~~ بـــــرنامـــ♥ـــج ســ♥ــــاعه الا خمـــ♥ـــس~~مع gaya

[تَـرَفْ ~]

كمشتك هون ههههه

جاوبتي إنه تحصيلك العلمي حقوق ..
وهون رديتي علي :

تماماً ترف .

مثال : الرشوة شي دارج .. والكل بيرتشي.. بس في فرء بين قاضي بيرتشي من صاحب الحق وبيعطي حئو.

وبين قاضي بياخد من المجرم وببرئو.

يمكن تشوفوا المثال غريب وإنو لأ ما لازم يرتشي من أصلو بس مع شوية تمعن منلائي إنو في حال وجود الرشوة ع الأكيد موقفو ح يكون شريف بهالحالة.

إنتي لو كنتي قاضية أو محامية بتقبلي رشوة ؟؟

[gaya]

كمشتك هون ههههه

جاوبتي إنه تحصيلك العلمي حقوق ..
وهون رديتي علي :




إنتي لو كنتي قاضية أو محامية بتقبلي رشوة ؟؟

قولاً واحداً ........ لأ

بس أنا حطيت الجواب بناءً على وجود ظاهرة إسما الرشوة.
وفي حال هالقاضي بدو يرتشي بكل الأحول فياخد من صاحب الحق ع الأقل.

[♪♪زهرة اللوتس♪♪]

مسا الخير عليكن ...

آسفة ع التأخير لوتس وكلك زوء بخصوص المقدمة

ميه هلا فيكي نورتيني وانت الزوء ولاا يلا جيناااا

[♪♪زهرة اللوتس♪♪]

بحب الأكل بالعموم وبكل المناسبات ههههههه وازا خص نص بحب كل الأكل لما بنعزم لأن الطقس بيضيف شعور مميز

طيب انت شاطرة بالطبخ ولا بس بتحبي تاكلي وشو اكتر اكله شاطرة فيا ؟؟؟؟

والله تخضع لمزاجي الشغلة..أي شي بيخص الشغل ما بعملو من باب الواجب ..ضروري يكون ع بالي .



ما صدفت وكان رمضان .. وما بظن الفرء كبير



كنت تابع بانتقائية كتير أبل الأزمة.. بلشت الأزمة تعودت ع الأخبار..وهلئ ما بشوف شي.



ازا نايمة وما شبعت نوم بلغي الحياة.. ما عندي كبير وئتا
يعني برايك النوم كتير موووهم بالحياة؟؟؟


هئ لسى ما أربت عليهن.. عندي حساب فيس من فترة منيحة بس لسى ما فتت علي.



من كم سنة لورا كنت مثابرة على روحة النادي وتمام .. هلئ لأ.. بحب ومتل كل الناس عيش جو المونديال .



التهافت على الشراء.
التعامل مع الشهر كأنو رح تخرب الدنيي وكل عاداتنا ح تتغير ونظامنا. (ببساطة يلي مو خرج لا يصوم وما يحمل البشر منية)

هلئ يلي بيصوم مش مشان البشريه ههههه بيصوم لانو فرض من فروض الدين بس يعني انو علينا نتحمل بعض ونحنا صايمين صح مو

طيارة ... سفر ... جو تاني



بما إني ما عندي حل وسط .. لما بطلع من البيت بصير كل يوم كل يوم ..أو ما بئا بطلع فكان الروز الخيار بوئت أنا ما بدي إتواصل مع حدا واقعياً

بفهم انو ماعندك حل وسط يا طئوووو يا اما كسور مخووو شي ؟؟؟

كلو تواصل بالنهاية



كل حدا الموجودين عند ملَكَات .. لو يوظفوها صح وما يعتبروها شي عادي.



