~~ بـــــرنامـــ♥ـــج ســ♥ــــاعه الا خمـــ♥ـــس~~مع ♥SoOoMa♥

[ياسمينة الشام]

إيمتى حسيتي هيك ..


*غابة كلابها ديابــــا ... و نازلين في الناس هـم و اللي ينام في الغابة ... رح يتاكل هــــــــم
و اللي يدور وشـــــو ... في غمضة عين يتهــــــم

وقت علقت بمشكلة مع عماتي .. ومن يومها قطعت صلة القرابة بالعيلة

*لا انا احترافي اشتراكية

و لا عندي نزعة رجعيّة


احساس غريب علي ما حسيتو قبل ههههه

*هما حياتهم بامبي جميلة


هما فصيلة و إحنا فصيلة


وقت طلعت ع الأردن و شفت الناس ولا على بالها هون ووقتا ئرفت المسمى ( عرب )

*فلتبقى فينا و لا ترحل


يوم وصلنا خبر موت بابا

*قلبي مفتوح على رجل مغلق


ما حسيت هالشي قبل

*تذكرتكم

أيها الحمقى

وتبسّمت

يوم خلعو مرسي هههه

*أنــــا كاهنة المغامرة
و سيدة الفرح _ الحزن التوأم ،


هالشعور كنت عم واسي فيه حالي وانا عم اتسلق جبال الأردن وصولا للزعتري

*كنَا صغيرين،
والأشجار عاليةٌ
وكنتِ أجمل من أُمي
ومن بلدي...

يوم اتوفت تيتة أم أمي و كنت فصعووووونة بس بتزكرها كتير منيح

*و أنا للذكريات .

كلماتي كلمات

بعيد ميلاد رفيقتي قبل شهرين .. كانت بعيدة عني وحكينا سكايب وكان تلفون كلو بكي و زكريات

*بلا خبز .. بلا مازوت .. بلا كاز ..
سأحبك يا وطني من البوكمال الى كرناز ..

يوم قعدت ع الارض ابكي ببيت مهجور بدرعا و حكيت آخر مكالمة مع أغلى انسان ع قلبي من سوريا

[♪♪زهرة اللوتس♪♪]

اكيد نشف ريئك سوما
اتفضلي

[ياسمينة الشام]

اكيد نشف ريئك سوما
اتفضلي

ييييييييي تسلميلي والله مافي مروة كان جيب البيبسي ههههههه
بس كأنو عصير جزر !! هههههههه حسيت حالي أرنب

[gaya]

اكيد نشف ريئك سوما
اتفضلي

شو أصدك يا بنت

[r_mido]

حطي وحدة ع عينك اني مافتت بالزحمة وسألتك

يلا بابا جاهزة ..... ئبل ماتبلشي اسمعي نداء الطفل اللي جواتك وهو عم يئول مشوار الالف سؤال بيبدا بجواب

||

شعرك :

1. كم مرة صبغتي شعرك لهلأ ؟
2. كم مرة عاملة بدي كير ؟
3. شو أخر تسريحة عاملتيها هلأ ؟
4. للترفيه ~ بتتزكري لما كنتي ئرعة
5. بعدا امك بتعملك شعرك ؟
6. ايمتا بدك تكبري وتبطلي تئلدي ماروكو ؟

وشك :

1. سبئ ولبستي لانسز ئبل هالمرة ؟
2. مناخيرك كبار ؟؟
3. اذا رشحتي وبدك تمخطي , كم كيلو بينزل من انفك ؟
4. اذا جبنا باتنجانة , بتوسع بتمك بالعرض ؟ ولا بالطول ؟
5. أدانيكي بيشبهو ادانين بابار ؟؟ يعني كبار ولا صغار ؟

كلك ع بعضك :

