•.★*... إذاعـةُ رَمـضـآنْ الـروزِيـّة ~ r_mido ...*★.•

[Yasmin]

Yasmin

;

عطر الروز , وزمان كانت نهفة الروز
كل البراءة فيكي ياسمين
كمان انتي من اعز الناس اللي مرو بصفحات حياتي

بتمنالك تتنئلي من نجاح لنجاح
وماتشوفي بحياتك غير الفرحة والبسمة

واكيد ما كان في حدا بهالروز
يضحكني ويروح عن قلبي قدك انت
الله يحميك يا رب
وعقبال ما افرح فيك ..
بدوري بهديك غنية
عبد الحليم حافظ / سواح

[r_mido]

*الكلمات الدلالية : بحبش - يوتيوب - نكوش - فرات - بلاد - طوفان -
سوري - عمر أميرلاي.


بتلائي جوابي بعد بداية العرض بـ 7 / د

ياريت ما عطيتيني هالجواب , المصيبة هاد الواقع اللي عايشينو وضاربين طناش ع اساس انو كتير طبيعي

إنت ختمت المشاركة رقم (6) بهي الجملة


_((تبقى البقرة بقرة ,, ويبقى العجل عجلا ))

*هنا محطة ال bbc مارشات عسكرية وقرآن.

بدك عزا تشبعي فيه اللطم

*شيلك مناا... وخبرنا عنك


شكراً ع الغنية الظريفة... رواء

انا بقمة المتعة
ومشان الغنية بفهم من هيك صابت جوليا

[r_mido]

ليش للسمران بس ؟؟
أصلاً أنا أحلى من مايا دياب المحروقة كمان
وتباً لعنصريتك

اذا بدك بنسخ الحديث اللي حكيناه مبارح
اتضبضبي وتركي مايا بحالا ههههههه

بس انتو الصبيان سعادين بالحكومة وبالخاصة

بطلي عنصرية عيب صرتي صبية خخخخ ومشان المدرسة الحكومية اذا بدك كمان عندي محادثاتنا السابقة عنها
اتضبضبي

ولك نحنا جد جد جدي حكمتو نفس العائلة

الأجداد اخدو نصيبون والله يرحمون .. الله يستر ع الاحفاد بس هههههه

نكتك البايخة

تاكلي صرصورة دايخة

بس هاد يلي طلع معك !! لك أنا المتنبي كلفتو يكتب عني قصيدة وصل للبيت رقم مليون ومات وما كملها والله ياخدو ما حكالي وين كتب المليون بيت

خلي المتنبي ينفعك هي اخر رد بخصوصك هع

[r_mido]

واكيد ما كان في حدا بهالروز
يضحكني ويروح عن قلبي قدك انت
الله يحميك يا رب
وعقبال ما افرح فيك ..
بدوري بهديك غنية
عبد الحليم حافظ / سواح

ومازلت
تسلمي يانحيفو , وربي يرد دعواتك عليكي ايضاً

يا مزوئة

[♪♪زهرة اللوتس♪♪]

♪♪زهرة اللوتس♪♪


;

صاحبة الظل الخفيف
وجودك بحياتي كان متل النسمة
انتي كمان من الناس اللي الهم بصمتون بحياتي
وجودك بيمنحني سعادة
وحتى روزياً وجودك الو وزنو
كيف لا وبفترة من الفترات كان وائف من ورا جهودك

بتمنالك من كل ئلبي الفشل الزريع بحياتك وعنوسة ابدية هههههه
اي اي شبنا لا تعصبي وتزوري

أكيد الغاليين مافيني غير اتمنالون السعادة والنجاح

اول باشتان شكرا كتير بتجنن الغنيه يسلمن لدياتك يا حئ
تاني شي والله انت بتعرف معزتك وئيمتك بالنسبه الي
وتالت باشتان الروز حته مني ونجاحو وتقدمو نجاح النا كلنا
وبالنسبه للعنوسه كتير مبسوطه فيها انا هههههه
راجعه لشوف الاذاعه وعلئ عليهااا