اي ما ئلتيلي انو حبيتي الروز ولا هيك تمضايه وئت ليس الااا

يلااااا ناطرتك يا جميل

[gaya]

طيب انت شاطرة بالطبخ ولا بس بتحبي تاكلي وشو اكتر اكله شاطرة فيا ؟؟؟

أنا بعرف أعمل أكل من عند المحاشي لعند الباستا .. بس متل ما حكيتلك بأول أجوبتي من باب الواجب ما بشتغل شي
ع المراء.. ولا تفكري إجليلك الجليات لو عزمتيتني .

يعني برايك النوم كتير موووهم بالحياة؟؟

كل واحد وحالتو..في ناس فعلاً بتنام لتهرب وبيكون الشخص مكتئب ومو حاسس.
في ناس بتنام تنبلة هيهيهي
في ناس لأن بيسهرو كتير
في ناس نقص مناعة
في ناس بتاخد مهدئات
لسى ولا بيكفي ؟؟؟ ههههههه

هلئ يلي بيصوم مش مشان البشريه ههههه بيصوم لانو فرض من فروض الدين بس يعني انو علينا نتحمل بعض ونحنا صايمين صح مو

يعني نحنا منصوم لحدا يتحملنا ولا لله ؟ أنا مع إني انتبه لشعور الصايم .. أكيد ما اشرب مي ولا رح آكل ومن هالحكي .. وهاد يعني إنو هو يبادلني هالشي لأن انا غيرت عاداتي كرمالو بالتالي مع إني مو مضطرة. وبخصوص يلي بيصوم مو كرمال البشرية فأكيد مو كل الناس متلك يا لوتس..فلا تتورطي وتحكي عنن كلن ممكن يخذلوكي ببساطة

بفهم انو ماعندك حل وسط يا طئوووو يا اما كسور مخووو شي ؟؟

بصراحة ليش الكزب..وحدة من عيوبي إني متطرفة شوي بأموري أحياناً.

اي ما ئلتيلي انو حبيتي الروز ولا هيك تمضايه وئت ليس الاا

حتى تمضاية الوئت ما بتكون مع مين ما كان
لو ما حبيتو ما كنت موجودة لهلئ حياتو

يلااااا ناطرتك يا جميل

أنا خبرتك بخصوص الكهربا لذلك لا تعتبي ع تأخيري كتير

[السندريللا]

مساء الحرف الجريء

قرأت اجاباتك الجميلة ولمست فيها الحنكة بالحفاظ على ما لا تريدين الإفصاح عنه
وبالتالي ادركتُ ان عطر الياسمين الخاص في زجاجةٍ مُحكمة الاغلاق
خلف حصنٍ يصعب اختراقه ..لذا آثرتُ ان تكون استفهاماتي بعيدة عن خاصّيتكِ الخاصة .

1- للأحلام نصيبٌ في فكر العقلاء ....ما هي طموحاتكِ الشخصية وهدفكِ في هذه الحياة ؟
2- مجلة / صحيفة ...وقعت بين يديكِ ،،ما هي الصفحة التي تأخذكِ اليها تلقائياً ؟
3- ايّ من التالي بنظركِ يُعتبر الأداة الاقسى والأكثر جرحاً :
الكلمة
الرصاصة
اللامبالاة
4- اين انتي من الشعر والخواطر ؟
5- في ايّ الميادين تجدين نفسكِ ؟؟
6- موقف يُعجزكِ ، تفضّلين الصمت امامه ؟
7- رأيكِ بمقولة غسان كنفاني : [ الإنسان قضية ] ..!
8 - برأيكِ ايهما الاجمل : [ انتي ام صورتكِ ]...[ واقعكِ او خيالكِ ] ؟!
.
.
مودّتي

[gaya]

مساء الحرف الجريء

مساء الذكاء الكامن

1- للأحلام نصيبٌ في فكر

العقلاء

....ما هي

طموحاتكِ الشخصية وهدفكِ في هذه الحياة ؟

حلمي الأول: الاستقرار بعيداً .
حلمي الثاني:تأليف سلسة كتب تقدم الفائدة بطريقة مسلية..ليتمكن الناس من غير القراء استساغة المضمون
الحلم الثالث:وتنفيذه على المدى البعيد . طفل ذكي كبير عبقري ..
بغض النظر عن جنسه.

