>> سهرة رمضان السادسة ][ فصولكم الناقصة ..!

[تَـرَفْ ~]

المصيبة انو عيلة ماما عائلين وعيلة بابا عائلين ما بعرف شو الترتيب هههههههه
وأخوي بعدو بحبني وما بعرف كيف

معناها أنتا الولد يلي لقوك قدام باب البيت
و أخوك الله من عندو ألهمو الصبر هههههه

[تَـرَفْ ~]

اول شي يسعد مساكن جميعا
شكرا ترف للسهرة اللطيفة والموضوع الخفيف واختيارك موفق عزيزتي
هو موقف بيحضرني هلأ وما بنساه كان صغار في الصف الاول الابتدائي
وكنا صف مشاغب شوي اولاد وبنات المشكلة ان الانسة ياللي كانت عم بتدرسنا
عصيبة وايدها فرطة شوي اسهل شي ضرب الطيارات غير العصاية
عندها قناعة ان العصى من الجنة ونحن كمان ما قصرنا فيها المهم
كان عنا انتين من الاولاد اشقيا كتير قرروا ينتقمو او يعملوا فيها مقلب مع ان
كنا صغار لكن صار في دافع مشترك نعمل في الانسة شي مقلب نضحك عليه سنة لقدام
اتفقوا ان يجيبوا سلة المهملات ويعبوها عالاخير ويرفعوها عالباب من فوق لأن الباب
كان اله حافة بسيطة ممكن تمسك السلة لو ثبتوا الباب منيح المهم مهمتي
كانت جمع الزبالة من طلاب الصف بالسلة لحد ما تمتلي عالأخير بالرغم من انه كنت عريفة الصف
بس الكل كنا ما بنحبا الله يسامحها وكان مهمة محمد الطويل هي الوقوف على البنك وتعليق السلة وحسين
وموسى تبيت الباب ربع مفتوح بحجر والوقوف وراه لحتى تبقى السلة مثبتى بقى اللي نفذنا كان المخطط
ان لما تفتح الباب السلة تقع قدامها تقوم تخاف ..يعي ما توقعنا اضرار جسيمة بس هي نصيبا بقى ان السلة
لبست راسها تمام هههههههههه ما بنسى الشرر ياللي عم يتطاير من عيونها وقت اللي نزعت السلة والزبالة عذرا
بقت مغطية كتافها وانتزعت تيابها وشكلها سمعنا صوت الأكتر توحشا على الاطلاق والاعلى بحياتنا جمدنا
من الخوف وبلش بعدها الضرب والتحقيق في المخططين والمنفذين والصف كله كل واحد من الخوف يألف قصة شكل
المهم بقينا بالعذاب لآخر السنة بس ما وقفنا عن مقالبنا فيها والمشاغبة اكتر ههههههههههههههه وهيدا كان اكتر
موقف علق بذهني مع اننا تعاقبنا وانجروا اهالينا للمديرة لكن كانت براءة اطفال ورد فعل للتعنيف وفشة خلق من يالي كنا عم نشوفه
وللمفارقة هي الانسة اتزوجت وسكنت قريب من بيتي بالحي المجاور وبرغم هيك لو شفتها بمكان بحول الطريق
مو كل انسان بيقدر يكون معلم او قدوة ولازم ياللي بيتولى مهمة تدريس اطفال يكون عنده فكر ويأسس عقول مو مجرد
مهنة يكسب منا مصاري وبس مو مهم شو سلوكه ولا كيف بيتصرف مع اطفال بعمر الزهور.

آسفة للاطالة هو فصل ناقص بعرف وما كان لازم نعمل هيك بس كنا اطفال ومظلومين معها كتير.

هههههههه مافي أحلى من الأكشن
حبيت الفصل كتير , بس نحنا كنا نحط مساحة اللوح يعني مو سلة زبالة أنتو تخنتوها
نورتي أختي سلمى و إذا خطر على بالك أي فصل تاني إبقي اطربينا فيه

[ياسمينة الشام]

مرة بالمدرسة كنت انا ورفقاتي نجي كتير بكير
فا رحنا ع الصف وجبت معي كبريت طبعاً وشعلنا الصوبيا
وشلنا البوري تبعها يعني صارت دخنتها على قلب الصف
وسكرنا الباب والشبابيك وطلعنا عادي غ تحية العلم
لبين ما طلعو باقي الطلاب ووصلت الآنسة كان الصف اتحول لفحمة ههههههه
و يومها قصينا النهار كلو بالباحة لأنو صفنا بدو تعزيل
كان غير شكل هداك اليوم

[Yasmin]

اول الشي انو فكرة كتير حلوة وحبيت كتير
اممم عموما انا امي بتقلي لما كنت صغيرة
انو كتير كنت هادية
حتى ما كنت عزبها كتير

بس اكتر موقف بيضحك بتزكرو
كنت صغيرة
وكنا انا واخي الصغير وامي وابي بالاردن
كانو امي وابي واقفين عم يصلو
رحت مسكت اخي الصغير ودحشتو بالبراد ما بعرف الخزانة
هههههههه المهم بيوما ماما صرخت عليه واكلنا كف
بس هالموقف ما بنساه ابدا

ويسعد مساكي بالاخير

[السندريللا]

