إعـــــــلان

تقليص
لا يوجد إعلان حتى الآن.

سهرة رمضان ( الإدعش ) ,, الزواج من مُغتصبة ..!

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    المشاركة الأصلية بواسطة السندريللا مشاهدة المشاركة
    يعطيكي الف عافية (( ترف ))

    موضوع شائك وسيف ذو حدين ..بيترك النفوس محتارة بأمرها ،
    ما رح غوص بتفاصيلو انما رح احكي باختصار وايجاز .
    كلنا معرّضين للوقوع بهالمشكلة ، ومن الصعب جدا تحديد موقف معتدل ومنصف
    من جهة الارتباط ببنت تم الاعتداء عليها والخبر منتشر بين الناس سلبياتو اكتر بكتير من ايجابياتو
    لان الزواج هو تأسيس اسرة ، والاسرة جزء من المجتمع ،
    وهالاسرة كيف رح تستمر وتنجح طالما اساسها مش متين ومنبوذ من المجتمع ؟؟
    من السهل نئول ما بتفرء معنا الناس ، ولكن صعب نعيش بدونهم لحالنا .
    ومن الجهة التانية نبذ هي البنت والابتعاد عنها ورفضها بيكون اصدار حكم بالاعدام ظلما وعدوانا .
    لذلك انا بئول باللحظة يلي هالبنت اغتُصبت ، مستقبلها ضاع وصارت من عداد الاموات .

    يعني خلص راحت !!
    معناها المغتصب لازم توصل عقوبتو للإعدام لأنو بهالطريقة قتل بنت لا بل اسوأ من أنه قتلها
    المفروض تكون في جمعيات مختصة ومراكز جاهزة لتتعامل مع هي الحالات لتساعدها
    شكراً نسرين لمرورك الراقي متلك نورتيني

    تعليق


    • #32
      المشاركة الأصلية بواسطة محمد مشاهدة المشاركة
      هيك شغلات بمجتمعنا محكوم عليها دوما بالفشل ...

      والفشل الذريع ...

      اذا عنا لهلئ الشباب عندهن فكر غبي جدا ..

      وهو انا ما بتزوج بنت بمشي معها ...

      فكيف اتزوج بنت مغتصبة ..؟؟؟

      بالنسبة لالي ...

      بدي ارتبط بهيك بنت لازم اكون متعلق فيا ...

      +

      لازم انكون حياة جديدة بعيد عن ايا جو بيزكرها بمأساتها ...

      بمعنى ...

      لازم الواحد ينتقل لبيئة جديدة ما حدا بيعرفوا فيا ...

      يسلموووو ....



      شكراً لمرورك أخي محمد بظن هي الخطوة لازم أهلها يعملوها كمان
      الأسرة تبع البنت لازم مباشرة تغيير مكان السكن
      منور وشكراً على الفكرة و على الرأي

      تعليق


      • #33
        المشاركة الأصلية بواسطة سوريا عشقي مشاهدة المشاركة
        صباح الخير
        هلق هالمغتصبة اغتصبت بإرادتها ولا غصب عنها أكيد مافي واحدة ممكن تحب انو ينقال عنها انها مغتصبة وبمجتمعنا بس يسمعوا عن واحدة انها مغتصبة يالطيف شو بصير غضب الله وبينزل عليها وعلى عيلتها من سابع جد وجايه لساها عايشة أهلها مادبحوها يبعتلها حمى هي وأهلها على الترباية
        وموعرفانيين انو اي انسان معرض للإغتصاب في شباب متفهمة وواعية انوهالبنت هلي اغتصبت كان اجباري عنها موبرضاتها ويمكن يتقدموا لأهلها ويتزوجوها ويمكن الشب هوي يلي بسكت الناس بكلاموا انو هالبنت يمكن تكون اشرف من اي بنت تانية عاملة حالها عفيفة وطاهرة وهي بتكون عاملة السبعة وذمتها ولكن بالخفاء
        هذا رايي

        حلو اللي حكيتيه أنو أي إنسان معرض للإغتصاب و ممكن تكون أخت أي شب من الشباب لا سمح الله
        أو حتى ممكن تكون بنته والله يستر على جميع البنات ويحميهن من وحوش الدنيا المتنكرين بهيئة بشر
        شكراً لرأيك سوريا عشقي

        تعليق


        • #34
          المشاركة الأصلية بواسطة gaya مشاهدة المشاركة
          نوع جديد هاد ؟ ههههههههه

          يحرء يلي بيكرهك يا سوريا عشقي بتسدئي فتحت القاموس بسببك .

