~~ بـــــرنامـــ♥ـــج ســ♥ــــاعه الا خمـــ♥ـــس~~مع سوريا عشقي

[Randah]

الله يعطيكي العافية على الأسئلة
وارجو ان اكون وفقت باجاباتي
لكي احترامي وتقديري
[/center]

تسلميلي يا رب ,, اجوبة كافية و وافية
الف شكر ليكي
اسفة سبب كتابتي المختلفة لنوعية الخط لانو فايتة من موبايلي
احترامي

[تَـرَفْ ~]

مساء الخير سوريا عشقي

1 أي الأكلات الي بتحرصي دائماً تكون موجودة على سفرة الإفطار ؟

2 لو كل حدى من أطفالك بحب صنف من الاكل و ما بحب التاني , بتطبخي أربع طبخات بهاليوم !!

3 بلد بتتمني تزوريها وتقضي فيها شهر رمضان ؟

4 أحب العادات إلك بشهر رمضان ؟

5 أكتر شيء بتحبيه بشهر رمضان ؟

6 اكتر شيء بتفتقديه هاد الشهر ؟

و بس

[syria oshqy]

لا تتسائلي أبدا , انا هي ئصة الأسئلة مافيني بلاها

ياهلا نورت

ع حد علمي انو هون الأسئلة خاصة برمضان فقط , بس طالما الأعضاء عم يسألو كل شي فمعناها جيتك أنا

/
\
//
\

تشرفنا

كم مرة فطرتي بالسرئة بحياتك ..
من وقت التزمت وأنا عمري 11 سنة مافطرت الا بعذر


حسب الصور اللي شفتون باينتك طباخة شاطرة , اكيد عزمتي بيت حماكي ع الفطور بهالرمضان ............. شو طبختيلون , وشو كان تقييم حماتك لطبخك ..

تسلم يارب لاماعزمتهم لأنهم بحمص وحماتي بتحبني كتير وبتحب طبخي وانا بحبها وبعتبرها متل والدتي

ع سيرة الطبخ , حدا بساعدك بطبخاتك ..

لاماحدابساعدني بالطبخ

في نشاط جماعي للعيلة برمضان ؟؟
أكيد

ئال سمعنا عندك 4 ولاد " الله يخليلك ياهم " أعمارون وأسمائون ... وسلميلي عليهم واشتريلون اكلات طيبة ببئا بحاسبك عليها اذا الله كتبلنا نلتئي بالدنيا او بالاخرة

الله يسلمك عندي مجد عمرها 13 سنة نجحت على التاسع وعهد عمرها اا سنة نجحت على السابع وأمجد 10 سنين نجح على السادس ورغد 8 سنين نجحت على الثالث الله يسلمك وح اشتريلهم أكلات طيبة وقلهم من عمو أحمد
والله يهدي هالأوضاع وبنلتقي انشالله
بشوف بالتلفزيون انو في تربية قديمة وتربية حديثة ........ انتي شو متبعة مع ولادك .. حكيلي عن طريئة تربية ولادك ..
انا وزوجي بنعامل ولادنا متل الأصحاب بناخذ رأيهم بكل شي بدنا نعملوه وبناخذ اوقات برأيهم

كيف منظمة وئتك بين نت وبيت وولاد وزوجك .... "شغل ئريت انو تركتي" ..
الحمد الله كل شي الو شي والو وقت وقت بتطفي الكهربا بقضي غراضي وبطبخ وبشوف الولاد شوبدهم ليجي زوجي من شغلو بيعمل حمام طبعا انا برمضان عم بحكي وبعض الإفطار بنقعد بنتساير وبنشوف شو بدهم الولاد بنسجلهم كل شي وابوهم بجبلهم ياه اذا شي خفيف اما الشغلات متل التياب والأحذية فبكون انا وابوهم بالسوق سوى وهلي بحبو بشتريه طبعا حسب الميزانية وموضروري يكون من محلات كبيرة