1. طولك متناسب مع وزنك ؟
2. صوتك حلو ؟؟
3. ستايل لبسك ؟
4. طيري ع خزانة الكنادر , عديلي كم كومفرس عندك مع الوانون ؟
5. بطريئك عديلي كم رباط كومفرس عندك مع الوانون "الزمة مطلوبة بالعد هه " ؟
6. في موقف بتتعرضيلو كتير : شفتي بنت احلى منك , أديش نسبة الغيرة عندك بهالحالة ؟
7. اذا ماشية بالشارع وحدا لطشك وتمسخر ع طولك مثلا "بوقاحة" شو موقفك ؟
8. لو ئلتلك تعي ياتسنيم بدي اعملك كل عمليات التجميل اللي بدك ياها , كم عشر عمليات برأيك انتي بتحتاجي ؟

حياتك :

1. كم ساعة بتنامي ؟
2. كم ساعة كنتي تدرسي ؟
3. شو خطرلك هلأ بالاعلام مع اني لو محلك بهالايام ما بختارا ؟
4. ايمتا ناوية تتسهلي ع بيت جوزك ؟
5. حابة تسافري ع بلد معين ؟
6. نطي ع خزانتك وطلعي شنتك , فردي كل الغراض اللي فيها ع التخت وتعي عديلي ياهم هون غرض غرض ؟
7. مدمنة تفكير ؟
8. اذا ربحتي مليون دولار , شو بتعطيني منون ؟؟ وشو بتعملي بالبائي ؟؟
9. تخانئتي شي مرة بحياتك بالشارع او المدرسة ؟؟ صار ضرب ؟؟؟
10. ع سيرة الضرب ... كم أتلة آكلة من ابوكي ؟
11. شي .... بغيظك , بفرحك , بزعلك ؟
12. وصفي حالك بكلمة من 3 حروف ؟

منتدى

1. اكتر موضوع بتحبي بالروز ؟
2. اكتر موضوع بتحبي بالروز ومن كتابتك ؟
3. أحلى رد للأعضاء "اقتنبسيه لهون" ؟
4. أحلى رد الك "اقتنبسيه لهون" ؟
5. أئرب 5 أعضاء الك ؟
6. 3 أعضاء مافيكي ماتشوفي اسمائون ؟
7. قسمك المفضل ؟
8. أجمل توقيع ؟
9. 5 اعضاء عطيهم 5 القاب ؟
10. 5 اعضاء كتبيلهم 5 نصايح ؟
11. 5 اعضاء وصفيهم ب 5 جمل ؟
12. ورئة وئلم .... ما تيّسر عني " ولو 15 سطر ع السريع معلش " ؟

تسلي بهدول مشان اكملك الالف

[ياسمينة الشام]

شو أصدك يا بنت

قصدا شريف بس نيتا عاطلة انتي شو بدك ههههههه
الاسئلة الي مو الها

[gaya]

إزا اختفى سيرياروز شو بتعملي بالوئت يلي كنت تئضي في ؟


واضح من كلامك أكتر الأحيان إنو الوضع بالبيت متأزم .. ما بتشوفي إنك تحطي خطط لتحلي المشاكل أفضل ما تحطي الحزن بالجرن ؟


سوما بحبك كتير وبتمنى عليك ما تفرطي بهالإمكانيات يلي عندك وتضلي تشتغلي ع حالك ولو اعتبروك الناس أنانية. باي باي

[ياسمينة الشام]

حطي وحدة ع عينك اني مافتت بالزحمة وسألتك

والله انك فضلت ع نافوخي هههههههه
يلا بابا جاهزة ..... ئبل ماتبلشي اسمعي نداء الطفل اللي جواتك وهو عم يئول مشوار الالف سؤال بيبدا بجواب

ههههههههه بدي اتبرى منك انا
||

شعرك :

1. كم مرة صبغتي شعرك لهلأ ؟
   

مرة حنتلي ياه امي وقت كنت صغيرة على احمر هههههه
و مرة عملتلي خصل فلاش قال لأن كان عندا امتحان بدورة التجميل بقى اتدربت فيني هههههه

1. كم مرة عاملة بدي كير ؟
   

ما بتزكر بس كمان ماما كانت تعملي ياهن مشان دورتها شي بحدود العشر مرات

1. شو أخر تسريحة عاملتيها هلأ ؟

فرء ع النص

1. للترفيه ~ بتتزكري لما كنتي ئرعة

اي والله الله يرحم هديك الايام

1. بعدا امك بتعملك شعرك ؟

تصئ من سنتين ما قربت عليه ههههه

1. ايمتا بدك تكبري وتبطلي تئلدي ماروكو

ههههههههه ئول لماروكو تكبر وتبطل تئلدني :P

وشك :