أحلامي خارج نطاقي الشخصي: مشروع تعقيم لكل من يحملون جينات الجهل والغباء .

2- مجلة / صحيفة ...وقعت بين يديكِ ،،ما هي

الصفحة التي تأخذكِ اليها تلقائياً ؟

أنا أفكر

3- ايّ من التالي بنظركِ يُعتبر

الأداة الاقسى والأكثر جرحاً :
الكلمة
الرصاصة

اللامبالاة

اذا التصرف صادر عني
فسأختار الرصاصة ولكن المعنوية فأنهي الشخص من حيّز تفكيري تماماً


اذا التصرف صادر عن شخص ليؤذيني..فأنصحه باستخدام رصاصة أيضاً ولكن فعلية..
فالكلمة لن أراها واللامبالاة سأبادلها بالمثل.

4- اين

انتي

من

الشعر والخواطر ؟

قريبة بما يكفي..

5- في ايّ

الميادين تجدين نفسكِ ؟؟

ميدان الحرب بعض الأحيان.والنتيجة مرضية أغلب الأحيان

6- موقف يُعجزكِ ، تفضّلين

الصمت امامه ؟

عندما أرى الخطأ أو الظلم ولا أملك حق التدخل.

7-

رأيكِ

بمقولة

غسان كنفاني : [ الإنسان قضية ] ..!

كل القضية ....

8 - برأيكِ ايهما

الاجمل : [ انتي ام صورتكِ ]...[ واقعكِ او خيالكِ ] ؟!

كلّ ما فيّ لي ....

مودّتي

وأجمل منها

[r_mido]

احم احم ...
الله ستر وما راح علي الموضوع لانو ناطر الئطك بهيك موقف
ع فكرة , مش أزى ... بس شخصيتك مثيرة للفضول والإعجاب بآن واحد .. أو يعني فيكي تئولي انا هيك بشوفا (وأنفي لا يخطأ أبداً)
فلعل وعسى ائدر آخد منك حئ هون ..... او حتى باطل مو مشكلة
شو ما أخدت منك بعتبرو مكسب

وع فكرة ما تخافي اسئلتي مش صعبة هفيفة نضيفة وسطحية ومافيها فزلكة أبداً "حطيلي خطين حمر تحت كلمة مافيها فزلكة " ..

منبدى ~

/
\
//
\

• اول شي ئولي والله انو اسمك ياسمين !!
• ئريت انو حضرتك ما بتصومي , لك يابنت ما بتخافي من الحساب ؟
• كمان ئريت انو انتي بتحترمي شعور الصايم وما بتشربي وبتاكلي ئدامو ... هلأ بمفهومك هاد هو احترام شعور الصايم ؟؟
• سألوني مرة انو ليش ما بتتجوز لهلأ ... ئلتلون برأيي انو الاجانب دائما افهم من العرب , والاجنبي ما بيتجوز ئبل 30 ... رأيك وليش لهلأ ما تأهلتي ؟
• ع سيرة الجواز , ياترى بتتجوزي اللي بتحبي , ولا بتحبي اللي بتتجوزيه ؟؟
• ممكن تتنازلي عن أي مبدأ بحياتك مشان رجل ؟
• لو ئلتلك ئومي نطلع مظاهرة (اجتماعية هه مش سياسية هههه ) شو بتهتفي ؟؟
• أكبر لحظة ضعف ؟
• أكتر موقف بتكوني فيو ئوية ؟
• بتاخدي من ماماتك نموزج بحياتك ؟
• لو عملتي عزيمة ل 25 شخص , وطلع عندك 50 صحن و 25 كاسة ... شو الخسائر في حال جليتيهم ؟
• ماشية بالشارع وشفتي شب مدعبل احول نص سنانو مهرهرة اصلع اكتع , تمسخرتي عليه وسمعك واجى عاتبك ... ردة فعلك وموقفك ؟؟
• شي بتندمي عليه , شي بتفتخري فيو , شي بتفرحي فيو , شي بتزعلي عليه , شي بتخافي منو ؟
• فاصل ..... ئريتلك رد عن الرشوة .......................... ما سدئت
• عبري عن نفسك بكلمة من 3 حروف ؟
• رأيك بالزواج المدني ؟
• أكتر شي بيلفت نظرك بالشب ؟
• كم مرة أكلتي أتلة بحياتك ؟
• شو وضعك مع المصاري ؟
• السوق أديش آخد من وئتك ؟
• حكيلي عن صفتين مناح فيكي ؟
• عديلي 17 صفة مش منيحة فيكي ؟
• أحلى 3 مواضيع مريتي فيهم بالروز ؟
• اكتر 3 ردود لفتو نظرك ؟
• قسمك المفضل ؟
• المقربين روزياً ؟
• 5 اعضاء , 5 أوصاف الهم ؟
• 5 أعضاء , 5 نصائح الهم ؟
• 5 أعضاء , 5 جمل مفيدة عنهم ؟
• 15 سطر ع الماشي عني (14 ما برضى ) ؟

