فشر الفول..الشعب السوري خلئة كول

[gaya]

مبارح كنا بالسيارة وماشية هالسيارة بأمانو ل الله ..

وئدامنا كان في ميكرو كمان ماشي بئدرتو ل الله ..

فجأة وئع باب الميكرو وكان ئتل طفل لو زل عليه

بس الشباب نزلو من الميكرو وركبو الباب وكملو طريق الجهاد بكل السلام يلي بالعالم




شعب كول بالفطرة ... ما حدا يئلي فوائد الفول والصدائة العتيئة معو !!

نلقاكم مع صحون فول جديدة . وعزمونا ازا بدكن

[gaya]

من يومين نزلت قزائف طائشة بريئة ضلت طريقها في حيينا الجميل ..

والناس ماتت وعاشت وركدو ونصابو وفي منن ماتوا .. وكانت ليلة من العمر


بعدا بيوم هنن نفسن يلي صار فيهن كل هاد ويلي ماتو منن كمان ..

صارو يئولو إي الحمدلللللللللللللله ... نحنا أحسن من غير مناطق

أحيي المفتي في داخلكم ...

[r_mido]

بأول حصار حلب ماضل شي يتاكل بالسوء
في خضم تعصيبتي فاتت بنت كتير كيوت وكول , سألتني :
عندكم رز !!؟

ئلتلا اي عنا رز ................. ئالتلي إي عملو محشي

بائي الحديث .. تييت تيييييييت تيت تيت تييييييييييت




انو يعني ~ ياااااي

[Chris]

ابل ربع ساعة من هلئ
اكتر من مرة باب البناية انخبط بصوت اشبه بصوت قزيفة
فتحت الباب وعم اسال شو في
علما اني بالطابئ ابل الاخير بالبناية
بيئلي واحد من تحت ... @#$@!^%$^#$^%$
نزلتلو حافي وبالشورت التلو ماحاسالك ازا عم تسبني الي لانو واضحة
اكل يلي فيه النصيب مع انو مو صغير بالمرة ... كفكفة ونطحة
ال بدو يروح يشتكي عليي
امت التلو يلي بيطلع بايدك %$^#$^%$^%$^^^#$ وفوئها كمان ازا بدك حطو بـ ٌُ^ًٌُإًٌُلإً^%^إلإإلإإ][لأ][ٍلأٌُإلإ$&#$^%$^
بهي الاثناء واحد من الجيران كان عم يفكر يطلع امت سكرتلو باب البيت ورجعت طلعت على بيتي الجميل اللطيف وانا عم فكر

ليش العالم وئت بتسب بعضا بيصيرو بيسالو بعض عم تسبني؟؟؟؟ مالك عرفان حالك مع مين عم تحكي؟؟؟؟
انا دائما بسب ومابعرف حالي مع مين عم احكي .... ايه شرشوح ونوري انا شو بدي ساوي هيك الكون قدرلي صير
شكرا يا غايا عالموضوع وعئبال مانشوفك راجعة من الحجاز يا حئ

[ياسمينة الشام]

مبارح و نحنا عم نوزع وجبات افطار
واحد اتصلنا فيه مشان يدلنا ع بيتو
دلنا ع الشارع وقلنا عند سوبر ماركت عادل انطروني
قعدنا نص ساعة نستناه وادن المغرب ونحنا في وجبات لسا ما وزعناها
وكل ما نتصل بموبايلو ترد مرتو قال نسي الموبايل ونزل لعنا وقال لابس كنزة حمرا ههههه
بالاخير رد هو قال نزل ومالقانا ورجع
بالاخير طلع قصدو سوبر ماركت اياد بس خربط بالاسم هههه
رجعنا لعندو طلع لابس كنزة سودا
يعني هو مابيعرف يقرأ ومرتو معا عمى الوان
وبعض الوجبات اتوزعت ع ادان العشا بالاخير ههههه

[gaya]

ههههههههههههههه يحرء يلي بيكرهكن بجد موتوني ضحك

جاية ئلكن منورين

[Chris]

مبارح و نحنا عم نوزع وجبات افطار
واحد اتصلنا فيه مشان يدلنا ع بيتو
دلنا ع الشارع وقلنا عند سوبر ماركت عادل انطروني
قعدنا نص ساعة نستناه وادن المغرب ونحنا في وجبات لسا ما وزعناها
وكل ما نتصل بموبايلو ترد مرتو قال نسي الموبايل ونزل لعنا وقال لابس كنزة حمرا ههههه
بالاخير رد هو قال نزل ومالقانا ورجع
بالاخير طلع قصدو سوبر ماركت اياد بس خربط بالاسم هههه
رجعنا لعندو طلع لابس كنزة سودا
يعني هو مابيعرف يقرأ ومرتو معا عمى الوان
وبعض الوجبات اتوزعت ع ادان العشا بالاخير ههههه

هاد مرتو لازم تشتغل مع كوكو شانيل او روبيرتو كافالي

وجوزا لازم يشتغل ببرج شي مطار عالمي .... هيثرو مثرا

[ياسمينة الشام]

من كم يوم كنت طالعة كمان ع فعالية فتت ع محل لأشتري شي اكلو ع الطريق
صاحب المحل بيعرف عيلتي قعد يسألني وين عم تروحي قلتلو بشارك باشيا تطوعية
ئلي يعني ما بيطلعلك مصاري ؟ ئلتلو لأ تطوعية يعني ما باخد عليها شي
ئلي هلأ معئول مابيطلعلك شي من هالقصص ( مع نظرة انو حاجتك كزب )
لك يخرب بيت هالبشر هلأ بينشر قصتي بين الناس انو تسنيم عم تشتغل وتقص دهب كمان وعم تلعب بالملايين
بس يلا صيت غنى ولا صيت فقر