~~ بـــــرنامـــ♥ـــج ســ♥ــــاعه الا خمـــ♥ـــس~~مع ‏ربان البحار

[ربان البحار]

صباح الخير ~
صباح النور


_ شو هواياتك المفضلة ؟
هههههه اللعب وقت الفراغ
الرياضة بشكل عام

_ شو جابك لعنا ؟ هههه يعني أهلاً وسهلا بس كيف اتعرفت ع الروز ؟
الطريق جابني هههه وانا راكب السيارة الشوفور حط اغنية : بسك تيجي حارتنا هههه
قمت جيت ..انا الروز بعرفه من زمان حبيت ها المرة اسجل فيه
اهلا بيكي سوما

_ عايش لحالك بتركيا .. يعني أنتا بتطبخ لحالك ؟ و إذا أي شو الأكلات الي بتعرف تعملها ؟
اي انا لوحدي بتركيا
وقليل اطبخ لاني مابعرف اطبخ
ولا اكلة

_ مبدأك بهالحياة ؟
دع الأيام تفعل ماتشاء وطب نفساً إذا حكم القضاء


_ شو بتعمل بأوقات فراغك ؟
بالنت كتير بهي الايام
بالتفتيش عن عمل
بروح نادي للشطرنج في المدينة المقيم فيها

_ تعلمت تحكي تركي ولا لسه ؟ هههههه
اكيد تعلمت ..بس مو كتير

_ شو بتعمل بتركي لما ما تكون عم تدور ع شغل ؟؟
ما افهمت السؤال منيح
بتركي ؟.
ام بتركيا ..مافي شي محدد

بكفي هدول هلأ لأرجع المسا انشالله بكمل هههههه

هههههه اهلا وسهلاسوما

[ربان البحار]

منور البرنامج أخي ربان البحار
بس أنا راح إكتفي بالمتابعة

شكرا الغالية ترف ..النور نوركم
هيك زعلتيني ..ليه متابعة
اهلا وسهلا اختي الكريمة
بالمتابعة والاسئلة

شكرا ترف

[ربان البحار]

ميه هلا فيك اخ جمال
وبحلب وبكل اهل حلب
ربي يهدي الاحوال ويرجع كلشي متل اول واحسن
اكيد راجعه بشويه اسئله

اهلا وسهلا زهرة

بكم وباهل سوريا اهلي وخلاني

بانتظارك

[ربان البحار]

اليوم ضيفنا طيف تلألأ ضياءه فى سماء منتدانا
قلم مضىء قلم هادف
فى كل الاقسام له بصمة..بمواضيعه ومشاركاته
شعلة من النشاط والحيوية في المنتدى
ضيفنا
ربان البحار اهلا بك

اهلا وسهلا سوريا عشقي
وشكرا كتير لترحيبك اللطيف الرائع

ببدأ أسئلتي معك



وضعك العائلي و حياتك الاجتماعية
هواياتك و اهتماماتك
اعزب_ حاليا لوحدي _ اسرتي مؤلفة من اربع اشخاص
انا واخي الاصغر وبنات اثنتين
هواياتي الرياضة والرسم والشطرنج
اهتماماتي في مجال الكهرباء بشكل خاص
وبقية العلوم الانسانية بشكل عام
بحب المعرفة والاطلاع

شخصيتك ( عصبي ، رومانسي ؟
عصبي بس جدا هادىءبالبداية
الرومانسية في كل انسان ..بالفطرة
بس ظهورها بشكل عفوي بيعبر عن روعتها


ــ من هو مثلك الاعلى ؟
الرسول الاكرم : محمد صلى الله عليه وسلم

ــ ماهي حكمتك بالحياة ؟
دع الأيام تفعل ماتشاء وطب نفساً إذا حكم القضاء


ــ ماهو رأيك بالحب ؟
هو الحياة


ــ مــاهــو الشــئ الذي ندمــت علــى عمـلــــه؟!؟
اني بدراسة الجدوى الاقتصادية لمشروعي الصناعي الصغير
كان فيه بعض الثغرات ناقصة مو مكتملة
وكان فيه تسرع بالخطوة ..كنت مندفع شوي
المفروض كنت اجل المشروع لوقت لاحق ..عامل الزمن مش دقيق
ولكن .. قدر الله وبما شاء فعل
الحمد لله على كل شيء



ــ آخـــر شخـــص تتـــذكــــره قبـــل أن تنـــــام ؟
هههه بدي اقول هي حبيبتي ( سلمى )

ــ حمـامة زاجـــل حاملـــة رســالة لـك من من تتمنـى ان تكــون؟؟
دايما من حبيبتي ( سلمى)

ــ شخـــص لطــالما حـــلمـــت بــــه؟!؟
والدي

ــ حلم لا تستطيـــع تحقيقه؟!؟
مو بذهني شي معين

ــ كلمة تود سماعها كل يوم؟!؟
كلمة حبيبي ..من امي ومنها ههههه بقصد سلمى


ـــ ما الذي يلفت انتباهك بسرعة في الشخص لكي تعجب به؟؟
نظرة عيونه لو في الواقع
وبالافتراضي ..كلمته

عزيزي وفقك الله
ربما لي عودة الى هذه الصفحات
اذا خطرت لي أسئلة جديدة
تحياتي

شكرا سوريا عشقي
وفقك الله انت
وتحياتي الك وللروز كله

[gaya]

كيفك يا ربان ..