فكرة حلوة ترف ...
بصراحة حابة شارككم بس ما عندي ولا ئصة عليها الئيمة لان معروف عني كتير عائلة من صغري
فيه هيك نهفات صغيرة كنا نعملها انا ورفقاتي وبنت خالي لما نكون بشي رحلة خارج المدينة واكتر شي بالليل
انو نترك الوحدة لتنام نربطلها رجليها برجلين وحدة تانية
او نكتبلها ع وجها بالروج ... او نلهيها ونحطلها ملح بالعصير
اما بالبيت فما فيه شي بينذكر .وبالمدرسة كنت نظامية

[تَـرَفْ ~]

مرة بالمدرسة كنت انا ورفقاتي نجي كتير بكير
فا رحنا ع الصف وجبت معي كبريت طبعاً وشعلنا الصوبيا
وشلنا البوري تبعها يعني صارت دخنتها على قلب الصف
وسكرنا الباب والشبابيك وطلعنا عادي غ تحية العلم
لبين ما طلعو باقي الطلاب ووصلت الآنسة كان الصف اتحول لفحمة ههههههه
و يومها قصينا النهار كلو بالباحة لأنو صفنا بدو تعزيل
كان غير شكل هداك اليوم

لا حول ولا قوة إلا بالله !!
الشيطان بياخد منك دروس إنتي ورفقاتك ههههه
الحمدلله خلصتي مدرسة على خير

[تَـرَفْ ~]

اول الشي انو فكرة كتير حلوة وحبيت كتير
اممم عموما انا امي بتقلي لما كنت صغيرة
انو كتير كنت هادية
حتى ما كنت عزبها كتير

بس اكتر موقف بيضحك بتزكرو
كنت صغيرة
وكنا انا واخي الصغير وامي وابي بالاردن
كانو امي وابي واقفين عم يصلو
رحت مسكت اخي الصغير ودحشتو بالبراد ما بعرف الخزانة
هههههههه المهم بيوما ماما صرخت عليه واكلنا كف
بس هالموقف ما بنساه ابدا

ويسعد مساكي بالاخير

ماشالله حولك وحول هداوتك
لكن حطيتي اخوكي بالبراد !!
ولك بالبراد !!
هههههه شو هالغيرة المواتية هي !!
بنوووب ما كنتي تعزبي

[تَـرَفْ ~]

فكرة حلوة ترف ...
بصراحة حابة شارككم بس ما عندي ولا ئصة عليها الئيمة لان معروف عني كتير عائلة من صغري
فيه هيك نهفات صغيرة كنا نعملها انا ورفقاتي وبنت خالي لما نكون بشي رحلة خارج المدينة واكتر شي بالليل
انو نترك الوحدة لتنام نربطلها رجليها برجلين وحدة تانية
او نكتبلها ع وجها بالروج ... او نلهيها ونحطلها ملح بالعصير
اما بالبيت فما فيه شي بينذكر .وبالمدرسة كنت نظامية

الكل اجى وحكالي انه مافيه متل برائتو وبعدين طلعت الفصول .. ههههه
نورتيني السندريلا الحبابة الطيبة الي ما بتعزب

[نور روز]

ههههههههه شو اجا على بالك هيك سهرة ...والله بدها صفنة وكاسة شاي

[تَـرَفْ ~]

ههههههههه شو اجا على بالك هيك سهرة ...والله بدها صفنة وكاسة شاي

وهي صفنة وكاسة شاي
و إذا على بالك سيجارة بعطيكي ههههه
بإنتظارك نور حمص

[ياسمينة الشام]

انو صحيح ترف
وين فصولك النائصة إنتي ؟؟
ههههههههههه

[تَـرَفْ ~]

انو صحيح ترف
وين فصولك النائصة إنتي ؟؟
ههههههههههه

لا أنا مو شغل فصول ناقصة
أنا كنت دائماً و أبداً الملاك البريئ ومازلت

[سلمى]

لا أنا مو شغل فصول ناقصة
أنا كنت دائماً و أبداً الملاك البريئ ومازلت

ههههههههههههههه انو م في حدا ما عندو فصول ناقصة ترف عيوني كلنا فردنا فصولنا الناقصة عالطاولة
اطلعي بفصولك واكيد كتيرة كمان ههههههههههههههههه تسلمي حبيبتي على الموضوع الرائع بجد
ضحكت من قلبي على فصولنا الناقصة كلنا حبيت صبح عليك وقلك يعطيكي العافية للسهرة الممتعة هي.

[Randah]

شيلينا من الرد السابق لانو لايمت للواقع بصلة وأي تشابه بينه وبين الواقع هو أقرب للخيال

المصيبة انو ما عارف من وين بدي ابلش ههههههه
خليني ابدى بمرحلة الطفولة الاولى :~
بما اني الصغير بالعيلة فالطبيعي انو الي رزاية عن الكل لهيك انجلئت بصغري ههههه اضافة لجينات الشياطين اللي كانت بدمي " هيك بئولو اهلي "
فعلى سبيل المثال لا الحصر , اخوي الكبير كان رسام وعندو مرسم بالبيت وانا اكتر فرد بالعيلة الو مونة عليه , ع الغدا بخلوني انا اروح اناديلو فأروح الزء جنبو واضل انئ عليه ليئوم .. اتركو ليروح وابلش اكبلو الالوان المائية فوء اللوحة ياما مخربلو لوحات خخخخ المصيبة انو بعدو لهلأ بحبني ههههههه

يا مسكين و عم تئول ما لك سئلة أبدا أبدااااااااااااااا

[Randah]

أنا ما شاء الله حولي و حوالي ,,,
كنت كتير عائلة و راكزة من زغري و لهلئ