~~ بـــــرنامـــ♥ـــج ســ♥ــــاعه الا خمـــ♥ـــس~~ مع الـــسندريــلا ~

[السندريللا]

معلش بدي ارجع اسئلك سندريلا واتحمليني شووي
ممكن تذكريلنا حكمة تؤمني فيها كتير بالحياة بشكل عام ؟؟؟
وحكمه بتحسيها بتحكي عن واقع حياتك ؟؟؟؟
كمان بحكم انو انتي مغتربه كمان
شو هيه الاوئات يلي بتحسي فيها بالغربه بشكل كبير ؟؟؟

ولو زهرة انتي بتسألي وقت ما بدك
حكمتي بالحياة : عامل الناس بأخلاقك لا بأخلاقهم .
حكمة بتحاكي واقعي : الغربة تربة .
كل الاوقات بتشعرني بالغربة ولكن اقساها وقت بكون مريضة ...بخاف ما انلف بتراب بلادي .
.
.

[gaya]

حكمتي بالحياة : عامل الناس بأخلاقك لا بأخلاقهم

إزا حكيتلك لا تجي ع هالبلاد إزا بتفكري بهالطريئة شو بتجاوبي؟؟ بتمنى شوية واقعية بالرد لأنك سندريلا فعلية وهاد مو زابط مع الدنيي

[السندريللا]

صمت
حزن
يأس ...

[السندريللا]

برأيك شو غير الجزر؟؟؟؟؟

اكيد مش الحبيبة ....
الامل ..ولكن بخوف

[السندريللا]

إزا حكيتلك لا تجي ع هالبلاد إزا بتفكري بهالطريئة شو بتجاوبي؟؟ بتمنى شوية واقعية بالرد لأنك سندريلا فعلية وهاد مو زابط مع الدنيي

انا ما بئدر كون غير هيك ، لاني اتربيت ووعيت عهالشي
وما بئدر بادل الناس معاملتهم حتى لو كانت قاسية وفيها اذى الي .
ما بنكر اني فكرت اني اتغير لاني عم عاني بس ما نجحت لان المغروس فيي عميق .

[r_mido]

زهرة ~ يا زين ما اخترتي
سندريللا بكل معنى الكلمة
ما بعرف شو بدي اسألك يفترض اني بعرف عنك كل شي بس رح حاول انكش اتخوت اتغالظ ما بعرف شو رح يطلع معي

/
\
//
\

2- انا كتير هادئة ومن الصعب شي يستفزّني بشكل شخصي

بحكم معرفتي فيكي "ما اقتنعت بجوابك" ..... عندك شي غير هالحكي !!

سيناريو ~ لو كنتي معي بنفس المكان , "انتي صايمة وانا فاطر" وانا بتعرفي بدمي الجكر .. شربت مي باردة ئدامك وأهم شي شربت عصير "لانك بتحبيه كتير" وجاكرت بكل ما لز وطاب ..... موقفك وردة فعلك !!؟

بعرفك بتحبي كل شي صحي وع اصولو , أكيد بتفرشي سنانك المسوسين صبح وليل .... برمضان بتفرشيهم وانتي صايمة " مع العلم في بعض الفتاوي ئالت انها مكروهة برمضان " !!

الضحك بفطر ؟؟

اذا كان جوابك ع السؤال اللي ئبلو انو الضحك ما بفطر .. ليش حضرتك ما ضحكتي من اول رمضان لهلأ ؟؟

لما يأدن , شو أول شغلة بتعمليها بعد ئراية الفاتحة لاخوكي والدعاء والبسملة ... يعني ع شو بتنفجعي اول شي ؟

اذا كنتي جوعانة كتير وعطشانة كتير وأدن بتشرشري مي وانتي عم تشربي , والرز بيوصل شي للسئف وانتي عم تاكلي ؟؟

سألتيني مبارح ليش متمسك بالعامية مع اني متقن الفصحى , سؤالك معكوس و مردود عليكي ..