[ربان البحار]

كيفك يا ربان ..

ماني منيح بعد ما شفت مشاركتك

قديشك بخيلة ..بس هدول ههههههههه

دخلك شو عرفك اني بحب ها الطريقة.!

يا ريت ترسلي البقية الباقية

بس انتبهي منيح : لا تغلطي وترسلي شي بينكشف امرنا ..ههههه

اهلين جايا

ولا يزال الجنان مستمر ههههههههههههه

[gaya]

[gaya]

ربان

[r_mido]

مشالله ما حدا مئصر معك

بتعتبر نفسك من الناجحين مهنياً ؟
نصايح من تجربتك لأي مبتدئ حاطط رجلو بأول الطريئ ؟
مشروعك بعدو قائم ولا خلص طويت صفحتو ؟
خطتك البديلة بعد اللي صار بحلب ؟
ايمتا ناوي تتأهل وتكمل دينك ؟

[ربان البحار]

ربان

ههههههه شكرا جايا

اهلا وسهلا

[ربان البحار]

ما شاء الله ما حد مقصر معك
ههههه الله يكتر المحبين
الحمد لله رب العالمين

بتعتبر نفسك من الناجحين مهنياً ؟
انا والحمد لله بعتبر حالي متقدم جدا باختصاصي
كمهندس كهرباء.
ومزاولة المهنة كمهندس كهربائي سواءا لما فتحت مكتب هندسي في حي الجميلية بحلب
واغلاق المكتب بعد مزاولة العمل في شركة الخيوط ومن ثم مع الوالد في اعماله
كنت ممتاز ومتقدم وصاحب خبرة جيدة على المستوى الصناعي بحلب وشوية صغيرة بدمشق
اما كتجربتي الخاصة لوحدي في صناعة النسيج ( بقصد معمل صغير)
كانت وبسبب الظروف الحالية .بعتبرها غير مكتملة الى الان ..الا اذا عادت الامور لماكانت عليه سابقا.

نصايح من تجربتك لأي مبتدئ حاطط رجلو بأول الطريئ ؟
اولا: التوكل على الله وانطلق
ثانيا :دراسة اي مشروع من كل النواحي
لو كان انتاجي : دراسة المنتج ( مواد اولية - الاسواق- المنافسات من قبل الشركات الاخرى)
دراسة الجدوى الاقتصادية : العرض الفني- العرض المالي .
المدة الزمنية للمباشرة في التاسيس والتركيب والتشغيل .
في مثل بيقلي اياه الوالد : اللي ما اله كبير ..يوجداله كبير
دايما راجع الاسبق واعكسه واسقطه على الحاضر بغض النظر على التطورات والامكانيات ( المغزى والفائدة المرجوة منه)
وطور وحدث الحاضر باي شيء يتناسب مع هدفك لاي خطوة
لا تخاف ولا تبالي خليك قوي واتقدم بس بخطوات مدروسة بشكل كامل
والباقي على رب العالمين



مشروعك بعدو قائم ولا خلص طويت صفحتو ؟
المشروع كهدف قائم ولا تزال الفكرة في صميم هدفي المقبل والمشروع كمصنع صغير ..كبناء قائم
اما الالات ما بعرف شو اللي صاير فيهم بس تخميني اتكبر عليهم او بالشعبي( اتشولو)
هيك اللغة الجديدة للسرقات ..
ما شاء الله فصلوا دين جديد على مقاسهم : الحرام بيكبروا عليه فبيصبح حلال.. ونعم الدين الجديد والله

خطتك البديلة بعد اللي صار بحلب ؟
والله اخي بحاول حاليا اخفف من المصروف المترتب علي هون ..بصراحة تقيل شوي
لهيك اعملت مراسلات لاكتر من شركة كعمل وظيفي ومزاولة مهنتي كمهندس كهرباء
ومن يومين سافرت انقرة من مدينتي ( سمسون) واعملت مقابلة لشركة معدات صناعية
بدهم مهندس تركيب لوحات كهربائية للمجموعات وبرمجة الكود ماشين في مجموعاتهم
وان شاء الله بيكون خير
اما ما بعد الانتهاء من الازمة ان شاء الله .تاكيدا بلدي اولا ومشروعي ان شاء الله الى التشغيل
وتعويض كل اللي راح .باذن الله

ايمتا ناوي تتأهل وتكمل دينك ؟
ان شاء الله فور عودتي لسوريا بعد انتهاء الازمة ان شاء الله
ولو استمرت اكتر من هيك لا سمح الله
ممكن اسويها بالاتفاق مع كل الاطراف

شكرا ميدو واهلا وسهلا فيك
اخيك ربان البحار

[gaya]

ههههههه شكرا جايا

اهلا وسهلا

بالمناسبة ربان .. هدول الصور بحاجة لأجوبة...يعني أن ما حطيتن هدية ههههه

و خبرتك هالشي برايفت ... فبليز خبرني. لأني حسيت بالإهمال لمشاركتي معك.

[ربان البحار]

بالمناسبة ربان .. هدول الصور بحاجة لأجوبة...يعني أن ما حطيتن هدية ههههه

و خبرتك هالشي برايفت ... فبليز خبرني. لأني حسيت بالإهمال لمشاركتي معك.

لا اهمال ولا شي ..اهلا وسهلا فيكي بكل مكان بالروز

البيت بيتك

بس ما اقدرت الاقي اجوبة مناسبة ..فاعذريني

شكرا جايا