بدي تحكيلي عن 3 مواقف ( أطرف موقف مخجل - أطرف موقف محرج - أطرف موقف مضحك ) مابعرف دبريها
أطرف موقف مخجل ماعندي اطرف موقف محرج قبل ما اتزوج وقت علقت مع زوجي مشان موظفة عندي
أطرف موقف مضحك كنت انا وابني اندق الباب فتح ابني الباب اجا قلي في واحد على الباب بدو بابا قلتلو مين قلي مابعرف ومارضي يقلي على اسمو وقت رحت شوف لقيت ابن حمايي كان مسافر برات البلد وابني كان صغير وقت سافر حتى ابن حمايي ماعرفو لإبني
شو كنتي حابة تكوني من عشر سنين ..

محاسبة


شو حابة تكوني بعد عشر سنين ..

كون محاسبة وساعد ولادي وعاونهم بدراستهم

بدي شغلة بتحبيها بحالك ... و تسع شغلات بتكرهيها بحالك

اني مابحمل الأمور مافي شي بكرهو بحالي

وجهي 5 جمل لخمس أعضاء " الجمل تكون بعيدة عن الشكر والكلام التقليدي هع " + " اسمي لازم يكون بينهم ههههههه " ..

ميدو : هلي مابيعرفك بيجهلك ربي يوفقك
زهرة :الله ينولك يلي ببالك
سوما : رغم صغر سنك بس بحسك حاملة عبء كبير
نسرين : حبيتك من وقت عملك ميدو المعايدة بعيد ميلادك
أنس : انت أخ عزيز

ارجو ان اكون أجبت على أسئلتك ميدو

[♪♪زهرة اللوتس♪♪]

ما شاء الله الله يئويكي رغود والله الجماعة مو مئصؤين بنوب ههههههه
يلا متابعين معك والله اجوبتك كلها رايئه وهاديه تسلميلي يارب

[syria oshqy]

كنت فايتة إسألك مين رغدا أبل 10 سنين بس لئيت ميدو سابئني.. لذك إعفاء ههههه

س _ عادة ممنوعة منعاً باتاً بالبيت ؟
مافي شي ممنوع الا الكلام البزيء



س_ عادة سيئة بتشوفيها بالأمهات و بترفضيها ؟

وقت بيبعتو ولادهم وهنن عم يدرسوا ليشتغلوا ويجيبوا مصاري

ياهلا فيكي نورتي

[syria oshqy]

ليكي ليكي أنا حبابة وبنعزم وما بعزبك هههههه

ولو اهلا وسهلا فيكي حبيبتي بتشرفيني




شكراً ع أجوبتك سوريا عشقي وبشوفك بخير

الله يسلمك حبيبتي وتكوني بخير

[syria oshqy]

أنا مالي شاطرة بمجال الأسئلة
بس رح اسئلك كم سؤال
ياهلا

_ لما تعصبي أكتر شي وتوصل معك لأنفك ههههه شو ممكن تعملي ؟؟
بضرب يلي امامي


_ رتبيلي هالكلمات من ناحية الأولوية عندك
الصحة , المال , الأولاد , الحياة الزوجية , النجاح , راحة البال
الأولاد، راحة البال ، النجاح ، الحياة الزوجية ، الصحة ، المال

_ حققتي شي من أهدافك بالحياة لحد هلأ ؟ اي
إذا إي شو يلي حققتي ؟
كتير حققت اهداف بحياتي
أهمها اني أثبتت حالي بعملي والكل بيحترمني ولهلأ اي شغلة بيحتاجوها بدقولي وبسألوني عليها وبجاوبهم
و إذا لأ شو يلي ما حققتي ؟

_ بتعتبري حالك شخصية إيجابية أم سلبية ؟؟
هذا انتو لازم تجاوبوا عليه

_ الأنثى بطبعها قلبها حنون ورقيق و الخ ..
إيمتى بيقسى قلبك ؟؟
الحمد الله مابيقسى قلبي على حدا