طيب انا رح اسألك سؤال شبهو ... بشوف فيكي خفة دم ومتقنة الها ... ليش متمسكة بالنكد !!!؟

على اعتبار انو الاجابات يفترض تتمتع بالمصداقية , وهالشي مفئود بالايام الاخيرة ... شو الشي اللي زعجك بجوابي اول مبارح !!؟

أسئلتي بتفطر شي !!؟

اذا كان جوابك لا رح أقتنع بالسؤال الأول .... أتمنى المصداقية بالاجابات وخاصة ع الاسئلة الاخيرة

[syria oshqy]

انا اجيت زهرة مستحيل ماشارك و مستحيل اني روح علي شرف استضافتك لسندريلا
فأهلا بها

[syria oshqy]

وبدي اسأ ل هالقمر كم سؤال ؟

ـ- من هـو الشخص
الذى يغرس في قلبك الأمل بغد مشرق.؟


ــ موقف تتمني رجوعه ؟

- لو خيـرتي بين مراحل العمر
أن تعيشها بكل لحظآتهآ
فماذا ستختآري.؟


ـ شيء تحبيه ودائما تذكريه على لسانك ؟

ـ ماذا يعني لكِ الفراق او السفر ؟


{{ انت كل شيء بحياتي }} لمن تقوليها؟


ــ ما هو الفخر بنظرك ؟

لمــن تهــدي هذه العبــارات ..

- انت عندي غير الكل ـــــــ
- ابعد عني ـــــــ
- رووح الله يحاسبك ــــــــ
- انتهينا وخلاص ـــــــــ
-احلم وانا وياك ــــــ
الله لايحرمني منــك ـــــــــــ
- حياتي كلها ملكك ـــــــــ
- وينك..والله اشتقنالك ــــــــ
-لاتغيب لان افتقدتك ـــــــ

ولسه ماخلصت حكمل استحمليني حبيبتي

[syria oshqy]

ماذا يعني لكِ



سكون الليل ؟؟؟؟؟؟
.........................................




الشروق ؟؟؟؟؟؟
.........................................






الغروب ؟؟؟؟؟
............................................



البحر ؟؟؟؟؟؟




هلأ اكتفيت مابعرف اذا بيطلع شي تاني لإسألك

[السندريللا]

زهرة ~ يا زين ما اخترتي
سندريللا بكل معنى الكلمة
ما بعرف شو بدي اسألك يفترض اني بعرف عنك كل شي بس رح حاول انكش اتخوت اتغالظ ما بعرف شو رح يطلع معي

/
\
//
\



بحكم معرفتي فيكي "ما اقتنعت بجوابك" ..... عندك شي غير هالحكي !!

سيناريو ~ لو كنتي معي بنفس المكان , "انتي صايمة وانا فاطر" وانا بتعرفي بدمي الجكر .. شربت مي باردة ئدامك وأهم شي شربت عصير "لانك بتحبيه كتير" وجاكرت بكل ما لز وطاب ..... موقفك وردة فعلك !!؟

بعرفك بتحبي كل شي صحي وع اصولو , أكيد بتفرشي سنانك المسوسين صبح وليل .... برمضان بتفرشيهم وانتي صايمة " مع العلم في بعض الفتاوي ئالت انها مكروهة برمضان " !!

الضحك بفطر ؟؟

اذا كان جوابك ع السؤال اللي ئبلو انو الضحك ما بفطر .. ليش حضرتك ما ضحكتي من اول رمضان لهلأ ؟؟

لما يأدن , شو أول شغلة بتعمليها بعد ئراية الفاتحة لاخوكي والدعاء والبسملة ... يعني ع شو بتنفجعي اول شي ؟

اذا كنتي جوعانة كتير وعطشانة كتير وأدن بتشرشري مي وانتي عم تشربي , والرز بيوصل شي للسئف وانتي عم تاكلي ؟؟

سألتيني مبارح ليش متمسك بالعامية مع اني متقن الفصحى , سؤالك معكوس و مردود عليكي ..

طيب انا رح اسألك سؤال شبهو ... بشوف فيكي خفة دم ومتقنة الها ... ليش متمسكة بالنكد !!!؟

على اعتبار انو الاجابات يفترض تتمتع بالمصداقية , وهالشي مفئود بالايام الاخيرة ... شو الشي اللي زعجك بجوابي اول مبارح !!؟

أسئلتي بتفطر شي !!؟

اذا كان جوابك لا رح أقتنع بالسؤال الأول .... أتمنى المصداقية بالاجابات وخاصة ع الاسئلة الاخيرة