[♪♪زهرة اللوتس♪♪]

هلئ بالنسبه للجيم لاء مو صحيح انا كتير مشتركه فيووو وبكل صيف تئريبا وملتزمه فيه وباعتبروو وئت ترفيه مو مشان يلي انت ذاكرووو عنا
تاني شي حبيت تبع النهايات السعيده لانها جدا واقعيه
تالت شي مسشتفيات الحكومه انو لااااااااا تعليق يلي بيحب يجي يشوف المستشفيات برا عنا ويحكم
ورابعا اذاعتك بتجنن وكتير نايس والحمد لله يلي كان دوري ئبلك لانو لو بعدك كنت بدي موت لطالعها متلك واكيد مش حاتزبط
تقبل مروري السريع حجي

[تَـرَفْ ~]

ترف

;

الجديدة ترف
لو ماكنتي شخصية حلوة ماكنا شفناكي اثبتي حالك بالروز خلال هالفترة

وتزكرت شغلة
احلى شي فيكي افطارتك
يلعن ديبك شو بتشط ريالتي عليهم هههههه

امك مرتبطة شي !!؟

تسلم أخي ميدو
هاد من زوئك طبعاً
شكراً لإهداءك حبيتو كتير
و بالنسبة لأمي بصراحة هي بعد ما قبرتو لأبي يعني عم تدور ع عريس جديد
وين بابا يسمعك على هالحكي !
الله يرحمك

[Chris]

اي هيك ها من زمان ابو الميد
فردلنا هالسجادة التبريزي وخلينا نشوف النئشات والكلامنضو

احلى زلمة بتاريخ منتديات الانترنت الموقر (والهيك وهيك)

كلامك لطيف جدا يا مولانا وخصوصا في مايتعلق بنصيحتك على العطاء

وابوس الغراض كلها انا

[r_mido]

اول باشتان شكرا كتير بتجنن الغنيه يسلمن لدياتك يا حئ
تاني شي والله انت بتعرف معزتك وئيمتك بالنسبه الي
وتالت باشتان الروز حته مني ونجاحو وتقدمو نجاح النا كلنا
وبالنسبه للعنوسه كتير مبسوطه فيها انا هههههه
راجعه لشوف الاذاعه وعلئ عليهااا

مية السلامة حجة شرفتي

هلئ بالنسبه للجيم لاء مو صحيح انا كتير مشتركه فيووو وبكل صيف تئريبا وملتزمه فيه وباعتبروو وئت ترفيه مو مشان يلي انت ذاكرووو عنا

ضروري ئلك اللي فيو شوكة بتنخزو

ورابعا اذاعتك بتجنن وكتير نايس والحمد لله يلي كان دوري ئبلك لانو لو بعدك كنت بدي موت لطالعها متلك واكيد مش حاتزبط

هازا لطف منك اختي الفاضلة

تقبل مروري السريع حجي

تئبلتو

[r_mido]

تسلم أخي ميدو
هاد من زوئك طبعاً
شكراً لإهداءك حبيتو كتير
و بالنسبة لأمي بصراحة هي بعد ما قبرتو لأبي يعني عم تدور ع عريس جديد
وين بابا يسمعك على هالحكي !
الله يرحمك

الله يسلمك خيت , منورة
وبطريئك خديلنا موعد من الماما

[r_mido]

اي هيك ها من زمان ابو الميد
فردلنا هالسجادة التبريزي وخلينا نشوف النئشات والكلامنضو

احلى زلمة بتاريخ منتديات الانترنت الموقر (والهيك وهيك)

كلامك لطيف جدا يا مولانا وخصوصا في مايتعلق بنصيحتك على العطاء

وابوس الغراض كلها انا

معناها شلاح من رجلك وفوت هههههههههه
مية السلامة حجي كريس شرفت ونورت وآنست وأسعدني مرورك

[ياسمينة الشام]

يعطيك العافية أبو الميد
صدقاً أمتعنتنا