1. سبئ ولبستي لانسز ئبل هالمرة ؟
   

جداً جزيلاً كنت بصف التاسع ع طول عيوني خضر هههههه

1. مناخيرك كبار ؟؟
   

وسط .. أصغر من مناخير رفيئتي وهو المطلوب هههههه

1. اذا رشحتي وبدك تمخطي , كم كيلو بينزل من انفك ؟

أكتر من ما يتحمله الميزان خخخخ

1. اذا جبنا باتنجانة , بتوسع بتمك بالعرض ؟ ولا بالطول ؟

ما بحب الاتنجان هههههههه

1. أدانيكي بيشبهو ادانين بابار ؟؟ يعني كبار ولا صغار ؟

مالهن متل ادانين العفريتة فريدة هههههههه حلوين ونعومين وانا بحبن خخخ

كلك ع بعضك :

1. طولك متناسب مع وزنك ؟

وزني 48 و طولي 155 .. أنتا حسبهن هههههه

1. صوتك حلو ؟؟

أحلى من صوت فيروز خخخ

1. ستايل لبسك ؟
   

بحب البس كل شي ناعم و من جيلي
أكتر شي أنو جينز و بلوزة مولدنة وكونفرس .. والتنانير بعدني عنهن هههههه عندي بخزانتي 5 فساتين فقط لا غير و كل واحد لبستو يمكن مرة مرة ع الماشي

1. طيري ع خزانة الكنادر , عديلي كم كومفرس عندك مع الوانون ؟
   

إذا بدي احسبلك ياهن الي بسورية كتار بس هون ئلال
عندي 4 سود بس احجام مختلفة و عندي 2 بيض و واحد فوشي واسود وواحد اسود واحمر

1. بطريئك عديلي كم رباط كومفرس عندك مع الوانون "الزمة مطلوبة بالعد هه " ؟

يالله رح تخليني قوم

هو هنن عدا يلي جاهزين للإنطلاق ههههه ابئى عدهن لحالك
ملاحظة : نائصني كتير الوان بس ما بعرف من وين اشتري هون !!

1. في موقف بتتعرضيلو كتير : شفتي بنت احلى منك , أديش نسبة الغيرة عندك بهالحالة ؟

ما بتعرض لهالموقف كتير هههههه أصلا نادر الائي أحلى مني .. ونسبة الغيرة 25 %

1. اذا ماشية بالشارع وحدا لطشك وتمسخر ع طولك مثلا "بوقاحة" شو موقفك ؟

جملتي الشهير .. "" يقطع عمرك ""

1. لو ئلتلك تعي ياتسنيم بدي اعملك كل عمليات التجميل اللي بدك ياها , كم عشر عمليات برأيك انتي بتحتاجي ؟

ههههههه هنن 3 بدي اصغر انفي نتفة وازرع رموش دائما واطول حالي
حياتك :

1. كم ساعة بتنامي ؟

مافي مقياس ثابت بس شي 12 هههههه

1. كم ساعة كنتي تدرسي ؟

ليش أنا كنت ادرس !! هههههههه اللهم عافينا بس وقت الفحص

1. شو خطرلك هلأ بالاعلام مع اني لو محلك بهالايام ما بختارا ؟

كتير ناس بقلولي أنو بيلبقلي ع اساس و أنو عندي حجة قوية وبحب ادور على اخبار
و أنا عنجد بحب اني اكتب تقارير و أكون بعرف كل شي
لأن الناس بطبيعتها بتنطر المزيع ليجيب الخبر .. هيك بصير بعرف الخبر قبل المزيع حتى هههههه