راسي واجعني كتير فرح اكتفي بهدول , وان لحئت الي رجعة

[ياسمينة الشام]

اجيت بدي اسئلك
طلعو كل الاسئلة الي كتبتهن في منهن بأسئلة ميدو
اخد دورو ودور غيرو تباً

[gaya]

ع فكرة , مش أزى ... بس شخصيتك مثيرة للفضول والإعجاب بآن واحد .. أو يعني فيكي تئولي انا هيك بشوفا (وأنفي لا يخطأ أبداً)


كلك نظر فعلاً.. هههههه من زوئك


اول شي ئولي والله انو اسمك ياسمين !!


والله ههههههههه


ئريت انو حضرتك ما بتصومي , لك يابنت ما بتخافي من الحساب ؟


لأ .. بخاف من العلوم


كمان ئريت انو انتي بتحترمي شعور الصايم وما بتشربي وبتاكلي ئدامو ... هلأ بمفهومك هاد هو احترام شعور الصايم ؟؟


طبعاً . لما تكون علاقتك بالناس الصايمة فقط لما تمر بالطريئ وفي ناس صايمة.


سألوني مرة انو ليش ما بتتجوز لهلأ ... ئلتلون برأيي انو الاجانب دائما افهم من العرب , والاجنبي ما بيتجوز ئبل 30 ... رأيك وليش لهلأ ما تأهلتي ؟


رأيك صحيح .. وما تأهلت لأني غير مؤهلة لحد الآن.


ع سيرة الجواز , ياترى بتتجوزي اللي بتحبي , ولا بتحبي اللي بتتجوزيه ؟؟


لا هي ولا هي .


ممكن تتنازلي عن أي مبدأ بحياتك مشان رجل ؟


ما بيلزمني رجل يضطرني إتنازل عن مبادئي. مفروض عجبتو على ما أنا عليه.


لو ئلتلك ئومي نطلع مظاهرة (اجتماعية هه مش سياسية هههه ) شو بتهتفي ؟؟


يا جاهل ئوم ئوم ...حاجتك تخدير وأفيون


أكبر لحظة ضعف ؟


لمدة ربع ساعة .. لما ماتت ماما


أكتر موقف بتكوني فيو ئوية ؟


ما في موقف معين


بتاخدي من ماماتك نموزج بحياتك ؟


نموذج مميز إي .. بس ما بوئف عندو لحالو وأكيد هي هيك بدا.


لو عملتي عزيمة ل 25 شخص , وطلع عندك 50 صحن و 25 كاسة ... شو الخسائر في حال جليتيهم ؟


المنطق بيئول نص كمية سائل الجلي الموجودة وشوية عصبية.
بس بالنسبة إلي ممكن تكون الخسائر ال50 صحن وال 25 كاسة هههههه
دقت ساعة الجد: غالباً المعزومين ح يكونو رفئاتي وطبعاً ما في مجال ما نتعاون..وإلا ما بيكونو رفئاتي.
وغالباً تكون الخسائر مادية وإعزمن لبرا وخلصنا.