          حتى لو كان أصدك انها هي يلي رايحة مشوار مع واحد فئام طلع مو حباب واغتصبها ... فمو زابطة لأن هي ما عندا نية مسبقة تغتَصَب .. هي كانت بدا تعيش شوية مشاعر حلوين
          متل ما كل العالم بيئاتلو مشان يعيشوها لهالمشاعروبيضلو ينوحو لما بيخسروها ع الفيس وبكل طريئة بيصحلن فيها يتوجعو علناً و سراً.

          وسلمتي سيدتي
          غايا أنا مو هيك فهمت على سوريا عشقي فهمت أنه قصدها أكيد ما في بنت بتغتصب بإرادتها
          شكلك فهمتي عليا غلط
          و أكيد ما في بنت هيك طبعاً

          تعليق


          • #35
            المشاركة الأصلية بواسطة gaya مشاهدة المشاركة
            محمد بغض النظر عن بعرفك أو لأ.. مستهضمتك أو لأ .. بعد استثناء كل هدول .

            بدي احكيلك إنك ازا كنت تعني ما تقول بهالرد .. فيمكن في أمل نصير نشوف حل للمشاكل بدون ما نحس إنو هيدا وضع بعيد عن حارتي لذلك مالي في

            يلي حطيتو بالأحمر أنا .. هو طريئة كويسة عتبرتا أنا ل يلي كتير حامل هم الناس.. صحيح الحكي في حلول تانية. بس ما تنسى إنو البنت لازم تتعالج في حال كان عندا اضطرابات ما ئدرت تتخلص منها.. كرمال أطفال كويسين وتربية جيدة لولادا.

            شكراً .
            أكيد و أنا حكيت عن هالنقطة ، لازم البنت تتعالج نفسياً وتعيش ببيئة جديدة لحتى تتغير نفسيتها وتحاول تتناسى الي صار لأنو مستحيل تنسى

            تعليق


            • #36
              المشاركة الأصلية بواسطة Randah مشاهدة المشاركة
              شو ذنبها انو اغتصبوها سواء طفلة أو صبية أو ست
              مجتمعنا مو ممكن يتصلح " المجتمع الشرقي " و لا بعمرو
              ما فيي رد لأنو المسألة صعبة جدا
              الله يستر و يحمي بناتنا و ولادنا جميعا
              ألف شكر ترف
              آمين يارب الله يبعد عنا هالإبتلاء
              شكراً لمرورك ولو ما عطيتيني رد رندا

              تعليق


              • #37
                المشاركة الأصلية بواسطة gaya مشاهدة المشاركة
                أنا بخبرك شو ذنبا ..

                ذنبا إنها عايشة ببلاد بتحلل الناس فيها سبي الفتيات يلي بيلبسو جينز ( يعني مو سبي حرفي .. بس صفني فيها شوي بتفهمي عليي ) ... مثال: لو رينبو شب مو بنت واختلى هالرينبو الشب بفتاة في مصعد طالع شي 14 طابئ وعلى عئلية الرينبو شو بتتخيلي بيصير؟؟

                2- هدول الناس نفسن بينسو انو حتى المستور عليها يمكن يجي واحد مربى على مبادئ الفحولة ومبررلو إنو شهوتو لا تصد ولا ترد انو يغتصب بنت أياً كان ترتيبا.
                وهو نفسو هاد يلي بيعتبر انو بيحئلو أربع سحارات بندورة ... أصدي اربع نساوين لأنو شهوتو لا ترد ولا تحتمل . ( من باب الفحولة وليس الحيوانية )

                3_ ذنبا إنها عم تتربى ع إيد نسوان بيرفعو شأن الذكر وبينزلوها ع الأرض .

                4- ذنبا انها عندا صديقة ساكنة بالئصر وازا شافتا اغتصبت رح تئلا ياي أنا ما بيخلوني أهلي حاكيكي .بس ما صدفت إنو عندا رفئات يشدو ع إيدا ويئلولا تعالجي ونحنا جنبك ولا حتى أهل هيك.
                حبيت ردك كتير ، مرة شفت شيخ حيوان على إحدى القنوات عم يقول أنه المرأة في عندها عضلتين أقوى من الذكر واللي هم عضلات الفخذين
                و فيها بهالعضلات تصد أي معتدي بحاول يسرق عفتها بس لو ما بدها ما بتسمحلو !! كانت شوفة مشمئزة بكل معنى الكلمة
                و الشيء اللي بيقهرني أكتر هم النسوان اللي بيعجبهن يقللوا من شأنهن و شأن جنسهن !!


