدا كل شي حتى الساعة وتتسحروا على ضو .





              هههههههههه اخبار بتجنن واختصرتي كل اخبارنا الله يسلم دياتك رائعه
              المشاركة الأصلية بواسطة السندريللا مشاهدة المشاركة

              للبراءة بإذاعتنا النردينية زاوية وركن هام

              ومن على هالمنبر الحر، حبّيت ساعد على نشر مطلب كل اطفال العالم
              وبتركلكم التعليق ..!


              يا طغاة العالم
              استعمرتم الاوطان ودمرتم العمران
              اتركوا لنا الطفولة ...وبقايا السعادة البريئة .




              علّمتونا كيف نحلم بحريّة الأوطان
              فاتركونا نعلّمكم كيف تتحقق الاحلام
              ..َ!





              موجعه ومؤلمه جداااا وتضرب على الوتر الحساس ربي يحسن الاحوال مشان ها الاطفال
              المشاركة الأصلية بواسطة السندريللا مشاهدة المشاركة
              وهيك منكون وصلنا لنهاية برامجنا لهالليلة
              كلي امل انو تكونوا استمتعتوا بفقرات الإذاعة النردينية

              وبتمنالكم صيام مقبول وعيد مبارك يا رب ينعاد عليكم بظروف احسن بكتير كتير
              من الظروف الحالية وبتحقيق الاماني .








              مو بس استمتعنا والله حسيت حالي مع اروع واحلى وانقى مذيعه في الشرق والغرب وبكل القنوات
              الله يعطيكي العافيه ومايحرمنا منك يا غاليه




              تعليق


              • #22
                نسرين انتي لما بتكتبي ع الماشي بيطلع معك البدع
                فما بالك تكتبي مع سبق الإصرار والترصد
                استمتعت بكل رد وكل حرف وكل صورة وتابعت من كل ئلبي
                أكتر شي حبيتو :
                1- لوغو اللإزاعة ..
                2- فلاش البداية + فلاش النهاية ..



                اكيد هالشي مش ممكن يصير بس اذا ... اذا صار ما بيكون يلي وصلنالو بس انحطاط
                الأغاني اللي زكرتيها هي مش فن , هي للعرض فقط وبس
                أما الفن اللي عم نشوفو هلأ انا بنبسط بكتير اشيا فيو .. ولا تنسي فيروز زات نفسا بزمانو تعرضت لانتقادات كبيرة وعبد الحليم اول ما غنى ئلعو الجمهور
                فما تستبعدي بيوم من الأيام المستقبلية تسمعي الأجيال القادمة عم تتغنى بطرب مطربينا الحاليين


                هل تعلمون ؟
                بتعرفوا انو الدولة الصينينة عملت تماثيل لعمال النظافة اكراماً لهم ؟!
                حركتي مشاعري تجاه عمل الزبالين

                ومن جهة تانية اُفدنا من مصادر موثوقة ان الادمن بدأ مفاوضاته مع الترف للتوصل
                الى اتفاق لتعيينها مشرفة في المنتدى الجليل .
                اخبارك كتير خاطئة خخخخ مافي من هالحكي

                والليلة كنت بدي استضيف الادمن ميدو ليفتح تمو ويحكيلنا عن همّو
                بس المسكين ما لحئ
                كنتي بدك تستضيفي ولا بدك تعملي مئلب فيو

                نصيحة نردينية :لتعيشوا حياة اطول وتناموا بدون قلق
                ابتعدوا عن شرب كميات كبيرة من القهوة...يعني فنجانين باليوم الواحد بيكفّوا..!

                لا تردو عليها انا بشرب سطلين باليوم وليكني مافي مني ههههههههه


                مممم حبييييييت كل شي وخاصة انو النسرين عم تكتب بالعامي , ياعمي مبدعة بشو ما كتبتي هههههه
                والصور كتير بمحلون وبعضون مؤثرات حد البكى
                وأهم شي ريم البندلي


                يسلموووو نسرين ع المتعة اللامتنهاية

                تعليق


                • #23
                  فعلا ,,, روووووووعة
                  كاملة مكملة
                  الله يقويكي


                  إن أعجبكَ بي نسبٌ...
                  فأُمي الشـــام... أعطـتني العُلا نسبا




                  sigpic

                  تعليق


                  • #24
                    المشاركة الأصلية بواسطة ♪♪زهرة اللوتس♪♪ مشاهدة المشاركة
                    رائعه بكل الفقرات وبكل المشاركات وبكل المحطات حتى الفواصل الترفيهيه لا تخلو من جمال ورونق خاص
                    احترت شو بدي اقتبس بصراحه لانو كلوو حلو
                    بس رح حاول


                    هون حطيتي ايدك عا الوجع اصلا لعد في طرب ولا فن ولا حتى ذوق صارت
                    التجارة هي الغالبه والمحطات الهابطه عم تركض ورا الربح الرخيص وباي ثمن لهيك على الدنيا السلام


                    هدلون يلي بيعرفو قيمه التعب والشغل والناس

                    هههههههههه اخبار بتجنن واختصرتي كل اخبارنا الله يسلم دياتك رائعه

                    موجعه ومؤلمه جداااا وتضرب على الوتر الحساس ربي يحسن الاحوال مشان ها الاطفال


                    مو بس استمتعنا والله حسيت حالي مع اروع واحلى وانقى مذيعه في الشرق والغرب وبكل القنوات
                    الله يعطيكي العافيه ومايحرمنا منك يا غاليه
                    مرورك ومتابعتك وتعليقك افرحوا قلبي
                    الهدف من الموضوع ايصال المتعة والفائدة لقلوبكم
                    وبشكر ربي اني قدرت ساهم برسم البسمة ع شفايفكم