ماشية بالشارع وشفتي شب مدعبل احول نص سنانو مهرهرة اصلع اكتع , تمسخرتي عليه وسمعك واجى عاتبك ... ردة فعلك وموقفك ؟؟


فيك تئول ما بنتبه ع تفاصيل الناس بالشارع.وكتير ناس بيزعلو مني إني مرئت وما سلمت هههههه


شي بتندمي عليه , شي بتفتخري فيو , شي بتفرحي فيو , شي بتزعلي عليه , شي بتخافي منو ؟


إني ما سفرت لما كان كل شي جاهز إدامي.
بفتخر بعئلي..
بفرح بأي حدا ما بيعادي حدا تمسكاً بفكرة+ الميوزك
بزعل ع الأجيال يلي ما بيتفكر فيها من أبل سنين
بخاف من التطرف والئتل بإسم الله.


عبري عن نفسك بكلمة من 3 حروف ؟
أنا


رأيك بالزواج المدني ؟
مع وبشدة


أكتر شي بيلفت نظرك بالشب ؟
ولا شي لحتى ينطئ ويورجيني الدرر هههههه


كم مرة أكلتي أتلة بحياتك ؟
أكلت كف واحد بحياتي ..لأني كزبت.


شو وضعك مع المصاري ؟
إطمئنان - ضرورة


السوق أديش آخد من وئتك ؟


بحب السوء..بس ضابطة حالي هههه


حكيلي عن صفتين مناح فيكي ؟
حرة _ صديقة


عديلي 17 صفة مش منيحة فيكي ؟
ما بفيئ للضرورة.
لما إكتئب بصير عدوانية شوي.
عنيدة. مع إنها مو دايماً سيئة لأن العند كمان بيخليك توصل لمبتغاك.


يلا حاجتك.


أحلى 3 مواضيع مريتي فيهم بالروز ؟


ممارسات الأم العربية في المقاعد الأمامية
دبابيس
سهرة رمضان

بالعموم ما في شي مميز كتير.والمميز بالنسبة إلي كل ما يتسم بالجرأة.


اكتر 3 ردود لفتو نظرك ؟


ما رح إئلب المنتدى ع 3 ردود
بالعموم كانت ردود chris
وردودك تتسم بالذكاء إزا كانت جدية وحتى لما بتكون هزلية وبتعرف إيمتى ترد هيك وترد هيك.
ردود سوما وئت اللعب بتعجبني كتير بس بالمواضيع الجدية لازما إطلاع
ردود السندريلا بتطالعني من جو أي موضوع بحسا عم تئلي ريلاكس.
ردود ترف بتحولني..أحياناً بحسا مثقفة من الطراز الرفيع وأحياناً بحسا مو مشكلة الرد يلي بدا تحطو.


قسمك المفضل ؟
ممكن بالطرائف توصل فكرتك..مانا عبرة


مقربين روزياً ؟
عم يتقربوا .. وكلن حلوين


5 اعضاء , 5 أوصاف الهم ؟
سوما-وفيّة
Black angel-chris
سلمى & ربان البحار-قيس وليلى
روح الحياة-عاطفي
r-mido-ذكي


5 أعضاء , 5 نصائح الهم ؟
سوما- فرق بين القوة والتخبّط..أخاف عليكِ تشتت الهوية.
السندريلا- ليدي معقمة..تلوث الحياة قد يصيبك بحمى الصدمة. كوني بخير.
زهرة اللوتس-إنتبهي لتنفّسك لمرة واحدة في اليوم..أشعري بأنتِ.
ترف-شخصيتك متنوعة وتتسم بالليونة..تحتاجين للحنكة في التعامل معها.وتحديد ملامحها.
r-mido-كن من أنتَ حيثُ تكون . أخاف عليك إزدواجية المعايير.