1. ايمتا ناوية تتسهلي ع بيت جوزك ؟

ناطرة جوزي يجي ياخدني ههههه و جوزي ماشي ع بيض خخخخ

1. حابة تسافري ع بلد معين ؟

تصئ أنو ممكن اسافر اجازة وهيك بس انا وين ما استقريت بنبسط

1. نطي ع خزانتك وطلعي شنتك , فردي كل الغراض اللي فيها ع التخت وتعي عديلي ياهم هون غرض غرض ؟

دفتر صغير , قلم , جزداني , سماعاتي , هويتي , جواز سفر , نضارات , فلاشة , مراية , غلوس , قلم كحلة , واقي شمس , بودرة , مبرد , ساعة

1. مدمنة تفكير ؟

جداً جزيلاً

1. اذا ربحتي مليون دولار , شو بتعطيني منون ؟؟ وشو بتعملي بالبائي ؟؟

بعطيك تلتهن و بالبائي بجيب لاب توب و كاميرا

1. تخانئتي شي مرة بحياتك بالشارع او المدرسة ؟؟ صار ضرب ؟؟؟

أي اتخانقت .. بالمدرسة و بالشارع .. ومرة مع شب تافه سحب قنينة المي من ايدي بالغصب واتزهرم و لما اجى يرجعها سفئتو فيها ئام ضربني !!

1. ع سيرة الضرب ... كم أتلة آكلة من ابوكي ؟

ههههههههه اذكرو محاسن موتاكم بس انو شي 3 مرات مرة بسبب اختي ومرة بسبب امي ومرة بسبب ..ههههه

1. شي .... بغيظك , بفرحك , بزعلك ؟
   

بغيظني .. لما حدا يكزب علي
بفرحني .. لما حدا يفاجئني مفاجأة حلوة
بزعلني .. لما حدا يظلمني ويكون عزيز .. وخاصة لما شخص قريب مني يخسرني بسبب شخص تالت أو تصير بينا مشكلة بسببو

1. وصفي حالك بكلمة من 3 حروف ؟

VIP

[ياسمينة الشام]

منتدى

1. اكتر موضوع بتحبي بالروز ؟

لمن تهدي ورودك هذا اليوم هههه

1. اكتر موضوع بتحبي بالروز ومن كتابتك ؟

والله بهالروز ما كتبت شي عليه القيمة .. بس هون يعني يلي اتزكرته هو ((مسوده))

1. أحلى رد للأعضاء "اقتنبسيه لهون" ؟

*
*
منذ أن رحل والدها و هي تمتنع عن تعليق المناديل البيضاء على حافة أحلامها
منذ رحل والدها و هي تمتنع عن مصافحة أي رجل يشبهه
و هي تمتنع عن أكل الشوكولا .. و عن شرب الشاي المعتّق !
منذ رحل والدها و هي تلوك الأيام ذاتها
راح سكّرها .. و بقيت الطعمة المرة تنخر في رأسها الصغير
لم تكن عاجزة عن تقبل فكرة الموت .. لكنها ستظل تجد صعوبة في تقبل فكرة الفراق
قبل أن يأتي موعد اللقاء الأبدي المنتظر !
ذلك لأن الشوق كافر
و لأن الحنين كافر
و لأن مواء الذاكرة لا يتوقف أبداً ~

1. أحلى رد الك "اقتنبسيه لهون" ؟

أمآ الوطنْ فهوَ أنتْ ..
قلبكَ جنسيتي لِذلكَ لآ أنتمي لأحدٍ سوآكْ
و لتسقطْ جميعُ جوازاتِ السفرْ ~

1. أئرب 5 أعضاء الك ؟

ميدو .. جورية (ياسمين ) .. طيف .. ياسمينة سهر .. السندريلا

1. 3 أعضاء مافيكي ماتشوفي اسمائون ؟

ميدو .. السندريلا .. Gaya .. Randah .. زهرة

1. قسمك المفضل ؟

بحاول شارك بالكل .. ئعدة رواء بس سابقاً كان أحلى و دبابيس بس كمان سابقاً كان قسم ع طول شاعلة فيّو نار

1. أجمل توقيع ؟

توقيع ترف رائع

1. 5 اعضاء عطيهم 5 القاب ؟

ياسمين .. الذكية
روح الحياة .. المثقف
كريس .. الغامض
نسرين .. المتألقة
ميدو.. المبدع