                    تعليق


                    • #25
                      الواحد دائماً بخبي أحسن شي للخاتمة
                      و ختامها مسك كان معك
                      بدون اقتباسات حبيت فيها كل شي
                      إنتي مزوءة بلا حدود و فعلاً لايمل معك
                      يعطيكي ألف عافية نسرين
                      حبيت

                      تعليق


                      • #26
                        المشاركة الأصلية بواسطة r-mido مشاهدة المشاركة
                        نسرين انتي لما بتكتبي ع الماشي بيطلع معك البدع
                        فما بالك تكتبي مع سبق الإصرار والترصد
                        استمتعت بكل رد وكل حرف وكل صورة وتابعت من كل ئلبي
                        أكتر شي حبيتو :
                        1- لوغو اللإزاعة ..
                        2- فلاش البداية + فلاش النهاية ..

                        امممم يعني عم تمدح شغلك لكل يلي ما عرف خليه يعرف انو اللوغو
                        والفلاش الصوتي المخفي تصميم الجندي المجهول





                        الأغاني اللي زكرتيها هي مش فن , هي للعرض فقط وبس
                        أما الفن اللي عم نشوفو هلأ انا بنبسط بكتير اشيا فيو .. ولا تنسي فيروز زات نفسا بزمانو تعرضت لانتقادات كبيرة وعبد الحليم اول ما غنى ئلعو الجمهور
                        فما تستبعدي بيوم من الأيام المستقبلية تسمعي الأجيال القادمة عم تتغنى بطرب مطربينا الحاليين


                        لا مش مستبعدة لان الكلمة الحلوة والنغمة العذبة عم تنقرض
                        وحل مكانن الراب والروك والروب والخ .......
                        طبعا ما عم قول انو مش حلوين بس عم يسيطروا ع الساحات





                        حركتي مشاعري تجاه عمل الزبالين

                        الهدف هو ايقاظها مو بس تحريكها



                        اخبارك كتير خاطئة خخخخ مافي من هالحكي



                        كنتي بدك تستضيفي ولا بدك تعملي مئلب فيو



                        التنين سوا ..المئلب وبعدين تخبرنا عن شعورك لايف

                        لا تردو عليها انا بشرب سطلين باليوم وليكني مافي مني ههههههههه

                        يا ظالم بحئ نفسك ..بعد فترة من الزمن خبرني عن صحتك ..

                        مممم حبييييييت كل شي وخاصة انو النسرين عم تكتب بالعامي , ياعمي مبدعة بشو ما كتبتي هههههه
                        والصور كتير بمحلون وبعضون مؤثرات حد البكى
                        وأهم شي ريم البندلي


                        هيدا شوي مما عندكم ..وابداعي نئطة ببحر ابداعكم

                        يسلموووو نسرين ع المتعة اللامتنهاية


                        اهلا وسهلا فيك وشكرا كتير احمد
                        لا تنسى دورك ايها الجندي المجهول يلي رافقتني خطوة بخطوة
                        ومتل ما ئلتلك ، ايد وحدة ما بتصفق .
                        وهي تجربة جديدة لنسرين تكتب بالعامية اللبنانية
                        انشالله كون ئدرت وصلت افكاري .



                        تعليق


                        • #27
                          المشاركة الأصلية بواسطة Randah مشاهدة المشاركة
                          فعلا ,,, روووووووعة
                          كاملة مكملة
                          الله يقويكي

                          مرورك ومتابعتك بحد ذاتن الروعة
                          لا حرمني ربي منكم يا غاليين .

                          تعليق


                          • #28
                            المشاركة الأصلية بواسطة SoOoMa مشاهدة المشاركة
                            الواحد دائماً بخبي أحسن شي للخاتمة
                            و ختامها مسك كان معك
                            بدون اقتباسات حبيت فيها كل شي
                            إنتي مزوءة بلا حدود و فعلاً لايمل معك
                            يعطيكي ألف عافية نسرين
                            حبيت
                            اول شي بدي اشكرك عالدعوة اللطيفة وبالنسبة الي كانت تجربة حلوة
                            اول مرة بشارك بهيك مواضيع والحمدلله طلعت بشي مفيد
                            وقدرت اوصل لقلوبكم
                            انتي اصل الزوء حبيبتي والمسك لا بد ما يكون الو جذور
                            وهالجذور هو ابداعاتكم السابقة
                            شكرا كتير لحضورك ومتابعتك وكل عام وانتي والجميع بألف خير
                            .

                            .

                            خلصت خلصت ئصتنا وكانت ئصة حلوة كتير
                            باي باي باي باي باي باي يا حلوين .
                            غنينا وتسلينا والسنة الجايي موعدنا
                            باي باي باي باي باي باي يا حلوين .



                            تعليق


                            • #29
                              احسنتي كتير

                              تعليق


                              • #30
                                المشاركة الأصلية بواسطة أمير مشاهدة المشاركة
                                احسنتي كتير
                                شكرا كتير احمد لمرورك
                                واهلا وسهلا برجعتك
                                عوداً حميداً




                                تعليق

                                يعمل...
                                X