5 أعضاء , 5 جمل مفيدة عنهم ؟
رندا-إزا حتجتا بتلائيها ( جدعة ) ع ئولة المصريين
ياسمينة سهر-قوة مشبعة بالأنوثة .
ربان البحار-ح يكون أب جميل ومضحي.
r-mido - يشعرك بأنه مصدر قوة وأمان..رجل يعتمد عليه.
زهرة اللوتس - فيها تمنح عاطفة الأم البدائية ( الحقيقية + العنيفة )
سوما - بياض التلج بكل شي.


15 سطر ع الماشي عني (14 ما برضى ) ؟


أول سطر من هال15 بئلك في ..... ع فكرة خلص السطر الأول.
بكزب إزا بئول عندي شي ينحكى عنك ب 15 سطر وهي خلص السطر التاني.
أكتر شي عجبني فيك إنك حدا بيحط النئط ع الحروف وما بيحب الغلط
واضح بشكل يريح المقابل .وبتداري مشاعر يلي بيهموك.
جواتك أشياء أهم من الظاهر للعيان.وحساسيتك عالية بعكس ما بتحاول تظهر.
أذن موسيقية لا يستهان بها.
بشوفك حدا ذكي كتير وما حدا استغل هالذكاء إلا بالطرق المعتادة
ف بطبيعة الحال تحولت للحدا الحربوء يلي بيعرف يجيب مصاري
ويتعامل مع السوء بدهاء ومع الناس باستخفاف.


وان لحئت الي رجعة.


اعتبرنا المعبر ولا ترجع . عم امزح بتنور

[gaya]

اجيت بدي اسئلك
طلعو كل الاسئلة الي كتبتهن في منهن بأسئلة ميدو
اخد دورو ودور غيرو تباً

ليش أصرتي إنت ع أساس؟؟ هههههههه

بسيطة حياتو المهم توجه السؤال يلي بدك جوابو .

[♪♪زهرة اللوتس♪♪]

زهرة اللوتس-إنتبهي لتنفّسك لمرة واحدة في اليوم..أشعري بأنتِ.


صباحوووو ياسيمينوووو
حبيت نصيحتك بس بصراحه مافهمتا منيح ممكن توضحيلي ئصدك ههههه
تانيا انو شكلي يعني بصلح كون ام ولا مافكر بها الئصه ...

[gaya]

زهرة اللوتس-إنتبهي لتنفّسك لمرة واحدة في اليوم..أشعري بأنتِ.


صباحوووو ياسيمينوووو
حبيت نصيحتك بس بصراحه مافهمتا منيح ممكن توضحيلي ئصدك ههههه
تانيا انو شكلي يعني بصلح كون ام ولا مافكر بها الئصه ...

صباحك يا حياتي..

أصدي إنك معطاءة لدرجة بتنسي حالك .. حبي حالك أكتر ببساطة.

الأمومة(البدائية) مو بس لطفلك..أحياناً لأي حدا محتاجا منك..وإنت أدرانة توهبيها فعلاً.

[♪♪زهرة اللوتس♪♪]

صباحك يا حياتي..

أصدي إنك معطاءة لدرجة بتنسي حالك .. حبي حالك أكتر ببساطة.

الأمومة(البدائية) مو بس لطفلك..أحياناً لأي حدا محتاجا منك..وإنت أدرانة توهبيها فعلاً.

اي والله عم بنسا حالي واحيانا بوصل لمرحلة والله بفكر ميه مرة انو طب وبعدين
كلك زوئ ياسمين والله ومتابعين معك اذا حدا بيحب يسئل لسا مافي مانع موووو

[gaya]

اي والله عم بنسا حالي واحيانا بوصل لمرحلة والله بفكر ميه مرة انو طب وبعدين
كلك زوئ ياسمين والله ومتابعين معك اذا حدا بيحب يسئل لسا مافي مانع موووو

مو


حدا محرضك؟؟ حكيلي ما بحكي لحدا