بحبكْ ❤ ~ بس بعيد عن اللغة و القوآعد ツ ~

[Randah]

[boogie man]

بحبك يا مجنونتي
لك دخيلن عيونك ما احلاهن
عيونك اللي بشوف حالي فيهن
كل ما ضيع بلائي حالي بعيونك
لك دخيلو الحلو بعشئك

[ياسمينة الشام]

في غربة وطن ..
و في غربة اهل ..
و في غربة من نوع تاني ..
غربة قلب !
لما منصير مغتربين بقلوب يلي منحبن ..
كانوا إلنا وطن .. وصاروا غربة ..

[Randah]

[Randah]

[حنان]

بحبك بابا بحبك ماما بحبكن اهلى وئرايـبـيني

بحبك وطني بحبكن رفئاتي بحبك دراستي

حب تاني؟؟ على ئولت ماما 'هلق لسا مو وئتو'

[r_mido]

أشواقي بكل لحظة بتعملك ريفرش
ما كانت تكن ولا تهدا
وكأنها ضربات مخلب جوا ئلبي
بكل ضربة بتعطي صدى بئول شتئتلك

[♪♪زهرة اللوتس♪♪]

بحبك وما بئدر خبي
وعيونك خلووو ئلبي
متل رماد السيجاااارة

[WASEEM.7]

ما في شي حلو بحياتي الا عيونك يا حياتي...

[syria oshqy]

حبك نغم قيثارة اسمعه في أذناي

[♪♪زهرة اللوتس♪♪]

راجعين عالبيت .. سوا
هو ساكن بالمريخ .. وهي بـ عطارد
بس كان مجبور يوصلها .. لأنو الدنيا عتمت
ولأنو .. بيخاف عليها
ويمكن كمان ..
لأنو بيموت عليها ..
مرق أول ميكرو .. كان مليان
التاني .. مو طالع
التالت .. ما قدروا ينطروه
كان الجو زمهرير .. بررررد اححححح ..
التكسي ... هداك الاختراع الأصفر
كتير غالي بهيك وقت
..
- بتروحي مشي ؟
_ بروح ركض اذا بدك

- ارحمينا يا غادة شعاع
_ بس ولى
..
مشيوا .. وكان مشوارهن كتير طويل
في قدامهن كتير حواحز
كتير شوارع
وكتير حواري
..
وهون .. بـ هي الحارة يلي مقطوعة فيها الكهربا

خافت ..!!

قربت عليه .. و شنكلتو
كانت أول مرة .. بتقرب منو لهلدرجة
أول مرة .. بيصير جاكيتو بـ ريحتها
وجاكيتا .. بـ ريحتو
رجف قلبو .. يااااااااا ويل قلبو
تلبك .. و حاول يخبي خجلو بالمزح

- شو عم تعملي وليه ؟
_ عم اتدفى

- اي لأني صوبيا مو
_ مو

- وبعدين انتي ما شنكلتي ايدي
_ لكن شو عملت ؟

- انتي حضنتي ايدي

التفتت عليه بـ نظرة .. بتكركب الجبل
وهي الروح .. وهي الدقن .. وهي العيون
تكركبت !!
ما عاد عرف شو يعمل
أضوية السيارات الي عم تمرق
ريحة الكازية الي حدن
صوت القلب الي عم يخفق
وبيتها .. يلي نسي وينو
متل اسمو .. يلي نسي وينو
قصدي يلي نسيه
..
لك حاجة وليه .. قشعر بدني
غمضي عيونك .. نامي وانتي عم تمشي
هاد بؤبؤ .. ولا عدسة ؟
أنا مين ؟
طالبك يلي بالمدرسة ؟
ايمتا بيخلص هالشارع
حاجتو هالشارع
ما عاد فيني اتحمل
..
مسكلا ايدها .. يلي حاضنة ايدو
رفعا ..
كانت صايرة بيضا كتير من البرد
حط شفايفو عليها
كانت متجمدة
عكس شفايفو المحترقين
و اجت البوسة .. مع دخان وصل للسما
احترقت الأرض .. بهاللحظة
تبخر الخجل ..
والمشوار الطويل هاد ..
كان بداية مشوار أطول
...
مشوار الحب .. العتيق
___________________
يسر دولي

[ياسمينة الشام]

الوجع ..
هو أنك تفقد شهيتك ع كل شي
حتى عالحب .. وعالحياة ..


هو أنك تشتاق لحدا
مابتقدر تقلو اشتقتلك
قديش هالكلمة بسيطة .. بس وراها جرح كبير ..


الوجع .. أنك تشوف حدا بتحبو
عم يدوب قدامك
وأنت مو قدران تعمل شي
وحتى لو عملت .. كل شي
مافي نتيجة ..


الوجع أنو يكون في حكي بقلبك ..
كتير حكي ..
حامل هموم ع قلبك وماشي
قد الجبل
ومو قدران تحكي لحدا
مو قدان غير بالليل
تحكي للمخدة .. اللي مارح تحس فيك
بس بتحس بدموعك


قمة الوجع .. وأكبر وجع ..
أنك توصل لمرحلة ..
تتعود ع كل هالشغلات
ويصير الوجع شي عادي

[Oksana]

يمكن في نغمة وحده بيني و بينك عم بتعيد

يمكن في ناس كتيره بيني و بينك ما بتفيد
يمكن في قمر او في شجر او شي جسر حديد
يمكن في سهل او في جبل او في شي وادي بعيد
يمكن في طريق جديده بيني و بينك نحنا مش شايفينا

[Oksana]

من يوم ما شافت عيونا نور الحياة
والنور يجري
يجري
يجرررررري
ونجري وراه في الظلمة
وطريق مهجور
عيزين راحة بال
بيوتنا بعيونا منفى
وعشرتنا من غير ألفة
نغني وقلوبنا تبكي
نضحك وعيونا خايفة
متجمعين واحنا سارحين
برا المكان ..

[gaya]