اهلا بالادمن الكبير
1- بما انك بتعرفني منيح فهالشي بيأكد صحّة اجابتي، يعني لو انو سهل استفزازي كانت صداقتنا ما استمرت كل هالسنين هع هع
وانا ما بغيّر كلامي
2 - لو فرضاً كنا سوا وانت مفطر وانا صايمة وشربت العصير ادامي كنت رح اطلبلك كباية تانية تشربها
ورح كون كتير مبسوطة لانك عم تشرب عصير صحي مش شي تاني .
3 - لما بكون صايمة ما بفرشي اسناني الا وقت السحور ولما يحل وقت الافطار قبل ما ابدأ بالاكل وقبل ما بدي نام .
4- انا مش شيخ حتى افتي بهالشي ، اما بالنسبة ليش ما ضحكت من اول الشهر فـَ لأنو ما صار في مناسبة لإضحك فيها .
5 - بفرشي اسناني وببدا اكل بالشوربا .
6- لما بصوم ما بحس بالجوع بس بالعطش ايه ، بشرب العصير قبل ما ابدا بالأكل .
7 -انا بحكي اللهجتين ...والدليل مشاركاتي بالهموضوع بالذات .(بتلاقيها منوّعة ) ههههههه
ملاحظة عالهامش : اذا ما عندك شي تسألني ياه وهلئد صرت سائل كيف لو عندك ؟
منكمل ...8 - لأنو جزء لا يتجزء مني ...حدا بيئدر يبئا بلا شئفة من حالو ؟
9 - يلي زعجني انك اخدت سؤالي بالهزل اكتر من الجد .
10 - هههههههه ئلتلك اني مش شيخ ..اسأل حدا غيري هالسؤال .
11- انا حكيت بمصداقية مطلقة ... اذا خطر عبالك بعد شي سؤال استغل الفرصة

[السندريللا]

انا اجيت زهرة مستحيل ماشارك و مستحيل اني روح علي شرف استضافتك لسندريلا
فأهلا بها

المتألقة سوريا عشقي ..

ممتنّة بحجم روعتك لمروركِ الانيق واحداقكِ التي تقرؤني
ولـــ زهرة اهديها الشكر عمراً ...
سأكون بانتظار اسئلتكِ وبيدي اطواق الياسمين .

[r_mido]

اهلا بالادمن الكبير

الله الكبير

:

1- بما انك بتعرفني منيح فهالشي بيأكد صحّة اجابتي، يعني لو انو سهل استفزازي كانت صداقتنا ما استمرت كل هالسنين هع هع
وانا ما بغيّر كلامي

صداقتنا دامت بطولة بالي وصبري وتحملي وعزيمتي وارداتي ......... انتبهي ع ياء المتكلم هه
عندك حكي تاني غير هالحكي , لانو كمان ما اقتنعت


ملاحظة ع الهامش :~ اذا معتبرة انو النص دزينة هنن اسئلة كتير فأنتي معناها ما بتعرفي أبو الميد وما متزكرة شي من الماضي ... كل ما هنالك ما بدي اطرشلك مية وخمسطعش سؤال وتضلي سبعة وعشرين يوم لتجاوبي عليهم


منكمل ,

9 - يلي زعجني انك اخدت سؤالي بالهزل اكتر من الجد .

انا كل الاجابات اللي بجاوب عليها جد , واذا ضحكت فهاد مش يعني انو هزل " 2 صفر عليكي " كمان شكلك صايرة ماتعرفيني ...
على ضوء هالموقف .... انتي بتحسي حالك ظالمة شي بعلاقتك فيني او مع الناس !!؟

جاوبتي انو بس يأدن بتفرشي سنانك وبتبدي بالشوربة , مع انو السنة النبوية بتئول :
"كان الرسول صلى الله عليه وسلم يفطر قبل أن يصلي على رطبات ، فإن لم تكن رطبات فتميرات ،فإن لم تكن تميرات حسا حسوات من ماء"
ليش ما بتلتزمي بالسنة النبوية ماشفت بجوابك لا رطب ولا تمر ولا رشفات مي ولا صلاة .... شو مشان !!؟ " ع فكرة أثبت العلم الأجنبي الطبي انو هاد أصح للجسم " ..

شهر رمضان , يفترض شهر التسامح والغفران , بعد 4 أيام وين شايفة حالك من التسامح !!؟




ملحوظة :~ أسئلتي مش لاني ما بعرفك , بس في مغناطيس بشحطني لعندك ما بعرف ليش ... مافيني ما ارمي زناختي عليكي " مع العلم اني كرهانك هاليومين " ... بس كل شي لحال



وإنّــــا لـعــــــــــــائدون ~ عاشت قضيتنا وعاشت الأمة

[السندريللا]

وبدي اسأ ل هالقمر كم سؤال ؟

وانا هنا بكامل اناقة الزهر للاجابة على كل اسئلتكِ

ـ- من هـو الشخص
الذى يغرس في قلبك الأمل بغد مشرق.؟

اختي الصغيرة ...ضحكتها ، اسئلتها البريئة تمنحني الامل

ــ موقف تتمني رجوعه ؟

تصحيح خطأي باتخاذ القرار الصح .

- لو خيـرتي بين مراحل العمر
أن تعيشها بكل لحظآتهآ
فماذا ستختآري.؟

مرحلة الطفولة ، زمناً ومكاناً وبكل تفاصيلها .