                تعليق


                • #38
                  المشاركة الأصلية بواسطة ♪♪زهرة اللوتس♪♪ مشاهدة المشاركة
                  صباح الخير
                  على اعتبار انو الموضوع موجه للشباب
                  انا بكتفي بالمتابعه بس لو كنت شب حايكون رايي نفس راي احمد
                  نحنا بمجتمع شرقي ذكوري وماممكن بيوم وليله نغير كلشي فيووو
                  والله يعين الكل
                  أهلاً زهرة اللوتس
                  كنت حابة إسمع رأيك إنتي ، و إنتي كأنثى حسي شوي بالبنات اللي متلك الله يبعد هالشي عنا
                  صح مافيكي تغيري هالشي بيوم وليلة حاولي تغيريه شوي شوي مو نستسلم للواقع ونخليهم يعملوا يلي بدهن ياه !!
                  ممكن أي بنت منا تنحط بهيك موقف ( لا سمح الله ) !! اتخيلي كل البنات يتخلو عنها ! أكيد هالشي مو عدل وهالشي ظلم و كونك قبلتيه على غيرك فاقبليه على حالك ماعندي شي تاني ضيفه
                  غير مرة إذا كتبت موضوع نقاش رح أطلب من أحمد يرد آخر شي
                  يعني أكيد أحمد صديق غالي صار بالنسبة الي و أدمن و على راسي بس هاد ما بيعني أنه نقتبس رأيه ههههه
                  نورتيني وشرفتيني زهرة اللوتس

                  تعليق


                  • #39
                    المشاركة الأصلية بواسطة أنثى السعادة مشاهدة المشاركة
                    مجتمع قذر و ناس أقذر
                    ماحدا عم يرحم حدا
                    و أنا عتبي عالبنات الي قالو انا بتصير منبوذة اجتماعيا او ميته و عتبي ع الي بوقف مع تفكير الشباب ، لان اذا البنت فينا ما حست بالبنت فما عتبنا عالشباب ابدا، هالمجتمع نحنا عملناه فالضعف بالناس موجود ما حدا بيفرض شي ع حدا ، لما انا بعمل شي بشوف حالي صح فيه ما بظن ح يكون صعب عليي سكت الي حواليي ، ما ح قول الله يجير حدا ، لان ما بدي اعتبر البنت المغتصبه كائن او عاله اومرض غير دواء له ، متلها متلنا لا تختلف بشيء عنا لان ظروف الحياة بتخلينا محتاجين علاج نفسي متلها ، و ما بحب اساسا اتعامل مع هالموضوع ع انو مشكله عظيمة لان اللاأخلاقيات الي عم نعايشها يوميا من نصب و كذب و اكل رزق حدا و كل هالقصص شي اكبر و اعظم من الاغتصاب بس للاسف ما حدا بدير بال لهالامور بقدر ما بيهتم بالبنت و شو حواليها لحتى ياخدها من بيت اهلها خلنج و ما عليها شائبة ، ترف ما انتبهت اذا شب او بنت انت ، بس جد شكرا ع الموضوع صح بيتنكرز بدني بهالسير لان كل يلي بناقش ما حدا ح يحس باحساس هالانسانه المغتصبه لذلك اجوبة بديهيه كتير الي قريتا ، يسعد مساك اومساكي هههههه
                    ترف يعني بنوتة كتير أمورة
                    ههههه
                    أنثى السعادة الله يجعلك إسم على مسمى
                    الشي يلي كتبتيه وحطيتو بالأحمر يمثلني و بشدة و بشكرك على هالكلمة
                    و للأسف معك حق باللي قلتيه ما حدا حاسس بإحساس هالبنت انعدم الإحساس تماماً
                    أنا كمان بتنكرز من هالسيرة و بتنكرز أنه لهلأ في كتير ناس مابترحم رغم كل شي عم نمر فيه لأن والله مر على راسنا أسوأ من الإغتصاب
                    نفسي أعرف ليش الشب لما بيغتصبوه ما بنعمل فيه نفس الي بنعمل بالبنت


                    تعليق


                    • #40
                      المشاركة الأصلية بواسطة السندريللا مشاهدة المشاركة
                      الي تعليئ بسيط انو يا ريت كل واحد يقول رأيو بدون توجيه اللوم او العتب لآراء الاخرين
                      وبحب الفت انتباهكم يا كرام التمعّن في القراءة لفهم المطروح وفهم كلام بعضنا البعض .
                      تحياتي

                      بخالفك نسرين لأنه الهدف من هي المواضيع أنه كلنا نتناقش مو يكون النقاش بس معي لازم نكون بين بعض كمان
                      بس شكراً على رأيك على كل حال

                      تعليق


                      • #41
                        شكراً لكل اللي شاركوني السهر بكل الآراء نورتوا سهرتي المتواضعة شو ما كان رأيكن

                        تعليق

                        يعمل...
                        X