1. 5 اعضاء كتبيلهم 5 نصايح ؟

قوس قزح ~ حاولي لا تدخلي بحياة الناس خصوصاً إفتراضياً
ياسمين ~ مو كل الناس بتتناقش حياتي
ميدو ~ ماحدا بيستاهل ينزع من وشك البسمة
نسرين ~ لو كل الناس طيبين ماكان في جرائم و حروب بهالدنيا
أنثى السعادة ~ خليكي متل ما انتي وما تتغيري

1. 5 اعضاء وصفيهم ب 5 جمل ؟

زهرة اللوتس ~ قليل مستمر خير من كثير منقطع
ترف ~ إنسانة بروح حلوة ومرحة بس متقلبة أحيانا
ياسمينة سهر ~ شخصية بتحب تضل بحالا ولحالا
ياسمين ~ ذكية كتير بس بتتهبل !!
سورية عشقي ~ هادية ورقيقة و بتمر متل النسمة بين المواضيع

1. ورئة وئلم .... ما تيّسر عني " ولو 15 سطر ع السريع معلش " ؟

ممم تباً لك أما بعد ..
ميدو شخص طيوب بس شرير
حباب بس مشكلجي
حنون بس عصبي
واقعي بس أحلامه أكبر من الواقع
عندو عزيمة وارادة وتصميم ما شفت متلهن
و زناخة بتعبي بلد .. و زعلو صعب
بالنسبة للروز هو حجر الأساس فيه
بالنسبة إلي هو الشخص الوحيد ع النت أو ع الواقع
يلي مستمرة بالتواصل معه من أربع سنين و لهلأ
و من أغلى الناس عندي طبعاً
اتعلمت منه كتير و علمتو أكتر هههههههه
و كل ما بوقع بمشكلة طبعاً هو يلي بطلعني منها خخخ
الإنسان يلي كان معي بوقت حزني وبوقت فرحي
و أنو حاجتك لعيتلي قلبي ههههههه


تسلي بهدول مشان اكملك الالف


صرلي أكتر من ساعة عم بتسلى !! يخرب زوئك هههههه

[ياسمينة الشام]

إزا اختفى سيرياروز شو بتعملي بالوئت يلي كنت تئضي في ؟

هو سبئ و اختفى بس عملنا هاد التاني
بس لو اختفى نهائي بنتقل ع غير مكان .. يكونو نفس الاشخاص يلي هون موجودين فيه
لأن الشغلة مش بالمكان الشغلة بالعالم أكيد

واضح من كلامك أكتر الأحيان إنو الوضع بالبيت متأزم .. ما بتشوفي إنك تحطي خطط لتحلي المشاكل أفضل ما تحطي الحزن بالجرن ؟


حاولت كتير أول ما وعيت بس فيكي تقولي صار الشي روتين يعني جو عيلتنا غريب ما بيشبه أي جو تاني ومن وقت اوعينا ع الدنيا هيك بئى فعلاً صار شي روتيني مو شي متأزم

سوما بحبك كتير وبتمنى عليك ما تفرطي بهالإمكانيات يلي عندك وتضلي تشتغلي ع حالك ولو اعتبروك الناس أنانية. باي باي

تسلميلي ياسمينوو مي تو حبك و إن شاءالله بحاول ضل للأحسن ويقولو شو ما يقولو
زكرتيني بغنية كارول سماحة ما بخاف هههههه
مع السلامة حياتي

[تَـرَفْ ~]

بسم الله نبدأ

1 ما هي المادة المفضلة لديكي في المدرسة ؟

2 لماذا اخترتي اسم SoOoMa ؟

3 هل تجيدين الطبخ ؟

4 مقولة تمثل حياتك ؟

5 شيء تتمني اضافته للمنتدى ؟

[ياسمينة الشام]

بسم الله نبدأ

أهلاً وسهلاً
1 ما هي المادة المفضلة لديكي في المدرسة ؟

العربي و الإنكليزي
2 لماذا اخترتي اسم SoOoMa ؟

اختاروه مجموعة من الاصدقاء إلي بموقع نت لوغ قبل ما ينحجب بسورية وكان أول موقع بفوت عليه ع النت ,,
3 هل تجيدين الطبخ ؟