ـ شيء تحبيه ودائما تذكريه على لسانك ؟

اشياء كثيرة احبها ...!

ـ ماذا يعني لكِ الفراق او السفر ؟

عذاب وموت من نوع آخر

{{ انت كل شيء بحياتي }} لمن تقوليها؟

اهلي واخوتي

ــ ما هو الفخر بنظرك ؟

الفخر = عائلة متماسكة + تربية جيدة + اخلاق عالية

لمــن تهــدي هذه العبــارات ..

- انت عندي غير الكل ـــــــ صديقي الذي احبه كثيراً
- ابعد عني ـــــــالألم والحزن
- رووح الله يحاسبك ــــــــ الظالم
- انتهينا وخلاص ـــــــــالحب
-احلم وانا وياك ــــــ لم يعد لي حلم
الله لايحرمني منــك ـــــــــــ بابا
- حياتي كلها ملكك ـــــــــ ..............
- وينك..والله اشتقنالك ــــــــ ياسمينة سهر
-لاتغيب لان افتقدتك ـــــــ الادمن

ولسه ماخلصت حكمل استحمليني حبيبتي

اهلا وسهلا فيكي ....بانتظار عودتكِ

[gaya]

كيفك هلئ ؟؟

حطيتلك هيدي الصورة أول الموضوع مع الصور وما تركتيلي عليها جواب

[السندريللا]

الله الكبير

:

ونعم بالله ..

صداقتنا دامت بطولة بالي وصبري وتحملي وعزيمتي وارداتي ......... انتبهي ع ياء المتكلم هه
عندك حكي تاني غير هالحكي , لانو كمان ما اقتنعت

امممم بالاضافة لكل هيدول انت نسيت تحط [ كاف المخاطب = يائي المتكلم ]

ملاحظة ع الهامش :~ اذا معتبرة انو النص دزينة هنن اسئلة كتير فأنتي معناها ما بتعرفي أبو الميد وما متزكرة شي من الماضي ... كل ما هنالك ما بدي اطرشلك مية وخمسطعش سؤال وتضلي سبعة وعشرين يوم لتجاوبي عليهم

هههه طبعاً طبعاً متذكرة ...وهل تخفى الزناخة ؟؟!! لهلئ لسة ايدي عم توجعني من الاجابات يلي جاوبتهم ع اسئلتك بموضوع كرسي الاعتراف من 4 سنين ..ولكن ملاحظتي اجت بناءً على مقدمتك .
بعدين لو انت طارح المية وخمسطعش سؤال كان انتهى الموضوع من الحلقة التانية ....

منكمل ,

كمل ..كمّل



انا كل الاجابات اللي بجاوب عليها جد , واذا ضحكت فهاد مش يعني انو هزل " 2 صفر عليكي " كمان شكلك صايرة ماتعرفيني ...
على ضوء هالموقف .... انتي بتحسي حالك ظالمة شي بعلاقتك فيني او مع الناس !!؟

ظالمة لا انشالله ما بكون هيك وبعدين مش انا يلي لازم قيّم نفسي ...انت قول انت حاسس حالك مظلوم بصداقتك فيني ؟

جاوبتي انو بس يأدن بتفرشي سنانك وبتبدي بالشوربة , مع انو السنة النبوية بتئول :
"كان الرسول صلى الله عليه وسلم يفطر قبل أن يصلي على رطبات ، فإن لم تكن رطبات فتميرات ،فإن لم تكن تميرات حسا حسوات من ماء"
ليش ما بتلتزمي بالسنة النبوية ماشفت بجوابك لا رطب ولا تمر ولا رشفات مي ولا صلاة .... شو مشان !!؟ " ع فكرة أثبت العلم الأجنبي الطبي انو هاد أصح للجسم " ..

يعني يلي بيسمعك بيقول انك بتطبق السنّة النبوية بحذافيرها بعدين انا بعمل الشي يلي بيريحني ..

شهر رمضان , يفترض شهر التسامح والغفران , بعد 4 أيام وين شايفة حالك من التسامح !!؟

التسامح بحياتي كل لحظة مش بس محصور بشهر رمضان .




ملحوظة :~ أسئلتي مش لاني ما بعرفك , بس في مغناطيس بشحطني لعندك ما بعرف ليش ... مافيني ما ارمي زناختي عليكي " مع العلم اني كرهانك هاليومين " ... بس كل شي لحال


الله يديم هالمشاعر وهالمغنطيس وما يحرمنا هالزناخة
وإنّــــا لـعــــــــــــائدون ~ عاشت قضيتنا وعاشت الأمة

ورمضان عالزناخة بيجمعنا