مممممممم وبس
بتمنالك رمضان كريم رغداء
و يارب تتحقق كل أمانيكي

لكي حبي وقبلاتي
رمضان كريم

[syria oshqy]

* هل انت محجبة ، و متى تحجبت ؟ و ماذا تقولي للفتيات الغير محجبات ؟

انا مالي محجبة

* ما هي نصيحتك لصبايا هالايام ؟

ينتبهوا على حالهم وما تغرهم المظاهر



* ما هي نظرتك ل rainbow بكل صراحة وبلا مجاملة ؟ و ما هي نصيحتك لها ؟

بحسك كتير مندفعة ومابتزني الأمور قبل ماتقوليها بالتأني السلامة وبالعجلة الندامى

* هل انت شامية من اصل شامي ؟ ام من مدينة أخرى ؟
انا شامية أصلية ومن دمشق

* كيف تتمني أن تكون ابنتك بالمستقبل ؟ ك تصور ممكن توضعي صورة و تقولي هيك كمان بتمنى يكون شكلها ( بالشارع طبعاً )

اهم شي تكون قد حالها وماترضى حدا يستغلها وتكون مآمنة بهلي عم تعملوا لا مابقدر لأن هي الها كيانها والها طباعها وتفكيرها شلون بتحب تكون

* كلمة بتوجهيها ل شعبك
حبوا بعضكم سوريا بحاجتكم

* كتاب بتنصحي الكل يقرأه
القرآن الكريم بس بتمعن وفهم

* كتاب بتهديه ل rainbow
شيفرة دافنشي

------------

كافي ل هلأ

و تفاجئت فيك ع فكرة اول شي انك متزوجة تاني شي عندك ٤ ولاد ، تالت شي شكل حياتك و شخصيتك

شو كان انطباعك عني

شكراً لاتاحة الفرصة للتعرف عليك هنا في منتدى روز

نورتيني حبيبتي

[syria oshqy]

مساء الخير سوريا عشقي

يسعد مساكي ياقلبي

1 أي الأكلات الي بتحرصي دائماً تكون موجودة على سفرة الإفطار ؟
الشوربة والفتوش وابريق الشاي قبل الكل بالنسبة الي

2 لو كل حدى من أطفالك بحب صنف من الاكل و ما بحب التاني , بتطبخي أربع طبخات بهاليوم !!

مافي طبخة بطبخها الا مايكون عليها اجماع وبطبخ طبختين بأكتر الأوقات

3 بلد بتتمني تزوريها وتقضي فيها شهر رمضان ؟
مابحب الا بسوريا


4 أحب العادات إلك بشهر رمضان ؟

السهر مع العيلة والأصحاب والتسامر بهالشهر الكريم من بعد انتهاء صلاة التراويح


5 أكتر شيء بتحبيه بشهر رمضان ؟
لمة العيلة

6 اكتر شيء بتفتقديه هاد الشهر ؟
افتقدت لأمي ولسوريا وشوارعها يلي كانت معجوقة بالناس

و بس

نورتيني حبيبتي

[syria oshqy]

ما شاء الله الله يئويكي رغود والله الجماعة مو مئصؤين بنوب ههههههه
يلا متابعين معك والله اجوبتك كلها رايئه وهاديه تسلميلي يارب

الله يسلمك
واي والله مالهم مقصرين
بس مومشكلة المهم كون عند حسن ظنهن فيي
شكرا زهرة على استضافتك وانشالله كون وفقت بردودي

[r_mido]

ما كتير خاطر ع بالي اسئلة لاانو نفسيتي تعبانة هههههه وانا بس تتعب نفسيتي ببطل اعرف اسأل

بس في شغلة استفزتني بإجاباتك وكان نفس جوابك جاوبتو نسرين من ئبلك , والمصيبة اني بشوف هالجواب شائع كتير بالنت ...