بعرف اعمل كم طبخة يعني هههههه
4 مقولة تمثل حياتك ؟

Do not wait for leaders ; do it alone , Person To Person
Mother Teresa ~
5 شيء تتمني اضافته للمنتدى ؟
روح المنافسة و النشاط

نورتي تَرفْ

[تَـرَفْ ~]

شكراً على أجوبتك الرائعة مثلك سووما

عدت مرة ثانية

1 ماهو شعورك عندما تكتبي موضوع معين وتتعبي عليه ولا تجدي رد من أحد ؟

2 ربيتي حيوان أليف من قبل ؟ و ما هو ؟

3 ما هي الوظيفة الأكثر مناسبة للفتاة برأيك ؟

4 إذا استفزك شخص فما الطريقة المتبعة لإسكاته ؟

5 كيف تتابعين مواضيع المنتدى و كيف تشاركين بها يومياً ؟ أم ؟ و ما هو سر سرعة مشاركاتك و كثرتها ؟

[ياسمينة الشام]

شكراً على أجوبتك الرائعة مثلك سووما

العفو ولوو
عدت مرة ثانية

أهلا و سهلا
1 ماهو شعورك عندما تكتبي موضوع معين وتتعبي عليه ولا تجدي رد من أحد ؟

بنزعج جدأ جزيلاً و ممكن كتير أكتب موضوع تاني بس بهدلة ههههه
2 ربيتي حيوان أليف من قبل ؟ و ما هو ؟

ماما بتكره هالقصص كنا نخبي كم حيوان بالجنينة وبس تكتشفهن تكبهن
ربينا قطط . سلاحف . أرانب . صيصان . هامستر . عصافير ( ببغاء وكناري وعاشق ومعشوق ) . ومرة أخي ربى جرو صغير
3 ما هي الوظيفة الأكثر مناسبة للفتاة برأيك ؟

كل الوظائف بتناسبها طبعاً إلا الي بتحتاج قوة جسدية كبيرة ..
4 إذا استفزك شخص فما الطريقة المتبعة لإسكاته ؟

غالباً ببهدلو بس إذا عادها بتبع إسلوب .( إذا بدك تحمو لا ترد بتمو ) هههه
5 كيف تتابعين مواضيع المنتدى و كيف تشاركين بها يومياً ؟ أم ؟ و ما هو سر سرعة مشاركاتك و كثرتها ؟

ممممممم
بحاول افتحهن قسم قسم وشوف كل المواضيع الجديدة فيه طلعها ورد عليها
و كل موذوع متجدد بطلعه وبحط فيه مشاركة مشاركة ع الماشي حسب فضاتي
بس خلص بروح ع القسم المتجدد بصدى الاسلام وبعدا ع السقيفة بشارك بكل المواضيع فيهن
بس خلص بنزل مواضيع أخبار و هيك قصص بالأقسام يلي من زمان ما شاركت فيهن وو هي المواضيع المنقولة ..
بعدها إذا في براسي فكرة موضوع خطير بعملها
بعدين بفوت على مواضيعي و برد على كل الناس يلي كتبو فيها و هالشي جداً ضروري بتنكرز إذا ما رديت ههههه
و مشان المشاركات .. بحاول خلي الرقم زوجي دائما
يعني بشوف كم مشاركة معي .. بحاول خلي آخر رقم فيهن صفر .. وكل ما اضطريت شارك بموضوع برجع بحط مشاركات بكل المواضيع حتى يصير آخر رقم صفر مرة تانية هههههههه
و صراحة هاد نظامي .. و إذا شي يوم اتخربط بفوت بستمية حيط

شكراً لمرورك مرة تانية ترف
نورتيني حياتي

[تَـرَفْ ~]

شكراً على إجاباتك الحلوة متلك يا سوما
و يارب كانت الأسئلة خفيفة عليكي و سهله ههههه
تحياتي إلك و لشخصك