ليش بترتيب اولويات الجميع بحطو المال آخر شي !!!!؟
يرحم جدك جاوبيني بمنطقية وواقعية
يعني انا بئولولي مئضي لمصدي , وكل العالم اللي عاشرتون بشتغلو ليل نهار وبتاجرو وبغامرو وبعملو العمايل مشان المصاري
والمسا بفوت ع النت مشان يئول المال اخر همي


رغدا ... من خلال أجوبتك حبيت شخصيتك وحبيت اجوبتك , وزاد إحترامي الك اضعاف مضاعفة .....
مع احترامي لشخصك بس موضوع المال ماحبيتو ولا اقتنعت فيه

[♪♪زهرة اللوتس♪♪]

ما كتير خاطر ع بالي اسئلة لاانو نفسيتي تعبانة هههههه وانا بس تتعب نفسيتي ببطل اعرف اسأل

بس في شغلة استفزتني بإجاباتك وكان نفس جوابك جاوبتو نسرين من ئبلك , والمصيبة اني بشوف هالجواب شائع كتير بالنت ...


ليش بترتيب اولويات الجميع بحطو المال آخر شي !!!!؟
يرحم جدك جاوبيني بمنطقية وواقعية
يعني انا بئولولي مئضي لمصدي , وكل العالم اللي عاشرتون بشتغلو ليل نهار وبتاجرو وبغامرو وبعملو العمايل مشان المصاري
والمسا بفوت ع النت مشان يئول المال اخر همي


رغدا ... من خلال أجوبتك حبيت شخصيتك وحبيت اجوبتك , وزاد إحترامي الك اضعاف مضاعفة .....
مع احترامي لشخصك بس موضوع المال ماحبيتو ولا اقتنعت فيه

ممكن جاوبك هون انا كمان ؟؟؟
انتو الشباب لازم يكون اول همكن المال لانو مسئولياتكن كتار الله يعينكن
بس الجنس اللطيف حتى لما بنكون موظفين بنكون هيك يعني وظيفتنا تعبايه وئت لانو مانو مطلوب منا شي
ئبل الزواج بس بعدووو مابعرف لسا هههه

[r_mido]

ممكن جاوبك هون انا كمان ؟؟؟
انتو الشباب لازم يكون اول همكن المال لانو مسئولياتكن كتار الله يعينكن
بس الجنس اللطيف حتى لما بنكون موظفين بنكون هيك يعني وظيفتنا تعبايه وئت لانو مانو مطلوب منا شي
ئبل الزواج بس بعدووو مابعرف لسا هههه

Wrong answer and unconvincing

[♪♪زهرة اللوتس♪♪]

Wrong answer and unconvincing

ههههههههههههه طيب متل مابدك بس انا جاوبت عن حالي
هلئ بتجي رغداء وبتجاوب

[syria oshqy]

ما كتير خاطر ع بالي اسئلة لاانو نفسيتي تعبانة هههههه وانا بس تتعب نفسيتي ببطل اعرف اسأل

سلامتك

بس في شغلة استفزتني بإجاباتك وكان نفس جوابك جاوبتو نسرين من ئبلك , والمصيبة اني بشوف هالجواب شائع كتير بالنت ...


ليش بترتيب اولويات الجميع بحطو المال آخر شي !!!!؟
يرحم جدك جاوبيني بمنطقية وواقعية
يعني انا بئولولي مئضي لمصدي , وكل العالم اللي عاشرتون بشتغلو ليل نهار وبتاجرو وبغامرو وبعملو العمايل مشان المصاري
والمسا بفوت ع النت مشان يئول المال اخر همي


رغدا ... من خلال أجوبتك حبيت شخصيتك وحبيت اجوبتك , وزاد إحترامي الك اضعاف مضاعفة .....
مع احترامي لشخصك بس موضوع المال ماحبيتو ولا اقتنعت فيه

عزيزي مافي انسان مابحب المال بس بهالأيام ماعاد الها قيمة المصاري لهيك خليتها للآخير
تصور انا غنية بس مافي سيولة بين ايديي